ممدوح عباس يمنع مرتضى منصور من دخول النادى بالبلطجة

فى مهذلة كبرى من مهازل الانتخابات فى نادى الزمالك قام رئيس نادى الزمالك الحالى ممدوح عباس بمنع المستشار مرتضى منصور من الدخول الى النادى بالعنف والبلطجة رغما عن انف المحكمة

وكات المحكمة قد حكمت للمستشار مرتضى منصور ببطلان قرار الشطب الذى كان قد تعرض له وحقه فى العودة الى النادى وعدم اسقاط عضويته

وتتمثل هذه البلطجة فى تجمع امن النادى وبعض البلطجية من انصار ممدوح عباس امام بوابة النادى ومنعهم للمستشار مرتضى من الدخول للنادى بالضرب والعنف

كما تعرض المستشار مرتضى هو ومن معه للارهاب عن طريق اطلاق الاعيرة النارية مما آثار فذع ورعب الموجودين

كما قام ممدوح عباس بقطع التيار الكهربى عن النادى بمجرد وصول مرتضى منصور الى النادى وقام بتسليط التيار الكهربى على بوابة النادى حتى لا يستطيع الدخول

ومن حسن حظ مرتضى ان التليفزيون كان يصور تلك الواقعة التى نتج عنها اصابة احمد مرتضى منصور ببعض الكدمات فى وجهه

وقام مرتضى بابلاغ السيد زكريا عزمى رئيس ديوان رئيس الجمهورية بما حدث وابلغه بأن يلتزم الصمت وان الرئيس مبارك سوف يعيد له حقه

وفى النهاية هل هذا يحدث فى اى ناد محترم بأن يمنع احد الاعضاء من دخول النادى رغما عن انف قرار المحكمة بهذه الصور الوحشية التى كان من الممكن ان تتسبب فى العديد من الضحايا


شاهد تصريحات مرتضى منصور بعد التعدي عليه ومنعه من دخول الزمالك

يا حول الله يارب
مرتضي منصور رجع بزعابيبه تاني
ايلي قولنا عليه طيب طلع بتاع بلطجيه
بس مرتضي منصور مش هيسكت
يا عيني عليك يا زمالك بعد ما كان خلاص هيفوق
عمو مرتضي رجعلو تاني بمصايبه

طب وهو مرتضى منصور ذنبه ايه يا حسام ماهو ممدوح عباس هو اللى سلط عليه البلطجية وضربوا عليه نار وكمان كهربوله الباب وكمان قطعوا الكهربا عشان ما يعملش الندوة بتاعته يبقى برضوا هو الى غلطان
مرتضى منصور هو افضل من يقود الزمالك فى الوقت الحالى

اه طبعا يا ميدو
بس برضو مرتضي منصور بتاع مشاكل
اي حاجه تحصل بيبقي عاوز يرفع قضيه و خلاص وهو وممدوح عباس هيخربوا الناي
بعد ما كان قرب يتعدل

طب سيبوا مرتضى منصور شوية وشوفوا الانجازات اللى هتحصل
يا جماعة مرتضى منصور قعد على الكرسى 4 شهور فقط وجاب صفقات من الاخر زى عمرو زكى وابراهيم سعيد ومصطفى جعفر
انما ممدوح عباس طلع عنينا عشان يجيب اجوجو بعد ما كان مشى واديك شايف الصفقات اللى فشلت من الزمالك زى احمد حسن واديك شايف برضوا مشكلة هانى سعيد وماحدش يقولى ان الاهلى السبب الرئيسى لان هانى سعيد مضى للزمالك وهو مش مقتنع وكان نفسه الاهلى يكلمه لان ادارة الزمالك الحالية ادارة فاشلة لانه لو كان ماضى عن اقتناع كان رفض عرض الاهلى

بصراحه الزمالك بمرتضي او بممدوح عباس انا من راى انها مصالح شخصيه والله اعلم

والله حرام عليكم تظلموا الراجل لانه بجد اكفأ من ممدوح عباس واذا بقي ممدوح عباش فهذه بشري للنادي الاهليلان الزمالك سوف يملا بالمشاكل ولن تركز اللاعيبة في التدريبات وصعبان عليا الصفقات الجديدة تتعذب كده وهيندموا انه اتوا لنادي الزمالك