علي فكرة ياجماعة فيه حاجة مهمة لاحظتها وعايز اشاركم فيها وانتوا تقولولي ايه رأيكم وكلامي صح ولا لا.
انا ملاحظ ياجماعة ان البلد بتغلي بالبطئ او زي مابيقولوا علي نار هادئة
انا بقالي فترة كل ما اكون في مواصلات او في الشارع او علي قهوة بسمع الناس بتشتكي من الحالة اللي بقت صعبة والاسعار اللي زادت بطريقة جنونية . لا و الأمر موضوع الخبز ياجماعة الناس بقت بتدوق المرار والعذاب والهوان عشان توصل لكام رغيف عيش ده غير الخناقات اللي بتحصل علي طوابير العيش والناس اللي بتتعور من ورا الخناقات دي.
دي طوابير العيش بقت زي الخط المستقيم لا تعرف له اول من اخر والناس خلاص ضاق بيها الحال ومش قادرة تصبر اكتر من كده
واليكم توقعاتي :
1- الناس حاليا مش راضية باللي بيحصل وفاض بيها وبتتكلم بس من تحت لتحت للاسباب اللي كلنا عارفينها بس علي فكرة الحالة الاقتصادية السيئة اللي في البلد اليومين دول مش هتثبت علي كده والزيادة في الاسعار هتستمر والحياة هتبقي تقريبا مستحيلة وساعتها ضيق الحال هيجبر الشعب الخانع الخاضع انه يثور ويكسر الدنيا
2- طبعا الاحوال هتسوء اكتر بس فيه احتمال غير الاحتمال الاول ان الجبن والاستسلام والخضوع عند الشعب المصري يكون اكبر واعظم من الذل والهوان اللي بيدوقه عشان كده اللي هيحصل ان الناس هتجوع ونلاقي ناس بتسرق في وضح النهار وهتبقي خناقات ومشاكل واحتمال العملية توصل لاننا نضرب في بعضنا. انا مش عايز اكون يائس ونظرتي سوداوية بس الغضب ليه كذا اتجاه ولو ماطلعش في الاتجاه السليم اللي يضمن للواحد حقه فده معناه انه ممكن ينقلب علينا احنا بالسلب
حد فاهمني طيب ولا كلامي معقد؟
موضوع: البلد بتغلي علي نار هادية وقريبا النار هتبقي لا تحتمل 
الخميس 3 أبريل - 3:03
