لفات طرح أنيقة

لفات طرح جميله ان شاء الله تعجبكم

لفات طرح أنيقة 070719neody_d_o

أولا: ربطات إسبانش تغطي منطقة الرقبة

دي مجموعة من الربطات الإسبانش للبنات اللي بتحب إنها تلبس إسبانش بس في نفس الوقت بتحب الطرحة تكون مغطية منطقة الرقبة.. وعلى فكرة مجموعة الربطات دي بسيطة جدا وسهلة في التنفيذ بس أنتِ امشي واحدة واحدة زي ما انا بقولك ولو أول مرة ما طلعتش الربطة مضبوطة معاكي جربي تانى وإن شاء الله هتطلع معاكي مضبوطة وزي الفل..

الربطة الأولى

1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك.

لفات طرح أنيقة Kamar_03

2- هتجيبي دبابيس علشان تثبتي الإيشارب في منتصف رأسك... هتجيبي أحد أطراف الإيشارب وتلفيه حوالين رقبتك وتثبتي طرف الإيشارب بدبوس على أحد الأجناب.

لفات طرح أنيقة Kamar_06

ده الشكل النهائي اللي هتلاقيه في النهاية

لفات طرح أنيقة Kamar_02

الربطة التانية

1- هتجيبي إيشارب طويل وتربطيه كويس من الخلف وياريت الربطة دي تكون حوالين كحكة شعرك... هتجيبي الإيشارب التاني وتحطيه من قدام بطريقة مائلة بحيث إن جزء من الإيشارب الأولاني يبان وتربطيه من الخلف..

لفات طرح أنيقة Kamar_09

2- هتلفي أحد أطراف الإيشارب الأول حوالين كحكة شعرك مرة واحدة وتثبتي الطرف ده بالدبابيس كويس وتسيبي الطرف التاني علشان تعملي بيه ضفيرة... هتجيبي أحد أطراف الإيشارب الثاني وتلفيه حوالين رقبتك وتثبتيه بدبوس من على الجنب.

لفات طرح أنيقة Kamar_013

3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..

على فكرة ممكن تبتكري حاجات تانية في اللفة دي زي مثلا إنك تحطي الإيشارب التاني بشكل ثابت على رأسك مش مائل بحيث إن جزء بسيط من الإيشارب الأولاني يبان.

لفات طرح أنيقة Kamar_014

ده الشكل النهائي اللي هتلاقيه في النهاية

لفات طرح أنيقة Kamar_07

الربطة الثالثة

1- هتربطي شعرك بالإيشارب من الخلف.. هتجيبي إيشارب تاني يكون لونه مناسب للون الإيشارب الأولاني وتحطيه في منتصف رأسك وتربطيه هو كمان من الخلف.

2- هتبدئي فى انك تلفى الإيشارب التاني حوالين كحكة شعرك وتثبتي اللفة دي بالدبابيس

3- هتجيبي أطراف الإيشارب الأولاني وتربطيه حوالين رقبتك من الأمام.. على فكرة بالشكل ده ممكن تستغني عن الكوفيه الصوف اللي ممكن تلبسيها في الشتاء.

ده الشكل النهائي اللي هتلاقيه في النهاية

لفات طرح أنيقة Kamar_015

دي كانت مجموعة بسيطة من الربطات الإسبانش اللي تغطي منطقة الرقبة..
وتعالي نشوف مجموعة تانية من الربطات الإسبانش
دي مجموعة تانية من الربطات الإسبانش الجديدة والبسيطة والشيك كمان علشان تدلعي نفسك في العيد على الآخر..

الربطة الأولى

1- هتجيبى بندانة صغيرة
وتربطي بيها شعرك وتجيبي إيشارب طويل وتحطيه في منتصف رأسك بطريقة مائلة أو عادية بس أهم حاجة إن جزء من البندانة يبان... هتربطي الإيشارب على أحد الجوانب وتجيبي أحد أطراف الإيشارب وتحطيه على رأسك

لفات طرح أنيقة Kamar_023

2- هتجيبي دبابيس وتبدئي تثبتي طرف الإيشارب على رأسك بطريقة مائلة.. وتمسكي الطرف الثاني من الإيشارب وتلفيه على الجنب بطريقة فيها كشكشة مثلا أو على شكل وردة وتثبتيه بالدبابيس على جنب.

لفات طرح أنيقة Kamar_025

ده الشكل النهائي اللي هتلاقيه في النهاية

لفات طرح أنيقة Kamar_022

الربطة التانية

1- الربطة دي محتاجة يكون عندك إيشارب كبير جدا زي (الشال) مثلا كل اللي هتعمليه إنك هتلمي شعرك كويس وتعمليه كحكة إلى أسفل... وهتحطي الإيشارب وتربطيه كويس من وراء وتكون الربطة أسفل كحكة الشعر..

لفات طرح أنيقة Kamar_027

2. هتجيبي أحد أطراف الإيشارب إلى الأمام وتحطيه على منطقة الجبين.

لفات طرح أنيقة Kamar_029

3- هتلمي طرف الإيشارب من فوق الكحكة مع عمل كشكشة بسيطة وتثبتيها بدبوس..

لفات طرح أنيقة Kamar_029

ده الشكل النهائي اللي هتلاقيه في النهاية

لفات طرح أنيقة Kamar_026

الربطة الثالثة

1- هتجيبي بندانة وتلمي بيها شعرك.. وبعد كده تجيبي إيشارب تاني وتربطيه أسفل الكحكة.. وتبدئي في برم أطراف الإيشارب مع بعضها وتربطيها من الآخر كويس قوي

2- هتلفي أطراف الإيشارب حوالين الكحكة كذا مرة وممكن تلفيها كلها أو تسيبي منها جزء ينزل على الظهر أو على الكتف بس خدي بالك إنك هتثبتي اللي أنت بتلفيه ده بدبابيس.

ده الشكل النهائي اللي هتلاقيه في النهاية

آتمنى إنها تكون عجبتكم