عصام الحضرى ترك الأهلى

بسم الله الرحمن الرحيم

مفاجأة غير منتظرة
انتقل عصام الحضرى حارس مرمى النادى الاهلى والمنتخب المصرى
للعب فى الدورى السويسرى وللأسف للفريق الذى يحتل المركز الثامن ويرتفع
رصيده عن الفريق الذى يحتل المركزالأخير بفارق خمس نقاط فقط
وذلك بمقابل مادى 400 الف دولار

ورغم أن النادى الأهلى لم يوافق على احتراف الحضرى إلا أن الحضرى سافر
أمس (الخميس ) إلى سويسرا هو وعائلته للإلتحاق بفريقه الجديد

وهناك بند فى قانون الإتحاد المصرى لكرة القدم ينص على أنه من حق اللاعب الذى
تخطى سن ال 28 أن يحترف فى الخارج بشرط أن ينذر ناديه بذلك

ولكن يا ترى هل أحسن الحضرى الإحتيار ؟
وياترى الأهلى هيعمل إيه بعدما أعار وائل جمعة قلب دفاع النادى الأهلى إلى نادى سيلية القطرى
ودلوقتى عصام سافر؟

زائر

ياريت يكون اشاعة
بجد الاهلى هيتعب كتير لحد مايعمل حارس ممتاز زى الحضرى
(الأهلى هوة اللى عمل الحضرى )

اهررررررررررررب ياحضرى

اهرررررررررررررررب يا حضرى

على فكره الراجل من حقه يأمن مستقبله لأنه خلاص كبر فى السن وأعتقد برضو إنه لازم
ندرب حراس مرمى تانين علشان نخرج حضرى أخر ولا نجعل أعدائنا يستغلوا إختلافنا
لزعزعة مبادئنا وربنا يوفق الحضرى ويوفق الأهلى فى مشواره القادم.

يارب ادارة الاهلى تسمع كلامك يا حبار

ومايبهدلهوووش بالطريقة دى
ويشتموه في الجرايد ويقولوا احنا حنرجعه غصبن عنه
ونذله
وبالأخص جمهور الأهلى
اللى بيهدد الحضرى انه مش حيشوف مصر تانى طول عمره
وتهديد للمنتخب انه مايبعتش للحضري عشان يمثل مصر تانى
وخاصة جمهور التراس اللى
الحمد لله ان الحضرى أخد زوجته وأولاده ووالده معاه لسويسرا وماسابهمش
في مصر لجمهور الأهلى _ وكلنا عارفين جمهور ألأهلى كان حيعمل ايه
في عيلته
وعدلى القيعى ::::::::::::::
اشرب من الكاس اللى كنت بتشربه لكل الأندية المصرية
واعرف ان خطف اللاعيبة من الأندية اللى انت بتعمله __
اتقلب عليك وقت لاعيبتك تهرب منك ومن ناديك
وسأظل أغنى الأنشودة التى يحبها الحضري
اههررررررررب يا حضرى
اهررررب يا حضررررررى
و كلمونى على على فودافوووووووووووووووووووون

بص يا بشمهندس يحيى الجمهور ده بيعمل كده لأنه بيعشق شخص إسمه الحضرى وحكاية إنه أخد أولاده ومراته معاه دى فأنا معتقدش إنهم لو فضلوا كان حد هيقرب ناحيتهم لأننا مش فى غابه ومستحيل يوصل النادى الأهلى لدرجة إنى يؤذى طفل أو إمرأه علشان خاطر حاجه لأنى النادى الأهلى كبيييييير وحكاية تحذيراتهم وكلامهم فده لأنهم زعلانين على رحيله لأنه أفضل حارس فى مصر والمركز التانى هوه برضو والمركز التالت هوه بمعنى أنه يحتل الثلاث مراكز الأولى فى مصر فخساره جدا على النادى الأهلى وعلى العموم إن شاء الله زى مقولت يخرج حضرى أخر فالأهلى معتاد إنه يطلع حراس مرمى ولاعيبه كفء من زماااااان زى إكرامى وأحمد شوبير وكتيييير تانى وبخصوص هروبه فهو لم يهرب بالعكس هيهرب ليه ده فى قمة تألقه مع الأهلى وبخصوص الأنشوده بتاعة الحضرى فبلاش تحريف هيا أصلا أرقص يا حضرى ثم أرجع يا حضرى ولكن ليست إهرب يا حضرى غير كده معتقدش إنى فيه حارس فى مصر تلقى العرض
اللى جه للحضرى وذلك لكفاءته ومهارته وربنا يوفقه إن شاء الله.

عصام كمال الحضرى

اسطوره الكوره الافريقيه فى حراسه المرمى

السد العالى

لعب للنادى الاهلى وانجز مع النادى الاهلى البطولات ولا احد ينكر مافعله للنادى ولكن ....

انجازات الاهلى تحسب للنادى وليس لفرد فى فريق اى ان النادى اخذ البطولات وسيظل ياخذ البطولات بدووووووووونه

عصام الحضرى لان الحضرى اسف فى التعبير (لو سف تراب النادى الاهلى واكل نجيله مش هيدخله تانى ) لانه نط من الشباك مثلما قال الصحفى الكبير حسن المستكاوى وصعب اللى ينط من الشباك يدخل من الباب تانى خدع النادى نعم خدع النادى لعب معهم بالليل وهجرهم فى الصباح دون ان يخبرهم ,هرب وكانه عامل شئ مخجل لا يريد احد يعرفه عنه وهو اكيد مرتب له من زمان لانه سافر هو واسرته والكل يعلم ان لديه اطفال فى سنوات دراسيه فكيف لا يفكر فى مستقبل اولاده لمصلحه شخصيه رخيصه فانا لم اقتنع انه سافر فجأه

اراد الاحتراف لاخذ فرصته لانه سنه كبر وعاوز يلعب بره معه كل الحق ولكن كيف للاعب ان يحترف وهو لا يملك اخلاق المحترفين لا اعتقد انه سينجح فى هذا الطريق وسيندم على ما فعل ان لم يكن ندم بالفعل

عصام لا انكر انك فرحتنا كتيييييييييييير ولاكن (انسكب الحبر على القصيده الجميله ) فاصبح لا شكل لها ولا معالم ولا تاريخ

الناس رفعتك وانت صغرت نفسك

فستخسر اكثر مما تحصد من مال

حب الناس كنز
والبركة فى الباقيين

الأهلى فوق الجميع

بنحبك يا حضرى

صلى على النبى
واحد زى عصام الحضرى ...
لعيب كورة
ما اخترعش حاجة ليها إضافة فى المجتمع
ما اخترعش اختراع يحط اسم مصر بين الأمم بجد
وبلاش نضحك على نفسينا بكلام انهم رفعوا راس مصر بره والكلام ده
لان هم لو لعبوا مليون وتسعين دقيقة مش حيحرروا الأقصى ولا حيعلمونى حاجة تنفعنى
مع احترامى لمشاعر الكل وخصوصا مشجعين الكورة والمتعلقين بأى لعيب أياً كان
وبيحب بلده وخاين والكلام الكيبر ده .. الله يكرمكم فى حاجات تانية اهم من موضوع الخيانة العظمى بتاعة الحضرى وخيانة الأهلى

أنا النقطة اللى تهمنى
المفروض الواحد يبقى عاوز ايه عشان يقعد جوا مصر
فلوس ... شهرة .. نجومية .. وسايط
ما كل دول عنده
طيب الناس اللى على قد حالها ..... تقول ايه
فى ناس كتير مش لاقية نماذج فى المجتمع تاخدها ليها قدوة .. وخصوصا الناس اللى بتبقى مش لاقية مكان محترم فى طابور العيش .. ولا لاقية مكان فى المواصلات .. ولا لاقية مكان فى التعليم .. ولا لاقية مكان فى سوق العمل .. ولا لاقية مكان فى الجواز ... ولا لاقية مكان لأحلامها وطموحاتها
الناس دى هى نفس الناس اللى بتشترى فلوس وتروح الإستاد تشجع
نفس الناس اللى بتقعد من الصبح لغاية ما الماتش يخلص وسايبه اللى وراها واللى قدامها
نفس الناس اللى بدل ما تطلع غلها فى المكان الصح يروحواوويطلعوا غلهم فى رقصة ولا شتيمة للجمهور المنافس
الناس اللى بتبص للحضرى وغيره انه بيمثلهم
واحد طلع من مصر .. من غير واسطة ولا كوسة ... وقدر بموهبتة وكفائته انه يوصل ويبقى نجم لامع ومعاه فلوس
الناس دى تقول ايه دلوقتى
شعورها يبقى عامل ازاى
طيب هم يقولوا ايه طيب
إذا كان الحضرى هرب وساب الأهلى وساب مصر كلها ... طيب إحنا نولع فى روحنا بجاز بقى ولا إيه
ده السؤال .. وبجد مش عارف الإجابة

» أول مكالمة تليفونية مع عصام الحضرى بعد أداؤه لأول مباراة مع سيون
» الحضرى يعتذر.. ويطالب الأهلى وجماهيره بالصفح
» طب بعد ايه(الحضرى بعد التهكم على جوزيه :لو طلبنى الأهلى سأحزم الحقائب للعودة فورا .. وهنأت رمزى وأساند أمير)
» الأهلى يتحدى القطن الكاميرونى فى جاروا والأرقام القباسية فى انتظار الأهلى
» لماذا يكره جمهور الأهلى مصر ؟ ويفرحوا بهزيمتها ؟ هل فعلاً الأهلى فوق مصر ؟