عجب العجايب تعجب الي مش متعجب

السلام عليكم و رحمة الله و بركاته
دى رسالة عجايب فى عجايب قريتها و حبيت اشاركم بيها عشان بس الواحد يحس اد ايه الحياة عجب على راى اللى كان دايما يقول عجب العجاب طبعا متالوش مين اللى بيقول كدا لان انا نفسى معرفش بس هيا كدا عجب العجاب. شفنا احنا من فترة موضوع عجايب الدنيا الجديدة دى دة تعليق يوسف معاطى عن حذف الهرم من العجايب... اه والله شالوه من عجايب الدنيا مستغرب ليه يعنى مش بقولك عجب العجاب استنى استنى انت لسه شفت حاجة

خلاص‏..‏ بعد قرار اللجنة السويسرية صارت الأهرامات المصرية لا تعد من عجائب الدنيا السبع‏..‏ صار هرم خوفو الأكبر مثله مثل أي مبني عادي خالص‏..‏ كأنه مثلا مبني تحسين الصحة أو كشك حاجة ساقعة أو عربية بليلة‏..‏ ورغم أن الأهرامات هي العجيبة الوحيدة التي لم تندثر من عجائب الدنيا السبع إلا أنها اندثرت فجأة بجرة قلم من واحد سويسري اسمه برنارد ويبر‏..‏ قال إيه‏!!‏ لأن الوزير فاروق حسني والفرعون زاهي حواس تعاملوا معه بألاطه شويه ومعملوش الواجب معاه يقوم يحط غله في مين؟‏!‏ في الملك خوفو‏!!‏ وأصل الملك خوفو ده طول عمره مالوش حظ مع الخواجات‏..‏ غايظهم ومحيرهم بشكل عجيب‏..‏ من أيام هيرودوت الذي قال عنه‏..‏ إنه كان ديكتاتورا وأغلق المعابد واستعبد شعبه لكي يبني قبره الضخم‏..‏

وقال إيه‏!!‏ الملك خوفو أجبر ابنته علي مزاولة البغاء علشان تسدد نفقات الهرم‏..‏ وده كلام برضه؟‏!‏ ملك يبني هرم قد ده ويخلي بنته تمشي مشي بطال عشان تصرف عليه؟‏!‏ الأعجب من ذلك‏..‏ أن بعض الصحف المصرية بدأت تشن هجوما علي الوزير وعلي الدكتور زاهي لأنهما لم يعملا الواجب مع الأخ السويسري اللي عامل المسابقة‏..‏ وهذا يؤكد أننا مازلنا نفتقد كثيرا إلي الثقة بالنفس وإننا مازلنا ننظر إلي الخواجة وكأن حياتنا متوقفة علي رأيه فينا‏(عقدة الخواجة يعنى)..‏ الأغرب أن اللجنة السويسرية ستحدد عجائب الدنيا السبع عن طريق التصويت التليفوني‏..‏ وكأن الملك خوفو مازال ستار أكاديمي‏..‏ وربنا يوفقه ويرفع رأس مصر زي محمد عطية‏..‏ اتخيل أسرة مصرية جالسة‏..‏ والأم تصرخ في أولادها‏..‏ صوتوا لخوفو يا ولاد‏..‏

وستنزل شركات المحمول بعروض مخفضة علشان مصر كلها تصوت‏!!‏ تصوت لخوفو طبعا‏..‏ ويقول بعض النقاد أن خروج الهرم من عجائب الدنيا السبع سيؤثر علي السياحة‏..‏ وسيقلل من قيمة الهرم تصوروا‏!!‏ عموما نحن لا يهمنا‏..‏ في بلادنا حلول لكل شيء‏..‏ حينما انهار عمر أفندي هل عجزنا عن الحل؟‏!..‏ عرضناه للبيع ووجدنا ألف مشتري وأحنا حاطين رجل علي رجل‏..‏

إذن‏..‏ لنعرض الهرم للبيع‏!!‏ ولكن بشروطنا وأهمها الاحتفاظ باسم الملك خوفو كصاحب الهرم الأصلي وصاحب العلامة التجارية‏..‏ الاحتفاظ بالتابوت الموجود في الهرم واسماء الكهنة واحدا واحدا‏..‏ منع شاكيرا من الغناء أمام الهرم مرة ثانية لأنها كانت السبب المباشر في خروجه من عجائب الدنيا السبع حيث إن الناس حينما رأوا شاكيرا وهي ترقص نظروا نحوها مذهولين منصتين وتجاهلوا الهرم تماما وكأنه لم يكن موجودا من أساسه وليس معني خروجنا من مسابقة عجائب الدنيا السبع التي لن اشارك في المسابقة ابدا بالعكس وانا أرشح من بين كل العجائب التي طرحت في المسابقة اللجنة السويسرية نفسها لتكون عجيبة العجائب في الدنيا كلها‏..‏ وأخيرا أحب أن أهمس في أذنك يا عزيزي المواطن‏..‏

ولا يهمك عجيبة راحت‏!!‏ الحمد لله العجايب كتير في مصر بس النفس اللي تشوف‏..‏ تحب أقولك سبع عجايب خبط لزق ورا بعض كده‏..‏ خد عندك ياسيدي‏..‏ موظف مرتبه‏154‏ جنيه ومتجوز وفاتح بيت ومع ذلك عايش وميت فل ازاي؟‏!‏ آدي عجيبة‏..‏ القاهرة فيها‏15‏ مليون نسمة‏..8‏ مليون منهم عايشين في العشوائيات ولا حد اشتكي ولا حد زعل ومابيطلوش خلفه‏..‏ بأه دي مش عجيبة‏!!‏ وخد عندك يا سيدي بلدك فيها‏10‏ ملايين قهوة وكوفي شوب بمعدل قهوة لكل سبع انفار والناس كلها قاعدة زي الفل ومفيش أي حاجة‏..‏ وخد كمان‏..‏ وتسمع من يوم ما اكتشفنا الغاز الطبيعي في مصر والانابيب بتفرقع في وشنا‏..‏ تسمع كمان‏..‏ وتسمع ليه ما انت شايف بعينك كل حاجة‏..‏ هو انت غريب‏..‏ شايف المرور في البلد عامل ازاي هو ده مش من العجايب‏..‏ ايه رأيك في التعليم يا عم الحاج مش ده عجيبة برضه‏

وعجبى فعلا صحيح إذا أوكل الأمر لغير أهله فدى من علامات يوم القيامه ربنا يحفظنا
شكرا على الموضوع يا جودزيلا.

ENG_GODZELA كتب:: ‏ وأخيرا أحب أن أهمس في أذنك يا عزيزي المواطن‏..‏

ولا يهمك عجيبة راحت‏!!‏ الحمد لله العجايب كتير في مصر بس النفس اللي تشوف‏..‏ تحب أقولك سبع عجايب خبط لزق ورا بعض كده‏..‏ خد عندك ياسيدي‏..‏ موظف مرتبه‏154‏ جنيه ومتجوز وفاتح بيت ومع ذلك عايش وميت فل ازاي؟‏!‏ آدي عجيبة‏..‏ القاهرة فيها‏15‏ مليون نسمة‏..8‏ مليون منهم عايشين في العشوائيات ولا حد اشتكي ولا حد زعل ومابيطلوش خلفه‏..‏ بأه دي مش عجيبة‏!!‏ وخد عندك يا سيدي بلدك فيها‏10‏ ملايين قهوة وكوفي شوب بمعدل قهوة لكل سبع انفار والناس كلها قاعدة زي الفل ومفيش أي حاجة‏..‏ وخد كمان‏..‏ وتسمع من يوم ما اكتشفنا الغاز الطبيعي في مصر والانابيب بتفرقع في وشنا‏..‏ تسمع كمان‏..‏ وتسمع ليه ما انت شايف بعينك كل حاجة‏..‏ هو انت غريب‏..‏ شايف المرور في البلد عامل ازاي هو ده مش من العجايب‏..‏ ايه رأيك في التعليم يا عم الحاج مش ده عجيبة برضه‏

سيدي الفاضل

نسيت تذكر أهم عجيبه من العجايب

وهي إننا شعب

ف - ب - ع

وده معناه

ف : فرعوني

ب : بيروقراطي

ع : عربي

ودي لوحدها عجيبه تاني

عموما مش حقولك غير إن

د/ زاهي حواس

البطل المصري

الراجل إللي عمل الصح

الراجل ده قال :

إنتو مش حتشيلوا الهرم من عجايب الدنيا السبع

خلاص إبقوا حاسبوانا

قالولوه إزاي

قال :

تذكرة مشاهدة الهرم فقط = 95 جنيه مصري

تذكرة النزول و الوقوف بأرضيه الهرم فقط = 200 جنيه مصري

تذكرة دخول الهرم نفسه = 550 جنيه مصري

تذكرة وادي الملوك 70 جنيه للفرد وتشمل مقبره واحده بدل ثلاث

وقال إن السياحه المصريه من أرخص أنواع السياحه العالميه

بس لو أنتوا عايزينها غاليه حنغليها

والغالي تمنه فيه

تحياتي لأعضاء منتدانا الغالي

وشكرا علي الموضوع الجامد ده

» جزر سوقطرة اليمنية - جزر العجايب
» لا تعجب.........!!!!!!!!!!!!
» يا ريت النكته دي تعجب
» تعجب معى هل يحدث ذلك معك
» وقفة تعجب . . .!!