الحب أعمى و أهبل و عبيط

الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء .. الخطوة الثانية إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة .. و مع تطور الحالة يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك .. مش عارف تركز و لا حتى تفكر فى أى شىء خاصة عندما تقابل حبيبك .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!
إيه إللى أنا باقوله ده ! حاسس إنك عبيط و أكيد حبيبك قال عليك معتوه .. لكن إطمن .. دى حالة شائعة جدا فى الحب و ناس كتير عانت من نفس المشكلة و شعرت بنفس الهبل تقوللى ما انا عارف بس المشكلة فى حبيبى و الفكرة إللى أخدها عنى .. أقولك إهديله أغنية لما بتكون بعيد باحضر كلام أقوله و أما بتكون قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى و الله لما أشوفك بانسى الدنيا دى ، بانسى الكلام إللى أنا قايله حتى الغرام إللى أنا شايله.. ليتأكد إنك طبيعى و كل دى مجرد أعراض جانبية للحب عند كل الناس .. لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟!
بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما .. و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب..
ده غير تأثيره على المناطق المسئولة عن الذاكرة و التركيز .. عشان كده لما أبويا يقول فنجان قهوة بأعمله شاى و فى الآخر باديه لأمى .. و أراهنكوا إن شادية فضلت تصب فى الشاى لحد ما إتدلق من الفنجان على الصينية على الأرض .. و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات يعنى لو لاحظت حد مسطول مش ضرورى يكون ضارب ممكن يكون واخد جرعة حب زيادة..
و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له
نفس التأثير و جايز أكثر كمان..
لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.
و لما تقابل حبيبك بدل ما تقول له الحب الحب .. الشوق الشوق تقول له إنت أحلى جوينت فى حياتى و لما بشوفك الطاسة بتتعمر كأنى ضربت خلطة منوعات.
كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.
الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ، الحب فضل يمسح فى دماغه .. يمسح فى دماغه لحد ما خلاها أبيض يا ورد..
فى النهاية قدامك طريقين .. الأول إنك تنفض الحب خالص و تحافظ على مخك و صحتك على أساس إنهم أنفعلك .. الطريق الثانى إنك تحب بجد و تضحى بعقلك فى سبيل إستمتاعك

نقلا عن جريدة الدستور
بتاريخ 23/11/2005

بالإتفاق مع الجريدة
الحب أعمى و أهبل و عبيط Eldostour

أحلى حاجه فى الحب الجنان
شكرا على الموضوع السكر ده

والله انته السكرة يا حباار وشكلك كده في الاخر ( حتبوس الواوا في مستشفى العباسيه )

انا من رأيي كده احاول احافظ على عقلي بس برضه مستغناش عن الحب لانه ده فطرة ربنا خلاها في الانساان واللي بيقول انا مش بحب يبقه كدااااااااااااااااااب
بس برضه الواحد لازم يتحكم في عواطفه ولكل حاجه وقتها

ايه العقل ده كلوا يازكريا والله نفسى اكون زيك
وانت والله اللى سكر با حبار

الله يخليكي يابوسي برضه احنا بنتعلم منك

ممنساش برضه ( قف للمعلم وفه التبجيلا كاد المعلم ان يكوون رسولا )

ربنا يخليك يازكريا انت الكبير والله بجد مش هزار حاجات كتير بتعلمها منك

اي خدمه يا كبير انته وبلااش تسجييد فيا وتثبيت عشان انا مش لوحه رسم ولا مفرش

وعلى العموم انا مصدقك بس كنت بهزر
وعلى فكرة انا كل الناس اللي هنا وانتي من اولهم والله بستفااد جدا من ردودهم على المواضيع واحيانا بعمل بيها عن اقتناع كمان

ربنا يخليك ويكرمك

موضوع جميل جدا
وكلام سليم 100%
وعن تجربة شخصيه ^_^

شكرا يا بوسي

في أمان الله

ايه اللي بيحصل ده
معقولة اغيب يومين عن المنتدى الاقيكم طلعتوا الحب اهبل وعبيط
انتوا اكيد بتهزروا
هوة الحب اعمي ..اوك.. لكن ولا عمره كان اهبل ... ولا هيبقى عبييط
لكن ممكن نكون احنا اللي عبط لاننا ساعات كتييييييييير بنصدق ناس تكون مش صادقة في حبها
بس مش لمجرد فشل تجربة تطلعوا الحب اهبل وعبيط
حراااااااااااااااام علييييييييييييييكي يا بوسي

انا بحكم اني نائب مدير عاام المنتده اعينك يا miss_a سفيرة للحب

واعين بوسي سفيرة النوايا الحسنه

لا يازكريا مش للدرجة دي
ده بس من اخلاقك العالية

بشاركك الرأى والحكم يا زكريا.

:farao: أكيد اللي يقول عن الحب أهبل وعبيط
مجربش الحب الصادق الخالي من الأغراض
وليس كل الحب هو خب بين الولد والبنت
فهناك أنواع سامية من الحب

انا من رأيي ان الحب هو اكبر قوه دافعه للانسان اذا كان صادق وحقيقي لانه بيخلي الانسان يحارب الصعاب ويعمل المستحيل علشان يقدر يحقق حلمه مع الانسان اللي هو بيحبه وعلي فكره الحب بيعلم الانسان الجرأه والشجاعه يعني ما ينفعش نقول عليه اهبل ولا عبيط

بنت مصر كتب:: انا من رأيي ان الحب هو اكبر قوه دافعه للانسان ... لانه بيخلي الانسان يحارب الصعاب ويعمل المستحيل علشان يقدر يحقق حلمه مع الانسان اللي هو بيحبه وعلي فكره الحب بيعلم الانسان الجرأه والشجاعه يعني ما ينفعش نقول عليه اهبل ولا عبيط

انا معاكي والله 100 % .........

يجد اوجزتي و افصحتي و شملتي فأفدتي .........

فعلا ماينفعشي نقول عليه اهبل و عبيط .....

رامي ربيع كتب:: [انا معاكي والله 100 % .........

يجد اوجزتي و افصحتي و شملتي فأفدتي .........

فعلا ماينفعشي نقول عليه اهبل و عبيط ....

الف شكر ليك يا بشمهندس رامي

» اعمل عبيط
» اعمل عبيط 1
» الوان من الحب (انيس منصور )فارس الحب وفيلسوف العشق
» الحب نظرهـ ام عشرهـ .. الحب بالامس واليوم ..؟؟
» هاذا هو الحب في نظري .فما الحب في نظرك