هل وجود المال يلغى عيوب الرجال عند النساء؟

بسم الله الرحمن الرحيم"عايزين نتكلم بصراحه ونبقى منطقيين وسيبك انه الست اللى بتبص ع الفلوس دى مش ست تبقى سمسار مع احترامى للجميع"
الواحده ف الدنيا تفتكروا بتبقى عايزه ايه؟ بتبقى عايزه حب وراجل وفلوس.ودول بالترتيب ف الاولويه ذى ماكتبتهم.يعنى الراجل وحب من غير فلوس مينفعش :shock: .هى دى الحقيقه وخصوصا ف الزمن المهبب بتاعنا ده.وحب وفلوس منغير راجل برضه مينفعش؟؟.بس راجل وفلوس من غير حب ممكن ينفع.عشان كده الحب بقى دلوقتى حب مادى يعنى الحب بتاع افلام زمان ده مش موجود دلوقتى غير ف حلم كل بنت فيكم وعشان ابقى صريح كمان مع نفسى وف خيال كل ولد.بس الواحد بيفوق ع الواقع.طيب هتقوليلى ماهو ف ناس كتير عايشين من غير فلوس.الفلوس اللى انا اقصدها يعنى العمليه مش تبقى مستوره وبس. لا اللى انا اقصده انه معاك فلوس تدوس مش معاك فلوس ابقى ريح ع الخط؟؟!.فى ستات تقدر تعيش اليوم بيومه وتصبر ع زوجها وتشوف ايام سوده معاه بس هى مستحمله عارفين ليه؟ عشان معاها راجل ومعاها حب.مش تلاقى الواحد ساعات فينا يقول والله انا نفسى اخد واحده ذى امى؟؟؟!!.لانه امى وامك من الستات دول.بس ف ناس تانى متقدرش تعمل كده.يعنى كل واحد ع حسب مقدرته وف النهايه مش عايزين ننسى انه ده حقها ف الاخر.بس انا عايز اسالك يابشمهندسه هبه بصراحه "لو انتى بتحبى واحد وبيحبك وراح جه اتقدملك بس هو ظروفه صعبه يعنى من الاخر ابيض وكل حاجه هتجيبوها مع بعض من اول الكاسيت لغايه التكييف..هتستحملى انك تعيشى معاه وتبنوا بيتكم طوبه طوبه وتكبروا مع بعض؟؟ ولا هتخدى واحد برضه بيحبك ومش بتحبيه وفيه كل حاجه كويسه وابن حلال وابن ناس ومعاه فلوس و...., وتسمعى كلام الست الحاجه اللى هتقولك يابنتى الحب بعد الزواج؟؟.. ,ياريت تجوبينى ع السؤال بصراحه يابشمهندسه هبه وانا واثق من صراحتك .وربنا يوفقك.

انامش هاكدب عليك يا بشمهندس وهجاوبك بصراحه ذى ما طلبت منى وكما تعودتم منى
انا بالفعل حدث معى هذا الموقف
ولم اكن اعرف هذا الشخص ولكنه تقدم لى وهو انسان فى جميع صفات الزوج المثالى بل انه امامه مستقبل هائل
ولكنه لم يكن يملك من المال ما يؤثث به منزله او حتى انه يصرف على زوجه
وكنت موافقه فقط لانه انسان اكثر من رائع
ولكن بالطبع الاهل اهم حاجه عندهم هى راحه بنتهم فلم يوافقوا عليه
وبكده اكون جاوبت عليك بصراحه
كما طلبت منى
وليس معنى هذا اننى موافقه على ما حدث
انا معترضه على هذا الاسلوب فى اختيار الاهل زوج للابنتهم
ولكن البنت طبعا زى ما انتوا عارفين فى الصعيد لا تستطيع ان تقف فى وش اهلها فى موضوع زى ده