هيا نقيم استفادتنا من المنتدى

السلام عليكم ورحمة الله وبركاته
اولا احب اهنئكم بانتهاء العام الدراسى متمنين للجميع بالتوفيق ان شاء الله
وثانيا احب ان افتح موضوع ان نسمح لانفسنا نفكر فى شىء
هل استطاع الجميع المشاركون فى هذا المنتدى من الاستفادة على اكمل وجه من الاهداف الموضوعة للمنتدى ان يحققها
وهل استطعنا ان نحقق الاهداف الموضوعة للمنتدى ان يحقققها
المنتدى خاص بطلاب كليه الهندسة باسوان
يعنى اهدافه كليه هندسة اسوان وابنائها اولا
فدعونا نفكر فى الاسئلة السابقة
الرجاء من الجميع المشاركة فى هذا الموضوع
وتقييم استفادته من المنتدى
وخصيصا التركيز على الناحيه العلمية اولا
الرجاء نكون صادقين اولا مع انفسنا وان نكون فعالين فى ارائنا
وان كل من عنده فكرة يقدمها كى نرقى بمنتدانا

شكراً يا باشمهندس جداً ع الموضوع

صراحةً /
المنتدى لا يفيد في النظاق الهندسى أكثر من 20%

لسبب بسيط ان الأعضاء لا يهتمون بالمنتدى في النطاق العلمى _

واعتقد ان لو حد قدر يعمل احصائية زى احصائيات أمير كدة

حيلاقى الفرق بين الإقبال على الأقسام الهندسية ومواضيع الكلية
وبين مواضيع الالعاب والرياضة و النكت

فرررررررق شااااااااااسع
وانا برده دخلت في النطاق دة ،
نطاق عدم الإهتمام بالمواضيع العلمية الهندسية اللى حتفيدنا في الكلية

وبحاول اخرررج نفسي من اللى انا فيه واتجه الى النظام الهندسي العلمى واخلى المنتدى
يحقق لى استفادة على أقصي تقدير في مجال الدراسة

بالنسبة للإقتراحات /
الصراحة مش عارف
بس المفروض كل واحد يفكر بينه وبين نفسه
وهو حيعمل الصح اكيد

المنتدى زي مقال يحيي كده قليل الفائده من الناحيه العلميه الهندسيه والسبب الرئيسي ان الاعضاء بيدخلو المنتدى للفضفضه والترويح عن النفس والخروج قليلا عن جو الكليه يعني غصب عنهم ترك الناحيه العلميه في المنتدى تقليل الاهتمام بها

وشكرا

شكرا جدا أخى الفاضل مختار على طرح هذا الموضوع الهام والذى يحتاج بالفعل إلى أن نراجع أنفسنا فيه والحقيقة أن أهم ما وفره المنتدى لنا هو إتاحة الحصول على أى معلومات بسهولة وإن لم يكن الكل قد استفاد منها ولكن حين نحتاجها سنجدها بسهولة إلى جانب التواصل بين الطلاب والخريجين وأعضاء هيئة التدريس والإستفادة من خبراتهم والتعرف على طبيعة عملهم فى سوق العمل
وشكرا لك مرة أخرى على الموضوع الهام

و الله انا متفق مع الجميع ان المنتدى مش كل هدفه دلوقتى المادة العلمية , هوه زى ما قال سيف الاسلام انه اتاح التواصل بين الطلبة و اعضاء هيئة التدريس
و كمان بقينا بنروح عن نفسنا و الواحد بقى بيقول اللى فى نفسه من غير ما يقلق

و شكرا جدا على الموضوع الجميل ده

انا عن نفسي مش شايف ان

المنتدي فيه اي استفاده(sorry)

أنا بشكر المهندس مختار علي على الموضوع الرائع .... و أحب أوضح نقطة إن مش شرط إن الشخص نفسه هو اللي يستفيد ... لكن ممكن يفيد غيره ... و معلش أنا شايف إن اللي مش شايف إنه استفاد حاجة من المنتدى .... إن شخص مش بيفكر غير في نفسه و مش بيحب الخير لغيره ... ( SORRY )

أمير الانتقام كتب:

انا بشارك سيوار فى الاى لكن المنتدى ما لقينا منه الافاده امرجوه على العكس فقد سبب لنا مشاك لم ولن تحل ابدا مثل الردود او المواضيع المتعلقه بالكليه التى لا تنفع

النجم كتب:

انا عن نفسي مش شايف ان

المنتدي فيه اي استفاده(sorry)

مين اللى قال كده يا بشمهندس المنتدى فعلا قدم الكثير والكثير للطلاب والخدمات اللى فى يوم من الأيام كنا بنحلم بيها.
1/أن كثيرمن أعضاء هيئه التدريس بالكليه أشتركوا معنا فى المنتدى وأعطونا فرصه حرية الرأى والتعبير.
2/أخبار الكليه فى جميع الأقسام.
3/ توطيد العلاقات بين أتحاد طلاب الكليه وباقى الطلبه وأتاحة فرصه الحوار الهادف والنقد البناء
4/ الأعلان عن النشاطات والرحلات عن طريق المنتدى.
5/أعلان النتيجه من خلال المنتدى وهذه خدمه لم تكن موجوده إلا من خلال منتدانا.

والكثير والكثير من المواضيع الهادفه فى جميع الأقسام سواء مواضيع علميه أوغير ذلك.

بعد كل هذا نتهم المنتدى بالتقصير هل هذا هو التكريم الحقيقى له!!!!!!

أنا شايف ان المنتدي مهم جدا من الناحية العلمية كفاية طلبات الكتب مثلا وكفاية إحساسك انك أنجزت شئ وأفدت الناس ومن أكبر الامثلة علي كده قسم حاسبات مثلا وبالذات تالتة حاسبات بما ان فيه اتنين مشرفين منها فهتلاقي كل الكتب بتاعتنا وكورسات ودروس وكمان مراجعة ليلة الامتحان .
لو عايز تتفرج علي كل ده هتلاقي موضوع موسوعي لمواضيع تالتة حاسبات

أسرة 3 حاسبات ونظم 2008

وكون انشغالنا كل فترة امتحانات ببعض المشاكل والشد العصبي فده مايخليناش نقول ان احنا ماستفدناش .
هيا نقيم استفادتنا من المنتدى 700120

ايوة يا جماعة كل دة تماااام

وكلام القبطان كويس كمااان

بس فين الإستفادة العلمية من المنتدى أو كام % منها ؟؟

ياريت الناس تهتم أكتر بالأجزاء الهندسية من المنتدى والأقسام الهندسية

وهو دة اللى حيفرق ما بين

منتدى هندسة أسوان وأى منتدى أخر

لان كل المنتديات فيها أقسامنا

حوارات الشباب - العب واتسلى - ،،،،،،،،،،،،،

لكن مش كل المنتديات فيها أقسام مدنى / عمارة / كهربا / حاسبات /اتصالات

أرجو ان يكون قصدي وصل لكم

احنا موش بننتقد المنتدى احنا عاوزين نحسن المواضيع الى فيه
ولو المنتدى معمول للتفريج عن النفس بس كان افضل تسموه حاجه تانى زى
الملتقى الثقافى لطلاب هندسة اسوان
واحنا موش بنقول نمنع الحوارات
بس يكون الاهم عندينا الناحية العلميه
يعنى الافضل الواحد يذاكر 3 ساعات ويروح عن نفسه ساعة
ولا يذاكر ساعة ويروح عن نفسه 3
وده شان مواضيع المنتدى

بسم الله الرحمن الرحيم

انا بصراحه مقرائتش كل الردود في الموضوع ده ولا في اي موضوع اخر
ولكن وجدت شئ محبط في المنتدي بل في كل المنتديات العربية
وهي ان شخص وضع برنامج او موضوع العضو الي بيدخل الموضوع مبيقيمش الموضوع
ولكن بيدخل يسيب بصمة مش اكتر ويقوله شكرا
مشفتش حد ولا انا بيحمل البرنامج او يقراء الموضوع ويرجع ينقشه في كل كبيره وصغيره في الموضوع ( اسف في بعض الاعضاء بيناقش في الي هو مش فهمه فقط وده مش عيب )
وانا بلاحظ في كل المنتديات في اعضاء (اسف في التعبير ) ملهمش لزمه بيسجل في المنتدي علشان يحمل برنامج او علشان يقراء موضوع وخلاص شكرا
انا بقترح اننا نعمل نشره بريدة للاعضاء الغير مشاركين او المشاركات لهم اقل من 10 مشركات
باننا هنلغي عضويتهم

اما مدي الاستفاده الي وصلتني لحد الان ما يقرب من 40%
هذا رائي بكل صدق

والله ولي التوفيق

وفي حاجه تانيه
الاعضاء الي بيدخلوا المواضيع يقراء ثم يرحلوا pirat

يبقي استفاد وفاد صاحب الموضوع بها
لا رد بناء cheers

ولا حتي نقد

يبقي اه الفيده scratch

أتفق معك يا بشمهندس مختار فيما ذهبت إليه

ولكن عدم الإستفادة العلمية له أسباب ومنها أن أعضاء هيئة التدريس المشاركون معنا
مشاركاتهم دائما شحيحة إن وجدت

اقتباس :: تم التعديل بواسطة PRINCESS

الفرعون العاشق كتب:: أتفق معك يا بشمهندس مختار فيما ذهبت إليه

ولكن عدم الإستفادة العلمية له أسباب ومنها أن أعضاء هيئة التدريس المشاركون معنا
مشاركاتهم دائما شحيحة إن وجدت

يا أخ الفرعون ،
السادة أعضاء هيئة التدريس
الدكاترة والمعيدين _
هم أهم سمة للمنتدى وهم من أعطوا له الطابع الهندسي وطابع الكلية " كلية هندسة أسوان "
وأعتقد ان أفضالهم كثيرة علينا في المنتدى ،
ولولاهم لم يكن المنتدي بهذه الشكل
ورغم ظروف أوقاتهم الصعبة نجدهم دائماً في المنتدى بصورة يومية
وانا بالطبع مش حذكر أسامى أعضاء التدريس المشاركين معنا في المنتدى
حتى لا أنسي أحداّ .

ولو عايزين نخلى المنتدى هندسي يبقى نبدأ من أنفسنا أولاً
وأنا متأكد ان المعيدين مش حيبخلوا علينا باى حااجة
انما مش واضع علينا اننا نحب أن نجعل المنتدى هندسي في المرتبة الأولى

اقتباس :: تم التعديل بواسطة PRINCESS

الفرعون العاشق كتب:: أتفق معك يا بشمهندس مختار فيما ذهبت إليه

ولكن عدم الإستفادة العلمية له أسباب ومنها أن أعضاء هيئة التدريس المشاركون معنا
مشاركاتهم دائما شحيحة إن وجدت

$$$$ حملة ال 100 توقيع لطلب عودة المعيدين لمنتدانا $$$$ && باقى 34 صوت &&
ده لينك موضوع ياريت حضرتك تقراه وهتعرف ان أعضاء هيئة التدريس كانوا بيشاركوا معانا كويس لغاية مافية كلام غير مسئول صدر من أشخاص معانا في المنتدي تسبب في عزوف المعيدين عن المشاركة وتقريبا مش فاضل غير عدد قليل جدا منهم وياريت سيادتك تحاسب علي كلامك جدا وده تحذير صريح وليس بعده إلا العقوبات الادارية .

ملحوظة :"أنا لم أعدل في الردود لأن للأسف من قالها هو مشرف قسم الحوار العام."

اقتباس :: تم التعديل بواسطة PRINCESS

احنا موش فتحنا الموضوع عشان نعرف مبن المقصر
اكيد الكل مقصر طبعا
بس احنا فتحنا الموضوع عشان نغير من الوضع الحالى
واى فرد ممكن يفيد فى المنتدى ايا كان طالب او عضو هيئة تدريس
الرجاء تكون نظرتنا اوسع

مختار على كتب:: الرجاء تكون نظرتنا اوسع

*********

فى حالة وجود أى إنطباع عن مشاركه سواء خطأ أو العكس
يتم بعث رساله لمشرف القسم أو المشرف العام دون الرد
فى الموضوع حتى يلا يتم تشويه الموضوع.

الحبار

بسم الله الرحمن الرحيم

أولا أحب أن أشكر البشمهندس مختار على إثارة هذا الموضوع الهادف والذى أتمنى أن يأتى ثماره

وأنا أتفق مع الأخ يحيى فيما قاله

اقتباس :: ولو عايزين نخلى المنتدى هندسي يبقى نبدأ من أنفسنا أولاً
وأنا متأكد ان المعيدين مش حيبخلوا علينا باى حااجة

بالفعل لو أردت الإصلاح فابدأ بنفسك فالله لا يغير ما بقوم حتى يغيروا ما بأنفسهم
أما بالنسبة لإقتراحى لزيادة الفائدة العلمية

ياريت يكون هناك مسئول عن كل دفعة واخبارها
يعنى يكون مشرف مخصص لمتابعة معلومات وأخبار دفعة بعينها وأكيد المشرف هايكون من نفس الدفعة
يعنى أى شخص يريد أى معلومة عن دفعته أو أى إستفسار يخص إمتحانات أو ميعاد محاضرة أو سيكشن ....وما إلى ذلك يستطيع أن يجدها فى المنتدى

وبذلك سيحرص كل طالب من كل فرقة أن يدخل على المعلومات التى تهمه

اقتباس :: فى حالة وجود أى إنطباع عن مشاركه سواء خطأ أو العكس
يتم بعث رساله لمشرف القسم أو المشرف العام دون الرد
فى الموضوع حتى يلا يتم تشويه الموضوع.

أرجو أن تقرأ إقتراحاتى يا يحيى
http://asv-univ.editboard.com/montada-f28/topic-t7151-15.htm

والله المستعان

» الآن يمكنك متابعة آخر مواضيع المنتدى عن طريق قائمته البريدية وجروب المنتدى على الفيس بوك
» تهنىء إدارة المنتدى أسرة المنتدى والكلية وجميع المسلمين والعرب بجميع الأصقاع بمناسبة عيد الأضحى المبارك
» تجديدات فى المنتدى"كل جديد فى تقنيات المنتدى سيكون هنا".
» Excel sheets لتصميم مختلف العناصر الانشائية
» أكبر ملف به كتب على المنتدى