مقتل طفلة مصرية برصاصة اسرائيلية في رأسها على الأرض المصرية

سماح
نايف طفلة صغيرة ، كانت تلعب أمام منزلها في مدينة كرم أبو مصلح المصرية ،
الأسرة كانت متجمعة أمام المنزل ، الاطفال كانوا يلهوون امامهم .
فجأة
انطلقت رصاصة من برج مراقبة اسرائيلي ، لتستقر في رأس الصغيرة .
ماتت الطفلة . . .
البرج يبعد 700 متر هو عرض الشريط الحدودي .
سقطت جثة هامدة
امام أمها وابوها واخواتها و صديقاتها .

. . . . . . . . . . . . . . . . . . . . . . . . . . . . . . . . . . . . . . . . . . . . .

آ آ آ آ آ آ ه
خبر جديد . . .
من ضمن أخبار وطننا المهان .
قرأته صدفة على مدونة زميل في العذاب ([ندعوك للتسجيل في المنتدى أو التعريف بنفسك لمعاينة هذا الرابط])
الخبر الأساسي موجود على موقع رويترز

. . . . . . . . . . . . . . . . . . . . . . . . . . . . . . . . . . . . . . . . . . . . .

مش عارف أقول ايه .
اساساً انا مش قادر أتخيل مشاعر أم وأب البنوتة الصغيرة .
بنتك تموت قدامك .
لأ . . . ومش أي موتة .
كانت بتلعب وتجري .
وفجأة .
تقع على الأرض مبتتحركش .
بابا قام يشوف مالها .
ممكن تكون اتكعبلت في حاجة !
يهزها . . .
البت مبتتحركش !!!
ايه ده ؟؟
دا في دم جاي من وشها .
لأحسن تكون اتعورت لما وقعت .
ماما قامت جري تشوف ايه اللي حصل .
ليه بابا اتأخر هناك كدا .
المشهد . . . .
بابا موطي على سماح وبيعيط
واخدها في حضنه وبيعيط
الدم مغرقه .
بابا ماسك سماح جامد في حضنه .
مش عارف ينطق بأي كلمة .
ماما وقعت على الأرض مغمى عليها .
العيلة اتلمت حواليهم يعرفوا اللي حصل .
ماما مرمية على الأرض .
بابا ماسك سماح في حضنه وبيعيط .
لأ
دا مش عياط
دا عويل
دا نحيب
كمن يخرج روحه مع كل قطره من دمعه
آ آ آ ه
بابا مش عاوز يسيب سماح
بالعافية عرفوا ياخدوها من حضنه .
بقا عامل زي العيل الصغير
عمال يعيط
واقف في نفس مكان سقوطها
وعمال يعيط

. . . . . . . . . . . . . . . . . . . . . . . . . . . . . . . . . . . . . . . . . . . . .

ماتت سماح .
بل استشهدت سماح .
ذهب معها آخر برقع من على وجه العرب .
لم تكن تقذفهم بالحجارة .
لم تكن تفعل شيئاً .
لم تكن تهتف . . . فلسقط الاحتلال ، فلتسقط اسرائيل ، ارجعوا لنا أرضنا .
ذنبها . . .
لعب مع اترابها أمام امنزلها وسط أهلها على أرضها في حمى بني وطنها .
ذنبها . . .
في رقبة حاكمنا
محمد بيه حسني مبارك
هناك من يقول "هو الراجل هيبص على ايه ولا ايه"
عمر ابن الخطاب رضي الله عنه وارضاه
قال "والله لو عثرت بغلة في الشام لحاسب عليها رب عمر عمر"
بغلة
مش زي ما بيقول سي جمال مبارك في آخر لقاء لي معه
"الريس
بتاعنا بيتمتع بضبط النفس – فيها ايه لما يموت واحد أو اتنين على الحدود
بتاعتنا ؟ - دي محاولات من اسرائيل للإستفزاز – يعني عاوزين نرجع لحالة
الحرب قبل 73 ؟؟ - يعني نضحي بالشعب كله عشان خاطر اتنين أو تلاتة اسرائيل
قتلتهم عشان تستفزنا – انتم لازم تحمدوا ربنا إن ربنا بعتلنا ريس زي مبارك"
خلاص . . .
بقوا بيسموا انعدام الكرامة
وانعدام النخوة و الرجولة
ضبط نفس
ياخي
. . . "كلمة محذوفة من النص" . . . (كلمة وضيعة لا ينطق بها سوى السفلة من
الناس , ولكن لها مرادف صوتي اسكندراني يقال عند الخضة) .
أقل وأصغر رد . . .

أكلت يوم أكل الثور الأبيض .

آ آ آ ه

اللهم إننا مظلومون فأنتصر
. . . . . . . . . . . . . . . . . . . . . . . . . . . . . . . . . . . . . . . . . . . . .

أنا دماغي خلاااااص
توقفت عن التفكير
مش عارف ايه الحل
ايه الحل ؟؟؟
محدش عارف ايه الحل ؟؟
الدنيا حوالينا بقت زبالة

[ندعوك للتسجيل في المنتدى أو التعريف بنفسك لمعاينة هذا الرابط]
- اسرائيل بتضرب في اخواتي الفلسطينين
وبتضرب في اخواتي المصريين
بتقتلهم
بدون سبب . . . لأ فيه سبب . . . وسببهم هما عارفينه وحافظينه وراضعينه نقطة نقطة وحرف حرف .

[ندعوك للتسجيل في المنتدى أو التعريف بنفسك لمعاينة هذا الرابط]
- حسني واخواته بيضربوا فينا .
لا عارفين ناكل
ولا عارفين نعيش
ولا عارفين نتعالج
و لا عارفين نسكن

[ندعوك للتسجيل في المنتدى أو التعريف بنفسك لمعاينة هذا الرابط]
ايه الحل ؟؟؟
أزعم
أنني جربت حاجات كتير لعل يكون فيها الحل
لم أجد فيهم الحل
مش لاقي حاجة مقنعة
مش لاقي حاجة تبرد النار اللي قايدة في صدري
شعاري الفترة الجاية
لن أصالح
لن أصالح
لن أصالح (شكرا لمن اهدانيه)
ياااااااااااارب
اللهم إننا مظلومون فأنتصر
اللهم إننا مظلومون فانتصر
اللهم إننا مظلومون فانتصر

فتوح أبو المفاتيح – تائها كطفل صغير