الصداقة مابين البنت والولد _ الى متى !!

الصداقة مابين البنت والولد
شىء غريب!ا
عن ظاهرة الصداقة المنتشرة مابين البنات والشباب اسمحولى اقول للبنت والولد كلمتين قبل ماادخل فى الموضوع
بقول للبنت.. من قلة البنات تبقى صديقتك"ولد
وبقول للولد.. من قلة الولاد يبقى صديقك بنت
دى كانت البداية وكملوا معايا لكن ...من غير زعل
الى البنات
ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختك قريبين منك بتكلميه كأنه بنت .. يعنى بتكدبى على أهلك.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامك مع ولد مش واحده صاحبتك..

ممكن تقوليلى احنا بنتكلم كلام عادى ..
فهقلك وليه متتصليش بصاحبتك بدل ماتتصلى (بصاحبك) مش كله كلام
هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى
فهقلك اكيد طبعا هتحسى براحه لان شوشو(الشيطان) موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبك على صاحبتك
ياترى هتسيبى الشيطان هو اللى ينتصر ولا هتنصرى حبك لربنا وأّمانتك مع أهلك
..لكى الاختيار..

عارف ممكن تقوليلى الملل والزهق هما اللى بيدفعوكى لكده وكمان انك شايفاهاه انها بقت حاجه عادية كل البنات بتعملها..
الملل
والفراغ
ويمكن مفيش حد حاسس بيكى لامن صحباتك ولامن اهلك
ويمكن الشخص ده اكتر واحد بيفهمك
وحاجات تانية كتير..
لكن اسمحى لنفسك انك تفكرى ولو دقيقه واسألى نفسك (هل انا راضية عن نفسى وانا بكلم ولد؟؟)
( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه
لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة..

وسيبك من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد

وأأكد ليكى انك هتذيدى فى نظر نفسك مليون مره وكمان هتذيدى فى نظر اى ولد كنتى بتكلميه مليون مره
بس لازم ماترجعيش تكلميه تانى وماتقوليليش مقدرتش ومش هقدر.. لازم تصممى .. وساعدى نفسك وابعدى عن الاسباب اللى بتساعدك انك تكلميه وادعى ربنا انه يعينك وان شاء الله هتلاقى نفسك بقيتى قادرة تعيشى من غير كلام ولاد
"اختى العزيزة..لازم تحتفظى بمشاعرك الاولي لزوجك"

الى الشباب

اسمحولى أسألكوا واتمنى الاقى اجابات منكوا
انتوا بتستفادوا ايه لما بتكلموا بنت فى التليفون ولما بتخرجوا مع بنت؟؟؟
لو كانت البنت دى اختكوا كنتوا هترضوا ده ليها
هتقوليلى احنا اخواتنا البنات مايعملوش كده اصلا
فأنا هقول ليكو حديث للرسول صلى الله عليه وسلم(حب لأخيك ماتحبه لنفسك) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم

ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد
بصراحه لو كان فى شباب كده يبقى ونعم الرجوله.. ولاتعليق

آسف جدا يا جودزيللا ... بس الموضوع مكرر و موجود [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]

تم عودة الموضوع

بعد إذنك يا سيواار

التشابه فقط

في عنوانى الموضوعين

وتم تغيير عنوان الموضوع دة

موضوع في غاية الاهمية اشكرك بشمهندس جودزيلا علي طرح هذا الموضوع
وانا ايضاً كثيراً ما كنت اسأل نفسي لماذا اصبحت البنات لا تحتوي علي ذرة حياء ولماذا اصبح الشباب لا يتقون الله في اولائك البنات ولماذا اختفت الرجولة منهم .
هل العيب من الزمان ام هناك شيئاً اخر

الصداقة مابين البنت والولد _ الى متى !! 700120

» البنت الناعمه و البنت الخشنه
» مابين الحلم والحقيقه ؟؟؟
» مابين الوردة والحب علاقة
» الصداقة
» الصداقة