هزي يا نواعم

السلام عليكم

خطر في فكري ان نناقش فكره برنامج هزي يانواعم هزي يا نواعم Icon_biggrin

برنامج lbc
اذ ان قناة lbc اطلقت فكره جديد وهي فكره الرقص الشرقي
وكان البرنامج يضم فتياة من عدة دول من لبنان ومصر والمغرب على ما اظن
وفرنسا وبرازيل
(والله حاجه حلوة ثقافتنا طلعت للدول اخرى)
بس طبعا كنا نتمنى ان نعرف باختراع او بطبيب يستطيع ان يكتشف طريقه لعلاج مرض خطير
وطبعا اكيد احنا لانخلو من الذي ذكرت لكن ما نشاهده هو انتشار الرقص الشرقي بصوره كبيره حيث اصبح الغرب يقلدوننا بصوره غريبه ومن اهم ما قلدونا هم شكيرا التي اشتهرت به في الفتره الاخيره
فهل تعتبر الرقص فن مهم حتى تتناقله الثقفات المختلفه
ام انه مضيه للوقت وانحلال اخلاقي
ام ماذا؟؟؟

بالنسبه لي طبعا اعتبرت البرنامج مهزله وليس له فائده
فهل نحتاج الى هز الخصر وتحريك الصدر وهز الارداف هذه الايام هل الرقص من سيحرر العراق وفلسطين

ام هل نستطيع ان نسمو وان نعتبر انفسنا حققنا شيئا من خلال برنامج هزي يانواعم
طبعا نحن مقتعين بان ال بي سي ستجني اموال كثيره من البرنامج مثل ما جنت من استار اكاديمي وبرنامج الي عن الزواج الي اعتبره من اسخف البرامج على الاطلاق
فهل ال lbc تعتبر خطر علينا هذه الايام وما تسوقه من برامج

شاركوني برايكم وان كان بسيطا

والله انا بقالي فترة مقاطعة التليفزيون
وبشوفه كل فين وفين .. في المناسبات بس
بقي بجد يحرق الدم والأعصاب
واللي باقي علي عمره ما يتفرجش
والبرامج دي كلها عايزة حد يولع فيها وفي اللي بيعملها
ربنا يهدينا جميعا
وبعدين انت بتاخد رأينا
ليه هو ممكن يكون فيه حد عاجباه البرامج دي؟؟؟ affraid

والله ممكن اللي يعيش ياما سشوف

يابشمهندس شكلك ماسمعتش الكلام اللي قاله الشاعر الكبير .... ريكو ... في قصيدته المأثوره
(صايع بحر)...
هزيها بشويش بشويش خلي الشعب يعيش
... ياعم الدنيا دلوقتي كلها بقت هلس في هلس

لو تلاحظ اغنى الناس دلوقتي الحريم اللي بتعرض جسمها على التلفزيون
.. لو ماعملتش اغراء مش هتتشهر
... شفت وبتلاقيهم من مجرد اغنيه اتشهرو في يوم وليله
.. ده العالم بيحتاج سنه على الاقل عشان يثبت تجربته ويتشهر وياخد جوايزه

... كل ده ومستغرب على الرقص

.. ياعم خلاص ... قول ع الدنيا السلام

PRINCESS كتب:: والله انا بقالي فترة مقاطعة التليفزيون
وبشوفه كل فين وفين .. في المناسبات بس
بقي بجد يحرق الدم والأعصاب
واللي باقي علي عمره ما يتفرجش
والبرامج دي كلها عايزة حد يولع فيها وفي اللي بيعملها
ربنا يهدينا جميعا
وبعدين انت بتاخد رأينا
ليه هو ممكن يكون فيه حد عاجباه البرامج دي؟؟؟

لا ، البرامج دي مفيده ، وتقوي العضلات ، وتؤدي إلى زيادة في القوة البدنية ، دعك من أنني أخطط للاشتراك في هذه البرامج ....

رقص الخشنين ..

هههههههههههههههههههههههههه ... أعوذ بالله ، المضحك المبكي ...

برامج قمة القرف ..

حسبي الله نعم الوكيل

فمين يا رامي ؟

اقتباس :: ... ياعم الدنيا دلوقتي كلها بقت هلس في هلس

مظبوط
هو ده حال الدنيا يا بشمهندس زكريا دلوقتى
واذا كان بادينا حاجه نعملها للقضاء على نوعيه هذه البرامج
يا ريت
انا شوفت مره البرنامج ده
الصراحه احتقرت نفسى لمجرد فرجتى عليه
فما بال نظرتى ونظره الناس للمقيمين على هذه البرامج شكلها ايه
ربنا يصلح حالنا وحال جميع الامه الاسلاميه
وشكرا على موضوعك الحيوى

PRINCESS كتب:: ليه هو ممكن يكون فيه حد عاجباه البرامج دي؟؟؟

يوووووووووووووووووووووووووووووووووووووووه ده معظم الشباب من مشجعي الهلس

عبدالوهاب كتب:: الفوشار والبيبسي أوكيشن ؟

البيبسي مافيهاش مشاكل لكن ايه الفوشار ده ؟؟؟؟؟؟؟؟؟؟؟؟؟؟؟؟ هو العربي ده في الأكل كمان !!!!!!

السلام عليكم و رحمه الله

اسمحوا لي أن ادلي برأيي المتواضع في هذه القضية

منذ قديم الأزل و الدنيا فيها اسود و ابيض

ولولا الليل .. ما جاء النهار

و طوال السنين كان هناك برامج هادفه و برامج اخرى تافهه

ليس غريبا يعني .. و الرقص الشرقي موجود منذ سنين طويلة و له تراث و تاريخ .. و شئنا ام ابينا ..... يعتبر من تراثنا العربي !

لا يمكننا ان نجبر الدنيا على ما نريده
و لكن يمكن ان نجبر انفسنا على ما نريده

و ذلك بعدم مشاهدة هذه البرامج ...

يعني لو جه برنامج سخيف في التلفزيون .. ببساطة غير القناة :)

تقبلوا تحياتي ...

و يا أخ زيكو .. في رأيي ان الحياة لا تستوي بالجدية التامة في كل الاوقات

لا تكن لينا فتعصر ..
ولا يابسا فتكسر ....

و التوازن في الحياة شئ جميل .. و الموضوع فعلا كما قال الأخ عبدالوهاب .. لا يتحمل الجدية و الكلمات المنمقة المذوقه ...

تقبل تحياتي

الموضوع مش موضوع غير القناه المصيبه في انجذاب الكثير من الشباب والفتيات وراك تلك البرامج

الحرب هي حرب ثقافيه

طب يالله بينا نرقص كلنا
كله يرقص كله يقوم كله يهيص كله يقول
عل الواحده كله يرقص عل الطبله كله يرقص عل السقفه كله يرقص للولولولوووو
اللهله كله يرقص متيالله كله يرقص عل الواحده كله يرقص لولولووووو

zeko_egyco كتب:: طب يالله بينا نرقص كلنا
كله يرقص كله يقوم كله يهيص كله يقول
عل الواحده كله يرقص عل الطبله كله يرقص عل السقفه كله يرقص للولولولوووو
اللهله كله يرقص متيالله كله يرقص عل الواحده كله يرقص لولولووووو

((( ما شاء الله !!

أتريدنا أن نرقص في كلية هندسة أسوان ! أهذا هو غاية مناك ، وذؤابة مسعاك ، ومنتهى أملك ، و آكد أحلامك !!!

دعك من أنك لو أردت تكوين فرقه للروك آند رول ، والبوب في الكلية ، فإنك سوف تطرد طرداً من الكلية !!!

أرجو أن تفهم قصدي !!

والحقيقة أنني أردت أن أرد عليك رداً طوييييييييييييييلاً ، لكنني تلقيت الآن خبراً كارثياً ، أعتقد أنه الذي أنقذك ..
يبدو أنني سأكمل ردي فيما بعد ..
سلامو عليكو ، وشكراً لكوين على الإدلاء برأيها ( الذي له وزنه واحترامه ) flower

وانتظر مني رداً محترماً دسماً ، لأنك من أوائل الذين نجحوا في إثارة غضبي بهذا الرد الأخير .. حقيقة أحسست
أن هناك من تعدى حدوده معي .. وليكونن غضبي شنيعاً !!! )))

كتبت هذا الرد أولاً ، ولن أمسحه ، ولكن سأبقيه على الصفحة بين معقوفتين ،

وأقول : أتمنى أن تهدئ قليلاً يا زكريا ...

ولا مشكلة يا كوين ، هو لم يقصد التعليق إلا علي أنا ، أوكي ؟

flower

الموضوع فعلا مش سهل يا شياب ...... بس تعالوا نحسبها ... لما تكون الفتيات اللي بيطلعوا في البرامج العادية اللي هما الجمهور اللي المخرج بيكون جايبهم معاه في الاستوديو علشان يهيصوا للضيف اللي هايجي ..... لما تكون البنت الواحدة بتبقض في الحلقة 100 جنيه ... و كل ده علشان حاجة تافهة قوي ... إنها تروح تصقف و تهيص علشان الضيف اللي منور البرنامج ....

يبقى مش عاوز إنهم يشتركوا في برنامج زي ده ... و كلمة و اتقالت حكمة والله :

(( يا بيه لو كل واحد عزل علشان تحتيه واحدة رقاصة البلد كلها هاتبات في الشارع ))

و حسبي الله ونعم الوكيل فيهم ...

يا بشمهندس زكريا يا ريت ما تاخدش كلام البشمهندس عبد الوهاب والبشمهندسه كوين
بالشكل الجاد زياده على اللزوم ده
وانا مع البشمهندسه كوين فى رايها
لا تكن لينا فتعصر
ولا تكن يا بسا فتكسر
ويا ريت اتمنى من البشمهندسين جميعا عدم الخروج عن نطاق الموضوع
والى معاه كلمه كويسه يقولها
وغير كده لن نقبل
ويا ريت يا بشمهندس عبد الوهاب لو كان ردك فيك سخريه من احد يا ريت ما تنزلهوش
وشكرا للجميع
واتمنى ان اكون احادث بشمهندسين بجد
يعنى فكر راقى فى الحديث

انا مش عارف ايه اللى بيحصل في الموضوع دةةة
؟؟؟

أرجو من مشرفى هذا القسم
حذف أى مشاركات خارجة عن نطاق الموضوع
او فيه وجه تريقة على الموضوع أو كاتب الموضوع تضايق كاتب الموضوع
فورأ
دون الرجوع إلى العضو صاحب المشاركة المخالفة

وتم فتح الموضوع وسأتم الإشراف عليه بنفسي
لان الموضوع مهم والمفروض مايتقفلش
بس يبقى فيه حوار بنااء

تم فتح الموضوع بعد إذن مشرفي البيت بيتك

وقد تم حذف فوق ال 6 ردود

ان تكرروا سيتم العقاب فوراً

للأعضاء المخالفين

شكرا ليك و لاهتمامك يا بشمهندس يحيى

وفقك الله لما فيه خير و مصلحة المنتدى و أعضاءه ..

شكرا ليك وعلى فكرة الموضوع بتاعي وانا مأسمحش برضو في بالخروج عن نطاق الموضوع

مش حيحصل تانى ان شاء الله

اوك يا ريسنا