دعوة للتسامح..........

لقد ترددت كثيراً قبل ان افتح هذا الموضوع ولكني قررت اخيراً انه لابد من فتحه
في هذا الموضوع ادعو الجميع الي التصالح وترك الخلافات جانباً وبدء صفحة جديدة
صفحة تسودها المحبة والمودة بين الجميع بلا استثناء
لذلك من هنا ادعو:
البشمهندس يحيي
البشمهندس القبطان
البشمهندس أمير
البشمهندس عبدالوهاب
البشمهندس ماسا
البشمهندس فاي
ان يبدأوا صفحة جديدة معاً وان يتركوا الخلافات جانباً ويعودوا كما كانوا في السابق
واكيد في ناس تاني بس دول كل اللي قدرت اتذكرهم
اتمني ان يقبل الجميع دعوتي
حتي نحافظ علي منتدانا ونرتقي به لان كلاً منا اساس من اساسيات المنتدي

ومعلش انا كنت ناوية اعمل حفلة صلح واجمع فيها الجميع لولا ظروف الامتحانات
بس ولا يهمكم حعملكم حفلة علي المنتدي

دعوة للتسامح.......... 01022010

بس يارب محدش يكسفني ويرفض الصلح

شكرا
MISS_R على هذه المبادرة الطيبة والتى أوافق عليها وأساندها بكل قوة وأدعو الجميع إلى الإلتفاف حول المائدة من جديد وعفا الله عما سلف وأتمنى أن يستجيب الجميع ونؤكد للجميع أننا جميعنا هنا أخوة وأن نرد كيد المخربين والمدمرين وأدعو جميع الأعضاء لمؤازرة هذه المصالحة وأتمنى خصيصا أن أرى نفس الأعضاء الذين لا نراهم إلا فى المشاكل وأن نعلم أننا ربما أسأنا الظن بهم وأن يكونو معنا هنا لبيان مؤازرتهم للأفعال الحسنة وليس فى أوقات المشاكل فقط وكذلك أتمنى من إخوتى المذكورة أسمائهم بل وأطالبهم بالعفو وبيان حسن الظن والنوايا

و انا كمان بساندك في هذه البادرة الجميلة يا مس آر و ارجو ان الوضع يكون هدي شوية ( كما انا احس) ..

يمكن لأن عدد من الامتحانات عدى و الناس نوعا ما نفسيتها هديت و استقرت ..

بس أنا عتبانه عليكي يا مس آر .. كده تجيبي تورتات و تنسي تجيبي موالح ؟ طب انا مش باكل حلو !

مش مشكلة .. اديني جايبالكم .. ورق عنب ! ... ( شكلي هبقا متخصصة في ورق العنب عالمنتدى ) ..

دعوة للتسامح.......... Deeiaar_885556060

دعوة للتسامح.......... Deeiaar_885556060

و أرجو فعلا أن يعم الخير و السلام :<<<&l

انا اسمى مكتوووووووووووووب

وأنا كمان بدعو للتصالح

وبأرجو من سيف الإسلام انه يوصل اقتراحى للمسئولين ويعمل بأقصي قدر عليه

من أجل غد أفضل

معلش لسة شايف الموضوع بالصدفة والله ظروف الشغل بقي .
أحب اشكر مشرفتا ميس آر وأنا من ناحيتي مافيش حاجة خالص ومش شايل من أي حد وربنا مايجيب مشاكل أبدا.

أحب أشكر البشمهندسة MISS_R على مبارتها بالخير.

وأنا بأعتذر عن أى شئ أو تعدى ظهر منى لأى عضو او مشرف من اعضاء أو مشرفين المنتدى وأتمنى أن نفتح معا صفحه جديده وننهى أى مشاكل بيننا حتى نحافظ على ما وصلنا إاليه ولا ننهى أو نخرب ما أنجزناه طوال الأيام السابقه بمجهودات الجميع بسبب أى مشاكل .
وأحنا فى النهايه اكيد ننتمى لكليه واحده ولنا على بعضنا البعض حقوق الزماله التى يجب أن نتذكرها دائما ولا ننساق وراء عقولنا.

هو انا ازاي ما ردتش لسة في الموضوع ده
الامتحانات عااااااملة عمايلها معانا معلش
بس بجد موضوع جميل يا ميس ار وجاي في وقته
وانا طبعا مش زعلانة من حد ويارب ما يكونش في حد مضايق مني
وربنا ما يجبش مشاكل تاني ابدا
وما اعتقدش ان فيه حد دلوقتي لسة زعلان او مضايق من حد
وشكررررا يا ميس ار علي المبادرة الجميلة دي
وربنا يكرمنا جميعا ويوفقنا اننا نعمل حاجة كويسة في المنتدي هنا

اقتباس :: بس ولا يهمكم حعملكم حفلة علي المنتدي

حفلة مين قال حفلة أنا اهه
دعوة للتسامح.......... 236

البشمهندس يحيي

البشمهندس القبطان
دعوة للتسامح.......... 1-%20(172)

البشمهندس أمير

البشمهندس عبدالوهاب

البشمهندس ماسا

البشمهندس فاي

المهم شيلولى التورتة نمرة 4

جزاكم الله خيرا على ه>ه الروح الطيبة في التعاون على البر والتقوى وترك الفحش من القول والبغض ودحض الكراهية والتفرقة والتمسك جميعا بحب الله المتين والتجمع على الالفه والمحبة وان شاء الله دائما متحدين لا ندع للشيطان مكان بيننا وبالنسبة لى انا بعتزد ان كان حد اضايق منى او حاجة وان يكون يسامحنى وارجوا من راي فيا عيب ان يبعث لي في رساله حتى نبتعد عنه ان شاء الله رحم الله امرء اهدى الي عيوبى

وان شاء الله اوعدكم قريبا ان شاء الله هتلاقوا ماسا وعبد الوهبا متصالحين وكله تمام ادعوا بس ان شاء الله كله يبقي تمام

احب ان اشكر كلاً من البشمهندس يحيي والبشمهندس امير والبشمهندس قبطان علي سمو اخلاقهم وقبولهم الصلح وبدأهم بفتح صفحة جديدة
صفحة بيضاء النفوس فيها صافية
واتمني ان اري قريباً رد كلاً من البشمهندس عبدالوهاب والبشمهندس فاي والبشمهندس ماسا وموافقتهم علي الصلح حتي نستطيع ان نغلق تلك الصفحة القديمة ونبدأ صفحة جديدة كلها مودة ومحبة

اقتباس :: بس أنا عتبانه عليكي يا مس آر .. كده تجيبي تورتات و تنسي تجيبي موالح ؟ طب انا مش باكل حلو !

معلش يا ليتل كوين سامحيني لو كنت اعرف انك بتحبي الموالح لكنت جبتيلك كل ما تشتهي الانفس
بس اوعدك المرة الجاية مش حنسي اجيبلك موالح مخصوص علشانك هو احنا عندنا كام ليتل كوين بس انت تأمري.........

اقتباس :: وان شاء الله اوعدكم قريبا ان شاء الله هتلاقوا ماسا وعبد الوهبا متصالحين وكله تمام ادعوا بس ان شاء الله كله يبقي تمام

ياااااااااارب امين من بقك لباب السما يا بشمهندس جودزيلا

اقتباس :: حفلة مين قال حفلة أنا اهه

علي فكرة يا بشمهندس وائل انا بقترح نخليك اخصائي الحفلات بالمنتدي ايه رأيك؟؟؟؟؟؟
وشكراً علي الحفلة الجميلة دي

وشكراً للبشمهندس سيف الاسلام والبشمهندسة اميرة والبشمهندس الزعيم علي روحهم السمحة ومشاركتهم في الدعوة للتسامح والصلح

بداية أحب أن أشكر البشمهندسة MISS_R على تلك المبادرة الرائعة ......
ثانيا أحب أن أوضح أنني كنت قد اتخذت قرارا بالبعد عن كل تلك المشاكل و
عدم إبداء رأي فيها سواء بالسلب أو بالإيجاب .... و ذلك لعدة أسباب .... و
من أهمها أنني أعلم تماما كل تلك الشخصيات و أعلم أيضا طريقة تفكير كل
واحد منهم ....
و بسبب أنني أعرفهم تماما فقد خشيت أن أتخذ قرارا أو إبداء رأي قد يؤدي إلى خسارتي لأحد منهم أو قد يؤدي إلى خصام لا قدر الله .....
و لكن الحمد لله أنا كنت أحمل بريق أمل داخلي و ثقة فيهم أنهم ليسوا
بأطفال و أنهم سيتعاملون بشكل أكبر و منفتح و أنهم قادرين على اتخاذ
القرار الصحيح .....
و أحب أن أضيف أننا كلنا بلا إستثناء سواء مشرفين أو أعضاء .... فإننا
نعمل باتجاه واحد و هو الإرتقاء بالمنتدى و الإنتقال من نجاخ إلى آخر .....
و ليعلم كل واحد في المنتدى أن المنتدى سوف يزيد عدد أعضاءه في الفترة
القادمة أكبر من ذي قبل ..... و أحب أن أكشف لكم عن جزء من الخطة التي
وضعتها حتى يتم ذلك ....
و هي توزيع إعلانات للمنتدى في مصر و خصوصا في فترة التنسيق .... و من هنا
أحب أن أجد منكم الإستعداد لمساعدة المشتركين الجدد .... و خصوصا الوافدين
الجدد إلى كليتنا العزيزة
كما أن هناك العديد من الخطط و لكن أكتفى بذلك القدر .... و دعوني أعمل في صمت ....
و شكرا لكم جميعا ... و أتمنى أن تعود صفحة السلام و الوئام بين جميع الأعضاء و المشرفين ...
وفقكم الله

الحمد لله إسمي مش مكتوب يعني انا الحمد لله مش عامل مشاكل مع حد

وبعدين طبق واحد ورق عنب بس يا ليتل كوين على الليله دي كلها
ايه البخل ده
تعالو يا شباب انا عازمكم على عشوة حلوة في ( أبو شقرة ) في ميدان الجزائر بالمعادي
او بلبع في الاسكندريه عشان ليتل بتحب الاسكندريه او شكلها من الاسكندريه المهم يالله اركبوا العربيه ععشان نروح نتعشى هناك انا خلاص حجزت تربيزة مخصوص لينا كلنا

بم انى لسة مشتركة جديد في المنتدى فالصلح احلى حاجة ابتدى بيها معاكم
بس الجاتو اللى في الصورة دة احلى واحلي

» دعوة
» دعوة الى الامام
» للصائم دعوة لا ترد
» دعوة مهمة جدا
» وماذا بعد؟ (دعوة)