- اقتباس :
- اولها الاسماء الغريبة اللى الناس داخلة بيها .......اسماء لا تجدها
الا فى الشارع او فى فيلم عربى
يا بشمهندس بخصوص الأسماء فلك الحريه أن تختار أى أسم مادام لا يخدش الحياء أو يثير فتنه أو يعلن عن شىء وغير ذلك مادام شخصا رضى أن يسمى نفسه أسما قبيحا فهذا يعتبر عقاب له دون أن يشعر وهو حر فى ذلك وأيضا توجد خطه بإذن الله لتعديل جميع الأسماء الغير مقبوله وذلك عن طريق لجنة تحكيم معترف بها وتراعى الله فى حكمها.
- اقتباس :
- بالاضافة الى بعض الحوارات التي تنقلب الى حوارات شخصية
بخصوص الحوارت الشخصيه فتم تعيين مجموعه كبيره من المشرفين الكفء وهم
موجودين لضبط أى حوار أو مناقشه بإذن الله وأعتقد أن الكمال لله والخطأ وارد
وبإذن الله سنحاول تقليل هذا الخطأ لأبعد الحدود.
- اقتباس :
- بعد كده ابواب المنتدى نفسها...... في ابواب ملهاش اى لازمة زى مثلا
باب الحب اللى كان عامل مشاكل كتير
هوه حكاية الحب دى بالذات كانت فيها مشاكل سابقا إنما دلوقتى أعتقد قلت خالص وده
علشان المشرف اللى فى القسم ده كويس جدا غير كده ده قسم فرعى ممكن أى عضو يلجأله
فى حالة ملل أو تنفيس عن مكنونات الصدور دون تلميحات أو خروج عن النص وإذا كان
القسم سىء فممكن نتناقش فى الحكايه دى فى موضوع ولكن ليس لغلقه أو لحذفه إنما لتحسينه
وكبح جماحه.
- اقتباس :
- او باب حواء (اللى اشيد بالمدير اللى شال الباب ده)
لأ ده كان غلق مؤقت مش أكثر يا بشمهندس وكان الغرض منه الإتجاه إلى بقية الأقسام العمليه.
- اقتباس :
- بالاضافة الى بعض الموضوعات نفسها التافهة والمملة الغير مفيده
أعتقد إن المواضيع دى قلت جدا يا بشمهندس.
- اقتباس :
- المفروض المنتدى ده يكون شغله الشاغل الكلية والمهندسين......الخ
جميل يا بشمهندس وأنا أوافقك جدا فى هذه النقطه وإحنا بنتجه الإتجاه ده دلوقتى فى هذه الفتره
وإن شاء الله ربنا يعينا جميعا.
- اقتباس :
- اما بالنسبة لمعاونى المدير فهم يبذلون كل ما بوسعهم ولكن اعتقد تؤخذ
عليهم بعض الاشياء يعنى فى واحد منهم او كلهم فاكرين انه المنتدى ده ملكهم وحدهم
يعنى فى واحد منهم عامل نفسه ناقد كبير ويموت بس فى اي حد يدخل يكتب موضوع يدخل
صاحبنا وينقد ومش ناقص غير نجيب له د/دريه شرف الدين ونعمل له برنامج نادى السينما
عشان ينقد براحته (النقد لمجرد النقد)
معلش يا سيدى حقك عليا أنا لو حد منهم زعلك بس حضرتك هما بيغيروا جدا على المنتدى
وعاوزين يعملوا جوده لكل حاجه وده منطلق النقد بتاعهم وبس بمعنى أنهم مش بيتطرقوا لخلافات
شخصيه أو كلام من ده وإن شاء الله هحاول أنبههم وأنبه الجميع للنقد البناء علشان نرتقى.
- اقتباس :
- د/دريه شرف الدين ونعمل له برنامج نادى السينما
ما شاء الله عليك عندك 18 سنه وفاكر دريه شرف الدين أو حصلتها!!!
شكرا على التشبيه الجميل بس دريه أرحم بصراحه!!!!
- اقتباس :
- لماذا لا يتم اختيار الممشرفين بالانتخاب مثلا بدل ما كل شوية يختاروا
مشرفين ويغيروهم؟
الإختيار يتم على أساس نشاط العضو وعلى أساس متابعته للقسم وللمنتدى وعلى اساس برضو
طريقة كلامه وفكره فبصراحه بحاول أنتقى الأفضل علشان نرتقى بالمنتدى وعملية التغيير
تتم يا أما لعدم المتابعه أو لطلب اللإقاله أو للترقيه مثلا وبخصوص الإنتخاب فده هياخد وقت
غير كده ممكن حضرتك متكنش متابع كل الناس أو عارف نشاطهم ولو عندك إعتراض على حد
أو عاوز ترشح حد يا بشمهندس ممكن تبعتلى على الخاص وإن شاء الله يتقبل بس يلتزم بالقوانين
والحضور.
- اقتباس :
- ليه الناس متدخلش باسمها الحقيقى ..عشان كل واحد يحترم نفسه؟
هوه فيه ناس داخل باسم مستعار وكويسه جدا مننكرش ده واعتقد قصدك إنى الناس
تحاول متبقاش خفيه بس الفكره مش الاسم المستعار الفكره إنك متبقاش مقهور او مطالب
بكلام معين تبقى حر بس فى حدود الأدب والكياسه.
- اقتباس :
- ارجو انه مفيش حد يزعل مني خاصة المدير لانى احبه والله ونفسى المنتدى
يوصل لاكبر درجات النجاح
لا يا أخى أنا مزعلش من النقد البناء وأنت ما شاء الله كلامك كله الغرض منه مصلحة المنتدى
وأنا أتمنى إنى الناس كلها تبقى زيك.
بس أنا حاسس إنك إشتركت باسم جديد علشان تقول الكلميتن دول مع إنك لو كنت مشترك قديما
كان عادى ممكن تقولهم ومحدش هياخد عنك فكره غلط.
والله الموفق
موضوع: المنتدى العجيب 
الأحد 9 مارس - 4:37
