طلب استفتاء

السلام عليكم ورحمة الله وبركاته
انا اعرض علي اداره المنتدي عمل استفتاء بين اعضاء المنتدي لطرد العضو zeko_egyco
وذلك حتي لا يرتبط طرده باسم أحد من المشرفين وكذلك ليعلم هذا العضو اذا كان الاعضاء في المنتدي يريدونه معهم ام لا واعتقد من حقنا كاعضاء في المنتدي (اذا كان التصويت علي الطرد بالاغلبيه ) ان لا يفرض علينا الاستماع لمهاترات هذا العضو
ولكم مني جزيل الشكر

والله يا بشمهندسه انا اول مرة اسمع بتصويت زي كده

بس احب اقلك انا مغلطتش في حاجه كل اللي بنادي بيه حريه تعبير مش اكتر طالما تم وضع موضوع ومطلوب فيه ردود الاعضاء
لو كان صاحب الموضوع مش عاوز ردودنا وارائنا كان اغلق سماحيه وجود الرد على الموضوع
وعلى فكرة موضوعك ده ياليت تحطيه في قسم الشكاوى لغايه منعمل قسم استفتاءات

علي فكره يا بشمهندس احب اقولك ان الدنيمارك اتعللت بنفس السبب بتاعك ده (حريه التعبير )
في رسم الرسوم المهينه للرسول عليه الصلاة والسلام فتفتكر هما كان عندهم حق
ملحوظه (هما مش مسلميين وبيهينوا رسول امه هما كارهينها وانت مصري اتولدت في مصر وعشت فيها واهلك كلهم مصريين وعايشين فيها )

والله انا مقلتش غير رأيي ومدافعتش غير عن رأيي وحريتي في التعبير

أتجاوز الخطوط الحمراء اما انك تقارني حريه التعبير عندي بحريه التعبير عند الدنمارك فهذا غير صائب منك
لان فعلا حريه التعبير مطلوبه ومن أبسط الحقوق ولكن لا يصل الامر الى إهانه الاديان السماويه سواء كان الدين الاسلامي او اي دين سماوي اخر فكلها لله عز وجل
اما حريه التعبير المطلوبه فهي داخل النطاق المسموح به لاتمس الاديان السماويه بشئ من هذا القبيل
وبعدين انتي مش مفرض عليكي الاستماع لارائي او قرائتها طالما انها لا تعجبك فلا تقرئيها
يعني ميجيش واحد يشتري كتاب ويطا لب بعد كده بحذف وطرد الكاتب وحجب جميع الكتب عشان هيا مفروضه عليه ابسط رد حيكون ( انت بتشتري الكتاب ليه ؟)
وانا بقلك انتي بتقرأي ردودي ليه؟

zeko_egyco كتب:: يعني ميجيش واحد يشتري كتاب ويطا لب بعد كده بحذف وطرد الكاتب وحجب جميع الكتب عشان هيا مفروضه عليه ابسط رد حيكون ( انت بتشتري الكتاب ليه ؟)
وانا بقلك انتي بتقرأي ردودي ليه؟

معنى كلامك يا بشمهندس اننا نسمح باي حد يعمل اي حاجه او ينشر اي حاجه و نقول دي حريه تعبيير .......

مثلا لو كلامك ده صح ممكن بقى كل الدول الاسلاميه تسمح بنشر اي ماده او اي كتاب ايا كان مصدره ....

وومكن برضوا نقول ....

انه لامانع من نشر الكتب الاباحيه و كذلك السماح بنزول افلام البورنوا في دور العرض ونوادي الفيديو .....

ويكون رد المسؤولين ....

مادام مش عاجبك الفيلم ماتشتريهوش ، وكام لو مش عاجبك افلام السينما بلاش تروحها .... خليك في بيتك ...

مادام اغلبيه المجتمع و الناس رافضين لاي عمل او فكره ... وكذلك يوجد قانون يؤيدهم ......

فان رغبتهم لا بد ان تنفذ ......

واستشهد على ذلك بما فعله عليه الصلاه والسلام عندما جاء الاسلام ....

واقر بالحفاظ على العادات و الاعراف التي كانت موجوده عند العرب ولم يرفض منها الا ماجاء نص شرعي بتحريمه....

يعني مادامت العادات و الاراء ترفض شي او تريد شي ليس محظورا فلابد من تنفيذ رغبتهم ....

قل ما تشاء و لكن بالطريقه الصحيحه ( في ظل القوانين ) ..... وليس بالطريقه التي تراها انت صحيحه ....
[/size]

مهو يا رامي انت لو قريت كلامي كويس وفهمته مكنتش قلت اللي انت بتقوله كويس لاني بقول حريه التعبير في الراي مطلبه داخل النطاق المسموح به وعدم تجاوز الخطوط الحمراء اما ما قلته انت مثل السماح للافلام الاباحيه بالعرض او ما ذكرته سابقا فهذا ليس بحريه رأي انما يعتبر انهاك للاداب والعرف والتقاليد العربيه الاصيله

احب اضيف لكلام المهندس رامي ان المنتدي ده ماهواش الشارع علشان اقول كل واحد يعمل الي هو عاوزه المنتدي ده هو البيت الي بيلمنا كلنا كأسره واحده فما ينفعش اشوف ابني ولا اخويا او اختي بيعمل حاجه غلط واسيبه واقول دي حريته الشخصيه وكمان ماينفعش اسيب واحد من افراد الاسره عنده افكار هدامه وانهزاميه يأثر بافكاره دي علي باقي افراد الاسره ويوم ما اقوم باي عمل علشان احميهم منه مبقاش باصادر حريه التعبير ولا حرية الرأي

انا اسف يا بنت مصر
يتم نقل الموضوع لقسم الشكاوى
وغلقه

وسيتم اعلان قرار ادارى حالياً

» استفتاء
» استفتاء 19 مارس 2011
» استفتاء رياضى بخصوص الزمالك
» استفتاء افضل رجل عرفته البشرية...(هام)
» استفتاء علي المراقب العام شاركنا برأيك