استفسارات الأعضاء بعد سيمنار CCNA لشركة IT House

السلام عليكم ورحمة الله وبركاته
أولا بشكر كل الناس اللي حضرت السيمينار امبارح جدا
وأولا أرجو انهم يكونوا عجبهم الموضوع وياريت الناس اللي حضرت تدخل تكتب رأيها وانطباعها عن الموضوع مش علشان حد لكن علشان أنا عاوز أعرف مدى اهتمام الناس بالموضوع
ثانيا الناس اللي حضرت وفي اي استفسارات عندها عاوزين يسألوا فيها معنديش أي مشكلة اني أجاوب على أي استفسار وحتى لو حد محضرش مفيش مشكلة
ثالثا لو في ناس مقدرتش تحضر علشان ظروف خاصة أو علشان معرفوش غير متأخر مفيش أي مشكلة اننا نعيد السيمينار مرة تانية بس ياريت يعني لو الناس اللي عاوزين الموضوع ده يدخلوا يكتبوا ع المنتدى أو يتصلوا بالشركة ولو العدد مناسب ممكن يتعاد السيمينار مرة تانية بإذن الله ومفيش أي مشكلة
والسلام

سلام عليكم ورحمة الله وبركاته
طبعا الكلام اللي قاله يحيى انا اقل منه بكتير ولكن على أي حال بارك الله فيك
أان طبعا مش هخوض في تفاصيل كتير ومقدمات كتير لكن هجاوب ع سؤال يحيى رغم اني عارف كويس انه عارف إجابته أكتر مني وعارف اه حاطه علشان يفتح الموضوع للناس لأنه فعلا الموضوع جديد خالص وأعتقد انه هيواجه بعض الصعوبات لحد لما الناس مشهقول ف أسوان بس لكن ف الصعيد عموما تتقبله
أنا هحط رسمة بسيطة خالص هشرح من خلالها مدى أهمية مجال النتوورك للناس ف هندسة حاسبات واتصالات على وجه الخصوص وليه يفضل دايما انه بتوع حاسبات واتصالات هما اللي يشتغلوا ف المجال ده


الداتا لما بتطلع من أي جهاز ف الدنيا بتطلع من الجهاز وبتمر خلال ياإما ال 7 مراحل اللي فوق دول كلهم ياإما جزء منهم
وعلشان أقدر أوصل المعلومة دي هدي مثال انه مثلا هنلاقي الكمبيوتر بيفهم السبع مراحل والراوتر بيفهم 3 بس والسويتش بيفهم 2 بس وهكذا
وطبعا خلال الكورس أول جزء ف الكورس كله بيشرح السبع مراحل دول بالتفصيل ويمكن هنلاقي انه كله طبقة من ال 7 طبقات دول ليها حصة لوحدها بتتشرح فيها
ليه بقى يفضل لمهندسين اتصالات وحاسبات على وجه الخصوص انهم يشتغلوا نتوورك
مهندسين حاسبات بيشتغلوا ف أول 3 طبقات من فوق ودي طبيعة شغلهم أصلا بيتعاملوا دايما مع الحاجة اللي بتتعامل مع الأبليكيشن اللي هي الكومبيوتر وسواء هاردوير عن طريق الديزاين والآركيتيكتشر أو سوفت وير عن طريق البرمجة أو قواعد البيانات أو أيا كان ففي النهاية بتاع حاسبات هو اللي بيعالج البيانات علشان يخليها توصل للمستخدم في صورة يفهمها وبالمناسبة الكلام ده يشمل أي حد بيتعامل ف مجال حاسبات سواء مهندسين أو خريجي كليات حاسبات ومعلومات أو بتوع علوم قسم حاسب كل دول شغلهم الأساسي في أول 3 طبقات من فوق زائد انه بياخد معاه جزء من الطبقة الرابعة اللي هي ال transport layer وبيبقى مسئول عنها دايما بتوع البرمجة
أما بقى بتوع اتصالات فشغلهم كله في آخر طبقتين من تحت هما اللي بيظبطوا سكة الداتا علشان تتنقل وأعتقد انه بتوع اتصالات أكيد حيفهموا قصدي كويس لأنهم هما اللي بيحلوا ال bits لمجموعة من الإشارات الكهربية وبيقدروا يعالجوا المشاكل اللي بتحصل للداتا أثناء النقل
كدة نكون ذكرنا بالضبط 6 طبقات باقي مرحلة أو طبقة واحدة متكلمناش عنها وهي ال
network layer
ودي طبقة لاهي خاصة ببتوع اتصالات ولا هي خاصة بتتوع حاسبات على وجه الخصوص أي حد بيدرس نتوورك يقدر يشتغل فيها لكن أنا واخد الكورس ومدرك كويس قوي يعني ايه مهندس اتصالات ياخد الكورس بتبدأ الدنيا تتربط ببعضها بيقدر يعرف قبل ماهو ينقل الداتا ويظبط السكة الداتا أصلا كانت جاياله ازاي وشكلها ايه قبل أما يحولها لإشارات كهربية وبيبدأ يربطالكلام ده باللي أخده ف الكلية ولو كمان هو اشتغل شغل عملي ف مجال الإتصالات هتلاقي انه بقي له وضع كبير قوي في شركته لأنه بقي مبيشتغلش ف آخر مرحلتين ده بيقوم بالشغل بتاع آخر 3 مراحل
جايز أنا اتكلمت عن تفاصيل اتصالات أكتر حيث يعني اني اتصالات
لكن حتى بتاع الكمبيوتر بيقدر يبت الداتا أو يستقبلها وهو عارف ايه المرحلة اللي هتروح فيها بعد كدة فيقدر انه يعالج مشاكر كتير قبل نقل الداتا على أساس معرفته بوظيفة النتوورك لاير
لكن أي حد تاني غير مهندس هتلاقي انه الموضوع بالنسباله واحد زائد واحد بيساوي 2 مفيهوش أي ابتكار والموضوع بالنسباله بقي تعود وشوية أوامر بيكتبها وخلاص
مقدرش انكر انه في ناس فعلا بقوا عباقرة في الناحية دي وهما مش مهندسين بل وبقوا أحسن من المهندسين مع كثرة القراءة
لكن ياريت أكون قدرت اوضح ليه المهندس بيفضل في الموضوع ده
وشكرا يايحيى على سؤالك
والسلام

السلام عليكم ورحمة الله وبركاته
اخواني الكرام
سواء الناس اللي حضرت أو محضرتش في السيمينار
بصراحة يمكن زي ماقال يحيى اني حسيت اني لو شرحت الموضوع على المنتدى مش هديله حقه لأنه سواء الموضوع كتابة او شرح عن طريق تسجيل فيديو بيتحكم في الموضوع ده عوامل كتير خالص مش هتخليني اوفي الموضوع حقه
وعلشان كدة كنت حريص جدا اني بعد الكلية أعمل حاجة تفيد الناس في الكلية لأني شوفت الفارق الشاسع بينا وبين الناس في القاهرة واسكندرية والمنصورة وغيرهم كتير من الناس اللي أخدوا معايا الكورس
فقررت أني أضع من حين للتاني بعض الروابط ممكن تكون فيديوهات من موقع اليوتيوب أو روابط فيها معلومات عن المجال نفسه علشان تقدروا تبقوا متأكدين من مدى أهمية المجال ده في الوقت الحالي
في فيديو شاهدته على موقع اليوتيوب من الفيديوهات الجميلة جدا وهحطلكم الرابط بتاع الفيديو ويمكن هو بيحكي عن تاريخ الإنترنت بشكل أوسع من اللي اتكلمت عليه في السيمينار
والفيديو هيعجبكم جدا ومن باب من لم يشكر الناس لم يشكر الله فالفيديو ده أساسا ترجمه شخص من أحب الناس إلى قلبي وله فضل كبير جدا عليا والشخص ده خلال فترة قليلة جدا إن شاء الله أتوقعله انه هيبقى من عمالقة الشرق الأوسط في مجال النتوورك وعامل مدونة جميلة جدا على الإنترنت وأنا متابعها من ساعة لما بدأ فيها وكان الفيديو ده أحد موضوعات المدونة والمدونةهتلاقوا فيها معلومات كتير جدا عن سوق النتوورك جايز تلاقوا فيها بعض المعلومات العلمية اللي تفاصيلها داخلة في الكورس أكيد محدش حيفهمها إلا لما يذاكر منهج الكورس لكن في المقابل هتلاقوا فيها معلومات قيمة جدا عن شركات النتوورك في العالم وآخر أخبارها
ومن الحاجات الكويسة اللي هتلاقوها في المدونة مجلة هو عاملها وبيكتب فيها ناس كتير خالص وكلهم محترفين ماشاء الله عليهم وهي تعتبر اول مجلة عربية متخصصة في مجال النتوورك ارجو انكم تطلعوا عليها
الأخ ده من سوريا واسمه أيمن النعيمي بارك الله فيه
علشان مطولش عليكم
ده رابط الفيديو
[ندعوك للتسجيل في المنتدى أو التعريف بنفسك لمعاينة هذا الرابط]

وده رابط المدونة بتاعة أيمن

[ندعوك للتسجيل في المنتدى أو التعريف بنفسك لمعاينة هذا الرابط]

أرجو انكم تستفيدوا من الموضوع ده ويكون ليكم حافز للدراسة ف المجال ده وأي حد عنده استفسارات في الموضوع يسأل ومعنديش أي مشكلة أني أجاوبه لو أعرف إن شاء الله
والسلام

السلام عليكم ورحمة الله وبركاته
متشكر جدا يابشمهندس حسام على ردك
وبالنسبة لتعقيبك على انه السيمينار يتعمل ف الكلية فمعلش بقى بس في مشكلة كبيرة ف موضوع الكلية ده غير ان الموضوع مش بإيدي أنا كنت من أوائل المقترحين للموضوع ده بس تقول ايه بقى ف الروتين زي مانت بتقول
بالنسبة لموضوع انك تقرا وتتعلم ف حاجات علشان تعرف الموضوع فلأ إطلاقا
أنت بتبدأ ف الموضوع ده من الصفر خالص ومن أساسيات النتوورك وبداياته فمش محتاج تقرا عن حاجة بس لوعاوز تسأل عن حاجة معينة أنا تحت أمرك
وياريتالناس اللي عاوزة تاخد الكورس تروح تحجز وتكتب أسمائها علشان نبدأ نشوف الناس اللي عاوزة تاخد الكورس ولو حد عاوز يبدأ ف نص السنة نزبط الموضوع