تضامن مع zeko_egyco

رغم اني كنت حاضر المشكلة بتاعة العضو zeko من البداية ورغم ان في بداية النقاش معاه علي مصر كنت متفق معاه في معظم ارائه وكان ساعتها الحوار شبه هادئ مابينا انا وهوه ويحيي . ولكن لما ابتدي النقاش يحتد والمهندس زكريا يتكلم بطريقة غير لائقة مع يحيي ابتديت اخالفه وانصحه انه يحسن من لهجته شوية , وللاسف ابتدي يحيي يتمسك بنغمة التحكم وقول ان اللي مش هيعجبه هيطرده من المنتدي او يحذف موضوعه . وللاسف الاخ يحيي غلط في كده لان طبيعي اي حد في مكان المهندس زكريا كان هيتكلم باستهزاء ويهاجم طالما اتهدد لان التهديد مش حاجة كويسة ولا اسلوب متحضر .

انا شايف من يحيي ومن الادارة انه بدل التسرع والقيام بطرد zeko كان الاولي انهم يتكلموا معاه بهدوء ويحاولوا يوصلوا ليه وجهة نظرهم وكان لازم يعرفوا ان ضبط الاعصاب مع المتعصب بيخليه عنده حياء من اللي قدامه وبيتدي هوه كمان يهدي ويتناقش بهدوء

اعذروني , رغم اني مغلط المهندس زكريا الا اني مش مع قرار الطرد ليه . وتضامنا مع المهندس زكريا قررت ده بعد اذنكم اني هقاطع المنتدي لمدة 24 ساعة حتي عودة المهندس زكريا

أخى Masa
قبل ما تقاطع المنتدى

اسمح لى انى أرد عليك

بداية ً

هل فيه مشااكل انى أمسح أى رد مسئ لكيان مصر
كبلد عظيمة

مع الأخذ في الإعتبار
اهانة لمصر

انما أنا بسيب أى نقد للحكومة أو للشعب

انما مصر مصر وبس

أعتقد ان من حقى انى أمسح أى أهانة لمصر

ان شاء الله يكون كدة كله تماام

وعشان كدة مسحت رد من ردود Sewar

فوجئت بالأخ زكريا

يوجه كمية كبيرة من الاحاديث

انا اقول اللى أنا عايزه

وماحدش يقدر يمسح أى رد لىى
لا مشرفين ولا غيره

وأنا أقول أى حاجة حتى لو خارجه عن الحدود

وأكيد طبعاُ انت شفت الرد دةة
انا مش حقتبسه كفاااية لحد هناااا فضاايح

وقلت معلهشش

ومسحت الرد وقلت له
انت رجل محترم وبحترم شخصيتك

وبعد كدة شفت كمية المواضيع اللى هو نزلهااااا

اللى فيها اهانة لى وتحريض للأعضاء واهانة للمنتدى وأعضاؤه وادارته

وبرده سكتت وماعملتش حااجة

وقلت أصبر لحد بكرةة

ورحت الكلية وخدت رأى 5 من أعضاء ادارة المنتدى

اللى كلهم لامونى إنى صبرت دة كله لحد ما الأمور كبرت
وان الطرد اتأخر قوووى

قلت معلهش

بس لو رجعت من الكلية ولقيت حاجات أكتر مش حينفع أسكت

رجعت من الكلية لقيته دااخل في حوارات مع الأعضااء
وحاطط مواضيع في القسم العاام

انكار للمنتدى وقوانينه
وللإدارة

المفروض إنى أعمل ايه بالظبط

لو كنت سيبته ماكنتش أقدر

أكلم أى حد تااانى في المنتدى

اقول له احترم قوانين المنتدىىى أو امشى عدل هنااا

طالما انى سيبت عضو يتكلم مزااجه ويغنىى على هواااااه

انا الصراحة قلت اللى عندىىى

ولو عايز تعرف اللى حصل بالظبط

ادخل موضوع الطرد بتاعه في اعلانات الإدارة

مع ملاحظة ان الحبار مسح معظم كلام الأخ زكريا

اللى الصراحة ماتنفعش تتقال هنا أبدااا

انا قلت الللى عندىىى

واعمل اللى انت شايفه صح

طب حاجة تانية
مين قال لحضرتك اننا ما اتناقشناش بهدوء
انا عن نفسي بعت رسالة خاصة للمهندس زكاريا
وحاولت اهدي الأجواء شوية
وكمان في كام رد ليا
حاولت
بس فعلا اللي حصل كتير
ولك ان تتخيل لو كان اي حد ضد رأي المهندس زكاريا
وحاول يتناقش معاه بنفس الطريقة
كده بجد الدنيا كانت حتولع
وانا بحترم المهندس زكاريا جدا
بس بجد ما حدش يرضالنا اننا نتشتم ونتهزأ عشان في يوم مسكنا اشراف منتدي كليتنا

الأخ المهندس
لا يوجد شىء إسمه تضامن أو تحيز أو غير ذلك وزى مقولت فى مشاركه أخرى إنى ده
تهدئه للنفس مش أكتر وأعتقد الشتم والسب فى مصر على منتدانا مش هيحرر مصر ولا يجعلها تزدهر بل بالعكس هيبين إنى إحنا مبنعرفش نتكلم كويس أو ناخد قرار كويس
لذلك قرار أنت حر به سواء 24 ساعه أو أكثر وأيضا أرجو عدم التدخل بقرارت المشرفين
لأن هذا ليس من إختصاصك كعضو وأرجو الإلتزام من الجميع بآداب الحوار والمناقشه
وأرجو أيضا عدم فتح مواضيع للطرد أو للتضامن أو للشجب أو الإستنكار وأحذ آراء أو غير ذلك فهذا الكلام يثير بلبه نحن فى غنى عنها ولا نريد أن نرجع للوراء للعصور الجاهليه الأولى فلا يوجد من هو أعلى من القانون أو الأعراف العامه.
وأرجو من الأخ يحيى عدم التبرير والدخول فى مناقشات لأن الموضوع قد إنتهى وننتظر
المهندس زكريا كشخص سوى وليس دون ذلك وما حدث ليس شيئا ضخما للدرجه
وننتظره كسابق عهده معنا وكأخ أكبر.

والله الموفق

يغلق الموضوع

أنا بقول محدش يرد تانى فى الموضوع سواء كان خفى أو ظاهر يا بشمهندسين!!
وأرجو من الأخ ماسا ألا يأخذ الكلام على محمل شخصى وأنا أتكلم من منطلق جميع الأعضاء
وليس هو فقط وذلك حتى لاتحث بلبله وليس أكثر.
والله الموفق