خطرفات قلم سفروتى

كل ما سأكتبه هو مثل ما قد كتبت ومثل ما سأكتب

مجرد عبث قلم لا يكل ولا يمل من العبث بالحروف من اجل خروج معانى بلا معنى بداخلى

جلست ونظرت اليه (بالطبع قلمى)

فوجدته يغرينى ان امسكه رغما عنى حتى اخط عبثا.......(كما قلت بالسابق فهو لا يكتب سوى العبث)

واليكم اخر كتاباته الغريبة التى خطها دون ارادتى (دائما ما يفعل ذلك), يغرينى ان اكتب ثم يكتب ذلك العابث ما يريد فهذا جزء من خطرفاته المعهوده والتى اتمنى ان تحوز اعجابكم حتى انشر بقية عبثه

أنتظر

لا أدرى ماذا أنتظر ولكنى أنتظر........

اود لو ان اسقط فى غيبوبة ابدية حتى ياتينى ذلك الامير الموعود الذى يوقظنى من تلك الغيبوبة

او ان احضر حفلا انسى فى نهايته فردة من حذائى حتى يجدها الامير ثم يجدنى بعدها

انتظر وانتظر ولكن لا شىء سوى صمت وصمت وصمت

مللت الانتظاروسئمت تلك النجمة البراقة فى ذلك الليل البهيم والتى طالما لم اجد سواها لاحكى لها ما بى.......

حتى هى قد اصابها الملل والفتور من حكاياتى العقيمة .......حتى احلامى اصبحت بلا معنى بلا لون .........بل انى قد سئمت الاحلام وبالتالى سئمت الحياة فحياة بلا احلام لا معنى لها

اصبح كل شىء بالنسبة لى بلا معنى واصبح كل معنى لا يساوى شىء....

تجمدت الدموع فى عيناى وتحجرت الكلمات فى حلقى ....وفرغ منى حبر قلمى

حتى الصفحات البيضاء قد نفذت منى..........

وحروف الابجدية جميعها فقدتها ربما نسيتها .......او جميعها لا تحمل معنى بالنسبة لى

فاصبحت اخط حروفا بلا معنى وكلمات بلا مغزى

وعينى تعصر حزنا بلا دموع ...وقلبى يصرخ ولكن بلا صوت

حتى النوم الذى كان ملاذى الى احلامى الوردية قد هرب من عيناى......ربما لانه لم يعد هناك احلام وردية .

تلك الكرة المسماة بالكرة الارضية قد اصبحت فى عيناى بمثابة "خرم ابرة" فى منتهى الضيق

حتى الكتابة هوايتى المفضلة امارسها على مضض .امارسها فقط كى ترهقنى عيناى من الكتابة والجلوس امام حاسوبى فاضطر ان اخلد الى النوم "ان كان هناك نوم"

فاصبحت كلماتى كجسد بلا روح

شىء من العبث والملل والجنون ومزيج من الياس والاحباط وكره الحياة وعدم الرغبة فى المصالحة مع تلك الحياة او من يعيشون فيها .........ربما عدم المصالحة مع ذاتى ايضا.

الحمد لله وكفى ......فقد سئمت حتى من نفسى وانا اكتب هذا الكلام السقيم
وللحديث بقيه ان كان فى العمر بقية

معلهش عشان كئيب شوية

بس لقيت مش وقت الحاجات المفرحة اطلاقا
نظرا لظروف الامتحان
يعنى حاجة تناسب الجو النفسى ......ربنا يعدى الفترة دى وانا احاول انزل حاجات تضحك شوية بيبكى

شكـــــــــرا علي الكئابة دي يا ساسو
علي فكرة مش وقتها خالص
الناس فيها اللي مكفيها
وحتلاقي ان الناس عندها اكتئاب لوحدها هنا

انا كنت قولت رأيي فيه قبل كده
بس عما اعتقد انك ضفتي حاجات تانية عليه
- لان دلوقتي عجبني اكتر من اول مرة قريته -
ع العموم
شكرا مرة تانية علي الكلمات اللي تدخل الواحد لمود الاكتئاب تاني
بيبكى

saso_al safrota كتب:: اود لو ان اسقط فى غيبوبة ابدية حتى ياتينى ذلك الامير الموعود الذى يوقظنى من تلك الغيبوبة

Snow White

saso_al safrota كتب:: او ان احضر حفلا انسى فى نهايته فردة من حذائى حتى يجدها الامير ثم يجدنى بعدها

sandrella

طب ينفع أمير بس من غير الـ
بيضحك2

رغم اني عارفة ان سهام حتولع فينا
بس برده حعلق
الاولي دي مش سنو وايت
دي الاميرة النائمة
Laughing

اقتباس :: فاصبحت كلماتى كجسد بلا روح
شىء من العبث والملل والجنون ومزيج من الياس والاحباط وكره الحياة وعدم الرغبة فى المصالحة مع تلك الحياة او من يعيشون فيها .........ربما عدم المصالحة مع ذاتى ايضا.

حرااااام عليك يا ساسو ايه يابنتي الكأبة دي كلها امال فين الامل خلي عندك شوية امل بالحياة
بس اسلوبك في الكتابة حلو منتظرين منك ابداعات اخري بس من غير كأبة وحزن متفقين

اقتباس :: الاولي دي مش سنو وايت دي الاميرة النائمة

اعتقد يا برنسيس ان كلام البشمهندس امير صح وان سنووايت هي المقصودة ولا ايه

شكرا على مروركم الكريم

وبالنسبه ل miss_R
(معلهش والله ع الكآبة الغير مقصودة بس هوه قلمى الله يخرب بيته هوه اللى فجاة كتب الكآبه دى فى الفترة اللى عدت
بس ما شوفتيهوش لما يتجن ويرقص بين صوابعى من الفرحة ويغنى بصوت عالى لغاية لما ابقى عايزة اوقفه بالعافية
هاابقى اسمعك صوت غناه قريب ان شاء الله .انا قررت اودع الكآبة شويه) cry

اما بالنسبة لامير وبرينسس اللى المشكلة عندهم هى الاميرة مين (اعتبروهى اى واحده اهوه كله كارتون يا جماعة)

وان شاء الله يا بيرنسس لما اشوفك بس

اما امير معلهش بقى (سندريللا وسنو وايت) يعنى قلم سفروت هايكتب ايه غير(عالم ديزنى)
انتظر قريبا توم وجيرى مصاصه

اسلوبك جمييييييييييييييييييل

ننتظر المزيد

كويس

متشكرة على التشجيع والمرور شكرا

اما بالنسبة للمزيد ادعلنا بس الامتحانات تخلص على خير ....ياااارب بيبكى

PRINCESS كتب:: رغم اني عارفة ان سهام حتولع فينا
بس برده حعلق
الاولي دي مش سنو وايت
دي الاميرة النائمة

طب ماهو الأميرة النائمة هي الاسم العربي لقصة سنووايت

saso_al safrota كتب:: متشكرة على التشجيع والمرور

شفتي انشغلنا بحكاية سنووايت ونسينا القصة الاساسية !!!
موضوع جيد يحمل كما من البؤس وكره الذات ماهذا كله وحدي الله بس واقري سورتين (امال لو ماكنتيش حافظة القرآن كامل)
ماهو ده حال هندسة مع طلابها معلش .
كلمة وكانت دايما بتقولها جدتي " اللي يتعب في جهله يرتاح في كبره"
جهله :أي صغره من منطلق ان الصغير جاهل بالحياة وهي كلمة صعيدية تنطق بكسر الجيم وتسكين الهاء.

amir كتب:

PRINCESS كتب:: رغم اني عارفة ان سهام حتولع فينا
بس برده حعلق
الاولي دي مش سنو وايت
دي الاميرة النائمة

طب ماهو الأميرة النائمة هي الاسم العربي لقصة سنووايت

انا عارفة ان ساسو حتولع فيا من اللي انا بعمله ده

بس لالالالالالالالالالا
ضميري ما يسمحليش انك تدخل القصص في بعض
واسكت

سنووايت دي العربي بتاعها فلة والاقزام السبعة
ودي صورتها
خطرفات قلم سفروتى Snowbook

ودي اللي كانت مرات باباها عندها مراية وبتسألها وكانت عايزة تخلص من فلة
لغاية ما سابتلها البيت وعاشت مع الاقزام السبعة في الغابة
وما حصلهاش غيبوبة غير في حتة صغيرة في الاخر لما بتاكل من تفاحة مسمومة بس

اما قصة الاميرة النائمة
وصورتها اهي
خطرفات قلم سفروتى 51Y7WQST4JL

دي قصتها ان فيه اميرة بيتعمل عليها تعويذة
وبتنام لمدة 100 سنة .. والاسطورة بتقول ان الامير الوسيم بييجي يصحيها وينقذها
وبييجي امراء كتير ومش بتصحي معاهم
لغاية ما بييجي بعد 100 سنة الامير ده ويصحيها من النوم
وهي نفس قصة فيلم شريك الجزء الاول بس مع تغيير الشخصيات

ايه يا جماعه ما كانتش مجرد خطرفات قلمى السفروتى (مش اكتر والله) اللى خليتكم كده عليا .الموضوع كله مجرد هذيان قلمى البائس كتب كده عادى يعنى لكن (لا كارهة نفسى ولا حاجة) عادى خدوها من جانب ان قلمى عايز يلعب بالمعانى والحروف مش اكتر
وبعدين موحده الله يا امير(لا اله الا الله) وشكرا ع النصيحة بس حالتى مش للدرجة دى عيان

واكيد لو مكتئبة فعلا هوه الواحد له مين غير ربه يعنى اكسرلكم قلمى والله لو تعبكم نار

وبعدين سيبتوا الموضوع وشغالين تتناقشوا (طب ايه رايكم بقى لهى سنو وايت ولا الاميرة النائمة)
واقعدوا كده اتخانقوا ولفوا حوالين نفسكم ودوروا فى عالم ديزنى كله ع الاميرة دى
مصاصه

وانتظروا كده بعد الامتحانات(انتقام قلمى السفروتى منكم).......والوجه الاخر له لما يبقى فرحان (انا بس كنت مشفقه عليكم من جنانه وهو فرحان بعد كده هاتتمنوا نكده ومش هانولهولكم)

الله عليكي بجد الموضوع جميل جدا و لكنه في شوية خيال ...... مابقاش في أمير دلوقتي ... بس ممكن تلاقي شاب لسه متخرج و من كلية كبيرة كمان طب أو هندسة بس شحات و مش لاقي ياكل و لا حتى يعرف يعني إيه أمير ..... لو ينفع الشخص ده مكان الأمير .... هاتلاقي منه كتير جدا ...
و الأرزاق على الله و ربنا يوقفك ولاد الحلال و حسنة قليلة تمنع بلاوي كتيرة و هنيالك يا فاعل الخير بيضحك2

شكرا يا سوار على مرورك

بس هوه بردوه التعليق على نفس النقطة(يا جماعه انا قايلة خطرفااااااااات قلم ومش اى قلم ده قلم سفروتى كمان)
طبيعى لازم يبقى فيه خيال
وبعدين لازم تاخدو المعنى الحرفى لا لا

( انا كان قصدى يعنى مش شرط امير انا واثقه ان احنا مش فى زمن فرسان ولا حتى زمن بشر انا قصدى لما الملل والروتين يتحكمو فينا وما يبقاش قدامك غير انتظار حاجة تغير مجرى حياتك انشالله فى الخيال من كتر ياسك من الواقع انه يتغير فى اى مجال من مجالات حياتك او يومك العادى. ياريت المعنى يبقى وصل.........وياريت تقولو رايكم فى الاسلوب لان الراى الاكتر بيبقى فى الاميرة والقصة.......) مع التحيه

ويخربيته للمرة الالف قلمى ده اللى عايز كسره.........

بس انتظرو المزيد ان شاء الله بعيد عن القصص والحواديت(اللى بطبيعه الحال بحبها واتمنى اعيش فى زمن الفرسان او وسط شخصيات الحواديت) مصاصه

كلام جميل وعبارات فيها فكره أدبيه جميله بس متخلبطه شويه
بمعنى إنك لو رتبتى الأفكار ممكن يبقى أفضل ولكن مادمت خطرفات
وقلم سفروتى كمان يبقى خلاص مش هيتم الحساب العسير
وشكرا على الموضوع الجميل وننتظر منك المزيد.

كلام ينم عن حس ادبي جميل
واعتقد ان الحزن واليأس هما افضل ما يبرز الاحاسيس الشعريه

خطرفات قلم سفروتى 063810

كان يا مكان في قديم الزمان في سالف العصر ولاوان
حد يالله يكمل الحدوته
شكرا

اسعدنى مروركم وردودكم
وشكرا ع النصيحة يا حبار وجارى وضعها فى الاعتبار

أشكرك على الخطرفات الجميلة ، ولي عودة ..

....

سحب سودااااء من الكآبة تخيم على كلماتك يا ساسو .

كآبة

حزن

هم و غم .....

بس عارفة ؟؟؟

في اعتقادي

ان الحزن... هو منبع الابداع كله
و ان كل ما يكتب في لحظة حزن .. يصل مباشرة إلى القلب بأروع صوره ...

لأن الحزن هو أصدق شعور .. لا أحد يتظاهر بأنه حزين ..
و لأن الحزن ... من الصعب أن يشعر به الآخرون من حولنا

فلا نجد سوى أقلامنا .. لتشاركنا دموعنا .. و تبكي حبرها على اوراقنا ..
( في حالة المنتدى فالكيبورد هو من يشاركنا دموعنا .. و يبكي ... binary code معنا ! )

ابدعتي ..فاستمري ..

اقتباس :: تم التعديل بواسطة عبد الوهاب

يا جماعه ولا كابه ولا حاجه كله تمااااااااااااااااااااااااااااااااام

خير خير ان شاء الله

وشكرا يا SASO على موضوعك اللى يموت مالفرح

THANX

Little_Queen كتب:: ان الحزن... هو منبع الابداع كله
و ان كل ما يكتب في لحظة حزن .. يصل مباشرة إلى القلب بأروع صوره ...

لأن الحزن هو أصدق شعور .. لا أحد يتظاهر بأنه حزين ..
و لأن الحزن ... من الصعب أن يشعر به الآخرون من حولنا

فعلا يا لتل كوين ما حدش يقدر يتظاهر بالحزن
بس لكل قاعدة شواذ
فهماني طبعا يا ساسو ... ظلمك اللي دخلك هندسة يا بنتي
غمزه

(فهماني طبعا يا ساسو ... ظلمك اللي دخلك هندسة يا بنتي)

هو لما برنسيس كتبت الكلام اللي فات ده يعتبر في صلب الموضوع
لو سمحت متقربش من رد ليا لم اتجاوز به الفواصل الحمراء
تقبل تحياتي

» خطرفات مهندس !! ( الموضوع المنافس الأول (1) لموضوع شطحات مهندس ) ..