معاً يداً بيد لنرتقي بكليتنا

اعضاء هذا المنتدي الحبيب
كان في فكرة خطرت علي بالي وحبيت اعرضها عليكم علشان اعرف رأيكم ومقترحاتكم
بما إننا في الاجازة ومعظمنا بيضيع وقته في حاجات غير مفيدة وبما إننا ايام الدراسة بنكون مشغولين ومحدش بيكون فاضي لاي حاجة غير الدراسة
فانا بقترح اننا نستغل الاجازة ونطور من كليتنا
حتقولولي واحنا مالنا ومال الكلية حقولكم ان الكلية دي بيتنا الثاني ومحدش حيطور ويصلح فيها غير طلابها وابنائها
فانا بقترح اننا نعمل يومين في الاسبوع نذهب فيهم للكلية ونعطيها جزءاً من وقتنا
ومن الافكار التي خطرت علي بالي
تصليح أجهزة المعامل وتنظيفها لانها مليئة بالفيروسات
زرع اشجار وزهور
تصليح الطريق بين مبني الادارة ومبني المدرجات
عمل لافتات لكل الاماكن الموجودة بالكلية
دي مجرد افكار مبدأية وانا منتظرة اني اسمع اقتراحاتكم
ولكن في حاجة عايزة اقولها
انا لما عرضت الفكرة كان كل قصدي اننا نرتقي بكليتنا
لاني عايزة دفعة اعدادي السنة اللي جاية ان شاء الله اول ما تشوف الكلية تحبها وتدافع عنها وعن اي كلمة تتقال عنها لاني لاحظت في دفعتنا السنة دي ناس كتير كارهة الكلية وبتقول عن كليتنا كلام مش كويس
لو سمعوه الدفعة اللي جاية بعدنا حيحبطوا من الكلية وحيكرهوها
لكن لما نثبت لهم العكس فكرتهم حتتغير عن الكلية وبالتالي هم كمان حيغيروا من الكلية للاحسن

بس المشكلة اني عارفة ان المغتربين مش حيقدروا يساهموا معانا وان مش كل اللي عايشين في اسوان برده حيشاركوا معانا فانا اتمني ان ناس كتير تشارك معانا ونضع يداً بيد من اجل غد افضل

وانا اول واحدة بضع يدي واتمني الاقي حد يشارك معايا
فياريت اللي حيقدر يشاركنا يكتب انه موافق ويضع مقترحاته
وانا في انتظار مقترحاتكم وافكاركم

معاً يداً بيد لنرتقي بكليتنا Bgaya_10

فكره جميله اوووي
وانا موافق
وفعلا الاجازه فيها وقت كتير بيضيع ف حجات ملهاش لازمه
وياريت باقي الناس يساهموا
ميرسي Miss R علي الاقتراح
كويس

وانا معاكي وان شاء الله من بكرة انا هنزل الكلية وهشوف ايه الدنيا مع ادارة الكلية عشان لازم يوافقوا لاننا مانقدرش نعمل اي خطوة غير اما يعرفوا وان شاء الله هنرد عليكم بكره وادعو ربنا ييسر الامور باذن الله

ان شاء الله يا جودزيلا
وانا حاسس انهم هيوافقوا لان ده لمصلحه الكليه
ولا ايه؟

Eng \ HOSSAM كتب:: ان شاء الله يا جودزيلا
وانا حاسس انهم هيوافقوا لان ده لمصلحه الكليه
ولا ايه؟

والله ربنا يصلح حال العباد ويهدي المسؤلين هم بردوا عشان نكون واقعين مش متحسين زينا لازم تقنعهم باللي هنعملوا وان شاء الله ربنا ييسر

و انا معاكم فى اى وقت

و ان شاء الله ادارة الكلية توافق يا جودزيلا

و ربنا يكرمنا ان شاء الله

فكرة جميلة وفقكم الله
بس للاسف مش هقدر اشارككم علشان انا مش من اسوان . اسف جدا

Eng \ HOSSAM كتب:: فكره جميله اوووي
وانا موافق
وفعلا الاجازه فيها وقت كتير بيضيع ف حجات ملهاش لازمه
وياريت باقي الناس يساهموا
ميرسي Miss R علي الاقتراح

شكراً لك يا بشمهندس حسام علي موافقتك وعلي مشاركتك معانا
واتمني انا ايضاًَ ان ناس كتير تساهم معانا
والله الموفق

ENG_GODZELA كتب:: وانا معاكي وان شاء الله من بكرة انا هنزل الكلية وهشوف ايه الدنيا مع ادارة الكلية عشان لازم يوافقوا لاننا مانقدرش نعمل اي خطوة غير اما يعرفوا وان شاء الله هنرد عليكم بكره وادعو ربنا ييسر الامور باذن الله

شكراً لك يا بشمهندس جودزيلا علي مشاركتك معانا وهذا ما كنا نتوقعه منك
وفعلاً عندك حق لازم توافق الادارة والا كلامنا ده كلة ملهوش اي لزمة بس يارب يوافقوا
لاننا بنعمل ده كله لصالح الكلية ومحدش جابرنا علي كدة احنا اللي عايزين نعمل كدة

Terminator كتب:: و انا معاكم فى اى وقت
و ان شاء الله ادارة الكلية توافق يا جودزيلا
و ربنا يكرمنا ان شاء الله

شكراً لك يا بشمهندس Terminator علي مشاركتك معانا
ويارب ادارة الكلية توافق

اقتباس :: فكرة جميلة وفقكم الله
بس للاسف مش هقدر اشارككم علشان انا مش من اسوان . اسف جدا

ولا يهمك يا بشمهندس زايد يكفي انك شاركتنا بالرد
وانا وضحت بالموضوع ان المغتربين للاسف مش حيقدروا يشاركوا معانا بس اتمني انهم يشاركونا بمقترحاتهم علي الاقل

ربنا يوفقكم لما فيه الخير والصلاح .

شكرا ل MISS_R على طرحها الفكره.

ENG_GODZELA كتب:

وانا معاكي وان شاء الله من بكرة انا هنزل الكلية وهشوف ايه الدنيا مع ادارة الكلية عشان لازم يوافقوا لاننا مانقدرش نعمل اي خطوة غير اما يعرفوا وان شاء الله هنرد عليكم بكره وادعو ربنا ييسر الامور باذن الله

شكرا يا جودزيلا زى ما أتعودنا دايما منك مجند للإصلاح فى الكليه وساعى فى الخير دائما ربنا يوفقك ويهدى إدارة الكليه عليكم .

وشكرا لكل من سيساهم فى هذه الفكره اللى أكيد أغلبهم هايكونوا من طلاب أسوان طبعا .

فكرة رائعة من براعم بداية(MISS_R)
وربنا يوفق أسد بداية(ENG_GODZELA)

اقتباس :: ولكن في حاجة عايزة اقولها
انا لما عرضت الفكرة كان كل قصدي اننا نرتقي بكليتنا
لاني عايزة دفعة اعدادي السنة اللي جاية ان شاء الله اول ما تشوف الكلية تحبها وتدافع عنها وعن اي كلمة تتقال عنها لاني لاحظت في دفعتنا السنة دي ناس كتير كارهة الكلية وبتقول عن كليتنا كلام مش كويس

ما شاء الله تفكير رائع وياريت الناس كلها تحط إيدها فى إيد MISS_R
وربنا يوفق الجميع
والله المستعان

اليوم تم مناقشة تطوير وتجميل الكلية ولاقى الموضوع قبول وترحيب من الدكتور عبد الله ونحن الان لابد من التخطيط لوضع خطه للعمل عشان ننجز العمل بدقه وبنظام ارجو ارسال الافكار والمقترحات

ENG_GODZELA كتب:: اليوم تم مناقشة تطوير وتجميل الكلية ولاقى الموضوع قبول وترحيب من الدكتور عبد الله ونحن الان لابد من التخطيط لوضع خطه للعمل عشان ننجز العمل بدقه وبنظام ارجو ارسال الافكار والمقترحات

شكرا لك يا جودزيلا على نشاطك وربنا معاكم.

انا من راي اننا نحدد مقابله ف الكليه بين الاشخاص ايلي هيساهموا في العمل ليتم تخطيط وتوزيع الادوار بحيث يقوم كل فرد او مجموعه من الافراد بانجاز عمل معين ويتم الاتفاق علي يوم محدد للمقابله وفيها يتم الاتفاق علي كل شئ
وهذا مجرد اقتراح مني و منتظر آرائكم

يا جماعه انا برضو مش اقدر اشارك لانى زى زايد بس متخافوش هدعى ربنا يحفظ الكلية وترتقي وتتتطور كمان وكمان

انا بقترح عمل اجتماع يوم الثلاثاء 23-6-2008 في الكلية للي عاوز يساهم معانا عشان نحط خطة للي هيتعمل ونفكر ازاي نسخر الامكانيات المتاحة عشان نعمل حاجة عاوزين الكلية تظهر بمظهر حضاري مع بداية العام الجديد بلاش ردود بالشكر والعرفان الكليه مش هتتدم بالتشكرات عاوزين ردود بافكار ممكن نعملها اقتراحات وحلول بناء لتنفيذ المقترحات وان شاء الله الاجتماع الساعه الواحده بعد صلاة الظهر في دور قسم الهندسة المدنيه

ان شاء الله يا مصطفي و هتلاقيني واحده بالدقيقه هناك ان شاء الله

جميل جدا أن تكون غيرتنا بهذه الطريقة علي مظهر الكلية لأنها اولا واخراً منزلنا الثاني

نرجو من الجميع عزيمة قوية لتطوير مظهر الكلية الحضاري ولكم منا الدعاء بالتوفيق

صحيح أنا مش خريج الكليه
بس فكره أكثر من رائعه
لان أجمل شى حب المكان لكى نستطيع الابداع فيه
وانا شايف أنكم شباب متحمس بسم الله ماشاء الله
ولان تنير شمعه خيرا من ان تلعن الظلام
بس ياريت ان يكون فى شغل من اكثر من حماسة شباب
وكونو كسابق عهدى بطلاب هندسة اسوان
ربنا يوفقكم ودعواتى ليكم بالتوفيق
وفكره رائعه MISS_R
وهذه هى روح المهندس
ومع انى مش خريج الكليه
بس انا معاكم واى شى فى استطاعتى اقدمه لكم أكيد هقوم بعمله
لان اى صرح هندسى مهما كان نوع التطوير
يحدث فيه تطوير فهو أكيد تطوير لكل الهندسه فى مصر
وأكيد للمهندس المصرى
الكلام كتير ولكن مقدرش أقول غير فكره رائعه
سلام مؤقت

جميل اوووي يا بشمهندس عمار و ان شاء الله نقدر نطور كليتنا
وربنا معانا

اسفة لتأخري في الرد
بس كنت عايزة اسأل اللي حضروا اجتماع النهاردة
حصل ايه واتفقتوا علي ايه؟؟؟
لاني ما قدرتش احضره للاسف لظروف سفري

ننتظرك معنا أختى PRINCESS

وبالنسبة للإجتماع فكنا بنجمع أفكار أو أعمال علشان تنفذوها بالنسبة لتجميل الكلية ونظافتها
وسيقوم جودزيلا بعرضها على الدكتور عبد الله وسنبحث فى تكاليفها وبعد ذلك سيخبرنا جودزيلا على الافكار التى وافق عليها الدكتور عبد الله وسيخبرنا بالميعاد المناسب لبدء التنفيذ
وإن شاء الله سيكون فى نظام بحيث فى افكار سنعد لها وننجزها من الإجازة أما عرضها فسيكون فى بداية الدراسة وفى أشياء سنبدأ فى تنفيذها الآن
وإن شاء الله التفصيل سيوافيكم به الأخ جودزيلا

والله المستعان

انا بعتذر بشدة عن عدم وجودى وحضورى النهاردة للاسف
ومعلهش يا ميس آر لو مش قدرت افى بوعدى ان انا اجى النهارة
بس للاسف كان عندى ظروف قهرية منعتنى ان ابقى موجودة
اتمنى تكونو وصلتم لمقترحات كويسة وياريت تقولو ناويين على ايه ان شاء الله
ومعلهش تانى كان نفسى بجد ابقى ليا شرف الوجود بينكم
بس البركة فى الموجودين
معاً يداً بيد لنرتقي بكليتنا 604369

saso_al safrota كتب:: انا بعتذر بشدة عن عدم وجودى وحضورى النهاردة للاسف
ومعلهش يا ميس آر لو مش قدرت افى بوعدى ان انا اجى النهارة
بس للاسف كان عندى ظروف قهرية منعتنى ان ابقى موجودة
اتمنى تكونو وصلتم لمقترحات كويسة وياريت تقولو ناويين على ايه ان شاء الله
ومعلهش تانى كان نفسى بجد ابقى ليا شرف الوجود بينكم
بس البركة فى الموجودين

ولا يهمك يا ساسو
بس احنا منتظرينك المرة الجاية ان شاء الله
ومستنيين افكارك واقتراحاتك معنا
وان شاء الله اول ما يوافق العميد علي الاقتراحات حنعرضها عليكم
وكمان حنخبركم بما يحدث معنا أول بأول
منتظرين جميع اقتراحاتكم وافكاركم
واتمني الا تبخلوا علينا ببعض الاقتراحات

» معاً.. ولن نلتقي ,,, !!!
» مصر تنادي هل من مجيب معاً لبناء مصر
» معاً نستطيع حلول مشاكل Fortran 90