حكايتي مع مصر .....!!!

أحب إن أوضح من خلال هذا الموضوع بعض التصحيح لكل من شارك معي في المواضيع التي قد أبديت رأي فيها .... و أقصد هنا بالمواضيع التي تتحدث عن مصر و عن ما يتعلق بها من قريب أو من بعيد ......

عندما أبديت رأي عن مصر و قلت عليها ما قد قيل لم يكن هذا بدافع الكراهية للبلد و لكن كلن هذا بسبب إني معترض جدا على اللي بيحصل في البلد ..... و عن رد فعل البلد اتجاه الشعب المصري في المواقف و الكوارث التي يجب أن تظهر فيها مصر و ترد بعض الدين الذي هو عليها اتجاه أبناءها .... لأن الشعب المصري قد أعطى الكثير من أجل هذ البلاد و لكن لم أرى منها أي شيء يشعرني أن مصر تعترف بمثل هذا العطاء ..... بل و تقوم بعمل ما هو معاكس لكل منهج و شريعة و منطق .....

طبعا كل من يعرفني .... يعلم أنني من مواليد السعودية و أنني قد قضيت فيها فترة من عمري ليست بالقصيرة .... و لكن ما لا يعلمه الجميع أنني قد تركت تلك البلد و قدمت هنا إلى مصر و لم أحاول أن أعود إليها مرة أخرى و ذلك لعدة أسباب من أهمها .....
هو أنني صاحب محاضر جنح في أقسام الشرطة هناك في السعودية و كنت مهدد بالترحيل أنا و عائلتي من هناك بسبب ذلك .... أما عن سبب تلك المحاضر فهو كان بسبب مصر .... ليس بالمعنى السيء و لكن كل منا يعلم مدى كراهية الدول العربية كلها بلا استثناء لمصر و ذلك لأننا دائما لنا السبق في جميع المجالات ... و لكن كيف أستطيع أن أصمت و أنا أسمع إهانة على مصر من شخص سعودي لا يفقه أي شيء في الحياة ...... فكنت دائما ما أقوم بعمل الواجب اتجاه هذا الشخص .... و كان من آخر هذه المحاضر إني قد تعديت على ثلاثة بالضرب و قد تسببت لكل منهم جروحا و كسورا .... و ألحقت بهم الضرر ... كل ذلك حتى يعلم أن مصر ليست بالبلد الهينة على شعبها حتى يلتزموا الصمت عندما يسمعون مثل تلك الإهانات ....

و لكن عندما عدت إلى أرض الوطن و رأيت مدى الإستغلال و الإهانة من مصر و رأيت كيف أن المصري لا يساوي أي شيء عند بلده التي هيا من المفروض أن تكون أول شيء يحمينا .....
شعرت وقتها أنا كل ما قد فعلته كان من أجل شيء لا يستحق مني ما فعلت ..... و أنني مهما فعلت لن أستطيع أن أرفع رأسي في بلدي .....

و لذلك أصبح لي مثل تلك الآراء التي قد قرأتموها و أعترضتم عليها ...... أنا لا أعلم لماذا لا أشعر بمثل تلك الغيرة الوطنية التي كنت أشعر بها عندما كنت بالخارج ..... و لكني أعلم في قرارة نفسي إني لم و لن أسمح في أي يوم من الأيام لأي شخص مهما كان أن يهين مصر أمام عيني و على مسمعي .....
إني أحلم بمصر ذلك البلد الذي يرفع من شأن أبناءه دائما .... ذلك البلد الذي يستحق من كل منا أن يقول بكل فخر في وجه أي أحد أنا مصري ..... ذلك البلد الذي أرى فيه فعلا منارة الدعوة إلى الإسلام كما كان في سابق عهده .... ذلك البلد الذي فعلا يستحق مني أضحي بكل غالي في سبيل رفعته و عزته .....

و لكن كيف لحلمي أن يتحقق و أنا لا أستطيع و كلما فككت قيدا من القيود التي وضعها لي من هم أعداء هذا الوطن أرى أنه يستبدل بألف قيد آخر أشد قوة و غلظة ..... أدعو الله أن أستطيع في أي يوم من الأيام القادمة أن أعلي من شأن هذه البلد العظيمة .... و لكن كيف و أنا لا أستطيع حتى أن أحقق أحلامي التي قد وضعتها لمستقبلي ....

و لا أخفيكم سرا أنني أشعر بأنني في يوم من الأيام سوف أقوم بعمل شيء أجعل به مصر تفتخر بأنني من أبناءها و إن شاء الله لسوف أفعلها و لو حتى كنت في آخر بلاد العالم ..... و سوف أكون مسؤولا أيضا عن تلك البلاد و ساعتها سوف أمحي من على وجه مصر كل دمعة حزن و شقاء مرت على مصر و على شعبها الجميل ....

أتمنى أن أكون بذلك قد أوضحت و جهة نظري فيما قلته و فيما قد رأيتموه من ردود قد ضايقتكم و لكني لم أكن أريد منكم أن تصبحوا مجوفين و أن ترددوا شعارات فقط و لكن كنت أرد منكم أن تعلموا طبيعة الواقع الذي نعيش فيه و أننا مقبلون على طريق شديد الوعورة و ليس بالممهد و لا حتى مفروشا بالرمال ..... و كنت أريد أيضا أن أغرز فيكم هذا المبدأ الغالي : ( نحن أصحاب أفعال و لسنا بأصحاب شعارات جوفاء )
أتمنى أن أكون قد أوضحت لكم مدى الوطنية التي بداخلي و التي أعلم أنها تفوق ما بداخل كل شخص فيكم ....

و نهاية أحب أن أشكركم لسعة صدركم و تحملكم لي فيما قد كتبت و ما قد فعلت ....

علي فكرة يا سيوار انا كنت من المتفقين معاك في ارائك لو تتذكر ذلك . لكن لازم تعرف اني كنت بوافقك وانا عارف اللي جواك من ناحية البلد بوافقك وانا عارف ان اللي جواك مش كره للبلد بل هوه حب ليها .
اللي مش فاهمينه الباشمهندسين اللي علي المنتدي ان الموضوع يشبه المثل اللي بيقول " اللي يحبك يلاغيك " اهوه زي كده بس بمعني مشابه هوه اني لو مابحبش البلد دي طيب خلاص انا هحرق دمي ليه عليها واضيع وقتي وتركيزي في الكلام علي حالها وفي الدعوة لتصليحها . اكيد انا لو كاره البلد مش هحبلها الخير وهبقي فرحان باللي بيحصل فيها لاني كارهها واتمني ليه كل شر .

بس الحقيقة اني بحب البلد فعلا , ورغم رأيي في البلد الا اني مش هرضي ان حد يدوسلها علي طرف , وبس يحاول واحد غريب عن الارض او اجنبي يخطي علي شبر من ارضها كنت اكله بسناني واحاربه ولو بإيدي ولو حتي لوحدي .

اطمن يا سيوار ان فيه ناس فاهمينك انا منهم . واطمنوا يامشرفين ويا اعضاء اننا بنحب البلد فعلا والدليل اني مستني اي فرصة امسك فيها مكان ولو صغير في البلد عشان اشتغل في المكان ده واحاول اعلي بيه واحسن من شأنه مش عشان نفسي ولكن عشان غيري يشوف اللي بعمله ويبتدي يقلدني وتبتدي البلد تتخلي عن سلبيتها وانانيتها .

بدعي ربنا يوفقني بس في اللي انا اتمناه واوصل الي اني اعمل حاجة ولو صغيرة اقف بيها قدام ربنا واقول يارب ........ انا عملت ده مش عشان نفسي وانما عشان اخدم بلدي وارفع من شأنها وده هوه من مبادئ الدين الاسلامي.

اقتباس :: و نهاية أحب أن أشكركم لسعة صدركم و تحملكم لي فيما قد كتبت و ما قد فعلت ....

ده اللي انت كتبته واللي قلته ده اكيد اثلج صدر ناس كتير مش فاهمينك ومتضايقين من ارائك . بس انا ماكنتش محتاج اعرف لاني فاهم زي ماقلتلك

بصراحة انا كنت مضايقة من ردودك في المواضيع اللي تخص مصر بس بعد هذا الموضوع تأكد من ان فكرتي عنك تغيرت وعرفت مدي حبك لمصر
وانا مثلك لست معجبة بحال مصر الان واتمني ان يتغير هذا الحال قريباً علي يدك ويدي ويد جميع الشباب للاحسن
وانا حاسة انك انشاء الله حتقدر تغير كتير في البلد للاحسن

إلى العضو MASA أنا عاجز عن شكرك .... و أتمنى لك التوفيق و ربنا يكرمك و تساعدني في إننا نغير حالة البلد دي إن شاء الله

شكرا ليكي جدا MISS_R على مرورك .... و على فكرة أنا ما كنتش متوقع منك المشاركة في الموضوع ........ ألف شكر ليكي .... و ماتنسيش إني مش هاشتغل لوحدي عاوزيك نعايا برده

إلى كل من شاهد الموضوع و قرأه ..... أحب أن أقول له ألف شكر على مرورك و
أتمنى إن لو كان فيه في قلبك أي ضغينة أو كراهية من ناحيتي بسبب الردود
اللي كنت باقولها ... تكون خلاص راحت و تمت إزالتها .....
و لكل الناس اللي قالت عليا إني منافق أو باحاول إني أكسب رضاء الأعضاء في
المنتدى .... فأنا هاكتفي بأني أقول إن أنا لما كتبت الموضوع ده ماكانش
قصدي أي حاجة و أنا أصلا مش بيهمني حد أصلا و كان ممكنا إني ماتكلمش أصلا
... بس أنا كان جوايا حاجة و كنت عاوز أقولها علشان ماحدش يفتكر إني بهاجم
البلد و خلاص من غير ماعرف أي حاجة .....

ياباشا انت بكلامك عن البلد اديت البلد اللي تستاهل تاخدو يعني وزنت الامور

الاختلاف فى الرأى لا يفسد للود قضية

وربنا يقدرك على
و لا أخفيكم سرا أنني أشعر بأنني في يوم من الأيام سوف أقوم بعمل شيء أجعل به مصر تفتخر بأنني من أبناءها و إن شاء الله لسوف أفعلها و لو حتى كنت في آخر بلاد العالم ..... و سوف أكون مسؤولا أيضا عن تلك البلاد و ساعتها سوف أمحي من على وجه مصر كل دمعة حزن و شقاء مرت على مصر و على شعبها الجميل ....

حكايتي مع مصر .....!!! 06122014

ياباشا لا متعملش كده احنا اخدنا خلاص على الشقى والفقر والذل والمهان اوعى تعمل عملتك السوده دي وتتهور اوعى يا بشمهندس

SEWAR101 كتب:: و على فكرة أنا ما كنتش متوقع منك المشاركة في الموضوع

ردك بصراحة محيرني ونفسي اعرف انت ليه مكنتش متوقع ردي

انا بشكرك يا sewarعلى الموضوع وعلى الكلام الجميل اللى انت كتبته واللى انا كنت تاكده منه من غير ما تكتبه وعارفه انه جواك وجوه كل واحد قال اى كلمه بيبين فيها انه كاره البلد لكن انا متاكده ان كل الناس دى عامله زى المثل اللى بيقول"ادعى على ابنى واكره اللى يقول امين" او"انا واخويا على ابن عمى وانا ابن عمى على الغريب"والله انا عارفه انكم اكتر ناس بتحبو البلد دى وانكو هتاكلو اى حد يتكلم عليها نص كلمه وان اعتراضكو على الاوضاع وعمايل الحكومه اللى مترضيش اى حد ربنا يوفقكو وتكونو الناس اللى هيعلو اسم البلد وان شاء الله هيجى اليوم الى مصر هتفتخر بانكو من عيالها قصدى من رجالتها

حلو رفع المعنويات ده

أصلك يا MISS_R شخصية مسالمة جدا و مش بتحبي تدخلي نفسك في متاهات أو تقولي ردود يثير الأعضاء .... ده غير إني كنت حاسس من ردودك إنك متضايقة مني جدا .... فعلشان كده ماكنتش متوقع منك المشاركة في الموضوع .... بس أنا سعيد جدا بمشاركتك ليا في موضوعي ...

ألف شكر ليكي يا LOVE to LIFE على مساهمتك ليا ... و عاجز عن شكرك لثقتك فيا ... و أنا عارف إنك ماكنتيش مصدقة الكلام بتاعي ... بس معلش أنا فعلا مصدوم من اللي بيحصل في البلد و في نفس الوقت مش بحب أعيش في الأحلام الوردي لكن بحب أعيش في الواقع .... و ربنا يوفقك و أشوفك معايا في فريق التغيير اللي هايصلح البلد إن شاء الله ...

بجد يا بشمهندس zeko_egyco إنت منورني بمشاركتك ليا .... و أتمنى إنك تكون عرفت إننا فعلا بنحب مصر لكن مش راضيين عنها لأننا عملنا ليها حاجات كتير بس المشكلة إن ما فيش حد بيقدر ... و على فكرة الصورة جامدة جدا .... و ماتنساش إنك معايا في قيادة فريق التغيير ...

و الله يا seawar انا من اسعد الناس باللى انت بتقوله ده لانى انا كنت متاكد ان اللى انت كنت بتقوله قبل كده مش كره للبلد , ده كان غيرة على البلد و على مصالحها , و الناس كلها عارفة انى كنت من اشد المعارضين ليك فى الموضوع ده و ده اللى كان واضح من المشاركات بتاعتنا

و ان شاء الله تكون انسان مفيد لبلدك وتقدر انك ترفع من شانها و زى ما قال "ابو مهند " ان "اختلاف الراى لا يفسد للود قضية"

و انا والله بدعيلك من كل قلبى انك تكون من احسن الناس و تقدر تفيد بلدك ان شاء الله كويس

المهم انك في الاول وفي الاخر مصري وبتحب بلدك مهما حصل منها ومن الناس او الحكومه انك

تبقي متفائل دايما وان المستقبل لينا واوعي تياس في يوم من الايام من حال البلد لان البلد فعلا

بتتصلح والمهم قوللي انت ضربتهم علقة محترمة ولا ........ انا عاوز اطمن بس

كويس

على فكرة أنا مش مصدق برضه إنك وطني أوي كده يعني ..... و بعدين هو يعني علشان ضربت تلاتة مرة واحدة تبقى خلاص بقيت وطني و بتحب البلد ..... و تحيا مصر يا عم ... أنا مش مستريحلك على فكرة ...

اشرب سفن اب وانتى تستريح له

على الاقل الراجل بيحكي موقف حصل دفاعا عن بلده
يعملكم ايه تاني
يقول رايه بصراحه على البلد مش عاجب يقول انا بحب مصر مش عاجب

أنا مش بحب السفن .... بحب عصير الدم البشري اللذيذ ... هاهاهاهاهاهاها

The Emperor كتب:: أنا مش بحب السفن .... بحب عصير الدم البشري اللذيذ ... هاهاهاهاهاهاها

قال تعالى: [ إنما حرم عليكم الميتة والدم ولحم الخنزير ] (البقرة 173)

الحقونا في مصاص دماء هنا

SEWAR101 كتب:: شخصية مسالمة جدا و مش بتحبي تدخلي نفسك في متاهات أو تقولي ردود يثير الأعضاء .... ده غير إني كنت حاسس من ردودك إنك متضايقة مني جدا ..

هو من ناحية اني مسالمة فانا فعلاً مش بحب المشاكل ومش بحب اكره حد فيا
وايه بس اللي حيخليني اتضايق منك بالعكس انت من الاعضاء اللي انا بحترمهم في المنتدي وبثق في ارائهم