أغلب مشاكل الشاشه الزرقاء " شاشة الموت " شيوعا + الأسباب + ا

YAMEN كتب:

رائع جدا

ومجهود اكثر من رائع يا مشرفنا العزيز

لساني يعجز عن شكرك

انا الصراحة اول مرة اعرف ان الشاشة دي ليها مشاكل مختلفة وحلول كمان

كل ما كانت تطلع كدا اعرف ان الويندوز ضرب ولازم انزل غيره فورا

شكرررررراً يا يامن
أسعدنى جداً مرورك يا مشرفنا
والشاشة الزرقا دى من أسوأ عقوبات الكمبيوتر للشخص _
ودى لها أسرارها كتييير
بس ماتاخدش بالأخطاء اللى في الموضوع الا لو اتكررت كذا مرة
لان النهاردة الصبح جاتلى الشاشة دى



عملت ريستارت كله بقى كوييس

طب يا يحيى الشاشة دى بتجيلى من ساعة ما اشتريت الجهاز
فرمت الهارد وبرجوا بتطلع
فرمت الويندوز برده بتطلع
غيرت الرامات برده بتطلع
اعمل ايه فيها ياريت تقولى
خصوصا وان المزر بورد بتاعتى assus p5

MIDO كتب:

طب يا يحيى الشاشة دى بتجيلى من ساعة ما اشتريت الجهاز
فرمت الهارد وبرجوا بتطلع
فرمت الويندوز برده بتطلع
غيرت الرامات برده بتطلع
اعمل ايه فيها ياريت تقولى
خصوصا وان المزر بورد بتاعتى assus p5

قولى بقى يا سيدى
أنى شاشة فيهم ؟
وبتظهر لك امتى بالظبط
وانت بتسطب الوندوز ؟ ولا وهو الوندوز شغال وبتضطر تعمل ريستارت ؟
وفي مشاكل ايه حصلت معاك قبل كدة مع الجهاز ؟
ويا ترى عندك مشاكل في كارت الشاشة أو سخونة البروسيسور _
عشان دى أسباب الشاشة الزرقا اللى كانت بتحصل معابا
وياترى بتستخدم رامتين ولا واحدة بس
؟

انا مش فاكر بالضبط بس هى ما بيبقاش مكتوب فيها السبب اذا كان NTFS او اى حاجة زى كدا
اللى انا فاكره انها ساعات بتطلع وانا باسطب الويندوز وساعات بعد ما اصطبه
وانا بركب رامة واحدة وغيرتها وركبت رامتين مع بعض وبردوا مفيش فايدة
وكارت الشاشة بيلت ان
وبعدين كانت بتظهر فى الاول والويندوز شغال
لكن الاغلب فى الظهور لما اعمل ريستارت
فى ناس كتير قالولى انه من البورده وان النوع ده وحش وانا مش عارف اعمل ايه
هارد وفرمته
رامه وغيرتها
ويندوز وغيرته
كابلات داتا وبردوا غيرتها
قولى اعمل ايه

اوك _
بص يا سيدى ،
أهم أسبابها الحقيقية واللى كانت بتحصل معايا
الباد سيكتور
_ كان عندى هارد فيه باد سيكتور بمساحات كبيرة
وكانت بتطلع لى الشاشة دى _ وانا كنت عارف ان الهارد فيه باد سيكتور
ومكانش بيسطب اصلاً على ال سي
فكنت بسطب وندوز على ال دي
وكانت الأمور بتمشي معايا مؤقتاً
لحد ما الهارد كلله انتهى
:shock: وبقى جثة هامدة
" فحاول تسطب الوندوز على درايف تانى غير ال سي / أو افحصه ببرنامج
فحص الباد سيكتور أو ببنرامج ال بارتيشن ماجيك _ أعتقد انه بيفحص الباد سيكتور "
ولو طلع ان عندك باد سيكتور يبقى ألأفضل انك تقسمه من الأول fDisk"
__ المشكلة التانية حصلت معايا لما كان عندى عيب في كارت الشاشة
في المكثفات بتاعتها وكان دايماً الجهاز يعمل ريستارت ويقف عند بداية تشغيل الوندوز ويدى
الشاشة الزرقا _ دى مكانتش بسبب عيب كارت الشاشة "
لا _ دى عشان ان فيه تعريف لهاردوير بيضرب لما الجهاز يعمل ريستارت مرة واحدة
بس لما بعمل ريستارت في السيف مود _ كنت بظبط تعريفاتى ويرجع كل حاجة تمام "
" يبقى اتأكد من تعريفاتك "
___ المشكلة التالتة اللى بتحصل دايماً بس ماحصلتش معايا
انما شفتها عند واحد صاحبي قدام عينى _
كل ما بنسطب وندوز في بدايته تظهر الشاشة الزرقا ومانعرفش نسطب حاجة _
وبعد ما طلع عيناااااااا المشكلة طلعت انه اشترى رامة جديدة _ وحطها جنب القديمة
بس الموديلين مختلفين ، والباص مختلف _ ولما شلناهم الاتنين وحطينا الجديدة بس
عملت نفس الحكاية ولما حطينا القديمة بس اشتغل كوييس _
" يبقى اتأكد ان الرامة الجديدة _ الباص بتاعها بيتوافق مع المازر بورد بتاعتك
ودى مشكلة شراء الرامات بتعمل مشاكل جامدةةة لو مكانتش متوافقة _ واسأل enfelak"
__ ومرة حصلت برده بس مرة واحدة بسس _ ان مروحة البروسيسور وقفت
والبروسيسور سخنننننن فالجهاز هنج وظهرت الشاشة الزرقا

دى معظم المشاكل اللى قابلتنى حقيقةً مع الشاشة الزرقا _
وأسوأهم _ حكاية الرامة _ أكتر المشاكل اللى وقفت قدامى ، وماكنتش عارف العيب فين أصلاااا
بس أنا بقول لك ان الشاشة الزرقا عادى جداً مع الناس كلهاااا
لو بتحصل معاك على فترات متباعدة _ يبقى الحمد لله ، مفيش مشاكل _
انما لو كل نص ساعة مثلاً أو كدة
يبقى هنا فيه مشكلة ، وتحاول تشوفها فين عن طريق
try & error
جررب كل الوسائل اللى قلت لك عليهااا
وأهمها
الباد سيكتور _ " حاول تنزل وندوز على هارد تانى وتمشي به فترة وتتأكد ان الشاشة مش بتظهر لك __ يبقى كدة العيب من هاردك "
وبعدين اتأكد من الرامة ، لو كانت جديدة حاول تشوف المازر بورد بتاعتك بتشيل رامة باص كام
وهات رامة عليها

شكرا يا يحيى على معلوماتك الجميلة دى وهى الحقيقة ما بتظهرش عندى دلوقتى الا بسيط
بس بتظهر اكتر لو انا حطيت نسخة xp غير اللى انا مسطبها انما بالنسخة اللى انا شغال بيها دى قليل قوى
ده انا كنت هغير البوردة بسببها

MIDO كتب:

شكرا يا يحيى على معلوماتك الجميلة دى وهى الحقيقة ما بتظهرش عندى دلوقتى الا بسيط
بس بتظهر اكتر لو انا حطيت نسخة xp غير اللى انا مسطبها انما بالنسخة اللى انا شغال بيها دى قليل قوى
ده انا كنت هغير البوردة بسببها

اى خدمة يا ميدو _
وعادى ياعم دى زى تهنيج الكمبيوتر ملازمة للجهاز دايماً
وطالما كدة بقى بقى النسخة اللى فاتت مش كويسة وبتعمل مشاكل مع تعريفات الجهاز
بوردة ايه _ ماتغيررش حاجة _
امال ايه موضوع ان البوردة اتحرقت ؟؟
دى سيرة بوردتك كانت مسمعة المنتدى كله

ده طلع كلام فى الهوا ياعم
بعد ما عملت كل حاجة ولعبت فى الرامات ووديته عند ناس
وبعد ما فقدت الامل
جه واحد ابن حلال شال الرامة وركبها تانى قام الجهاز شغال وعادى جدا
الظاهر انه بركة لان انا عملت نفس اللى هو عمله وبرده ما اشتغلتش معايا
ناس ليها حظ وناس ليها مهيطل

هو كدة هاردوير الكمبيوتر
مشيت باسلوب علمى _ مش حتعرف
مشيت بالتجربة والبركة حتبقى أحسن من اللى متعللم
عشان كدة
مجال الصيانة ماشي بالبركة