في بلدنا وبس

في بلدنا

حاجات كتير بتتميز بيها بلدنا .. منها اللي يزعل ومنها اللي يقهر .. ومنها اللي يشرح

القلب .. وتشتاقله لو روحت فين ..

زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص وهذا المضاد الحيوي لضيق ذات اليد .. وتفتح المحلات والمطاعم لتلبية طلب المصريين للفول .. في لندن والسعودية وأمريكا وبلاد الفرنجة فرنسا حاليا ..

وإليكم بعض المشاهد الحصرية والتأملات فى الحاله المصريه.

* لم يذكر السجن في القران الكريم إلا في مصر (في سورة يوسف ) ....تنبؤ مبكر كيف تحكم مصر ويشكم المصريون

*في بلدنا.. الأموات ينفقون علي الأحياء 'الفراعنة والكرنك والأهرامات والذي منه'

*في بلدنا.. تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط علي اهلك أو بالبلدي يركبك ويدلل رجليه لأنه ببساطة دخل بيهم شرطة .. اللي في خدمة قفا الشعب.

*في بلدنا.. ينمو نبات البردي وورد النيل والحصير والليف - حتة ثقافة -

*في بلدنا.. توجد السلعوة وهي 'مسخ لم يسجل فى اى موسوعه عالميه' ناتج عن تزاوج الكلاب الضالة في جو ضواحى العاصمة الملوث - حتة بيوجيولوجيا -

*في بلدنا.. تأكل الحواوشي والشكشوكة والكشك الأسيوطي والملوخية بالأرانب والملوخيه بام الخلول والمسقعة والكشري بالعدس الأسود والكشرى الرشيدى بالعدس الأصفر ومحشي الكرنب

ومحشى الطماطم وطاجن العكاوي والكبدة الاسكندراني .. آه نسيت .. والفووووووووووو وووووول اللي مش سوداني اما مدمس سادهب الزيت اوبزيت الزيتون او بالزيت الحار او بالسمن البلدى او بالطحينه او بالثوم النىء او بالصلصه والثوم المحمر او معمر بالبيض او بالبسطرمه او بالسجق او كفلافل ساده او محشيه توابل او محشيه بيضه مسلوقه او مطبوخ بصاره او نابت اواخضربلدى مطبوخ باللحم اواخضر حراتى مع الجبنه القريش او مع الرز فوليه حمراء بالطماطم او فوليه خضراء بالسلق ...ولو حبيت تحلى... يبقى الفول المقيلى وتلاقيه عند بتوع الترمس.......شو ف قد ايه متغلغل فى جيناتنا.

*في بلدنا.. تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها لينجوا مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي.

*في بلدنا.. يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم 'اطلع من علي الباب يا فندي العربية فاضية أدام' .. طبعا ربنا ما يوريك بقى لو كانت مليانه.

* في بلدنا.. تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش.

* في بلدنا.. تجد منطقة سكنية بكاملها (سارقة كهربا ) مثل عزبة الهجانة - حتة تعداد سكاني -

* في بلدنا.. ملك فرعوني بني لنفسه تمثالا ضخما لا تشرق الشمس علي وجهه إلا مرتين في السنة مرة يوم عيد تتويجه ملكا ومرة يوم عيد ميلاده هو شخصيا .. 'صبح .. صبح .. يا عم الحاج'

* في بلدنا.. وزير ( يسرطن ) الشعب ثم يرشحه الحزب الحاكم في انتخابات مجلس الشعب .. بس مش أي شعب .. ده شعب على أبوه... يعنى خام ... زى فراخ الجمعيه مايكاكيش.

* في بلدنا.. ينادي وزير التعليم المبصر بإلغاء مجانية التعليم التى ادخلها قبله ب 57 سنه طه حسين الكفيف.

*في بلدنايتم انشاء محافظتين جديدتين وتقسيمهما بقدرة قادر فى صبيحة ليلة وعشيتها ( مش عارفين يا عينى ان الدول المتقدمة بأه لما يحبوا يحولوا مسار شارع بس بيعملوا استفتاء واستقصاء لمدة شهوووووووووووور وبعدين يعرضوا الموضوع على جهات الصلاحية لتعزيز القرار أما أحنا فلة)

* في بلدنا.. يتم إنفاق ملايين الجنيهات من أجل الحصول علي 'صفر كبير' فى مونديال العالم .. كانوا خايفين ياخدوا درجة بالسالب .. بجد الصفر أرحم.كل واشكر.

* في بلدنا.. يقدم الكشري ساخنا في أكياس بلاستيكية شفافة.مع ان تسخين البلاستيك ينتج غازات مسرطنه..خليها على الله.

* في بلدنا.. ادفع وبعدين اشتكي - التحصيل أولا -لجيب الحكومه اللى مالوش قعر.

* في بلدنا.. الاختيارات السياسية المتاحة أمام المواطن هي التصويت بـ 'نعم ' او 'نعم' اما 'لا' المطبوعه فهى فض مجالس.

* في بلدنا.. تم القضاء نهائيا علي ظاهرة 'إدمان الهيروين' بعد أن أصبح 'البانجو' في متناول الجميع ..

ولم يعد لكوكو الضعيف (السجائر الغير محشية) الشعبية السابقة وجود بين معظم الناس.

* في بلدنا.. رئيس حزب لازال مرتديا الطربوش حتى الآن.وكمان بيحضر ارواح وبيتجوز فى سن الثمانين.

*في بلدنا.. لا يتم وضع الملصقات إلا تحت لافتة 'ممنوع لصق الإعلانات' غلاسه

* في بلدنا.. لا يمتلك المواطنون زيا رسميا موحدا ويصعب أن تعرف المصري من مجرد ملابسه ( إلا لو كان لابس تي شيرت مكتوب عليه بالأخضر 'فكر جديد')

وهو الكساء المجانى الذى يوزعه حزب السلطه.

*في بلدنا.. يوجد نوع من المسكنات علي هيئة مصطلحات يتم تقديمها للشعب بجرعات مكثفة مثل(الأمن الغذائى)و(الثور ه الخضراء) و( الشفافية),( التمثيل المشرف) , ( إشادة البنك الدولي بمصر),( أهمية الدور الذي يلعبه شباب النيل .. جيل المستقبل)و( المحظوره).

يقابله على الجانب الآخر اشهر 'طظ فى مصر واللى جابوا مصر '

شوف الفوضى الخلاقه على راى خالتى كوندى اللى وشها يقطع الخميره من البيت

أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. ولكننا نقولها وبكل شاعرية ودراماتيكية وحنية:

'عظيمة يا مصر يا أرض النعم'

منقول

فعلا والله عظيمة يا مصر يا أرض اللوا ... ( أرض اللواء منطقة في إمبابة )
في بلدنا وبس 632320

اقتباس :: شوف الفوضى الخلاقه على راى خالتى كوندى اللى وشها يقطع الخميره من البيت

اقتباس :: *في بلدنا.. لا يتم وضع الملصقات إلا تحت لافتة 'ممنوع لصق الإعلانات' غلاسه
.. ولكن المواطن المصري والمصري فقط يجب أن يعبر الشارع كطائر البطريق أو البط البلدي.
* في بلدنا.. الاختيارات السياسية المتاحة أمام المواطن هي التصويت بـ 'نعم ' او 'نعم' اما 'لا' المطبوعه فهى فض مجالس.

* في بلدنا.. وزير ( يسرطن ) الشعب ثم يرشحه الحزب الحاكم في انتخابات مجلس الشعب .. بس مش أي شعب .. ده شعب على أبوه... يعنى خام ... زى فراخ الجمعيه مايكاكيش.

شكرااااااااااااااااااااااا حتى الصباح على هذا الموضوع الممتع يا قبـــــطان

اقتباس :: * في بلدنا.. رئيس حزب لازال مرتديا الطربوش حتى الآن.وكمان بيحضر ارواح وبيتجوز فى سن الثمانين.

لا متستهونش بيهم الناس الكبيره دي الخير والبركه

اقتباس :: * في بلدنا.. الاختيارات السياسية المتاحة أمام المواطن هي التصويت بـ 'نعم ' او 'نعم' اما 'لا' المطبوعه فهى فض مجالس.

الدوله عرفه مصلحتنا اكتر مننا

اقتباس :: *في بلدنا.. تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها لينجوا مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي.

الدوله سايبها ليه علشان حمايتنا طبعا
ليه بس يا قبطان ما البلد ماشيه زي الفل يعني علشان شويه حاجات صغيره نخرب الدنيا

بلد رائعه وافسدها المفسدون

عظيمة يا مصر

» يا بلدنا يا بهيه أيه أخبارك؟؟
» بلدنا امانه في ايدينا
» معانى المصطلحات السياسيه فى بلدنا
» س: ليه مسائل الرياضة في كتاب رابعة إبتدائي كلها ملايين ومليارات؟... ج: فكر جديد لمستقبل بلدنا!