عدد المساهمات : 1100 تاريخ التسجيل : 10/04/2008 العمر : 45 الموقع : K . S . A - المدينة المنورة رقم العضوية : 1006 Upload Photos :
موضوع: الدليل الشامل لراغبي السفر..... الخميس 26 يونيو - 22:16
هذه مساعدة بسيطة من اخيكم في الله للاخوة راغبي السفر
احب ابتدي بالشهادات والتوثيقات
* طبعا اهم شيء هي شهادة الكلية لكن خلي بالك انك لازم تختم الشهادة من امين الجامعة زمان كان في قنا لاننا تابعين لجماعه جنوب الوادي دلوقتي طبعا معرفش فين سيادتك هتروح جامعه جنوب الوادي المباني الجديدة ( خارج قنا بمسافة قريبة ) هتروح مبنى الادارة هتلاقي موظف مختص بختم امين الجامعه غالبا السعر للشهادة الواحدة 35 جنيه مصري ويمكن زاد حاول تاخد معاك كزا شهادة عشان بالمرة
* طبعا حضرتك بعد ما تروح قنا هتتجه لاي مكتب من مكاتب توثيقات الخارجية المصرية اللي اعرفهم اتنين واحد في اسيوط وسط البنايات السكنية في منطقة الاربعين
الثاني هتروح شارع جامعه الدول وتسال على فرغلي بتاع العصير هتروح سيادتك وتشربلك واحد عصير برتقال وتدفع ما هي خربانة لوحدها وانتا طالع تخلص على فلوس الخليج خلاص بقا مش فارقة المهم تبص على يسارك هتلاقي كارفانات بيضا هيا دي حضرتك المكاتب اللي تبع الخارجية متخفش مش زحمة توثيق اي شهادة فقط 11 جنيه مصري لا غير يا سلام شفت بقا ليا حق اخليك تشرب عصير
الخطوة اللي بعد كدا بقا
طبعا سيادتك قبل ما تتغرم وتدفع في اي عقد او فيزا يعني تروح وتطمن على نفسك وتكشف على فيرس سي ربنا يبعده عنكم جميعا الدول التي يجب عمل كشف الزامي قبل السفر لها : السعودية - الكويت باقي الدول : كلو تمام مش هيفرق بقا فيرس ولا بطيخ
بعد كدا هتاخد الشهادات دي وتروح لمكتب السفريات اللي سيادتك مسافر تبعه وتديهم الشهادات الموثقة دي وطبعا المكتب الله اعلم بقا كويس ومخدش فلوس الفيزا ولا مدفعك يا زبون
الفيزا لو مش مدفوعه اخرك يا باشا 800 جنيه او اقل كمان فقط ولو حد قالك غير كدا اضربه بالنار
هتاخد شهادة حضرتك عليها ختم الملحق الثقافي والسفارة بتاعت البلد هوا المكتب بيخلصها
يا ريت بقا محدش يبهدل نفسه ويسافر على فيزا المهنة فيها غير مهندس يعني ( فني - عامل )ارجوكم حتى لو ضاق الحال انا عارف معلش عشان البهدلة كتير هنا الا بشرط واحد لو جايلك الفيزا دي من حد طرفك
اول كشف بقا هيكون كشف الفيرس خلاص سيادتك مطمن انك معندكش حاجه الحمد لله هتروح معامل وزارة الصحة ميدان التحرير- معامل وزارة الصحة - بجوار الجامعه الامريكية ياعيني عالدلع شايف يا عم اللي هتسافر وتتحرم ادي اكليات ولا بلاش
تروح بالجواز ومبلغ كان سابقا 80 جنيه دلوقتي مش عارف وصورتين من نفس اللي في الجواز
حاول يكون الصور خلفيتها بيضا وانتا بتطلع الجواز اصلا
وتطلع يجي 16 - 32 صورة عشان هتحتاجهم في مصر او في البلد اللي رايحلها
بعدها بيومين بتاخد النتيجة وبرضوا هتخش بالجواز وهيدوك كارت تخش بيه وتاخد نتيجتك بعدها تروح المكتب
المهم بقا هتروح سيادتك لمستشفى المكتب المحترم هيوجهك ليها عشان بياخد منهم عمولة الكشف غالبا كان 150 جنيه شوية كشف متخافش هتطلع لائق حتى لو كنت اعمى او اعرج نوع جديد من الطب اسمه العلاج بسوال المريض فقط دون الكشف
المهم هتاخد الكشف بعد مدة لا تزيد عن ربع ساعه انتظار في المكيف بتاع الاستقبال هيدوك ورقة وظرف مقفول اوعا تفتحه دا فيه الكشف والعمولة هههههه
وطبعا الباشا لائق
كدا هتسلم المكتب كل الاوراق والنتائج الطبية
ومعاهم الجواز كام يوم ويتصل بيك ويقولك تعالى خد الجواز وعليه التاشيرة وتوصل بالف سلامة
وربنا معاك يا ولدي
اسف لو كانت طريقتي مضحكة شوية بس انا عايزكم تاخدوا الموضوع ببساطة
واسف لو نسيت حاجه
واي سؤال انا في الخدمة والاخوة المغتربين في باقي البلدان العربية الاخرى
احمد ع م ا خريج هندسه أسوان دفعة 2002
عدد المساهمات : 535 تاريخ التسجيل : 03/05/2008 العمر : 46 رقم العضوية : 1101 Upload Photos :
ايوة يبشمهندس مبنى الخارجية في وش المحطة بظبط في مبني الحزب الوطني بجوار امانة شباب الحزب وخلف كافترايا شباب الحزب
بس سؤال كده معلش ادينا بنتعلم هو ايه هي الفيزا دي فايدتها ايه
اولا شكرا على مرورك اخي مصطفى
ثانيا في حاجتين يا برنز العقد وطبعا دا بيكون بين حضرتك وصاحب العمل او من ينوب عنه والمفروض يعني زيادة في الحرص بيكون موثق من الغرفة التجارية دا اللي اعرفه بالنسبة للسعودية
اما الفيزا فهي التأشيرة اللي هتخولك تدخل البلد وتوضع على شكل استيكر ملزوق داخل الجواز بتاع سعادتك استيكر كبير مربع فيه علامة مائية منعا للتزوير وفيها البلد المراد الذهاب اليه وفيها اسم صاحب العمل وعنوانه وبتكون ليها مدة حتى يتم الانتهاء من استخراج الاقامة وهي زي البطاقة الشخصية بتاعت مصر كدا ( الاقامة )
اما الامارات او عمان او الكويت اللي اعرفه انها ورقة بتسمى عدم ممانعة ويفيدنا اكتر اخونا احمد ع م ا لانه طبعا من الموجودين بالامارات
YAMEN خريج هندسه أسوان دفعة 2002
عدد المساهمات : 1100 تاريخ التسجيل : 10/04/2008 العمر : 45 الموقع : K . S . A - المدينة المنورة رقم العضوية : 1006 Upload Photos :
يا سلاااااااااام __ بجددد موضوووع زى العسل يا يامن
وطريقتك كمان عسسسسسسسل
بس حرام عليك فرغلى بتاع العصير غاااااااااالى
وزحمةةةةةةة
يا رب اوعدنا بحاجة حلوة في دبى
وان الصراحة كنت فاكر الدنيااااااااا بهدلة اكتر من كدةةةةة
بس بتهيالى كدة معقووولة
وويتم تثبيته
ا خي العزيز يحيي
مرورك اسعدني
وشكرا على التثبيت ويا رب يستفاد اخواننا عشان احنا ملقيناش حد يدلنا او يساعدنا ويا رب اشوفك في دبي وتكون من قاطني برج العرب كمان انتا اقل منها يعني يا زعيم ربنا يوفقك
YAMEN خريج هندسه أسوان دفعة 2002
عدد المساهمات : 1100 تاريخ التسجيل : 10/04/2008 العمر : 45 الموقع : K . S . A - المدينة المنورة رقم العضوية : 1006 Upload Photos :
يتم التفاوض في التعاقد عن طريق مكاتب السفريات يعني يا بشمهندسة حضرتك او اي مهندس بيشوف اعلان في الجرائد اليومية والاسبوعية بتروح المكتب بتكتب Application لو في فرصة ان شاء الله المكتب بيتصل بيك بتروح بتعمل مقابلة مع الزبون صاحب العمل او من ينوب عنه بتتفقوا .... بتكتبوا العقد وتبتدي اجراءات اخد الفيزا او عدم الممانعة
وربنا يوفق الجميع
YAMEN خريج هندسه أسوان دفعة 2002
عدد المساهمات : 1100 تاريخ التسجيل : 10/04/2008 العمر : 45 الموقع : K . S . A - المدينة المنورة رقم العضوية : 1006 Upload Photos :
موضوع: رد: الدليل الشامل لراغبي السفر..... الجمعة 4 يوليو - 21:06
بسم الله الرحمن الرحيم
نيجي دلوقتي بقا لموضوع مهم
وبرضوا كتير جدا بيقعوا فيه
طبعا منهم العبد لله
بس محدش بيتعلم بالساهل
الان وحصريا العصر الذهبي للمهندسين
خاصة مدني انا اسف عشان بخص لكن شوف اعلانات الاهرام ( من غير ما اشوف ) وانتا تحكم
يعني المرتبات كويسة - مميزات كتيرة وكويسة
وربنا بيوفق في الاخر
العقد يا بشمهندس
لازم يكون متضبط
خلي بالك دا الي هيحفظلك حقوقك لان هنا ما شاء الله مكاتب العمل شغاله نااااااااااااااار
مكتب العمل دا للي ميعرفهومش هو القاضي بينك وبين الزبون صاحب العمل او الكفيل كما يطلق عليه
المهم نيجي للمهم عشان الصداع
العقد لازم يكون مكتوب فيه المرتب الارقام وحرفيا لازم يكون يا ريت موثق من الغرفة التجارية بتاعت البلد
المميزات لازم تقراها كويس لان دي من مكملات العقد وعدم وجودها دي بفلوس
يعني السكن الاجازات وهكذا هاحاول اذكر الكل عشان الناس تعرف
* السكن يا اما اعزب وهو توفير سكن ملائم طبعا مش لازم سيادتك عشان مهندس يبقا تسكن لوحدك متخفش معاك مهندسين في هذا العالم الصغير ومتغربين برضوا
او هيكون توفير سكن عائلي مؤثث او يديك بدل سكن كل عقد على حسب مرة يديك بدل سكن شهرين من الراتب الاساسي او 3 شهور على حسب انتا وشطارتك
على فكرة يفرق قوي قوي لما يعرف انك عارف وانك فاهم البلد قصتها ايه والسكن والحركات دي
* الاجازات
الاغلب بيكتبلك اجازة سنوية شهر بس المهم يا زعيم انه يكون مدفوع الاجر يعني تاخد مرتب الشهر وسيادتك نازل مصر وتتدلع بيه
يلا حوشوا بقا مع انه كلو باصصلك متخافش هيطييروا بسرعة
* السيارة طبعا او العربية بس اكيد مش الجزيرة ساعات بيكون الموبايل حسب حاجه الشغل
* يا ريت العقد يكون سنتين بالكتير عشان سيادتك تقدر تطلب زيادة او تخلع
طبعا لو سنه يبقا انتا 100 100
* عدد ساعات العمل
المفروض متزدش عن 8 او 10
والمفروض تطالب بـ Over time عن اي زيادة
* تذاكر السفر في الاجازات على مين؟ كل كام سنه؟ عائلية ولا فردية ؟
* التامين الطبي
موجود ولا لا بس المفروض انه متوفر لانه بقا الزامي دلوقتي ( انا بتكلم على السعودية خصوصا )
نسبته كام ؟ يعني سيادتك تدفع كام من العلاج والكشف 20 او 10 او 40 % وعائلي ولا حضرتك بس ؟
* في مكافئات ولا لأ ؟
* مكافاة نهاية الخدمة شاملها المرتب ولا لا ؟ لو مش شاملة فعادي متخافش هتاخدها ولو بالقوة عشان القانون في صف سعادتك طول ما انتا كملت السنتين بس بتاخد جزء منها ( للمراجعه انظر قانون العمل السعودي - موضوع بقسم الخريجين ايضا )
وبرضوا بقول في الاخر انتا وشطارتك ومهم انك توصل انك فاهم الموضوع ماشي ازاي واي استفسار اخوكم في الخدمة
شكرا
الزعيــم كبير مهندسين
عدد المساهمات : 678 تاريخ التسجيل : 01/05/2008 العمر : 42 الموقع : أمة المصطفى رقم العضوية : 1098 Upload Photos :
موضوع: رد: الدليل الشامل لراغبي السفر..... الجمعة 4 يوليو - 21:46
اقتباس :
الاغلب بيكتبلك اجازة سنوية شهر بس المهم يا زعيم انه يكون مدفوع الاجر يعني تاخد مرتب الشهر وسيادتك نازل مصر وتتدلع بيه
مين قلك انى مسافر برة انا مية مية هنا والحمد لله وشكرا على موضوعك الرااااااااااااااااااائع والحصرى جدا وفقكم الله
YAMEN خريج هندسه أسوان دفعة 2002
عدد المساهمات : 1100 تاريخ التسجيل : 10/04/2008 العمر : 45 الموقع : K . S . A - المدينة المنورة رقم العضوية : 1006 Upload Photos :
موضوع: الدليل الشامل لراغبي السفر..... 
الخميس 26 يونيو - 22:16
