سؤال هام لكل من له خبرة في الحب ؟

سؤالي هذا ارجو ان يجاوب عليه من عاش الحب فعلا لانه سؤال يضنيني ويؤرق عليا تفكيري

السؤال هو : هل يستطيع المحب ان يتنازل عن اشياء هامة بالنسبة له من اجل من يحب ؟ هذه الاشياء قد تكون اشياء في العادات والتقاليد والمعتقدات وصحيحة مئة في المئة . ام ان هذه اشياء لا يمكن التنازل عنها ابدا مهما بلغت درجة الحب ؟
واذا كان من الممكن التنازل فإلي اي حد ؟ وهل يمكن ان يسكت المحب عن اشياء خاطئة يفعلها حبيبه من اجل فقط ان يحتفظ بحبه دون اي اعتبارات اخري ؟

ارجو الاجابة الواضحة ممن يفهمون كي يفيدوني فيما يؤرقني

شوف يا سيدي ........

محدش بيتغير ... الا بمعجزه (ولسنا في زمن المعجزات) ....

لو هتريح حبيبتك و تبطل تعمل شويه حاجات عشان ترضيها ....

هترجع تاني تعمل نفس الحاجات مع مرور الوقت تلقائيا و من غير ماتحس ....

كمان الموضوع ده بيصعب جدا لو كان في المعتقدات و المفاهيم ....

كمان اي اتنين مش متفاهمين بدرجه كبيره صعب يكون بينهم حب ......

وحتى لو كان بينهم حب ، فصعب جدا يكون بينهم جواز وعشره ......

لازم عشان تتجوز تتجوز اللي تتفق معاك .....

يعني مستوى التدين ، المستودي المادي و الاجتماعي ، العلمي ، الثقافي .......

والا مش هتفهموا بعض وكل واحد هيفضل يفكر بدماغه هوه و مش يكون بينكم اي مشاركه ...

خلاصه الكلام ......

اللي بيحب حد بيحبه زي ماهوه بعدادته بتقاليد بحلوه بمره .... بيحبه كده (لوكشه واحده) حتى لو مش متفق معاه في حاجات كتير .........

لكن اللي بيجوز بيجوز الشخص اللي بيتفق معاه في اغلب الاشياء .... وبيكون بينهم توافق ...

الشي الاصعب انك لما تتجوز تجوز اللي بتحبها ........

لان الحب و الجواز غالبا لا يجتمعوا مع انسان واحد .......

نادر انك تتجوز اللي كنت بتحبها ..... ونادر انك تحب اللي هتتجوزها اقبل الجواز ....

لكن بعد الجواز الحب بتحول الى شي مادي و ملموس متجسد في الاهل والاسره و الاطفال ...

وفي الاخر هتلاقي نفسك مش بتحب زوجتك (زي زمان ) حتى لو اجوزت اللي بتحبها ....

فنصيحتي : لما تحب حب لاجل الحب فقط .... وليس لاجل الزواج ....

وان استطعت ان تتزوج من تحبها .... فاعلم ان الله يحبك ....

ولما تتجوز اوعى تتجوز واحده مش شبهك ..... لا تكون هيه احسن منك ولا انته احسن منها

عشان تقدروا تفهموا بعض ....... وتستمروا .......

الجواز سهل ، كذلك الانفصال اسهل ..... الصعب هو الاستمرار بسعاده .......

وبالنسبه لموضوعك اوعاك تقدم اي تنازل في مبدائك و افكارك ........

عشان لو بدات علاقتك كده .... عمرك ماتقدر بعد كده تتمسك باي حاجه ......

ومن الاخر .... لو قلت اه على حاجه لازم كنت تقول فيها لأ .... عمرك ماهتقدر تقول لأ بعد كده تاني خالص خالص خالص ......

ياريت اكون افدتك .... ومقلبتش دماغك و صدعتك ......

( وخلي بالك تعب ساعه ، ولا تعب كل ساعه )

الف شكر يارامي ومتشكر جدا علي نصائحك الغالية وانا استفدت بجد من نصايحك وانا مستني كلام تاني من ناس كتير عشان اكون رأي معين

والله كلامك حلو
وانا هارد عليك من وجهة نظرى المتواضعة
وياريب راى يعجبك

اولا : اللى بيحب بيسامح .. وبلاش نسميها تنازلات .
لان الكلمة دى بمعناها الفظ بتجرح كرامة الحبيبين.

ثانيا: الحب اللى يمس الكرامة مايبقاش حب . يبقى حاجة تانى ممكن " نزوة" .

ثالثا :ومش كل حاجة لازم ناخد بيها ف العادات والتقاليد .
بالعلم ناخد الصح والمفيد ومايضرش بالدين .

رابعا:اوع تسكت عن حاجة زعلتك من حبيبك.
بس تلفت نظرها باسلوب لطيف وهادى .
وتوصل لها انه كده بيزعلك
وعشان الحب الحبيب يعمل كل حاجة تفرح محبوبه منه وماتزعلوش .
لانه الوحيد اللى بيخاف عليها عشان يحميها
اما بقية الناس فكل عايز يشبع رغبة جواه وبس .

خامسا: انا لااقدم تنازلات .وهزا ليس تكبر وتسيد
انما اتسامح لاابعد الحدود .مادامت هزه الاشياء لاتمس الكرامة
وعلى عهد الا تتكرر.
لاننا بشر وكلنا بنغلط .
ليه بقى بنطلب من الناس تسامحنا
واحنا مانحبش نسامح.

سادسا :- عش الحب وتمتع به
وازل الفوارق

والمهم تفهم الحب بجد
عشان تعيشه مع اللى تقدرك
وتقدر حبك

انا كل اللي عاوز اقوله سبقني اليه الاخ رامي والاخ دوكي واركز على حاجه مهمه لو انت بتحب وشايف الطرف الاخر يفعل بعض الامور الخاطئه فلا يجب السكوت عن الخطأ لسبب

الاول قال الرسول صلى الله عليه وسلم من رأى منكم منكرا فليغيرة بيده فإن لم يستطع فبلسانه ويجب على الحبيب تقبل الرأي والنقض ولو من باب المناقشه

انا متشكر جدا جدا ياجماعة علي نصايحكوا الغالية دي
وشكر خاص ل dokky وكمان zeko وكمان رامي ربيع . الف شكر وانا بجد اقتنعت
بمعظم افكاركم وآرائكم وان شاء الله بحاول انفذها فعلا في حياتي ومع حبيبتي