المصــريون هــم الأذكــى علــى مستــوى العـــالم كله !!!

هذه مقالة نشرت فى جريدة الجمهورية الصفحة 12 بتاريخ 22-2-2008
للكاتب عصام بسيونى بعنوان "سبع صنايع والبخت ضايع"
أكدت دراسة علمية أجريت مؤخرا بالمركز القومي للبحوث ان معدلات الذكاء بين المصريين بلغت 84% حتي المتعثرين دراسيا منهم والدليل ان أطفال مصر حصدوا المراكز من الأول حتي العاشر فيما عدا الخامس والثامن في مسابقة أذكياء العالم بماليزيا العام الماضي حيث قام الأطفال من عمر 4 سنوات وحتي 12سنة بحل مسائل رياضية معقدة عبارة عن 100مسألة في أقل من 8 دقائق للمستويات المبتدئة و200 مسألة للأعلي في زمن كتابتها فقط رغم أن عدد المتسابقين 2700 طفل من 36 دولة بينهم أطفال من كندا والهند وانجلترا وهولندا.
والحقيقة هذه ليست المرة الأولي التي يتفوق فيها المصريون علي نظرائهم في جميع المراحل العمرية أو حتي في مجالات العلوم المختلفة والتاريخ حافل بعباقرة ورواد وعلماء سجلوا أسماءهم بأحرف من نور رغم الظروف الصعبة التي يعيشونها والمناخ الملوث والاحقاد والقيود والاشواك التي توضع في طريقهم إلا أنهم لم يتعثروا وانما واصلوا تحديهم وقهرهم و"بلعوا الزلط" وصبروا و"اتلطموا" حتي وصلوا إلي ما هم فيه الآن وأعتقد لو اتيحت لهم الظروف والأجواء الصحية والمناسبة لكانت لهم الغلبة في كافة المجالات عالميا بل وتفوقوا علي أمثال اينشتاين ونيوتن وجرهام بل وتيلستوي وغيرهم لأنهم يمتلكون الذكاء الفطري والمشد والزرقاني وزويل والباز وغيرهم ممن لا تحضرني أسماؤهم خير دليل.
وبالمناسبة ما من مسابقة يتم الإعلان عنها سواء علي المستوي العربي أو العالمي إلا وفاز فيها مصريون وآخرها دخول 14 ابتكارا مصريا نهائيات مسابقة صنع في الوطن العربي نوفمبر الماضي ونجاح عالم مصري في التوصل إلي استخراج السولار من نبات الهوهوبا المنتشر في مصر وهذا الوقود تكلفته أقل بكثير من السولار وصديق للبيئة وكذلك اختراع دواء فعال ورخيص لعلاج الكبد الوبائي وغيرها من الأعمال المشرفة التي تؤكد أن المصري دائم التفكير وعاشق للابتكار وان كان يتميز عن غيره من المبدعين بأنه يبحث دائما عن تقديم خدماته الابتكارية بأرخص التكاليف لأنه عاني ضيق اليد وذاق المر ويشعر بالفقير والمحتاج ورغم ذلك لا تهتم به الدولة كثيرا بل تضع أمامه العراقيل والروتين كي يخرج ابتكاره إلي النور وإذا لم يصبر ويتبع نظام "دوخيني يا لمونة" يكون مصير اختراعه ادراج النسيان ومراكز البحوث مليئة بآلاف الاختراعات ولو خرجت إلي النور لكان لمصر شأن آخر ولكن هذا هو حال أعداء النجاح ويقيني أن هناك من هم في كفاءة أو حتي أكثر من ذكرتهم أو ممن نعرفهم رغم احترامي لهم.
لابد من الاهتمام بهؤلاء الأذكياء لأنهم الأمل والمستقبل المشرق وأن نمد لهم العون والأخذ بيدهم منذ الطفولة والمراحل التعليمية الأساسية حتي الجامعة بل ومتابعتهم بعد التخرج وتعيين النوابغ والأوائل منهم دون انتظار لوساطة أو محسوبية وقبل أن تتلقفهم الدول الأخري فتغريهم بالمال والوظيفة كما حدث مع الآلاف ونحن في النهاية الخاسرون لأننا "طفشناهم" بعد أن يئسوا من الانتظار إن القليل من المال والمعاملة الحسنة ترضيهم وتغريهم بالبقاء في الوطن ورد الجميل فالغربة في النهاية مرة ولكن اللي رماك علي المر اللي أمر منه.
خسارة أن نفرط في مثل هؤلاء فمنهم ومن أصلابهم سيخرج العالم والمفكر وهذه مهمة زويل القادمة في هذا المجال وإن كان ذلك مرهقا له وللذين معه في المجلس الأعلي لذا علينا جميعا قبل الحكومة أن نهتم بأولادنا كأولياء أمور وتنمية مواهبهم وقدراتهم في الابتكار والابداع وأن نخصص وقتا وجهدا كمربي للنشء في المدارس بإعطاء هؤلاء الفرصة لإخراج طاقاتهم وأن يتم تغيير نظام المجموع في الثانوية العامة كشرط للالتحاق بالكليات خاصة العلمية بأن يكون الالتحاق بالقدرات والمهارات وليس بالدرجات وأن يتم فهم متطلبات السوق والاحتياجات الفعلية كي يتمكنوا من الالتحاق بالمصانع والشركات المتخصصة للاستفادة منهم بدلا من إهدار طاقاتهم ووأد ابتكاراتهم. وللأسف المصري يمتلك الكثير من المهارات والمواهب ولكن بخته ضايع وقليل الحظ في هذا البلد.. فإلي متي؟!

الحمد لله اننا مصريين
علشان الي كاره مصر يعرف قيمتها
شكراًَ لك بنت مصر علي هذا الموضوع المتميز

المصــريون هــم الأذكــى علــى مستــوى العـــالم كله !!! W6w20011

وللأسف نيجي بعد كده ونتخلي عن هذه الوجوه المشرقه

افتكر ان العالم المصري زويل لما حب يثبت نجاحه لم يجد البيئه مناسبه ليحقق نجاحه هنا في مصر وانما سافر الى الولايات المتحده ليجد الدعم الكافي
اما مصر فقد امتنعت عن مساعدته ماديا ومعنويا وانما طالبت بنصيب لها من جائزة نوبل بحكم نه من ابناء مصر ولازم يدفعلها جزء من الجائزة
واكثر العلماء الناجحين المصريين نجد انهم تركوت بلادهم خاويه على عروشها واتجهوا الى دول اخرى تقدر النجاح واذكر منهم العالم المصري محمد البرادعي

الف شكر لكل من MISS_R وzeko_egyco علي مرورهم الكريم

معلوووووووومة قديمة ..... معروف من زمان جدا إن الطفل المصري هو أذكى واحد على مستوى العالم
بس ده مش بيقعد كتير بمجرد ما يدخل المدرسة و يقف في طابور العيش و ياكل الفول و الطعمية اللي بزيت العربيات .... بيروح الذكاء ده .....

["بنت مصر"=quote]لابد
من الاهتمام بهؤلاء الأذكياء لأنهم الأمل والمستقبل المشرق وأن نمد لهم
العون والأخذ بيدهم منذ الطفولة والمراحل التعليمية الأساسية حتي الجامعة
بل ومتابعتهم بعد التخرج وتعيين النوابغ والأوائل منهم دون انتظار لوساطة
أو محسوبية وقبل أن تتلقفهم الدول الأخري فتغريهم بالمال والوظيفة كما حدث
مع الآلاف ونحن في النهاية الخاسرون لأننا "طفشناهم" بعد أن يئسوا من
الانتظار إن القليل من المال والمعاملة الحسنة ترضيهم وتغريهم بالبقاء في
الوطن ورد الجميل فالغربة في النهاية مرة ولكن اللي رماك علي المر اللي
أمر منه.[/quote]

إنت كده جبتي المفيد ..... ليه بيعملوا كده فينا ... مش عارف .... ده حتى الدكتور احمد زويل لما كان عاوز يعمل مركز أبحاث و تنمية مواهب المخترعين المصريين .... مصر خلته يندم إنه فكر في يوم يعمل حاجة زي دي .... و في الآخر راح قطر و عمل الموضوع ده هناك ...

على فكرة أنا برده عندي إختراعات و مشاريع جميلة جدا ..... في منها اللي اتعمل ... هو طبعا مش أنا اللي عملته بس كفاية إن الحاجة اللي بافكر فيها بشوفها بتتعمل و الموضوع ده بيديني ثقة في نفسي .... و طبعا اللي لسه ماتعملش إن شاء الله أنا هاعمله و هاخليه يشوف النور .... بس أنا مستني أتخرج من الكلية علشان أبدأ في تنفيذ المشروعات دي ...

SEWAR101 كتب:: ... و طبعا اللي لسه ماتعملش إن شاء الله أنا هاعمله و هاخليه يشوف النور .... بس أنا مستني أتخرج من الكلية علشان أبدأ في تنفيذ المشروعات دي ...

اتمني من الله ان يوفقك ويحقق لك احلامك ويجعل من ابناء الشعب المصري عشرات أحمد زويل وعشرات فاروق الباز

بس احنا ياجماعه مستهترين ومضيعين نفسنا والله
\... كلامك بجد صحيح بنت مصر
.... بس احنا مش عارفين قيمه النعمه اللي مديهالنا ربنا

تعرفو ان عملو احصائيه لاكتر مرتب في العالم لقوه مرتب مدرس رياض الاطفال في اليابان ... لانهم عندهم هناك اللي يدرس الاطفال هناك لازم يكون محضر دكتوراه ومش اي حاجه كمان على مستوى عالي
لانهم بيقولو السر في الذكاء هيا النشأه في الطفوله

شايفين الاهتمام ازاي

تعالو عندنا في مصر بقى .... اي بنت لسى متخرجه من كليه تربيه مش لاقيه وظيفه تجري تدورلها على اي حضانه عشان تقضي فيها وقت فراغها

... ياعم كفايه شوالات الفول اللي الواد بيضربهم على اول الصبح ... مع قرصين الاسمنت (الطعميه طبعا )
... وكفايه ان الواد الصغير بياخد عندنا تهزيء وضرب ماياخدهوش حمار في مطلع ... مع انك لازم تنشأ الطفل في المرحله ده نشأه سليمه عشان ياخد في نفسه ثقه ويعرف ينمي ويطلع مواهبه

......... بس ميزتنا المصريين بقى ان احنا عندنا نشأه وكلمات تشجيعيه للطفل بتخليه مش يطلع مواهبه بس
ده تطلع عينه كمان

.. اللي هيا طبعا .............. انـــــــــت يا حمـــــــااااااااااااااااااااااااااااااااااااااار

... مش صح كلامي برضو ؟

فعلا كلامك اكيد صح بس احنا ما نقدرش نلوم الاهالي لانهم كمان مضغوطيين من مشاكل الحياه ومش بيلاقوا قدامهم غير اولادهم علشان ينفثوا عن نفسهم معاهم

ابصم بالعشرة ان كلامك يبشمهندسة صحيح انا هنا جيرانى اجانب من جنسيات مختلفة كل ماتعامل معاهم اكتر كل مايثبتوا لى اننا اذكى منهم اكتر كل الحوار ان الامكانيات بتغطى على قصر التفكير اللى بنا ومنهم

فى الخراب اكتر من العمار
فلوس كتير

شكراً بشمهندس جودزيلا علي المرور الكريم

شكراً بشمهندس [ندعوك للتسجيل في المنتدى أو التعريف بنفسك لمعاينة هذا الرابط] علي المرور الكريم

» اختـــــــــار عيـــــديـــــتك علــى راحتــــك.