تخيل مين بيدق باب بيتك؟

الاول : انا عايز أقول ان فكرة التوبيك وحبيت اوصلها ليكم عشان ابقى عملت حاجة عدلة
والله يجعله بفائده

مين الى بيخبط ع الباب ؟؟
تخيل انك فى بيتك دلوقتى وفى أنهماك شديد بتابع ( فيديو كليب ساخر ) على قناة من القنوات الفضائيه او على الكمبيوتر

تخيلى انك دلوقتى أدام المرايه بقالك ساعه وفى أنهماك شديد برده ....عندك مشوار مهم ......أيد فيها قلم الكحل والتانيه ماسكه البرفان

وفجـــــــــــــــــــــــأه

الباب خبط ...جريت.....جريتى على الباب وبصيتى من العين السحريه , مين الى واقف بيشع

وجهه نور ؟؟................. مين ؟؟ .............أنا رسول الله..........

صرخت من الدهشه وفرحان....رسول الله !!!! وبقمة الفرح بتمد أيدك عشان تفتح الباب وترحب برسول الله ...لكن

أفتكرت .....( الدش شغال على الكليب ) جريت بسرعه عشان تقفله فا ضغط على زرار غلط من شده التوتر

زاد صوت الكليب..وأخيرا ..قفلت التلفزيون والدش والكمبيوتر .....جريت تفتح الباب ......يااااااااه....
صور المغنيه فلانه والممثله فلانه الى ماليه الاوضه.....جريت تانى بسرعه عشان تشلها ....سمعت الجرس بيرن للمرة التانيه
.....وانت
بتشلها بسرعه صورة وقعت على المكتب قمت مادد ايدك عشان تشلها بسرعه .....ياااااااه ...شرايط الكاست ؟!!
كل دى شرايط أنا سمعتها وحفظتها أكتر ما حفظت القرأن طول حياتى !! ومن غير تفكير لمتهم كلهم ورامتهم فى سلة الزباله
وقفلت عليها عشان سيدنا محمد ما يشوفهاش ...الجرس بيرن !!....رسول الله هيمشى ......

وانتى
مديتى أيدك فى قمة الفرح عشان تفتحى الباب وترحبى بسيدنا محمد......يووووووه ..........حطيتى أيدك على شعرك المصبوغ فى الكوافير (هاقبله كدا ازاى ؟؟)!!
جريتى تدورى على طرحه ...دى ؟؟ لالالا مش دى ....لازم تكون طويله ......وأخيرا لقتيها ..جريتى على الباب .....يووووه
هاقبله بالبنطلون ازاى ؟؟ جريتى تدورى قبل ما يمشى رسول الله على عبايه واسعه او اسدال واسع ...أخيرا لقيتى واحد.....ياااااه..........المكياج على وشى.... بسرعه رحتى تغسلى وشك من كل المساحيق , الحمره , والصفرا , والسوده الى على وشك.....افتكرتى البرفان !! الحمد لله .....رسول الله خبط على الباب قبل ما أحط برفان
أخيرا ....ها تفتح الباب جريت وانت بتقفل زرايل القميص المفتوح معظمه....
اتفاجئت
بأن الرسول من طول الانتظار مشى ...بصيت بجنون على السلم.....ده لسه بينزل .......ناديت عليه يا حبيبى يارسول الله..... انا فتحت الباب خلاص
رجع الرسول ودخل البيت......وياريته ما دخل البيت .....جيت تأعد ...الموبايل رن !! بيرن (مسد كول ) كل ربع ساعه تقريبا
لكن كأنك أول مرة تسمع الرنه دى ( البولى فونيك لأخر أغنية نزلت السوق ) داريت وشك من الكسوف
ولما بصيت على الرقم الى بيتصل ...قلبك اترعش !! أقول أيه لرسول الله لو سألنى مين الى بيتصل ؟ كنسلت فورا عشان الرسول ما يسألكش ....فجأة شميت ريحه .....!! النبى بدأ يحس بيها ...يااااه نسيت السيجارة مولعه قمت بسرعه تطفيها
ولما رجعت سيدنا محمد قالك ناولنى المصحف الى فى جيبك ..( ده مش مصحف دى علبة سجاير ) ...هتقدر تقوله كدا .؟؟

فجـــــأهسمعت الاذان ...
هتنزل ..؟! انت بتنزل كل مرة فعلاً ؟ .. ولا هتنزل مجاملة لرسول الله ..؟!
وانتي .. ؟! هتقومي تصلي ..؟! انتي بتقومي كل مرة فعلاً ...؟! ولا هتقومي مجاملة لرسول الله ؟

طيب لو سألنا عن آخر مرة قرينا فيها القرآن .......... أمتى ؟!!

طيب لو سألنا عن آخر مرة صلينا فيها الفجر.......... أمتى ؟!!

طيب لو سألنا عن علاقات الجامعة , قصص الحب , الرحلات المختلطة , سهرات القهاوي والنوادي , سهرات الدش والكليبات , شرب المخدرات , عقوق الوالدين , اطلاق البصر , سماع الأغاني .............

تخيل النبي هيعمل ايه لما يشوف أحولنا؟ ... عارف هيعمل ايه ...؟ مش هيغضب بل سيبكي بكاءاً مريراً ويصرخ فيك وفيكي ............

أنت الى ضحيت بعمري كله عشانك ؟!!..

أنت الى تفرقت قبور أصحابي في الأرض عشان الدين يوصلك ؟!!..

أنتي حفيدة عائشة وفاطمة ؟؟؟؟؟؟؟

أنت وأنتي الى ظنيت أنكم هتحملوا الدين من بعدي ؟!!.. كيف سأشفع لك عند الله وأنت على هذه الحالة ؟ كيف سأسقيك يوم القيامة من حوضي وقد هجرت سنتي ؟ ؟ ؟ ؟ ؟
...................................؟؟؟؟؟ ؟؟؟؟؟؟؟؟؟؟ ؟؟؟؟؟
........................................ .......... ......................!!!!!!!!!!!!!!!!!! !!!!!!!!!! !!!!!
تخيل بقى لو الى كان بيخبط ده

ملك الموت
مش سيدنا محمد ...لكن المرة دى مش هيستنى لما تفتح ...ده مش هيخبط أصلا
وساعتها مش هتلاقى وقت تتخلص من كل ده .....مش هيديك الفرصه عشان تعوض الى فاتك من الصلوات ....مش هيديكى فرصه
عشان تتحجبى الحجاب الشرعى ....ومن مات على شئ بعث عليه !!!

هنتغير أمتى يا شباب ويابنات ؟؟

لما نلاقى ملك الموت جه فجأة ياخد أروحنا زى ما جه لكتيير من أصحبنا
لما نلاقى منكر ونكير داخلين علينا في القبر

لما نلاقى نفسنا نحاسب على كل عمل عملناه على الميزان ؟ ( كل أغنية , كل نظرة , كل كليب , ........... )

انت ولا شك هتفتكر الرسالة دى يوم القيامة ووقتها مش هتكون غير واحد من اثنين :

· شاب أوبنت وصلته الرسالة دى فقرر يقف مع نفسه فكانت سبب في تغيير حياته ....

يا أما شاب أوبنت وصلتها الرساله ومهتمتش بيها فكانت حجه عليها بين أيد ربنا يوم القيامه.

فى النهايه بدعى ربنا ان كل شاب وكل بنت قرت الموضوع ده
انها تستفيد منه أى حاجه

وجميع امة محمد ((صلى الله عليه وسلم))
يا جماعه اصحووووووو احنا فى غفله

وربنا يهدينا جميعا

زائر

موضوع رائع ويستحق كل اهتمام وقراءته بعناية
ولو كانت هناك مسابقة لأجمل موضوع
لأستحق هذا الموضوع وسام التميز
واخيرا نسأل الله الهداية لنا اجمعين

ميرسي بجد علي مرورك يا باشمهندس
وربنا يقدرنا علي فعل الخير وربنا يهدي كل شباب المسلمين يارب

موضوع جميل جداً
تخيل مين بيدق باب بيتك؟ Yruhanpugc

ميرسي للبشمهندسه بنت مصر و للبشمهندس Leader للمرور العطر

» صمم بيتك من خلال هذا الموقع
» اصبغي بيتك بنفسك ....
» تخيل أنك في الآن في الجنة...
» تخيل أن لديك كأس شاي مر
» تخيل انك widows