سوال خاص للشباب ؟وارجو الرد بصراحه ايضا

يعنى اذا كانت البنت دى فعلا عايزه تتجوز بجد وانا عارف اخلاقها يعنى مالهاش علاقه بحد والكلام ده خارج من قلبها ممكن افكر اما اذا كانت من البنات الروشين اللى كل يوم مع ولد شكل وضحك وفرفشه وقالتلى انا عايزه اتجوزك من غير ما يكون بينا اى تعارف او اى اختلاط بينا فده يستدعى الشك فى تصرفها لانها احتمال كبير تانى يوم او بعده بمده تقلبنى وتشوف غيرى وده معناه انها مش هتحترم العلاقه الزوجيه وهو ده اللى هيخلينى ابصلها من فوق لتحت ومن اليمين للشمال وابصلها بقرف وبعدين اسيبها وامشى ولكل انسان رأى فى هذا الموضوع وبقول للمهندس امير انت مش وحش ولا حاجه وملامحك حلوه خليك واثق فى نفسك ........هى الخسرانه

اقتباس :

ماذا سيكون رايك فى الفتاه التى تطلب منك يدك؟

فكره جميله فعلا هي خطوه جريئه ولكن ما اجملها ان تغلف بالحياة والعفاف

اقتباس :

هل ستحتقر تصرفها؟

أنا أحترم المرأة كإنسانة ولا أرى فارقا بينها وبين الرجل في حقها في التعبير عن مشاعرها، ولها كل الحق في التحرك لتحقيق كل أحلامها المشروعة، ولها الحق بالتالي في التعبير عن رغبتها في الارتباط بمن تراه مناسبا لها

اقتباس :

ام اذا انت لم تكن تبادلها نفس الشعور

ياويلى من ظلام ليلى هاروح في ستين داهيه الله يستر بس
هذا أحيانا يعطي نتائج سلبية ومؤلمة للفتاة، بل عليها أن توسط شخصا تثق فيه
تسير الأمور طبيعية، وألا يحدث أي ضرر للفتاة في حالة عدم حدوث قبول من الشاب
وعلى الفتاة التي تتخذ طريقة التعبير المباشر أن تتحمل مسئولية هذا الفعل
بس بجد كل شيء في الحياة قسمة ونصيب، وكذلك الزواج فهو قسمة ونصيب

أما باقى الأسئله فلا اجد لها عندى أجابه لانها متروكه للظروف وفى علم الغيب

وشكرا يا باشمهندسه على مواضيعك الغريبه
بجد غريبه جدا

أنا أقوللك حاجة

كل البنات كدابين في مشاعرهم

وبكرر تاني

كل البنات بتوع مصالحهم وكدابين في مشاعرهم


لا مؤاخذة .... حسب ما أنا شايف

ليه كده بس يا بشمهندس زيزو
مش معنى انك اتعاملت مع واحده بالشكل ده او عرفت واحده بالشكل ده
يبقى كلهم شبه بعض
يعنى انت لما تقول كده يبقى لو ليك اخت او اى حد من قرايبك البنات
يبقى هما برضه بالشكل ده واكيد مش هيوافقوا على رايك فيهم
انت نفسك مش هتوافق ان حد يقول كده على اخواتك البنات
مش كده ولا ايه

[اصلا لا يوجد حب اصلا

Zizo088 كتب:

لا مؤاخذة .... حسب ما أنا شايف

كدة صح يا زيزو

دة رايك الخاص
وانا متأكد انك حتغيره مليون % بس
ماقدرش أقول لك امتى

بكل صراحة لن اوافق
لأن المفروض العكس هو اللى يحصل

اولا بشكر البشمهندسة هبة على الموضوع اللذيذ ده
انا من رايى ان المهندسة هبة صريحة خالص وانا بقدر ده فى البنات لان عرض الرأى والرأى الاخر دية حاجة جميلة خالص
بس من الواضح مع احترامى الشديد انه صعب حاجة زى كدة تحصل هنا الا لو انسانة حساسة خالص واكيد بالنسبة ليا حقبل تصرفها بكل سرور ونبدا فى حل الموضوع بالمنطق

أولا معذرة للتغيب

ثانيا :انا اقدم تحية خاصة للمهندسة هبة علي الجرأة في المواضيع

اما من حيث رأيي في هذا الموضوع فأ نا اظن انه عند حدوث مثل هذا الامر فلابد من وقفة ومن سؤال مهم ما هو الشئ الذي دعا هذه الفتاه لمثل هذا الطلب ؟ بالتأكيد هناك شئ غريب اما في انا أو فيها وهذا الشىء قد يكون طيب وقد يكون (؟)


عموما نحن الشباب في مثل هذه الظروف نحتاج لفتاة تقدرنا حق التقدير فالظروف صعبة علي الاخر كما نحتاج ان يكون مقدار قدرتها علي الاحتواء عاااااااااااااااااالي جدا لان الايام اللي جاية انا لغاية دلوقتي مش متخيلها

واسف مرة اخري علي التغيب

بسم الله الرحمن الرحيم
كل مجتمع وليه حاجه اسمها العرف والعاده.وف مجتمعنا ده العرف والعاده انه الرجل هو اللى يطلب من البنت.ومع كامل احترامى لكل الناس اللى قالوا رايهم فانا شايف انه ده مش عيب لكن مش منطقى ف مجتمعنا الملئ بالتناقضات هو طبعا من حق كل واحد وواحده انهم يحبوا وثيختاروا الشخص ده بس المشكله ف الرجل اللى هيبص على انها مش محترمه ودى طبعا نظره متخلفه شويه لانه ذى مازميلى اتفضل وقال انه ف بعض من الصحابه من السيدات طلبوا من الصحابه الرجال قبل كده.بس اللى هيحصل انها لو متربيه ومحترمه مش هتقدر تقول وتتكلم هى طبعا هتبقى جريئه بس لكل مقام مقال ومش عيب تعمل كده بس برضه هى لازم تفكر ف نظرته ليها بعد كده او ع الاقل نظرتها قدام نفسها.اما لو كان الموضوع ايزى موزو ذى البنات الروشه فيبقى اصلا هى مستهبلاك وتبقى انت عبيط لو صدقت مع احترامى ليك لانه حتى الزواج بقى تيك اواى يعنى شباب تيك اواى اكيد هيقولوا كلام تيك اواى سواء كان حب ولا زواج. بس انا الموقف ده لو حصل معايا هيبقى متوقف ع الشخص اللى قدامى يعنى لو فعلا مؤدبه وبنت ناس هيبقى صعب انها تتكلم بس انا هفرض انها اتكلمت وحصلت المعجزه دى؟؟.اكيد هقدر احترامها لنفسها ولى وجراتها وهحاول امتص كلامها ع حسب مشاعرى ناحيتها.بس انا بقول للفتاه عموما ياريت قبل ماتفكر انها تتكلم او تفكر ف كده انه ده كله متوقف ع الشخص اللى قدامها يعنى ممكن يفهمها غلط ولو هى مؤدبه وغرضها شريف يفهم انها مش محترمه وانتم عارفين الباقى رغم انه كل ذنبها انها بتحبه وعايزه تصرح بحبها ده ليه وكمان ممكن يكون هو بيحبها بس رغم كده هو هياخد عنها فكره غلط وع فكره التعليم مالهوش علاقه بالموضوع ده .يعنى ممكن يكون الشخص ده زميل ف الكليه او دكتور او حتى معيد لكن ممكن يبصلهامن طريقته.لانه الموضوع موضوع تفتح افق وتفكير مش موضوع عادات وتقاليد وتعليم وف الكليه عندنا امثله كتيره ع تخلف التفكير ضيق الافق رغم انه مهندس بس ممكن تلاقى اللى مش متعلم يفهم احسن منه ف الدنيا.وع العموم يابشمهندسه هبه انا بشكرك ع السؤال ده واذا كان حد من زمايلاك عايز يعمل بروفه فانا موجود يمكن يبقى ف نصيب.وربنا يوفق الجميع ويوفقك ف حياتك العمليه والعلميه.