للفتيات فقط

اذا تقدم احد الشباب لخطبتك
فهل ترفضين طلبه للزواج بكِ لهذه الأسباب :


1 - هل ترفضينة لأنه لا يصلى ؟
طبعا ..لأن اللي مش بيشكر ربنا على نعمه .. مش هيشكرني أبدا على أي حاجه أعملهاله !
ولا هيراعيني أبدا !
2 - هل ترفضينة لأنه يدخن ؟
بصراحة .. مش من أولها .. لو كانت مميزاته كلها كويسة و عيبه الوحيد هو التدخين .. سأمهله فرصه لأن يقلع ..
اما اذا كان مصر على التدخين .. فمع السلامة لأني أكره رائحة الدخاااااااان و أصلا عندي حساسية ! مينفعش


3 - هل ترفضينة لأنه يعاكس الفتيات ؟
اممممممممممممممممممممممممم .. لأ بصراحة .. لأن معاكسة الشباب للفتيات ( في أكتر الاوقات) بتبقا من الفراغ .. بمجرد الخطوبة و الاستقرار نوعا ما .. هيبطلها .. و البنت لازم تفهم ان هيا بإيديها ممكن تخلي جوزها أو خطيبها ميشوفش حد غيرها .

4 - هل ترفضينة لأنه بخيل ؟
طبببببببببببببببببببببببببعا .. لأن اي صفة في الدنيا ممكن تتعالج إلا البخل !! لو كان بخيل في فلوسه هيكون بخيل في كل حاجه .. و الحياة الزوجية شركة ... هل ينفع أني اخش شراكة مع واحد بخيل في ماله و في اهتمامه و في مراعاته لشؤون بيته و أسرته ؟؟؟؟؟

5 - هل ترفضينة لأنه مهزوز الشخصية ؟
أعتقد ذلك .. مفيش بنت ستقبل رجلا مهزوزا يسيره من هم حوله .. أو انه يستمع بدون تفكير و ينفذ أوامر ..


6 - هل ترفضينة لأنه لايعمل ؟
لا يعمل للأبد ؟؟ ولا لا يعمل مؤقتا ؟ لا يعمل و لديه أموال ؟ لا يعمل و ليس لديه أموال ؟؟
لا يعمل دي تحتمل اقوال كتير ..
بس عموما شاب لا يعمل .. أعتقد برضه انو مش هيبقا في فلوس .. هنصرف عالبيت من فين ؟؟
لا يعمل رغما عنه .. مفيش شغل حاليا .. مش مشكلة ممكن أقبل الخطوبة إلى فتره معينه .. لقيت انه ملقاش شغل .. و محاولش يلاقي .. و لم يبذل جهده في أنه يسعى انو يلاقيله فرصه عمل .. اكيد مش هستمر .. مش بمزاجي ده غصبن عني .. هنصرف على البيت و الحياة من فين ؟

7 - هل ترفضينة لأنه سيسكن مع أهله ؟
لأ طبعا أتشرف اني اسكن مع اهله .. لأني بالطريقة دي هعرفه أسررررررع بكتير من اننا نسكن لوحدنا مستقلين في بداية الزواج .. و لكن أيضا يكون حاطط في باله انو ميفضلش عايش مع اهله طول حياتنا .. اكيد سيمر وقت نحتاج فيه للإستقلال .

8 - هل ترفضينة لأنه فقير ؟
إطلاقا ... بس برضه .. فقير و قاعد حاطط ايده على خده ... سأرفضه طبعا !
فقير و لكن بيحاول يسعى و يجتهد و يشتغل ..... سأقبل به طبعا و بكل ترحاب

9 - هل ترفضينة لأنه مريض ؟
اسئلتكم كلها تحتمل حاجات كتير ..
مريض هيموت ؟
مريض مرض معدي ؟؟
مريض عادي .. قلب .. سكر .. ضغط ؟؟
لو مريض هيموت ... للأسف مقدرش أحط نفسي في موقف زي ده .. بكره هيكون عندنا أولاد لن احتمل ذنب أني انا الي خليتهم أيتام و أنا متأكده من انهم سيكونوا أيتاما ..
مريض مرض معدي و خطير !! طبعا لأ !!!
مريض عادي .. سأقبل بيه طبعا

10 - هل ترفضينة لأنه عصبى المزاج ؟
لأ :) سأتجنب قدر الامكان اني اثير غضبه .. و احسن التعامل معاه و أصبر ..

11- هل ترفضينة لأنه يتلفظ بألفاظ سيئة ؟
........................ إلى حد ما ..

12- هل ترفضينة لأنه لايهتم بمظهرة ونظافتة ؟
المظهر ... ممكن أقبل إلى حد ما .. يعني مش لازم يكون آخر موضه !
بس النظافة !!!!!!!!!!!!! والله لما يبقا ايييييييييه !! مش نظيف !! لالالالالالالا

13 - هل ترفضينة لأنه سمين أو نحيف (المظهر) ؟
لا خالص .. عااادي
14 - هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))
لا مش هرفض إطلاقا .. بالعكس
15- هل ترفضينه لإختلاف اللون ؟
هيا التفرقه دي لسه موجودة ؟؟؟؟؟؟؟ يااااااه .. لا خالص طبعا عاااااااادي جدا
16 - هل ترفضينه لنسبه ؟
لا عادي برضه المهم أخلاقه و انو يكون شخص محترم و كويس ..
17 - هل ترفضينه لو إشترط عليك عدم إكمال الدراسة أو العمل ؟
بصراحة ..... أه ارفض و بشدة
18 - هل ترفضينه لأن والدته متسلطة ؟
............................... معرفش ! على حسب درجه تسلطها !
19 - هل ترفضينه لأنك ترينه أخ لك ؟ (( إبن العم - إبن الخال مثلاً ))
أه طبعا !
20 - هل ترفضينه لأنه غيور ؟
لا خاااااالص :)

ان كنتي سترفضيه فلأي سبب من هذه الاسباب سيكون الرفض
وان كان هناك اكثر من سبب فما هو ترتيب هذه الاسباب حسب اولوياتك

[/size]


و شكرا على هذا الموضوع الجميل :)