الرد على قوانين الحوار العام

اقتباس :

الرد على قوانين الحوار العام

أولا ده الرد على الحبار لأنى مفيش غيرى رد على القوانين وأوصى بها.

اقتباس :

سيدي الفاضل

أشكر حماسك ومجهود

وبرضو هنا بتشير إلى مفيش غيرى برضو يا زكريا وأعتقد إنى ده مش حماس يا بشمهندس
ده واجب بيتأدى دون تحيز لأحد.

اقتباس :

يعني ايه كلمه ( حسب مايراه المشرف )
ويعني ايه كلمه ( وضع عناوين المواضيع لا تستفز الاخرين )
الاخ الفاضل انا اعرف ازاي ان

يا بشمهندس يا كبير المنتدى دلوقتى بسم الله ما شاء الله الناس بتيجى من كل حدب ينسلون
وكل يوم بتنزل مليارات المواضيع"ده رقم بيعنى الكثره مش أكتر" فلو أحنا لم نضع أى ضوابط
أو قوانين وتشديد ونهى وحزم هتبقى العمليه"طبيخ" كله عاوز يتخانق مع كله وكله عاوز
يفرض رأيه على التانى فلازم المشرف يبقى الحكم فى الحكايه دى ولازم المشرف وده ومن الطبيعى أن يكون بشر ولازم يخطأ قبل أن يصيب وخصوصا لو كان حديث العهد بالإشراف ولا الأقدميه دى ملهاش لزمه أو بتوهب للمشرفين؟!!!!!

فاحنا لو قعدنا قصاد كل كلمه وكل حرف وكل همسه مش هنخلص والمفروض إحنا مش فاضيين للخناق وعاوزين نرتقى بالمنتدى مش نمسك على بعض كلام وننتظر أخطاء الاخرين ونعبث
معهم ونكون أعلى من الأعراف والقوانين!!!!

مينفعش طبعا الكلام ده لازم يبقى فى ضوابط ولو عملنا إستفتاء على كل موضوع وعلى كل كلمه
وعلى مش عارف أيه وجماعه يقولوا لأ وناس يقولوا نعم وجماعه يقفوا فى النص كده مش هينفع
وهنضحك على نفسينا يا بشمهندس.

اقتباس :

وبعدين بالنسبه للغه العاميه ممكن يكون في بعض الاعضاء مبيعرفش يعبر الا بالعاميه وافتكر ان من حق اي عضو والكتابه في اي قسم ( مع الالتزام طبعا بالموضوع ان يكون في القسم المحدد له )

بص يا بشمهندس أنت بالظبط زى ميكون بتقول "مع إحترامى لكلام سيادتك والمعذره طبعا
قبل أى شىء" ممكن المرأه ترقص فى كباريه بس بشرط تكون لابسه بدله محتشمه!!!!!!!

مينفعش يا بشمهندس إنى نخللى الكلام كله عامى ولو قولنا الناس هتتكلم عامى يبقى كله هيتكلم عامى ومحدش هيبص للفصحى إنما نقول الناس تتكلم فصحى على قد متقدر علشان ميتجهوش
إتجاه كلى للعاميه ويبقى فيه تنميه للغه وحوار راقى وأنا قولت اللى مش هيقدر يتكلم عامى وخلاص إنما برضو يحاول وميدفنش راسه فى الرمل ويقول معرفش.

أخيرا أنا شغال برد على حضرتك وبصراحه أنا اتعطلت عن بقية المهام بتاعتى فى المنتدى
غير كده لغاية دلوقتى يا زكريا أنتى ضربت لارقم القياسى فى الشكاوى والتعديلات فمش
عارف أنهى قانون هيمشى معاك!!!!

على العموم شكرا لإقتراحاتك اللى قابله للتنفيذ أو لأ ولا هيا إجباريه؟!!!!!!
ويا ريت تعذرنى برضو كتبت عامى علشان أنجز لأنى ليا بتاع ربع ساعه فعلا بكتب وأقرا
فيا ريت محدش يمسك عليا الحته دى.

والله الموفق