حلم حياتي............. ؟؟؟!!!!

مرة كنت قاعد مع اصحابي ف الكافتريا - كالعادة - نط ف دماغي سؤال وسألته لكل واحد كان معانا
السؤال هو " كان نفسك لما كنت صغير تبقي ايه .....؟؟؟!! "
الغريب ان كتير منهم كان رده لا علاقة له بالهندس وزعلت يومها اوي
ايه رأيكم نلعب اللعبة دي بس الصراحة مهمة

وهبدأ بنفسي
انا كان نفسي ابقي طيار فايتر Fighter Aviator أو مهندس ومع الوقت كانت بتقل حماسة اني اكون مهندس وبتزيد عندي حب رياضات السرعة زي
Formula 1 / MOTO GP
لدرجة اني فكرت اني اكون سواق فورميلا وان !!!!!! ليه لا دا حتي انا بعرف اسوق وبحب الرياضة دي بالذات لكن الواقع بيقولي - زي ما الشاعر المجهول بيقول - انا اكيد ف مصر
بس الحمد لله علي كل شئ وطالما ايماني بيقولي اني ممكن اخدم ف اي مكان بحمد ربنا
أهو مهندس احسن من مافيش

نايم

زائر

انا عن نفسى لم اتمنى ان اصبح طبيبا ولا مهندسا ولا حتى رئيسا للجمهورية
انا امنية حياتى الاقى الفانوس السحرى ولغاية دلوقتى
بس ممكن استغنى عن الفانوس السحرى لو لقيت كنز ((لقية ))

زائر

انا كان نفسي اطلع دكتورة صيدلانية وبعد كدة ادخل معهد الكونسلفادوار وادرس الموسيقي

بس النصيب

موضوع كويس بالنسبة لى انا لغاية اولى ثانوي كان نفسي اطلع دكتور جراح كان نفسي ابقي زي الدكتور مجدي يعقوب كنت بتخذه هدف ليا لغاية تانيه ثانوى بعد كده غيرت طريقي للهندسة لانى هوايتى من انا وصغير انى افك الحاجة واصلحها وممكن ابوظها وكنت بحب الرياضة جدا واكتشفت درراسة الاحياء دى ماليش فيها خاااااالص وكفحت كتييييييييير جدا لغاية اما وصلت للكلية وكله بفضل الله اولا ثم دعاء الوالدين ولازال الكفاح مستمرا

أولا احب ان اشكرك لفتح هذا الموضوع
انا عن نفسي كان نفسي اكون دكتورة صيدلانية ولكن كان مجموعي في تانية ثانوي ميدخلنيش صيدلة فخفت أخاطر فحولت علمي رياضة وربنا أكرمني وجبت مجموع كبير في ثالثة وكان الفرق بيني وبين صيدلة
2.% فسبحان الله والحمد لله اني مكملتش في علمي علوم لاني كنت حأموت بحسرتي علي الاتنين من عشرة في المية بس دلوقتي انا بأحمد ربنا اني دخلت كلية الهندسة وأشتركت في المنتدي

شكرا

بصراحه فكره جميله يا باشمهندس

دائما ما تتسم أحلام الطفولة بأنها لا تعرف حدودا ولا تعترف بأي قيود ، بعيدة
عن مسؤليات الحياة و متاعبها
كنت اردد دائماً..
حين أكبر سأصبح ....
وحين أصبح أطول من أخي سأكون.....
وحين...
وحيــــــــن....
وحيـــــــــــن....

ولكن لم أجد من هذه الأحلام الا سراب

احلام كثيرة كانت تراودنى لاتعد ولاتحصى مش عارف اقول أيه ولا ايه

كم من حلم تحقق ... وآخر لم يتحقق ؟؟

وكان لى أحلام كنت أتمنى انها تحقق ولاكن لن تتحقق لأنها خياليه جدا ؟؟

أهمها اني اسكن بقصر ومايكونش قصر عادي يكون باعلى قمة جبل محد يقدر يوصله وحواليه شلالات ومناظر وطبيعة واكون فيه وحدي انعم بجمال المناظر الطبيعية ومحدش يعكر صفو حياتي

والحمد لله احلام كتيير اتحققت وأهمها

1-كنت أحلم دايما دايما أرضي أهلي وانهم كل ما ذكرو اسمي يقوولو بعدها الله يرضى عليه ويفتخرو بيا والحمد الله أهلي راضين عني ويارب يدووم

2- كنت أحلم أني أكوون صداقات قويه مبنية على الحب والاحترام والتقدير والمساعده والنصيحه والحمد الله تحقق هالشي
3-كنت أحلم أنى ادخل الجامعه وبالذات قسم الهندسه المدنيه وفعلا اتحقق هذا الحلم

أنا ماكنتش بحلم أني أدخل أي حاجة من الكليات العاملة أو الكليات المدنية ......
أنا كان نفسي أكون ضابط حربي أو رجل عسكري ....مش علشان الوضع أو البدلة بس بجد أنا باعشق الحياة العسكرية و الموضوع كان سبب في انتكاستي في أول سنين الدراسة في الكلية بسبب أني ماقبلتش في الكليات العسكرية ......
بس الحمد لله على الكلية اللي أنا فيها و الحمد لله أني ماشي فيها كويس.....
بس بيني و بينكم الجيش خسر كتير علشان ماقبلنيش و أنا باقول الكلام ده عن ثقة جامدة جدا في نفسي و في قدراتي...........ألف شكر على الموضوع الجامد ده شكر وتقدير

موضوع جميل اوووي يا بشمهندس بجد
انا بجد وانا صغير كان نفسي ابقي وكيل نيابه او منصب كبير ف هيئه القضاء زي مستشار مثلا
لاني بجد بحب جو التحقيقات و جو الاسئله و الاجوبه ده موووت وكنت وانا صغير لما بتحصل عندنا او ف منطقتنا مشكله مكنتش بهدي او ارتاح غير لما ادور وراها و احلها والا كنت افضل محتار وموش عارف انام
بس طبعا مفيش حد بياخد اكتر من ايلي ربنا كتبهوله وربنا معانا كلنا ان شاء الله

انا كان نفسى ادخل كلية الصيدله بس مجموعى فى ثانيه ثانوى كان ميطمنش فحولت مجالى لعلمى رياضهبس ساعتها صممت انى لازمم ان شاء الله ادخل هندسهوالحمدلله دخلتها
وكان نفسى بردو ادخل قسم تانى غير اللى انا فيه بس النصيب والظروف اعمل ايه

انا بقى كان نفسي اطلع مهندس ومكانش في دماغي امنية غيرها حتي وصلت للثانوية كان هدفي الوحيد اخلص من المرحلة دي علي خير وبعد كدة زي ماتيجي تيجي

انا كنت محدد هدفي من خامسة ابتدائى

بس اتمني بجانب المهندس ان اكون مصلح اجتماعي

» هذه هي حياتي......
» خطوة واحدة.. غيّرت حياتي
» انتي حياتي ولا ملاكي....؟؟؟
» حياتي دخلها فيروسات
» عندما تالمت.............من حياتي تعلمت