فقط في مصر

فى مصر فقط:تشاهدونه حصريا على أرض الوطن

حاجات كتير بتتميز بيها بلدنا .. منها اللي يزعل ومنها اللي يقهر ..
ومنها اللي يشرح القلب .. وتشتاقله لو روحت فين .. زي طبق الفوووول
المعمر اللي لازم أي بلد يحل فيها المصريين .. يحل معهم هذا الحارس
الخاص وهذا المضاد الحيوي .. وتفتح المحلات والمطاعم لتلبية طلب
المصريين في لندن والسعودية وأمريكا وبلاد الفرنجة فرنسا حاليا ..
وإليكم بعض هذه المشاهد الحصرية.

لم يذكر السجن في القران الكريم إلا في مصر ( في سورة يوسف )
في مصر فقط .. الأموات ينفقون علي الأحياء "الفراعنة والأهرامات
والذي منه"

في مصر فقط .. تجد شخصا أقل منك في المستوي العلمي وحصل علي 50% فقط
في الثانوية العامة .. ولكنه يتنطط عليك أو بالبلدي يركب ويدلل رجليه
لأنه ببساطة دخل بيهم شرطة .. اللي في خدمة قفا الشعب.

في مصر فقط .. ينمو نبات البردي وورد النيل والجرجير والخبيزة والليف
حتة ثقافة -

في مصر فقط .. توجد السلعوة وهي "مسخ" ناتج عن تزاوج الكلاب الضالة
في جو العاصمة الملوث - حتة جيولوجيا -

في مصر فقط .. تأكل الحواوشي والشكشوكة والكشك الأسيوطي والملوخية
بالأرانب والمسقعة والكشري ومحشي الكرنب وطاجن العكاوي والكبدة
الاسكندراني .. آه نسيت .. والفووووووووووووووووول اللي مش سوداني.

في مصر فقط .. تعبر الكلاب الشوارع بطريقة أشبه بالتي يعبر بها
الآدميون .. تقف الكلاب علي جانب الطريق تنظر يمينا ويسارا حتى تعبر
في أمان .. وليت البشر عندنا يعبرون بالطريقة نفسها ينجون مثل الكلاب
ولكن المواطن المصري والمصري فقط يجب أن يعبر الشارع كطائر البطريق
أو البط البلدي.

في مصر فقط .. يمتلك المواطن بالوقت والممارسة مهارات خاصة في ركوب
الأتوبيسات المسرعة والتسلل إلي العمق أو الوقوف بأطراف أصابع القدم
علي أخر درجة في السلم "اطلع من علي الباب يا فندي العربية فاضية
أدام" .. طبعا ربنا ما يوريك بقى لو كانت مليانه.

في مصر فقط .. تنشب الصداقة سريعا وفي اقل من ثوان في إشارة المرور
أو في مصلحة حكومية أو في الأسانسير أو حتى في طابور العيش.

في مصر فقط .. تجد منطقة سكنية بكاملها ( سارقة كهربا ) مثل عزبة
الهجانة - حتة تعداد سكاني -

في مصر فقط .. ملك فرعوني بني لنفسه تمثالا ضخما لا تشرق الشمس علي
وجهه إلا مرتين في السنة مرة يوم عيد تتويجه ملكا ومرة يوم عيد ميلاده
هو شخصيا .. " صبح .. صبح .. يا عم الحاج "

في مصر فقط .. وزير ( يسرطن ) الشعب ثم يرشحه الحزب الحاكم في
انتخابات مجلس الشعب .. بس مش أي شعب .. ده شعب على أبوه.
في مصر فقط .. ينادي وزير التعليم بإلغاء مجانية التعليم.

في مصر فقط .. يتم إنفاق ملايين الجنيهات من أجل الحصول علي "صفر
كبير" أمام العالم .. كانوا خايفين ياخدوا درجة بالسالب .. بجد الصفر
أرحم.

في مصر فقط .. يقدم الكشري ساخنا في أكياس بلاستيكية شفافة.

في مصر فقط .. ادفع وبعدين اشتكي - لتحصيل أولا -

في مصر فقط .. الاختيارات السياسية المتاحة أمام المواطن هي التصويت
بـ "نعم " او "لا"

في مصر فقط .. تم القضاء نهائيا علي ظاهرة "إدمان الهيروين" بعد أن
أصبح "البانجو" في متناول الجميع .. ولم يعد لكوكو الضعيف ( السجائر
الغير محشية ) الشعبية السابقة بين الناس.

في مصر فقط .. رئيس حزب لازال مرتديا الطربوش حتى الآن.
في مصر فقط .. لا يتم وضع الملصقات إلا تحت لافتة "ممنوع لصق
الإعلانات"

في مصر فقط .. لا يمتلك المواطنون زيا رسميا موحدا ويصعب أن تعرف
المصري من مجرد ملابسه ( إلا لو كان لابس تي شيرت مكتوب عليه بالأخضر
فكر جديد )

في مصر فقط .. يوجد نوع من المسكنات علي هيئة مصطلحات يتم تقديمها
للشعب بجرعات مكثفة مثل ( الشفافية ) , ( التمثيل المشرف ) , ( إشادة
البنك الدولي بمصر ) , ( أهمية الدور الذي يلعبه شباب النيل .. جيل
المستقبل ).

أخيرا فإن ما يوجد في مصر فقط وحصريا على أرض الواقع أكثر بكثير مما
نستطيع حصره في مجرد سطور .. ولكننا نقولها وبكل شاعرية ودراماتيكية
وحنية : عظيمة يا مصر يا أرض النعم

فعلا و الله
عظيمة يا مصر يا أرض اللوا...(( منطقة في الجيزة جنب إمبابة ))

مع مصر مش هاتقدر تغمض عينيك

الله ارحمنا ولا تسلط علينا من لايخافك فينا ولا يرحمنا ..........

شكرن لردودكم كلكم

والمفروض تنكون مبسوطين خالص

يعنى شوفوا كام واحد بيتهنا بالحاجات دى كلها

هل تعلم ان.... عدد سكان مصر77مليون منهم 34 مليون عجائز وكبار السن فيتبقى 43 مليون لكي يعملون منهم 27 مليون لا يزالوا يدرسون فيتبقى 16 مليون للعمل منهم 11 مليون بالعسكرية والجيش فيتبقى 5 مليون للعمل منهم 2 مليون حكوميين وسياسيين فيتبقى 3 مليون للعمل منهم 2 مليون و550 ألف مرضى بالمستشفيات ومعاقين ومقعدون فيتبقى 450 ألف للعمل منهم 449998 في السجون فيتبقى 2 فقط للعمل أنا وأنت وأنت سايب الدنيا وقاعد تقرا يعني أنا بس اللي بشتغلك؟؟

موضوعات حلوة اوي يابشمهندس ولو انها المفروض تزعلنا اكتر.شكرا يا بشمهندس

اقتباس :: في مصر فقط .. يتم إنفاق ملايين الجنيهات من أجل الحصول علي "صفر
كبير" أمام العالم .. كانوا خايفين ياخدوا درجة بالسالب .. بجد الصفر
أرحم.

أغلى صفر فى العالم.

بس بعد ده كله برده بنحب البلد دى وما نقدرش نبعد عنها.

شكرا على الموضوع.

Fie كتب:

موضوعات حلوة اوي يابشمهندس ولو انها المفروض تزعلنا اكتر.شكرا يا بشمهندس

هيا المفروض ان احنا نزعل

!!!!!!!!

دة بقى واقع واحنا عايشين فية وحاسيين بية

ومفيش تغيير هايحصل

هيا دى مصر

القبطان كتب:

اكيد احنا طبعن منقدرش نبعد عنها

بس برضة لازم نحس بالى احنا عايشيين علية واللى هايعيش علية اللى بعدنا

OoScY كتب:: في مصر فقط .. تنشب الصداقة سريعا وفي اقل من ثوان في إشارة المرور
أو في مصلحة حكومية أو في الأسانسير أو حتى في طابور العيش.

ده علشان في مصر فقط الناس علي طبيعتها وطيبه وعشريه

بنت مصر كتب:

OoScY كتب:: في مصر فقط .. تنشب الصداقة سريعا وفي اقل من ثوان في إشارة المرور
أو في مصلحة حكومية أو في الأسانسير أو حتى في طابور العيش.

ده علشان في مصر فقط الناس علي طبيعتها وطيبه وعشريه

بلادي بلادي بلادي ، لكي حبي وفوادي ، أنتي يا أم البلاد
لكي منييييييييييي الرف\\\\\\\

عندما عاد عمرو بن العاص من مصر سأله عمر ابن الخطاب عن احوال مصر فقال له
( هم شعب رجاله طرب ونساؤه فتنه وهم شعب اذا جاعو حكموا )
فعلا مقوله في المسوجر زي مبيقولو يعني من الاخر
سياسة الحكومه
جوع كلبك يمشي وراك

شكرن لردك يا بنت مصر

بس ساعات وساعات بتكون المعرفة دى كويسة

يعنى من اغلب المشاكل اللى بتحصل بتكون بسبب التعرف السريع وسرعة الثقة ف الشخص

يعنى مش لازم تكون سايبة اوى

ومش محبوكة اوى

وشوف بقى رد ورد علية يا هوبا ولا انتا كدة علطول

تعلق ع الرد اللى قبلك

وشكرن للمعلومة يا بشمهندس

zeko_egyco

بس حكاية ان الشعب اذا جاع حكم

مش مقتنع بيها اوى

مش مع شعب مصر

OoScY كتب:


منهم 11 مليون بالعسكرية والجيش

مكانش ده يبقي حالنا

مصر دي حتجيب للواحد الضغط والسكر وجميع الامراض العصبيه والنفسيه وحتجيب للواحد الفقر وكل المشاكل اللي في الدنيا وجميع انواع المصائب الي في الدنيا

مصر

و من هى مصر

؟

انها بلدى التى ولدت بها

جمايلها طول عمرى فاكرها

!!!!!!!!!

فين الجمايل دى

انى اما اتخرج هاتشغلنى

ولا هاتدينى اعفا من الجيش

ولا احنا عايزين اية بالظبط

واللة شعب مش عاجبة حق ولا باطل

عجبى
!!

شكرن لردودكم الرائعة

تعظيم سلام