المنتدى سيسقط فى الهاوية

[size=24]

اولا اعذرونى عشان انا كتبت العنوان بالطريقة الملفته دى وده عشان الناس تدخل وتقرأ الموضوع لان انا هاقول فيه حاجات بتحصل ممكن اوى تضيع المنتدى وتخليه يفقد طريقته فى جذب الاعضاء

فى بداية الامر احب ان انوه ان المنتدى الان اصبح عباره عن نقد لغرض النقد وده واضح اوى بعد موضوع السور اللى اتعمل وده كان بسبب النقد عمال على بطال لادارة الكليه هنا فى المنتدى والترقه اللى حصلت

تانى حاجه احنا بقينا ببنقد دكتور عبد الله وخلاص يعنى من الاخر انا لقيت ناس زى ما تكون بتتلكك لاى حاجه وتيجى تعمل شعارات هنا على المنتدى ولماذا يا دكتور عبد الله وليه بتدفن رغباتنا وليه مقلل من قيمتنا وسط المهندسين من الكليات الاخرى

بدأنا ننقد ما يفعله دكتور عبد الله واحده واحده ولما الناس لقت ما حدش بيقلهم عيب ده العميد ادحلبنا لغاية ما بقينا بننقده فى شخصه وفى اى حاجه بيعملها هو مش دكتور عبد الله لما كان وكيل الكليه برضه كان هو الملاذ الذى يلجأ له الطلبه لما بتكون فى مشكلة جوه الكلية ولا الناس نسيت ولا احنا اهم حاجه عندنا ننقد المسئول الاول وخلاص مهما كان شخصه
عيب اوى اللى بيحصل

دلوقتى وبقالنا اسيوع الشغل الشاغل فى كل المواضيع هو نقد الدكتور عبد الله برضه بقول عيب اوى كده ده عميد الكليه والراجل مش معقول هيكون قاصد يضايقنا وعلى فكره انا والله مش باسخر ولا حاجه انا فعلا متعاطف معاه

وبعدين بقى كل ما تطلع نتيجه نكتب عليها رغم اغلاق السور ورغم سحب الكارنيهات وكأن الموضوع ده حصل ايام الامتحانات وكان هيأثر على اداء الناس فى الامتحان وده بيدل على مدى التلاكيك اللى بتعملها الناس عشان ينقدوا

المنتدى بتاعنا بقى عبارة عن منتدى لاثارة المشاكل وخلاص والدليل على كده موضوع المعيدين اللى انسحبوا من المنتدى

انا نفسى الاقى الناس اللى بتحط المواضيع دى او اللى بتنقد يكونوا من اتحاد الطلبه انما للاسف من طلبه عندنا فى الكليه ضايعين عاى الاخر والضاد ماليه النتيجه بتاعتهم وبطل ما يجيبوا اللوم عليهم يطلعوا اى حجج عشان يقولوا ان الكليه هى السبب والنظام والمعيد والكلام الهابط ده

كمان انا عايو اقول ان المواضيع اللى بقت بتتثبت بقت المواضيع اللى بتكون من الاداره مهما كانت درجه اهميتها انما اى موضوع تانى من اى عضو عادى ما حدش بيبصلها والاقى رسايل تافهه جايه على الايميل عن مواضيع تافهه واللى كاتبينها ناس من ادارة المنتدى

يقينا بنلاقى شتايم من الاعضاء لبعض على المنتدى وبقت الشتايم دى فى الاهل وانا واحد من الناس اللى انتقد موضوع بس كان انتقاد شديد شويه وكان الرد شتيمه فى امى

ياريت ياريت نراجع نفسنا ونراجع المواضيع والالفاظ اللى بتتكتب عشان يرجع المنتدى يكسب حب الاعضاء له ويرجع الاقبال عليه زى زمان وياريت اللى هيرد على كلامى يرد بموضوعيه وما يبقاش الرد لمجرد الرد والنقد ويطلعونى غلطان وخلاص
[/size]

عنوان الموضوع لا يتناسب مع الطرح و المداخلات "المنتدى ....هاوية ...العميد "

برجاء اختيار عناوين اكثر ارتباطا بالموضوع فليست هناك مسابقة لاختيار اسخن مانشيت و لا نحن نكتب و نقرأ فى صحيفة من اياهم.


انت كتبت تنبه الاعضاء لمستوى النقد لعميد الكلية و لا علاقة لهذا الموضوع بالهاوية من قريب او بعيد ...


و لى ملاحظات :

اولا : اكثر من مرة نبهت و اكثر من زميل من اعضاء هيئة التدريس و معاونوهم للتفكير عشر او مائة مرة قبل كتابة اى نقد و ان يكون النقد بحجم المشكلة و لا يتطرق الى اشخاص.

ثانيا: من الظلم تصوير المنتدى على انه قائم على انتقاد الاشخاص عموما و على انتقاد استاذى الفاضل د. عبد الله خصوصا.

ثالثا: على صاحب الموضوع دعوة د. عبد الله للمشاركة فى المنتدى ولو بحوار مفتوح مثل حوارات د. هانى و د. محمد خليل.

رابعا: اود التأكيد على نقطة ان باب العميد مفتوح لكل الطلاب و هذا لا يمنع من الاختلاف معه فى مشكلة ما. المهم اتباع اصول الاختلاف و الحفاظ على مقامات الناس و محاولة كسب الادارة الى صفك بالحق و الكياسة و البرهان و العزيمة.

طبعا الف شكر للدكتور محمود صابر على مشاركته واختيارى للعنوان كان عشان الناس ترد على اللى انا بابينه انا مش قاصد بيه الشهرة ويمكن قله خبرتى خلتنى اضع العنوان ده ولكن ما وجدته من نقد حاد للعميد بطريقه مستفذه لغرض النقد وبدأ بعض الاعضاء بالبلدى كده يتلككوا لاى حاجه فى الكليه عشان ينتقدوا العميد جعلنى اتضايق واتذمر لذا فقد كتبت موضوعى عشان اوضح ان اللى بيحصل ده عيب وزاد عن حده وتعدى جميع الخطوط سواء كانت حمراء او خضراء وبقى الموضوع يضايق يعنى يا دكتور لما الاقى موضوع مكتوب فيه عميد كلية الهندسة باصفهان مش ده تريقه وتخلى اى حد بيقراه يتضايق بقينا خلاص عايزين نخلى العميد غلطان وخلاص على فكره انا لا انا مع العميد فى كل حاجه ولا ضده فى كل حاجه انا زى اى طالب لى تحفظات على بعض الاوضاع فى الكليه بس لما احب ابينها او انقدها انقدها بأدب وذوق مش اتريق واجرح فى الناس متناسيا مكانتهم ومكانتى ده عميد الكليه وانا يادوب طالب فانا كان قصدى كله ان النقد زاد عن حده لدرجه ان معظم مواضيع الاسبوع الماضى بقت نقد للعميد وخلاص المهم ننقد فبقى فى نوع من تدنى اسلوب الحوار كما اصبحت المواضيع كلها مكرره وواحده فانا حبيت اوضح رأيى اما بالنسبه للحوار المفتوح فانا ما اقدرش اعمله نظرا لانى عمرى ما عملت كده فهناك قله خبره منى كما انى لست مشرف على اى قسم ولا عمرى كنت مشرف فصعب اوى ان انا اعمل الموضوع ده لانى اكيد هاقع فى اخطاء دون قصد انما الناس اللى عملت الحوارات المفتوحه مع بعض الداكاتره هما اللى يعرفوا يعملوا الموضوع ده
واتمنى انى اكون قدرت اوصل وجهه نظرى لحضرتك وشكرا على اهتمامك ومداخلتك لموضوعى والسلام عليكم ورحمة الله وبركاته

اقتباس :

كمان انا عايو اقول ان المواضيع اللى بقت بتتثبت بقت المواضيع اللى بتكون من الاداره مهما كانت درجه اهميتها انما اى موضوع تانى من اى عضو عادى ما حدش بيبصلها والاقى رسايل تافهه جايه على الايميل عن مواضيع تافهه واللى كاتبينها ناس من ادارة المنتدى

شوف يا باشمهندس مش شرط أن المواضيع المثبته تكون لأعضاء من الأداره فقط فالموضوع المثبت فى منتدانا دائما ما يكون لأهميته فى القسم الذى كتب فيه دون النظر إلى كاتب الموضوع هل هو عضو عادى أو غير ذلك.
وبعدين فى عدد كثير من الأعضاء المشتركين معنا فى المنتدى غير متواجدين بصفه شبه دائمه أو أن منهم من يكتفى فقط بالتسجيل أو الدخول دون أن يقوم بأي نوع من المشاركات أو الردود.
أو أن منهم من يكتب موضوعا ويريد من الأداره التثبيت ولكنه غير متواجد بصفه شبه دائمه تتيح له الفرصه على مناقشه باقى الأعضاء فى موضوعه الذى من المفروض أن يكون هام جدا .

اقتباس :

يقينا بنلاقى شتايم من الاعضاء لبعض على المنتدى وبقت الشتايم دى فى الاهل وانا واحد من الناس اللى انتقد موضوع بس كان انتقاد شديد شويه وكان الرد شتيمه فى امى

هو صحيح النقد موجود يا باشمهندس وهذا لأننا مقتنعين بأننا كلنا أخوه وممهما حدث من النقد فهذا لا يؤثر على علاقتنا لأننا فى النهايه كلنا ننتمى لكليه واحده ولكن لابد أن نقتنع بوجود فكرة الرأى والرأى الأخر.
أما بالنسبه لأن النقاش أصبح أهانه للبعض أو وصل لدرجة الشتيمه أو غير ذلك فهذا لم يحدث .
ولو كان هذا حدث معك فعلا لما وأهنت من أحد الأعضاء فهل أخبرت أحدا من إداره المنتدى أو أرسلت رساله بنص الشتيمه حتى تعاقب الأداره ذلك العضو ولم تعتنى بكلامك أو شكوتك.

أما بالنسبه لمشاكل الكليه الداخليه فيا ريت نوقف النقاش فيها مؤقتا إلى أن نرى ماذا ستفعل إدارة الكليه من أجل طلابها الأعزاء.

انا باتفق معاك يا قبطان فى اللى انت بتقوله اما بالنسبة لموضوع النقاش بالنسبة للمشاكل داخل الكلية فيجب فعلا التوقف عنها ولو مؤقتا فى هذه المرحلة

يا Mido
انا مش فاهم ليه كل الموضوع دة !!!!
حقيقي انا مش شايف أى مشكلة في مواضيع النقد الل بتنزل
في المنتدى بالنسبة للعميد __
وانت كمان كنت بتكتب في مواضيع النقد وأكيد كنت متضايق عشان
موضوع السور وغلقه ،،
وكل المواضيع احنا حريصين عليها جداً انها ماتخرجش عن نطاق الأدب في كل المواضيع ـــ

اقتباس :

انا نفسى الاقى الناس اللى بتحط المواضيع دى او اللى بتنقد يكونوا من اتحاد الطلبه انما للاسف من طلبه عندنا فى الكليه ضايعين عاى الاخر والضاد ماليه النتيجه بتاعتهم وبطل ما يجيبوا اللوم عليهم يطلعوا اى حجج عشان يقولوا ان الكليه هى السبب والنظام والمعيد والكلام الهابط ده

ليه بتقول كدة يا Mido
اديك انت دلوقتى بتجررح في الأعضاء ، الدرجات دى قسمة ونصيب ومش شرط ان
واحد يكتب موضوع نقد يكون جايب تقدير امتياز يعنى !!!!!!!!!!

اقتباس :

كمان انا عايو اقول ان المواضيع اللى بقت بتتثبت بقت المواضيع اللى بتكون من الاداره مهما كانت درجه اهميتها انما اى موضوع تانى من اى عضو عادى ما حدش بيبصلها والاقى رسايل تافهه جايه على الايميل عن مواضيع تافهه واللى كاتبينها ناس من ادارة المنتدى

يقينا بنلاقى شتايم من الاعضاء لبعض على المنتدى وبقت الشتايم دى فى الاهل وانا واحد من الناس اللى انتقد موضوع بس كان انتقاد شديد شويه وكان الرد شتيمه فى امى

ياريت ياريت نراجع نفسنا ونراجع المواضيع والالفاظ اللى بتتكتب عشان يرجع المنتدى يكسب حب الاعضاء له ويرجع الاقبال عليه زى زمان وياريت اللى هيرد على كلامى يرد بموضوعيه وما يبقاش الرد لمجرد الرد والنقد ويطلعونى غلطان وخلاص

فين يا باشمهندس المواضيع اللى بتتثبت خصوصاً من الإدارة دى ،
ومالهاش لازمة _ والله أنا بأثبت مواضيع الأعضاء أكتر من مواضيعى بالذات في الأقسام اللى
مش عليها مشرفيين ،،،
أما ألأقسام اللى بيكون لها مشرفين باسيب لهم هما المهمة دى ،،
وأكيد باقى الإدارة كدة __
وبالنسبة لإهانة الأعضاء والتجريح في الأخرين
_ انا حاذف أكتر من 5 مشاركات لأعضاء هنا لو فيه اهانة أو تشبيه للإهانة
للعضو كاتب الموضوع أو للموضوع ذاته
وأخشى انى ماكونش شفت أى مشاركة مخالفة __ لو حصلت حاجة زى ما أنت بتقول _
ياريتك تقوللى في أى موضوع
او تبعتها ع الخااص ،،
وحقك حييجى ان شاء الله ___
وبجد والله أنا بأدور في أى مشاركة تتكتب جديدة عشان أتلاشى حاجة زى كدة
والله الموفق _ وياريت مايكونش فيه حاجة تضايقك في المنتدى ان شاء الله

أول القصيده طبعا زى مبيقولوا

اقتباس :

المنتدى سيسقط فى الهاوية

بص يا بشمهندس أعتقد العنوان أصلا لا يدل إنك خايف على المنتدى أو أنك بتنقد
لمجرد النقد أو لمصلحة المنتدى بالعكس دا أنت أيقنت بالتأكيد إنى المنتدى هيسقط
تماما وأعتقد إنى ده مستحيل بإذن الله لأننا بنراعى ربنا فى كل حاجه وأعتقد إنى مش كل
حاجه حضرتك هتعرفها او مش كل حاجه هنعملها هنقولك عليها أو نشورك فيها لذلك
المنتدى هيظل مادمت حيا إن شاء الله.

اقتباس :

اولا اعذرونى عشان انا كتبت العنوان بالطريقة الملفته دى وده عشان الناس تدخل وتقرأ الموضوع لان انا هاقول فيه حاجات بتحصل ممكن اوى تضيع المنتدى وتخليه يفقد طريقته فى جذب الاعضاء

عذر اقبح من ذنب يا بشمهندس.

اقتباس :

فى بداية الامر احب ان انوه ان المنتدى الان اصبح عباره عن نقد لغرض النقد

يا ريت لما تحكم على حاجه زى كده توضحلنا بمثال علشان نعرف فين المواضيع
دى اللى بتنقد بمجرد النقد وعلى فكره حتى الآن لم يكتب موضوع لمجرد النقد
إلا موضوعك ده أهو ده فعلا لمجرد النقد.

اقتباس :

تانى حاجه احنا بقينا ببنقد دكتور عبد الله وخلاص يعنى من الاخر انا لقيت ناس زى ما تكون بتتلكك لاى حاجه وتيجى تعمل شعارات هنا على المنتدى ولماذا يا دكتور عبد الله وليه بتدفن رغباتنا وليه مقلل من قيمتنا وسط المهندسين من الكليات الاخرى

وكل الناس طبعا خطأ وأنت اللى صح يا بشمهندس!!!
المفروض تحتمل إنك خطأ قبل خطأ الآخرين.

اقتباس :

ادحلبنا لغاية ما بقينا بننقده فى شخصه

عيب يا بشمهندس أعتقد إنك إنسان كبير وتعرف تفرق بين اللفظ اللى يصلح للقول
واللى لا يصلح وحكاية نقده لشخصه دى مش موجوده على المنتدى ويا ريت توضحلنا بأمثله
لو هيا موجوده فعلا!!!

اقتباس :

دلوقتى وبقالنا اسيوع الشغل الشاغل فى كل المواضيع هو نقد الدكتور عبد الله

طبعا يا بشمهندس أومال هنتكلم فى أيه غير المشاكل بتاعة الكليه ولا أنت مش تبع الكليه دى.

اقتباس :

وبعدين بقى كل ما تطلع نتيجه نكتب عليها رغم اغلاق السور ورغم سحب الكارنيهات وكأن الموضوع ده حصل ايام الامتحانات وكان هيأثر على اداء الناس فى الامتحان وده بيدل على مدى التلاكيك اللى بتعملها الناس عشان ينقدوا

حرام عليك تظلم الناس لأنى أنا اللى بكتب الكلام ده وأنا مسئول مسؤليه كامله عن الكلام
ده وده لأنى مش بغلط فى حد أنا بنقد بحياديه ومن أجل الإصلاح ليس أكثر وعلى فكره أنت حطيت موضوعك
بعد تغيير الإعلان لحمامة السلام و إيقاف كل المواضيع التى تنقد يعنى المفروض تركز فى الأحداث يا بشمهندس.

اقتباس :

المنتدى بتاعنا بقى عبارة عن منتدى لاثارة المشاكل وخلاص والدليل على كده موضوع المعيدين اللى انسحبوا من المنتدى

يعنى أنت من شويه يا بشمهندس كنت خايف علينا ودلوقتى حكمت على المنتدى بإثارة المشاكل
وبتدى دلائل وبراهين تفيد إنى أحنا بتوع مشاكل!!!
على العموم إنسحاب المعيدين ده كان لإختلاف فى وجهات النظر وبإذن الله هيشاركوا
معانا مره أخرى رغم كيد الكائدين.

اقتباس :

انا نفسى الاقى الناس اللى بتحط المواضيع دى او اللى بتنقد يكونوا من اتحاد الطلبه

يعنى الاتحاد بس اللى يتكلم والناس الباقيه لأ مش كده!!!!

اقتباس :

انما للاسف من طلبه عندنا فى الكليه ضايعين عاى الاخر والضاد ماليه النتيجه بتاعتهم وبطل ما يجيبوا اللوم عليهم يطلعوا اى حجج عشان يقولوا ان الكليه هى السبب والنظام والمعيد والكلام الهابط ده

أعتقد إنى النتيجه ليس لك شأن بها ولو ليك شأن يبقى أنت كده بتعاير الناس وبتشمت فيهم
فيا ريت بلاش أحسن وحكاية الضاد ماليه نتيجتهم فأعتقد المقصود بها أنا مش كده برضو
على العموم يا سيدى أتمنالك كل خير وإن شاء الله بدل مبتطلع التانى على الدفعه تطلع الأول.

اقتباس :

كمان انا عايو اقول ان المواضيع اللى بقت بتتثبت بقت المواضيع اللى بتكون من الاداره مهما كانت درجه اهميتها انما اى موضوع تانى من اى عضو عادى ما حدش بيبصلها والاقى رسايل تافهه جايه على الايميل عن مواضيع تافهه واللى كاتبينها ناس من ادارة المنتدى

بلاش تحكم على كل الرسايل أنها تافهه لأنه كده عيب وبخصوص إنزعاجك يا سيدى
ممكن تمنع تلقى الرسايل الجماعيه من ملفك وتريح نفسك من الهيافه دى وبخصوص
التثبيت فأعتقد موضوعك القديم ده أعتقد إنك مش كل حاجه على مزاجك تقول عليها تتثبت يبقى خلاص نثبتها ولا أيه.

اقتباس :

يقينا بنلاقى شتايم من الاعضاء لبعض على المنتدى وبقت الشتايم دى فى الاهل وانا واحد من الناس اللى انتقد موضوع بس كان انتقاد شديد شويه وكان الرد شتيمه فى امى

بص يا بشمهندس انا أحب اللى يجيب دلائل على كلامه وبخصوص الشتيمه
اللى تخصك دى كان يمكنك بعث رساله بكده ويتم طرد العضو بدلا من الحكم
على الناس كلهم.

اقتباس :

ياريت ياريت نراجع نفسنا ونراجع المواضيع والالفاظ اللى بتتكتب عشان يرجع المنتدى يكسب حب الاعضاء له ويرجع الاقبال عليه زى زمان وياريت اللى هيرد على كلامى يرد بموضوعيه وما يبقاش الرد لمجرد الرد والنقد ويطلعونى غلطان وخلاص

معاك حق يا بشمهندس أنت مش غلطان وشكرا على خوفك على المنتدى وشاكرين افضالك.

قرار إدارى: يمنع المهندس ميدو بفتح أى موضوع به شكوى لعدم إثارة المشاكل وفى حالة إستياءه من أى شىء يمكنه بعث رساله للحبار بذلك وفى حالة فتحه مواضيع بها شكاوى يتم حذفها دون سابق إنذار وعلى السادة المشرفين تنفيذ القرار.

ويغلق الموضوع