رثاء العدس

ياما كنت بدون أزجالي ........ في العدس وشوف اللي جرالي

لابد طول عمرة ف مطبخن...... ويمد لبيت عمي وخالي

وأرجع م الشغل وانا عارف...... دي الريحة تهفهف .. جيالي

أضحك واقول هية زفارة ...... م الصدر اديني وشيليهالي

وتجيب الحلةوتغرفلي ...... وتقول ياسلام .. واشكيك حالي

دلوقتي الواحد يتوحم ...... علي ريحة العدس البقالي

والكشري دي اكلة من الجنة ...... أحسن م اللحمة العجالي

وانشاللة نجيبك بالواحدة ...... اوحتي من السوق بالغالي

ونهادي جيراننا وحبايبنا ...... وح نقضي معاك احلي ليالي

اسناوي بجبة ومتحشم ...... بركاتك يا صعيدي يا غالي

وتشوفة قالعها .. اروباوي ...... بونجور دة صفارك بيلالي

واللة يرحم جدي وجدك ...... كان قال في الحكمة .. لامثالي

للنعمة يا واد احمد ربك ...... وابعد ما تبصش للعالي

واهي ايدي وراح نقرا الفاتحة ...... لفقيد الفتة اللي ف بالي

فوائد كثيرة في العدس

يعتبر العدس طعاما مثاليا إلى حد كبير، فهو يأتي في مقدمة الأطعمة التي تعود علينا بالكثير من الفوائد. ومن هذه الفوائد أنه مصدر جيد للبروتين النباتي، كما أنه وعلى عكس الحبوب المجففة الأخرى

لا يستغرق وقتا طويلا في طهيه.
والعدس غني بالألياف الغذائية القابلة للذوبان التي تساعد في ضبط مستويات كوليسترول الدم، كما أنه يمدنا بالكالسيوم والحديد وكثير من المعادن الأخرى الهامة. وهو واحد من أهم مصادر "حمض الفوليك" اللازم لحماية القناة العصبية التي تغطي النخاع الشوكي. وأخيرا فإن العدس يحمينا من بعض أنواع السرطان، ويقلل من خطر الإصابة بالقلب.

على فكرة العدس مفيد جداااااااااااا ويطلق عليه اسم لحمة الفقراء واكبر اثبات على مدى فائدته هو انه من الاغذية الهامه لظباط الجيش وذلك لفائدته الكبيرة ويكفيه شرفا انه ذكر في القران

كلمات جميلة وأعتقد وراءها موهبة أجمل
نرجو المزيد

ENG_GODZELA كتب:: يطلق عليه اسم لحمة الفقراء

طيب وبعد ما زاد سعره لضعف تمنه يا جودزيلا بقى اسمه ايه؟؟؟ (مش "اسمه ايه" بتاع البيتزا طبعا...)

» رثاء
» عالم مصرى يخترع دائرة بحجم «حبة العدس» لتفريغ الجسم من الشحنات الزائدة