إلى الحبــــــــــــــــــــــــــــــــــار؟!

XXX http://asv-univ.editboard.com/montada-f27/topic-t941.htm XXX

أولا حضرتك الرسايل الخاصة دي رسايل بين الأعضاء ومحدش ليه تدخل في الرسالة المرسلة بين الطرفين

ثانيا لو في اي عضو اتبعتتله رسالة او اكتر من عضو آخر وحس إنها مضايقاه
ييجي على إسم الراسل ويختار ( أضفه الى لائحة المنبوذين ) وبعد كدة مش
هيشوف إسم مرسل الرسالة في المنتدى ولا هيقدر العضو الراسل يراسله من
ناحية الرسايل الخاصة. ودي خاصية جديدة أضافها الحبار في المنتدى وأنا
شايف دلوقتي إنه متجاهلها أو مش عارف فايدتها

ثالثا من ناحية التعارف في المنتدى على ما اظن إن في قسم للتعارف في
المنتدى مش زي ما قايل الحبار إن المنتدى ليس للتعارف, ولو التعارف من
خلال الرسايل الخاصة انا شايف إن مفيش مشكلة خالص طالما إن في قبول بين
الطرفين, ولو مفيش قبول ممكن العضو المستهدف بكل سهولة يضيف العضو اللي
بيضايقه لقائمة المنبوذين زي ما وضحت, من غير تدخل الإدارة بالطرد لإن
الحكاية دي أنا شايفها غلط وبتدل على إدارة مش تمام, لإن الرسايل الخاصة
حق كل عضو

رابعا بالنسبة للعضو ( إبداع بالقلب فقط ) ليس من حق الحبار إنه يطرده من
المنتدى لأي سبب لإنه لم يخالف قوانين المنتدى, وإن كان الحبار شايف إنه
خالف قانون إن هو بيضايق حد بالرسايل الخاصة ( القانون اللي هو مؤسسه )
أنا شايف اصلا إن القانون مبني على خطأ وهو ليس بقانون أصلا لإن الرسايل
الخاصة حق كل عضو ولو في مضايقات من ناحية الرسايل الخاصة انا وضحت إزاي
العضو المجني عليه يقدر يحل المشكلة دي بنفسه عن طريق قائمة المنبوذين,
ولا تستدعي إن العضو المجني عليه إنه يبعت للمدير يروح المدير يتعاطف معاه
( ولو بأي شكل ) ويروح واخد قرار يظهر للعضو المجني عليه إنه جابله حقه ده
اصلا لو ليه حق

وبالنسبة االي حصل مع العضو ( إبداع بالقلب فقط ) كان في قبول للرسايل
الخاصة بين الطرفين في البداية يعني معناها إن العضو المجني عليه لم
يتضايق من رسايل العضو الأول في باديء الأمر بدليل إن أول رسالة أرسلها
العضو الأول جاء عليها رد وكانت من فترة طويلة ( مش يعني اليومين دول اللي
حصل فيهم الدربكة دي )

وإن كان العضو المجني عليه لم يروقه رد العضو الأول في الرسائل الأخيرة,
فده مش معناه إن يبعت للمدير ويروح المدير ياخد قرار خاطيء لو كان أخذ
مهلة يفكر فيه ما كان فعله

على فكرة أنا مش متعاطف مع العضو الأول ولا متعصب على الحبار أنا بأتكلم
على حاجة غلط حصلت وانا شايف إنها موضوع عبيط وميستاهلش إن يكون حل
الموضوع ده إن العضو الأول يطرد ولا لمدة ساعة واحدة إن لم يكن خالف قانون
( من وجهة نظر معظم الأعضاء ) صحيح

وفي النهاية أنا أطالب بوقف طرد العضو الأول لإن ده مش موضوع يخص العضو ده
لوحده بل موضوع يخص جميع الأعضاء لإن الراسيل الخاصة كما وضحت حق لجميع
الأعضاء

اهدي كده يبشمهندس كيشو وصلى على النبي

يبشمهندس انا معرفش ايه حكاية ابداع بالقلب فقط
ثانيا بالنسبة لموضوع الرسايل الخاصة ده الكلام موجود في الموضوع ان في حالة ان احد وصلته رسالة مزعجة ومش كويسة ووصلت كزة مرة من نفس العضو لعضو معين او ازعاج اعضاء اخرين في الحالة دي العضو المتضرر بيبلغ وبيتم التأكد من صحة الكلام وبنسمع للطرفين و بنشوف الغلطان مين وكل واحد ياخد حقة من ضمن الحالات اللى تم الابلاغ عنها اعضاء بتبعت رسايل عاوزةة تتعرف على بنات وده مش المنتدي معمول عشانة اكيد طبعا لو عندك اخت مش هترضي يوصلها حاجة زي كده وغير كده لاحظنا ان بعض الاخوات ابتدوا ياخدوا فكرة مش كويسة عن المنتدى والبعض منهم قال دول عاملين المنتدى عشان يتعرفوا على بنات الكلية مش عشانن يفيدوا الناس والحالة الثانية وصول رسالة من احد الاعضاء لعضو اخر به سباب وشتائم جارحة تم التأكدد من صحة الكلام وتم تسوية الموضوع
بالنسبة للخاصية مش كل الاعضاء في المنتدى عارفين يستخدموا جميع ادواتت المنتدى كويس
ارجو انن الصورة وضحت وان شاء الله هشوف ايه قصة العضو ابداع بالقلب فقط

الأخ كيشو نحن لم نمانع ان الرسائل الخاصة حق لكل عضو ولكن
الهدف الأول من الرسائل هو فقط خدمة المنتدى ومصلحة المنتدى فقط وليس للتعارف او لهذه الأمور التافهة لأخى كيشو رسائل التعارف التى لا ادرى لما تدافع عنها ليست هنا ولن نسمح بها من يدخل المنتدى للتعارف لاحاجة لنا به وليبحث له عن مكان آخر
أما قسم التعارف الذى تقصده فليس معناه تعارف شخصى هو قسم للتعرف على شخصيات الناس ومناسباتهم الشخصية وليس تعارف واسمى واسمك ونتقابل وهذا الكلام التافه أما بالنسبة للاضافة لقائمة المنبوذين غنحن لنا الحق فى معرفة هذا العضو المتفرغ للرسائل الخاصة ويدخل المنتدى فقط للرسائل الخاصة وكما نوهت هذا العضو لا نحتاجه
وهذا أمر غير مقبول دينيا أو أخلاقيا أو حتى تقبله عاداتنا وتقاليدنا

بص يا بشمهندس كيشو أولا وبدون زعل أى شىء من إختصاص الإداره ليس لك شأن فيه.
ثانيا الأخ اللى بدافع عنه مش عارف ده مراهق ولا أيه نظامه لأن شغال يبعت فى رسايل خاصه كأنه مش قادر ينفذ الكلام ده فى الواقع فبيعمله هنا وشغال كمان باسمين خيال العمر وابداع بالقلب فقط وعلشان كام مشاركه خلاص بقى يتكلم عن الحق والمستحق!!
المنتدى هنا مش للتعارف ده للعلم والتعلم وأنا عمرى مهبقى وسيط"طبعا ده المعنى الحلو"
بين حضرته واللى هيتعرف عليها لأنى بالعربى المدير بتاع المننتدى ده ولأنى ميصحش الكلام ده ولازم أقف أمام أى شخص يعمل كده مش لشخصه أو مين هوه لأ طبعا لعدم إنتشار الغلط
وميبقاش المنتدى للتعارف والتظبيط باللغه العاميه ولأن المنتدى ده ولله الحمد بقى واجهه للكليه
وبعد تعب كبير من الكثير بقى بالشكل ده فأنا مش هسمح لأخويا حتى إنه يعمل الكلام ده
لأن كده حرام وغلط غير كده المفروض الواحد يستتر وميفضحش نفسه دنا يا راجل مرضتش
أذكر اسمه فى الطرد قولت اهوه علشان يبتدى صفحه جديده ومحدش يبصله ببصه وحشه
ولا حاجه.
لذلك يغلق باب المناقشه فى هذا الحوار ومن يرد الإستمرار معنا بهذه القوانين فأهلا وسهلا
ومن لم يرد فاللهم وفقه فى غيره.

الحبار
مدير عام المنتدى