دكاترة كليات العلوم ورياضيات كليات الهندسة

كنت عايز أفتح موضوع شاغلنى منذ فترة

ممكن ماقولش كبيرة
هى حوالى 4 سنين اللى قضيتها في الكلية ( اعدادى / اولى-تانية-تالتة "كهربا")
انا لما كنت في ثانوية عامة كنت بحب الرياضة _ اه والله كنت بحبها ،
وكمان " بس امسكوا الخشب " جبت في 2 ثانوى 50/50
وفي الإقتصاد والاحصاء 50 /50
وفي رياضة 2 45/50

دخلت اعدادى هندسة ( وماضحكش عليكم ) انا كنت عايز أنط ع طوول أدخل حاسبات ، ولا أدخل مواد كهربا
ولا الحاجات دى ، وانا أصلاً مكنتش اعرف انى حقعد أولى وتانية كهربا _ قبل ما أدخل حاسبات //
انا لو كنت أعرف كدة كنت دخلت حاسبات ومعلومات من الأول،،،
بس كملت وقلت ماشي هاااااااااااااانت ___
المهم في اعدادى اخدنا رياضيات _ طبعاً الرياضيات مهمة لكل مهندس** وماينفعش مهندس مايعرفش رياضة
طب مهندس ازااى دةةةةةةة!!!!!!!!!!!
بس المفاجأة الكريمة انى لقيت ان اللى بيدينا رياضيات في اعدادى ( دكاترة من كلية علوم )
قلت لنفسي ازاااااى ؟!!! رياضة في كلية هندسة بيدرسوها دكاترة من علوم _ طب أعمل ايه عرفت ان دة المسار اللى
بيمشي ع طووول في كل كليات الهندسة __ " قال ايه : عشان فيه قسم علوم رياضيات* __ طب حعمل ايه ؟؟ سكتت
وأخدت الكورس تقريباً ع ما أتذكر كان كورس lim باين أو النهايات _ والترم التانى كورس تفاضل وتكامل
وال كورسين بيديهم دكاترة من علوم _ كورس النهايات والتفاضل كانوا ماشيين كويس معايا
ودة لسبب واحد بس ::
انى أخدت الحاجات دى في ثانوية عامة بشكل كبير _ أ/ا كورس التكامل ع أيامنا كان باب واحد بس في ثانوى
توسعنا فيه قووى في الترم التانى ،، بس المصيبة ان أهم الحاجات فيه
التكامل المحدود ومساحة ما تحت المنحنى والحاجات دى أخدناهم أخر بابين باين يعنى كان وقت الإنجااااز(( اللى هو بيحصل من بعض الدكاترة من كلية علوم )) احنا معانا مواد تانية أكبر _ كبر دماغك ولم أخر بابين وانجز عشان تنجح وخلااااص ))
طب مثلاً أعرف التكامل المحدود دة حيفيدنى بعدين ولا لأ ؟؟ طب تكامل المنحنيات دى عشان أعرف أجيب مساحة
منحنى بعد كدة __ لا ما عرفشش ،،، ماعرفش حستخدمها في ايه ؟؟ وماعرفش حتفيدنى في ايه في مواد الهندسة الكبرى ؟؟ ،،،، نجحت الحمد لله _ وهو دة اللى كان في دماغى وكمان جبت جيد رياضة _
طب أعرف حاجة عن المنحنيات والحاجات دى _ !!!!!!!!!!!!!!!!!!!!!!!! أعرف انى عديت فيهم وحليت مسائلهم في الإمتحان بدون ما أفهمهم ولا أعرف هما حيفيدونى في ايييه _
ما هوو للأسف لو كان فيه دكتور مهندس بيشرح المنهج دة كان قاال انكم يا جماعة لازم تعرفوا التكامل المحدود
والمنحنيات كوييس قووي عشان دى حتفيدكم في تانية كهربا في مادة اسمها الفيلد _ اللى هى 3/4 من المنهج تكامل محدود ، ومساحات منحنيات ــ بس مفيش حد قال لنا كدة __
رحنا أولى كهربا ::: نفس الموضوع دكاترة من كلية علوم ادونا منهج المعادلات التفاضليية
في الترم الأول ،، ولابلاس وفوريير الترم التانى __
واللى في كهربا أكيد عارف فايدة الكورسين دوول
المعادلات التفاضلية ودورها في السيركيت أو الدوائر الكهربية ،
ولابلاس ودورها في كل حاجة أى حاجة بجد اى حاااااااااجة
نفس الموضوع _ لمم الددور وخد المنهج بتاعك يا باشمهندس أنا من كلية علوم والصراحة ماعرفش انت حتستخدمها في دوائر كهربية ولا حتى غازية _ انا بس بديهالك نظرييات وخلاص _ واحفظوها كدة وانجحوا
احفظوها كدة وانجحوا
احفظوها كدة وانجحوا
احفظوها كدة وانجحوا
وفعلاً حفظنا المعادلات التفاضلية في الترم الأول
ونجحت __ ((( أول مادة أجيب فيها مقبول في الكلية ))
وفي الترم التانى _ لابلاااس _ هههههه طلعنا أبيض فيها __
((( اول مادة أشيلها للسنة الجاية كانت لابلاس على ايد دكاترة علوم يمكن عشان ماحفظتهااش كوييس
طب وأنا أحفظها ليه اذا كان انا مش عارف هى حتفيدنى في ايه __ أحفظ أرقام واثباتات وخلااص __
شيلت المادة وطلعت بها تانية كهربا وكانت زى الصاعقة عليا وع البيت عندى _ بارك الله فيهم دكاترة كلية علوم
أجيب امتيازات ديجيتال وفورتران وسي والعديد من جيد جداً
واشيل رياضة _ ولابلاس _ اه حقيقي أنا مكنتش بذاكرها "" قصدى مكنتش بحفظها ""
بس اللى حقيقي أكتر انى أعرف ناس جابوا فيها امتياز أو جيد جداً _ ومعلوماتهم عنها زىى بالظبط
وبحب أشكر من هنا د\ محمد محمود اللى شرح لنا المعادلات التفاضلية ولابلاس وفوريير تقريباً كاملةً
في منهج سيركيت تانية كهربا ،، بتهيألى كان عارف مأساتنا مع دكاترة كلية علوم _ والصراحة
شرح لا يعلى علييييييه " ودة اللى نجحنى فيها في امتحان تخلفات بتاع الرياضة " بس للأسف كان له مساحة مخصصة للحاجات دى _ عشان كان الكورس كامل _
غير طبعاً كورسات الرياضة اللى كانت أساساً عشان نتعلم الحاجات دى
بس لا حياة لمن تنادى ،،،
ونفس الموضوع في منهج ال numerical في الترم التانى من تانية كهربا
نفس القصة بالظبط من دكاترة كلية علوووم _ ادفعوا 10 أو 20 جنية عشان تشتروا مذكراات
وتشوفوا الورقة الصفرا _ وبلاش أتكلم كتييير عن الورقة الصفرا
وتحلوا الأمثلة والتمارين وتنجحوا في الإمتحان _ بس الحمد لله عديت فيها المادة دى
ما انا عرفت بقى وفهمت القصة (((((((((((( احفظ تنجح ))))))))))
وبرده كالعادة لقينا دكتور عبد المجيد بيقول لنا حاجات في الكنترول 1
ويقول لنا انتوا خدتوها في منهج ال numerical
قعدنا نضحككككك
( حاسبات - اتصالات - قوى )
ونقول لبعض
!
!
!
!
!
!
!
!
!
!
!
!
!
!
!
!
!
!
!
!
!
!



مش دى بتاعت دكاترة علوم

انت لخصت الموضوع في كلمتين:
(((((((((((( احفظ تنجح ))))))))))

شكراً يا imagine man


ويا ترى فيه حلووول للموضوع !!!!؟؟؟؟؟
انا شايف ان لحد دلوقتى 4 عاملين أقل من 25%
بس ياريت يا جماعة نناقشه
أنا فكرت ان ممكن المعيدين اللى بيدوا المواد دى
مايكونوش من علوم
ويبقوا من كليتناااا
بدل ما يبقي دكاترة ومعيدين

((((((((( :star: تقريبا كل دكاتره علوم بينظرو الينا بنظره حقد وكل ده ملاحظ ))))

يااااااه أخيراً حد رد في الموضوع دةة

شكراً A.B.d.Y

وانا سمعت كدة برده

بس ماظننش

هما بالمعنى مش عايزين يدونا المعلومةةة

او شايفين انها مش حتفيدنا كتييير
كغنها مقرر ثقافى
ودة ظهر علينا لما دخلنا في الجد 3 ورابعةةة

قضاااااء

طيب

نفسى الاقى رياضة بالرقام مش رموز وخلاص حراااااااااااااااااااااااااااااام

بطلوهااااااااا

الارقام دىىىىىى

دة انا حتىى

مرة رحت امتحان رياضة بدون الة حاسبة
ورحت بها امتحان فورترااااااان

هههههههههههههههههههههههههههههههههههههههههههههههههههههههههههههههههههههههههههههه

شكراً Miss R
وماتقلقيييش كلنا معاااكىى

وانا والله كنت بحب الرياضة في ثانوية عاااااااامة

وجايب 50 /50 في رياضة واحد
و50/50 اقتصاد واحصاء
45/50 رياضة 2

وشيلت رياضة لابلاس في أولى كهربااااا

المادة الوحيدة الل شيلتها من أول مادخلت الكليةةةةةةةة

منها لله الرياضة

منهم لله اى حد خلى دكاترة علوم يدونا رياضة في هندسة

اقتباس :

لان احنا عندنا في الكليه قسم اسمه الرياضيات والفيزيقيا الهندسيه

انتا اكيد يبشمهندس هندسة القاهره ؟ انا امتحنت عندكم المعادلة وبصراحة كانوا بيحطوا امتحانات فعلا ممتازة وبتطلع الفاهم من الحافظ انما هنا في اسوان الدكتور بتاع كلية علوم بيديلك رياضة مالهاش اي علاقة بالهندسة بتاتا هما جايبنهم عشان يقولوا اهو بياخدوا رياضة وخلاص على الرغم انها مهمه جدا في هندسه لانها بتكون جزيئة من اثبات ولاثبات بيفهمك ايه الدنيا اللى انتا بتدرسها

اهلاً بك باشمهندس Nile Lover

لا هو مش القصد كدةة

هو جودزيلا يقصد ان قسم الرياضيات والفيزيقيا الهندسية
دة مش موجود عندنا وحسب تصوره انه موجود في هندسة القاهرة فقط

اعتقد ان دة شئ رائع جداً
واحنا ماعندناش القسم دة
ولا حتى فكرنا فيه

لما دخلنا الكلية لقينا ان اللى بيدينا رياضيات من اعدادى وما بعده
هم دكاترة من كلية علوم
والمعيدين أيضاً من كلية علوم

يعنى دكاترتنا ( دكاترة هندسة ) مابيقربووش أصلاً من الرياضيات لما ندرسها وحدنا
مع دكاترة علوم

بس بقى لما بنكبر سنة تانية أو تالتة

دكاترتنا يقولوا لنا انتوا ازى مش فاهمين رياضيات
انتوا مش خدتوها قبل كدةةة
ودة من أجل اننا نعمل بها في المواد الهندسية الاخرى
زي
Field
Control
وغيرهههههه

لكن طبعاً لا حياة لمن تنادى معانااا

فبيضطروا دكاترة كهربا يشرحوا جزء الرياضيات من الاول
والغريبة اننا بنفهمه منهم كويس قوووووى
يعنى العيب مش فينا والله

والمثال ألأكبر اللى ممكن أذكره

هو الدكتور محمد محمود
الصراحة كان بيشرح لنا من الصفر الرياضيات قبل ما يستخدمها في حاجات أكبر

ياريت يا nile Lover
تقول لنا أكتر عن القسم دة

ممكن يفيدنا حقيقي ويبقى في التطوير المستمر لكليتنااا
شكرررررررررا لرأيك ومرورك الكريم

شكراً لك Nile Lover

وان شاء الله نعمل موضوع متوسع عن القسم دةة

وبإذن الله صوتنا يوصل

وجزالك الله كل خير

هههههههههههههههههههههههههههههه يخرب عقلك يايحيي كل ده جواك ياضنايا وكاتم على نفسك :face:

ليه بس ياضنايا ده مش حلوووووووو علشانك

اقتباس :

بس المفاجأة الكريمة انى لقيت ان اللى بيدينا رياضيات في اعدادى ( دكاترة من كلية علوم )
قلت لنفسي ازاااااى ؟!!! رياضة في كلية هندسة بيدرسوها دكاترة من علوم _ طب أعمل ايه عرفت ان دة المسار اللى
بيمشي ع طووول في كل كليات الهندسة __ " قال ايه : عشان فيه قسم علوم رياضيات* __ طب حعمل ايه ؟؟

انا هقولك ياباشا وهرد عليك فى النقطه دي

لو انت يايحيي روحت جامعه القاهره او جامعه عين شمس او جامعه الاسكندريه اللى هم بمعنى اصح الجامعات التوب بتاعت مصر هتلاقى فيه قسم اسمه الرياضيات والفيزيقا الاقسام دي اول مافتحت فى الكليه كانت بهدف ان كليات الهندسه فى كل الاقسام حاجه اساسى فيها الرياضيات
عشان كده جابوا دكاتره من كليات علوم وفتحوا اقسام رياضيات بس ان الدكتور بيكون مركز بس مع طلبه هندسه وبس يعنى يديك كل الرياضيات اللى هتفديك انت فى اعدادي وفى السنين اللى جايه وبعد كده يايحيي علشان يجي دكاتره تانى المعيدين بيطلعوا بعد مايتخرجوا بيكون اجبار عليهم انهم يطلعوا دكاتره رياضيات عارف بقى بعد الخمس سنين دول بيروحوا كليه علوم بيدروسوا سنه تالته ورابعه علوم قسم رياضيات ويتخرج ويروح بعثه عشان يرجع دكتور مهندس رياضيات
طيب ترضى انت يابشمهندس يحيي انت تقعد 5 سنين فى كليه وايه هندسه وبعد كده تقعد سنتين فى كليه علوم فى الاخر تطلع معيد تخيل معيد مهندس و تدرس رياضيات مااظنش حتى لو انت بتحب الرياضيات ده بفرض يعنى بعد الشر عليك وعلينا طبعا دي حاجه عشان كده الناس بتستسهل ويجيبوا ناس من علوم دي حاجه
الحاجه التانيه ان امكانيات الكليه مااظنش انها تقدر تفتح قسم رياضيات والفزيقا ومعتقدش ان المعيدين اللى بيتخرجوا من الكليه يرضوا انهم يدرسوا ويطلعوا دكاتره رياضيات بعد ماقعد 5 سنين بيدرسوا كهربا او مدنى او عماره
الحاجه التالته والاخيره ان يايحيي هى دي اللائحه بتاعت جامعتنا العزيزه ومفيش دكتور بيقول حاجه بره اللايحه
بس ده كلامى ويارب اكون عرفت اوضحلك الصوره ومستنى ردك يايويو

يا ويل ويل

شكررراً ع التوضيييييح

بس برده طالما ان حاجة زى كدةة معمولة في جامعات مصرية

ممكن حتى نفكر في حاجة زى كدةةة

ولو ع المدى البعييد

وطالما ان فيه ناس بتقعد تستنىىى وتنتظر ال 5 سنين
ومن بعدها سنتين

يبقى ممكن ناس من عندنا يعملوا كدةة وأكييد

حيبقى لها مزاااياا اكتررررر

ولا ايه

طالما ان فيه حاجة ممكن تحصل

نفكر فيه بجدية ، مانهدش الامووور

احنا مهندسين لازم نفكر اننا ازاى نوصل لهدف معيش
وطالما ان فيه ناس وصلت له
يبقى ألأكيد اننا حنوصل له

بس بدون الهدم والإحبااااط

أي خدمة يا ويل ويل