مصطلحات جديدة لازم تبقى مؤمن بيها ........

جلست مع نفسى افكر فى الاختلاف الفظيييييع اللى حصل فى المفاهيم زمااان والوقتى

مثلا ايام عبدالناصر كان التعامل مع اسرائيل اسمه خيانة وتبقى بنى آدم خاين وعميل لو قلت غير كده

اما الوقتى فبقى اسمه تطبيع واللى يعاديه يبقى ارهابى وضيق الافق كمان وممكن تبقى ضد امن وسلامة البلد(شوف ازااااااااى!!!!!!!)

لا لا

عشان كده قررت ان انا افكر فى اعادة صياغة المفاهيم السياسية باللى يناسب العصر اللى احنا عايشنه(واهوه عصر وخلاص اللهم لا اعتراض)

وكمان مصطلحات تتناسب مع سياسة حكوتنا الرشيدة (واللى يقول غير كده يبقى مابيفهمش ولا هانفهم اكتر من الحكومة ........)

واليكم عصارة مخى فى تعريف المصطلحات الجديدة : كمبيوتر

التطبيع: هى علاقة ود مع دولة صديقة بينا وبينها معاهدة سلام (واللى ينكر كده يبقى ارهابى وصاحب فكر هدام وضيق الافق كمان) لذا وجب عليك ان تشجع تلك العلاقة (وتبقى بقى مع بيع الغاز للدولة دى باقل من تمنه ......ومالكش دعوة بقى بغزة اللى الناس بتموت فيها فى المستشفيات بسبب نقص الوقود.....انت مالك انت

ايش فاهمك فى الاقتصاد) ولا انت ضد السلام !!!!!! قلب

الاشتراكية: بدات مع عبدالناصر لو تسمع عنه (ويفضل ما تسمعش .....) وبالبلدى كده معناها ان كل حاجة تبقى ملك للدولة يعنى ملك للشعب (وده طبعا مرفوض الوقتى اوعى تقول انك اشتراكى لازم تقول انك مع الخصخصة

وان الدوله ممتلكاتها تتباع للى يفهموه فى ادراتها .....وان اللى يحتكر السوق واحد بس الحكومة وكلته لكده هى فاضيه تدير طبعا عارفه عمى وعمك وعم الكل .......عـــــــــــــــــز)

كويس

الديموقراطية: جينا لمربط الفرس كن متاكد انك فى بلد ديموقراطى من حقك تقول اللى انت عايزه (اللى هواللى الحكومة عايزاه ) ولو قلت عكسه تطبيقا لمبدا الحرية الحكومة بردوه حرة تعمل فيك اللى هى عايزاه...... غمزه

.

معاهدة السلام بينا وبين الدولة اياها (معلهش اصل اسمها بيجيبلى ارتيكريا) : يجب ان تقر وتعترف ان احنا ماينفعش نسحب السفير من عندهم ولا نقفل سفارتهم هنا لان انا ولاد ناس وبنحترم معاهدتنا (مع ان سبحان الله مش بنيقى اد كلمتنا غير مع الدولة دى....وبننسى دايما ان فى اتفاقيه اسمها الدفاع المشترك بين الدول العربية

بس ياللا ننقض العهد مع اخواتنا ماااااااااشى لكن الغريب لازم نبين اننا قد كلمتنا والا نبقى ضد السامية.....)

الفقر : حالة مش موجودة فى مصر اطلاقا ولا عمرنا سمعنا عنها (سيبك من الاشاعات المغرضة بتاعة المعارضة....ولوانت نفسك حاسس انك بتعانى من الفقر كدب نفسك ولا هاتعرف اكتر من الحكومة؟؟؟؟؟؟)

اكتفى بهذا القدر..........

بيضحك

وللحديث بقية ان كان فى عمرى بقية لاكمل بقية المصطلحات والثرثرة اللى تودى فى داهية lol!

اقتباس :: جلست مع نفسى

أنا أعرف جلست والخوف بعينيها بتاعة عبد الحليم إنما مع نفسى دى جديده بصراحه!!!

اقتباس :: اكتفى بهذا القدر..........

متكملى بالمره ما انتوا ناويين عليا خللى بالك اللى بيتمسك المدير فى الاخر مش حد تانى!!

على العموم مصطلحات جميله ومجموعه بس يا ريت توضحى أكتر وتجيبى أمثله للفقر
والديمقراطيه والديماجوجيه والمصطلحات البوهيميه دى علشان يبقى فيه بعد تالت
لكل مصطلح نقدر نشوفه ونلمسه
وشكرا على الموضوع يا بشمهندسه.

الله الله الله ..... موضوع رااااائع يا SASO ......
و ربنا يسهل و تقدروا تجيبولنا عيش و حلاوة في ليمان طرة .....
مش ليمان طرة ده بتاع المعتقلين سياسي برضه ؟؟؟..... فل عليكم ...
مصطلحات جديدة لازم تبقى مؤمن بيها ........ 632320

مصطلحات جديدة لازم تبقى مؤمن بيها ........ 632320

سوار وجلادياتور والحبار على المرور تعظيم سلام

بس يا سوار مااعتقدتش ان ليمان طرة تليق باعضاء المنتدى وبمديره اللى هايشيل الليلة بدلنا بلاش السجون المحليه بقى
امال جوانتانامو فتحينها ليييييه؟؟؟؟؟؟؟؟ ضحك حتى البكاء

و الله احنا شكلنا كده كلنا بما فينا المدير هنتخبط سنتين اعدام مع الشغل

موضوع جميل جدا و يستحق القدير

شكررررراً ساسو

والف مبروك الإشرااااااف

ترميناتور ع المرور

بس ازاى سنتين اعدام مع الشغل

يمكن قصدك سنتين شغل وفى اخرهم هانتعدم؟؟؟؟؟؟؟
عموما ايا كان اللى حصل حصل واللى انكتب انكتب وده وقت تجهيز الاعضاء لشنطهم والعيش والحلاوة وانتظار الباب يخبط فى اى لحظة (ولا الله يحفظنا لما بيدخلو البيت مش بيخبطو طبقا لقانون الطوارىء.......)
شكرا

ليحيى ع المرور الكريم والتهنئة وان شاء الله ابقى قد المسؤلية وعند حسن ظن الاعضاء

مصطلحات جديدة لازم تبقى مؤمن بيها ........ 2696

saso_al safrota
مبروك

ليكي علي الاشراف
وما شاء الله متميزة ديما في الشعر مع اني رافع راية انا مع الريس والحكومة الحالية و الجاية
واللي بعدها عاوزين ناكل عيش في سكوت

يا كينج ع المرور والله يبارك فيك

اما بخصوص انك مع الحكومة لا لا

اعتقد ده كان قبل ما تدخل القسم السياسى وخاصة الموضوع ده
يعنى خلاص انت اكتبت فى البلاك ليست واللى حصل حصل!!!!!!!!

» مصطلحات سياسيه هامه لازم تبقى عارفها.
» قوانين المنتدى الواجب على كل الأعضاء الإلتزام بيها.
» تحب تبقى رئيس أمريكا ولا محافظ بورسعيد ؟؟؟
» ليه بس تبقى كئيب لما ممكن.............
» عايز حبيبتك تبقى مراتك....