وعملنااا الإضراب

وعملنااا الإضراب

وعملنااا الإضراب 500396

انا اولا استغربت لما شوفت ان مكتوب فى الاهداءات الإضراب تم بنجاح
فين بقى تم؟
اصل صحيت الصبح لقيت الشوارع فل هيا اه اقل كثافه من كل يوم
بس لا فيه مظاهره ولا فيه حد بيكح حتى والامن مستتب والدنيا ميه ميه
انى اسمع واحد بيهتف ويقول من اول ابريل هعمل اضراب وخلاص مش هسكت على الغلا
او يقول حتى هبطل السجاير او هيدخن مفيش خالص
قولت يابت انتى صحيتى متأخر وأكيد الجماعه صحيو من بدرى
اه عشان يلحقوا الإضراب من اوله كل ما الإضراب كان بدرى كل ما كانت بركته احسن
فتحت التلفزيون على القناه الاولى بتعتنا بقى
ومباشر على صباح الخير يا خالتى اللى هيا (مصر)
مستعجله بقى اشوف ايه جرى للبلد
ولقيت العناوين كالتالى

الرئيس مبارك يلتقى وفؤاد السنيوره لبحث العلاقات اللبنانيه.

قولت يا بت جايز بيبحثوها من قبل الإضراب واتبقى علاقتين تلاته فسبوهم على بيات بقى
يعنى بلده فيها حركة جدعنه والشعب بيقول لاء وهو رايح يشوف لبنان اللى معندهمش اى حركات
وعديت الخبر ده وانا ممتعضه
اللى بعده بقى

كافة الأنظمه والهيئات الحكوميه منتظمه اليوم ولا تغير فى الاحداث؟

اوباااا ايه يا جماعه والإضراب لغوه ولا لقو الإضراب يوم الاحد فال وحش
قالو يأجلوها للأثنين
قولت بردو يابت انتى الكبيره وسهينى خالص واسمعى للأخر
لقيت الخبر ده

وزير التعليم يقول لاصحه لما يتردد عن إغلاق المدارس

الله دا كل اللى اعرفهم قالو مش رايحين ومضربين وبتاع خيااااااااانه كله راح وانا اللى أضربت لوحدى ولا ايه الظروف
قولت يابت ما تظلميش حد واسمعى للأخر
لقيت الخبر بيقول

مواجهه حازمه وبالقانون لما يضر بأحوال البلاد

اللهم صلى على النبى كدا وضحت الرؤيا كله بالقانون يا معلم يعنى انتو عارفين القانون عندنا طيب وابن حلال
واسألو قفااا اي مواطن حظه السعيد خلاه يتعامل بالقانون
المهم قولت لاء دى الاولى وبرنامج صباح الخير يا خالتى بيعتم الحقيقه والمظاهرات ماشيه فى البلد فل الفل والاضراب عامل احلى شغل
قولت اروح الجزيره زلونى بالبورصه واسعار العملات ولا عرفت اخد منهم حاجه
طلعت على دريم
صباح دريم قرايب هو وصباح الخير يا مصر
لقيتلك خير اللهم اجعله خير
علاوه 20% لكل موظف مرحى مرحى 20% ايه دا شعب عايز ضرب الشوز
هيقطعو روحهم بقى
وجايبين ردود افعال الناس على موضوع العلاوه ده
وحدث ولا حرج الناس بجد مطحونه ومخنوقه يا جماعه وربنا مصر على فوهة بركان
محتاج بس حد يفتح خرم صغير فيه وهو هينفجر
انا كنت قاعده اسمع كلام الناس اللى تقولك مش عايزبن علاوتهم ويرجعو الاسعار انا عندى 7اولاد ااكلهم منين؟
واللى تقولك مصر ما بتلحقش تفرح عايزين الحاجه ترخص
واللى واللى واللى؟

ايه يا مصر كفايه بقى حرام بجد

زى ما الحكومه بتنوه على الضرايب حتى الحلاقين بيخدو منهم ضرايب
بكره يدخلو على البوابين والزبالين الحكومه بتدور على منفذ تاخد منه ضريبه
زى ما ليكو حقوق شوفو واجبتكم ناحية الشعب اللى قرب يسيب البلد
زياده فى الاسعار من 50% _65% !!!!!!!!!!!! !
معلش دى عايزه100علامة تعجب
الحاجه تزيد جنيه معلش 2 بالكتير انما الضعف فى يوم وليله حرام بجد
انا بجد حزينه لاء حزينة ايه انا مقهوره
كنت متوقعه عناوين تانيه خالص

إلتفات الرئيس حسنى مبارك الى مطالب الشعب
وبحث مشاكل الغلاء ووضع حد لما يسمى مجاعه وهوس اسعار
ووضع قرارات حازمه لكل ما يضر بأمن وامان المواطن

يا جماعه لو حد عرف ان الإضراب ادى الى اى نتايج ملموسه او غير ملموسه يبقى يعرفنى
وسلملى بقى على قانون الطوارىء
وسمعنى سلام صعبت عليا نفسى

منقول

الناس بتخاف لأن لو حد فكر مجرد تفكير لعمل مظاهرة هيتاخد على أمن الدولة عدل وتانى يوم هتلقيه مش فاكر حتى أسمه