لعبة الغرفة المغلقة (الذكي يدخل الغرفة دي ويطلع منها ) لعبة

السلام عليكم ورحمة الله وبركاته
موضوعي المة دي مختلف شوية وهو اسمه الغرفة المغلقة
اللي هيعرف يطلع منها يبقى منقدرش نقول ذكي لأنها غرفة سهلة جدا وكل منخلص واحدة هحطلكوا غرفة تانية
وده رابط الغرفة
يلا مين هيحلها الأول
[ندعوك للتسجيل في المنتدى أو التعريف بنفسك لمعاينة هذا الرابط]

ياجماعة اللي دخل الغرفة وعنده أي مشاكل فيها يقوللي وأنا هساعده ولما ألاقي ان في عدد مناسب خلص الغرفة دي هبقى أجبلكم غرف أخرى بس اللي دخ الغرفة وحاول يحل مشكلة الخروج منها يشارك ويبقى في تفاعل بينا وبين بعض ووالله مع الوقت هتلاقوا ان الأمر ممتع وشيق جدا جدا وكل ما الغرف تصعب هتحس انك بتزيد مستوى تفكيرك بس ياريت يبقى في تفاعل بينا
وأنا مستني أي مشاكل علشان أرد عليها
وأنا أتمنى ان الموضوع يتثبت لأنه هيستمر انشاء الله وهتبقى في مساباقت حلوة بين أعضاء المنتدى
وأنا بقولوكوا عن تجربة ان الموضوع ممتع جدا جدا
وللأمانة أنا شوفت الموضوع في كذا منتدى وعجبني جدا فقررت انقله لمنتدانا الغالي فأرجو تشجيعي

انت تؤمرررررر

وجارى التجربةةةةةةةة

أنا متشكر جدا يا يحيى على الإستجابة السريعة لطلبي
بس أنا متأكد الموضوع هيعجبكوا قوي مع الوقت وبالمناسبة زي ما قولتلكوا اللي عندوا أي مشاكل يقوللي أنا معايا كزة غرفة وحاللهم كلهم وكل شوية بدور على غرف جديدة علشان أحلها
وعلى فكرة معظم الغرف دي بلاقيها في مواقع يابانية بس وعشان كدة أنا أعتقد ان هما اللي مصممين اللعبة

بص ياعم أنا هديلك بداية الطريق
انت أول لما شغلت المكيف أكيد لاحظت انه وقع منه حاجة وهو عبارة عن مفتاح وهتلاقيه عند الباب المقفول اللي جنبيه أول مراية في المرايات ولو لقيته هتلاقي غرفة في حتة مضلمة في الآخر عند آخر كرسي هتفتح الغرفة دي وتدخل فيها ولو لنت عملت ده كله رد عليا وقوللي ايه اللي ظهرلك

السلام عليكم ورحمة الله
أنا مش هبقى متواجد تقريبا غير يوم الأربع فأرجو تعذروني لظروف الإمتحانات
وفكروا فيها لحد يوم الأربع

وانا برده ححاول فيه بعد امتحان او تهمة يوم الأربع

ازاى اشغل التكييف

هتاخد البطاريه من الماوس اللى ورا الاب توب وتحطه فى الريموت كنترول اللى بين الكتب وتشغل التكيف
بس انا دلوقتى طلع لى عفريت تانى فى المرايه اللى قدام تالت كرسى ومكانش بيمشى ده كان اعد فى جنب المرايا بيبص ناحيه الشمال
بجد حد يرد عليا بقى مهو يوم الاربع خلص خلاص اهوه

ياخوانا فكروا فيها شوية
مش معقول عند أول مطب عاوزيني أحلهالكوا
وبعدين أنا هقولوكوا حاجة أنا هستنى يومين كمان لوملقتش حد حلها أنا هنزل حلها كامل علشان نحط الغرفة اللي بعدها
بس علشان أسهلها للمشي فيها شوية
أولا في بطاقة زرقاء انتوا لقيتوها ورا سلة المهملات دي خدوها وروحوا عنداللاب توب ولما تلفوها على الناحية التانية هتلاقوا فيها رقم دخلوه على اللاب توب هيفتح معاكوا اللاب توب وهتلاقوا في اللاب توب فايلات كتير هتلاقوا واحد منهم فيه سكرول بينزل لتحت وبعد ماتنزلوا السكرول هتلاقوا في مجموعة من الحروف الحروف دي خدوها ودخلوها على الكاشير وبعدين هتلاقيه بعتلك رسالة كاتبلك فيها (ok) استخدم بعد كدة المفتاح الأزرق في فتح الكاشير هتلاقيه فتح معاك وهتلاقي في صورة بدلك على مكان معين في غرفة تانية بابها موجود في
في نفس الغرفة اللي انت فيها والمكان اللي بتشير ليه الصورة هتلاقوا فيه مراي وكمان هتلاقوا شوية حاجات في الغرفة التانية دي ممكن تساعدكوا
و.......................................
كفاية لحد كدة وبكرة أبقى أنزلوكوا جزء تاني من الحل

SEWAR101 كتب:

على فكرة يا جماعة أنا حليتها .... ألف شكر على الموضوع الجامد

كالعــــــــــــــادة

انا عملت حاجات كتير اووووي
واذا الاماكن اللي علي اليمين المفروض تتملي كلها
يبقي فاضلي تلات حاجات بس
واستخدمت معظم الحاجات
وكان فاضلي تقريبا البتاع الاخضر
والسشوار
والموس
ومش فاكرة ايه تاني
بس ما حدش يقول حاجة بقي
انا ححاول فيها تاني
بس كمان شوية كده

على فكره انا كمان ولا يهمنى عادى يعنى
ولا متغاظه ولا حاجه
منا استخدمت حاجات كتير برضه بس لسه معايا المرايا واتعكس فيها الكلام اللى مكتوب على المرايا الكبيره والموس والمشط الاخضر بس عادى يعنى حتى لو محلتهاش مش هضايق ولا هتعصب ولا هتوتر خااااااااالص :pale:

علي فكرة انا بكره الشبح دددددددده
مش عايزاه يساعدني
مين قاله ان انا عايزة مساعدة
وبعدين اللي اخترع اللعبة دي
مش يخلي باله ان فيه ناس ممكن تلعبها بلييييل
والشبح ده بيخووووووووف
وكل ما يطلعلي بكون مركزة اوي وبفكر
و

على فكرة الحل موجود في المشط الأخضر و الموس و المرايا
و علشان ماتشتتوش تفكيركم الشبح ده مالهوش لازمة ولا الكتاب الأحمر ....

اقتباس :

على فكره انا كمان ولا يهمنى عادى يعنى
ولا متغاظه ولا حاجه
منا
استخدمت حاجات كتير برضه بس لسه معايا المرايا واتعكس فيها الكلام اللى
مكتوب على المرايا الكبيره والموس والمشط الاخضر بس عادى يعنى حتى لو
محلتهاش مش هضايق ولا هتعصب ولا هتوتر خااااااااالص

اقتباس :

كالعــــــــــــــادة

أنا حليتها الأول .. لاللا لاللا لاللا لاللا......

لا ما انا خلاااااص فقدت الامل
كالعــــــــــادة برده

السلام عليكم ورحمة الله وبركاته
بما ان الروم طولت قوي كدة وعلشان الموضوع ميبوخش أكتر من كدة
أنا هحط الحل دلوقتي خلاص وعلشان نحط الروم التانية انهاردة
الحل أنا كان بودي انزلهولكوا بالصور ولكن أنا مش فاضي والله
فأنا هكتبهولكوا كلام بس هيبقى واضح قوي انشاء الله
اللي بيحصل كالآتي:
انتوا بعد ما جبتوا المراية والسشوار وراس العروسة من الغرفة التانية أول لما تسرحوا راس العروسة هتلاقوا موس , الموس ده هتاخدوه وتلمعوه بالمعجون
بعد كدة في خطوة هي مفيدة للي بيحل في المرحلة لأنها هترشده لحاجة معينة وفي الخطوة دي حتيجي فايدة المشط مرة تانية
إنتوا بعد لما شوفتوا الحروف في المراية الكبيرة هتروحوا عند مراية معينةمن المرايات اللي قصادها وتمسكوا المراية الصغيرة وتحطوها في وش المراية اللي قصاد المراية الكبيرة فهتظهر الحروف معدولة تقوم رايح على اللاب توب وتجيب المشط وزي مانتوا شايفين ان المشط شكله غريب فانتوا هتروحوا على الملف اللي قولتلكوا عليه امبارح انه فيه سكرول بينزل لتحت وتنزلوا السكرول لتحت وتجيبوا المشط وتحطوا أسنانه على الكلام اللي مكتوب بحيث يبقى أول سن من المشط على أول حرف في الكلام هتلاقوا ان اسنان المشط غطت كل الحروف ماعدا أربع حروف ومش هتفهموا منهم حاجة إلا إذا جبتوا المراية الصغيرة ورميتوها على المشط هتلاقوا اتكتب في الآخر كلمة
white chair
هتقوموا رايحين عند الكرسي الأبيض وتفتحوا ضهره بالموس هيقع منه مفتاح
المفتاح ده خدوه وروحوا بيه عند الباب اللي باين منه معرض السيارات وافتحوا البا بالمفتاح اللي معاكم وهتلاقوا نفسكم طلعتوا من الغرفة
انتهى.

ده لينك الروم التانية
هتبقى أسهل من الأولى بس مش قوي
[ندعوك للتسجيل في المنتدى أو التعريف بنفسك لمعاينة هذا الرابط]