لماذا لم تقام cord او surd "مش هتفرق كتير" حتى الان؟؟؟؟؟

تذكير بمساهمة فاتح الموضوع :

بسم الله الرحمن الرحيم

-السنة اللى فاتت وانا بتمشى فى الكلية ذى العادة "اصلى مابعملش حاجة فى
الكلية غير انى اتمشى هعمل اى يا حسرة؟اروح المكتبة!!!!!!!!مابحبهاش اصلى
مابلاقيش فيها القصص اللى بحبها.طاب اروح الكافتريا؟بصراحة بلاقى هناك
مناظر مابتعجبنيش.طاب اعمل اى؟؟؟؟؟؟؟؟؟ اتمشى مش كده ولا اى"
المهم و انا بتمشى لاقيت فى اعلان بيقول ان فى مسابقة اسمها "كورد" علشان اللى عايز يشترك فيها و كده.
-و سالت نفسى سؤال هى اى "كورد" دى ؟ و بصراحة ماعرفتش
فقولت اسال!!!! وسالت يا جماعة هى اى "كورد" دى؟ الناس قالوا لى ان "كورد"
دى مسابقة خاصة بتصميم الانسان الالى "robot" .قولت كويس بس انا على حد
علمى ان مسابقة تصميم الانسان الالى دى اسمها "robocon"
قالوا لى اه فعلا بس كورد دى حاجة مصغرة من روبوكون

-قولت طاب يا جماعة مادام احنا هنشترك فى مسابقة تصميم الانسان الالى
ماندخل على التقيل بقى و ندخل روبوكون!!!!!!!!!!!!!!!!!!!!!!!!!!!!!!!!1

-قالوا لى يابنى انت اتجننت؟؟؟اذاى عايزنا ندخل روبوكون مرة واحدة !! ده
احنا لو دخلنا روبوكون دلوقتى هنروح فى المسابقة الناس تدحك علينا و
نيجى!!!!!!!!!!!!1

-قولت امال اى الفكرة اننا ندخل كورد؟؟؟؟؟؟؟؟؟؟؟؟؟؟؟؟؟؟؟

-قالوا ان كورد دى هتكون البداية.علشان بس ناخد فكرة عن الموضوع ماشى اذاى و كلها كام سنة كده و ندخل روبوكون.

-خدوا بالكوا يا جماعة انا فهمت من الموضوع ده "ان كورد دى مرحلة انتقالية
لتاهيل ""طلبة الكلية"" للمشاركة فى مسابقة
روبوكون".تمااااااااااااااااااااااااااااااااااااام

-طيب و بعدين ؟؟؟؟ قالنا فريق التنظيم "اللى بصراحة تعب كتير جدا و واحه
مشكلات كتير علشان المسابقة دى تيجى للكلية" انوا يا جماعة فى مشكلات كتير
هتواجهنا فى البداية و احنا مع بعض ان شاء الله هنتغلب عليها مع بعض .

-بصراحة عجبتنى الفكرة جدا و عجبنى اصرار الناس انهم يعملوا حاجة للكلية
حتى لو هيدفعوا فلوس من جيبهم.المهم ان الحمد لله الناس قدرت تتغلب على كل
المشاكل و جات المسابقة للكلية.كووووووووويس

-قالوا لنا هنتبتدى يا جماعة فى المسابقة بالمستوى البدائى علشان الموضوع
ما يبقاش صعب و ان شاء الله السنة الجاية هنتشتغل فى المستوى المتقدم
"advanced" .و اقتنعنا و ابتدينا المسابقة بالفعل و كانت فاتحة خير الحمد
لله و الموضوع نجح نجاح كبير "بس النجاح ده بالنسبة للمستوى البدائى احنا
كل اللى عملناه اننا ركبنا شوية حاجات فوق بعض انما كل الاجزاء بتاعة
الروبوت كانت جاهزه فعلى سبيل المثال حركة الربوت كانت عن طريق عربيات
جاهزة "made in china" و ده الطبيعى يعنى و لكن ده مش معناه اننا ما
استفدناش لا احنا استفدنا و لكن الاستفاده كانت نسبية"
و خلصت سنة 2010 و جات سنة 2011 اللى انا مستنيها من زمان و قاعد بحلم كده و انا شغال فى sensors,plc,control,micro controller,………….
و الحاجات الجامدة دى يالله بقى الواحد نفسه يحس انه مهندس!!!!!!

-و فجأة!!!!!!!!!!!!!!!!!!!!!!!!!!!!!!!!!!!!!!!!!!!!!
الاقى فريق التنظيم بيقول انه هيعمل مسابقتين الولى مستوى بدائى و التانية مستوى متقدم

-و انا بصراحة اتدايقت جدا هما مش وعدونا انهم هيشتغلوا معانا مستوى متقدم
على طول ؟ امال هما لى دلوقتى غيروا كلامهم؟ لى لى لى لى لى
لى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الى ان وصلت للسبب...........عرفت بقى ان فريق التنظيم يسعى لضم كليات تانى
الى مسابقة كورد منها "معهد طاقة و الاكاديمية البحرية و هندسة قنا"

-طاب انا برضوا لسه محتار هما لى عايزين يعملوا كده ؟؟هو احنا جبنا
المسابقة دى لى ؟؟؟مش علشان "هندسة اسوان" تدخل روبوكون؟؟ و احنا مالنا و
مال الناس التانية دى؟؟هل احنا علشان جبنا المسابقة سنة واحدة بس خلاص كده
بقينا professional كفاية اننا نتوسع و نعمل المسابقة فى اماكن تانى؟؟؟؟
"دى حتى جامعة عين شمس اللى هى صاحبة الفكرة اساسا استنوا لما وقفوا على
رجليهم الاول و بعدين توسعوا فى المشروع!!!!!!!!!!!! امال لى فريق التنظيم
بتاعنا بيعمل كده؟؟انا التمست لهم العذر بصراحة قولت هما يمكن ضميرهم مش
راضى انى يكون فى مسابقة ذى دى فى اسوان و الناس المساكين فى اماكن تانية
مش عنديهم!!!!!!!!!!!"ده حتى ربنا ما بيرضاش بالظلم"..........

-بصراحة فضلت اسال نفسى كتير الى ان وجدت الحقيقة المرة فى النهاية "و الحقيقة طبعا دايما مرة فى الزمان ده"
عرفت بقى ان المسابقة دى لما تنتشر كده و يبقى لها صيت كده و تسمع .....الشركات الراعية sponsers هتزيد يعنى ايه؟؟؟؟؟؟؟؟؟
يعنى الفلووووووووووووووووووووس هتزيد
خلاص بقى الملاليم اللى بتيجى من جيليكوم دى مابقتش تنفع.

-و هنا تحولت المسابقة من مرحلة انتقالية للوصول الى مسابقة روبوكون الى
مشروع استثمارى مربح "لا فرق بينه و بين اى مشروع زى الكافتريا مثلا اللى
انا مابحبش اروح عندها"

-دخلت الفلوس فى الموضوع و ذى ماحنا عارفين الفلوس بتزغلل عيون ناس كتير خصوصا عندنا..........
و من هنا بدأ الصراع و المشاكل و فريق التنظيم يريد ان ينفرد بالادارة
للمسابقة لوحده و يبقى هو المسؤل الوحيد عن الموضوع بعيدا عن ادارة الكلية
او الجامعة و بعيدا ايضا عن اصحاب المشروع فى الاساس وهم طلبة جامعة عين
شمس و ذلك كان السبب الواضح لتغيير اسم المسابقة من "cord" الى "surd" حتى
لا تتبع المسابقة فى اسوان الى عين شمس.و تحول فريق التنظيم من الفريق الذى
يحاول تنظيم المسابقة بالكلية لاختيار الفريق الذى سوف يشارك فى روبوكون
الى "مجلس ادارة احدى الشركات" يسعى لتحقيق الربح و الامساك بزمام الامور.

-و اى النتيجة؟؟ النتيجة انوا ذى ما احنا شايفين دلوقتى مافيش كورد الى الان و الله اعلم اذا كان هيبقى فى ولا لا؟؟؟
و انا بقول لكم ان بعد كل اللى حصل ده مسابقة كورد عمرها ما هتنجح و لو
نجحت هتنجح كمشروع مربح فقط انما لو هننظر للموضوع من ناحية "العلم" و
الوصول الى روبوكون ف "الله المستعان" ولو مش مصدقين كلامى شوفوا كورد
السنة اللى فاتت و السنة دى كمان و شوفوا اللى هيحصل فيها و شوفوا روبوكون
السنة دى و قارنوا بين الاتنين "طبعا ما فيش وجه مقارنة" ولو عايزين تشوفوا
الروبوت المطلوب فى روبوكون السنة دى ادخلوا على اللينك ده و شوفوا مدى
صحة كلامى

https://www.youtube.com/watch?v=WX7ITwwVEfE

-و انا لا اقصد بكلامى هذا الهجوم على شخص ما و لكن انا شايف ان فى حاجة
غلط بتحصل فلازم اقول فيها كلمة حق كفاية سلبية بقى .و على فكرة الفريق
المنظم لو اخذ كلامى بعين الاعتبار و اعترف بالمشكلة دى ده مش هيبقى حاجة
تنقص منهم لان "الاعتراف بالحق فضيلة " وانا بصراحة زعلنى جدا انوا لما فى
اخ محترم كان شارك فى كورد قبل كده و كان معترض على انه لم يتم اخباره
بالدورات المتعلقة بكورد وان فى ناس اخدت الدورات دى و هما مش من الكلية
كان يتوجب على فريق التنظيم ان يعتذر على ذلك و ان يتذكر ان هؤلاء الاشخاص
الذين شاركوا فى كورد من البداية هم السبب فى وجود هذه المسابقة فى الكلية
لان هؤلاء الاشخاص دفعوا فلوس فى البداية علشان الناس تيجى من القاهرة و
تعبوا ذى الفريق المنظم بالظبط و لكن فريق التنظيم هو اللى "اكل التورتة"
فى الاخر "ولا حول ولا قوة الا بالله".

-معلش طولت عليكم لكن صدقونى انا ماليش اى مصلحة فى الموضوع ده و لكن
ماينفعش ان الواحد يشوف حاجة غلط بتحصل و يفضل ساكت لان "الساكت عن الحق
شيطان اخرس".و لو حد شايف يا جماعة ان فى حاجة من الكلام اللى انا قولته
ده حاجة غلط يقول لى و يقنعنى بوجهة نظرة و لو اقتنعت هعتذر قدام الناس
كلها عن كلامى ده لانى فى الاخر بعامل ربنا مش بعامل الناس.
-و من ناحيتى مش هشارك فى كورد و لاروبوكون و لا اى نشاط فى الكلية دى الا
اذا لقيت ان النشاط ده فعلا الهدف منه العلم فقط مش انه يبقى فى الاخر
"دكان" و كمان مش هتمشى فى الكلية تانى لانى لو ماتمشيتش من البداية ماكنش
كل ده حصل.................جزاكم الله عنا كل الخير.

eng_ghost كتب:

اقتباس :: احنا فعلا فى جامعة جنوب الوادى و بس مس معنى ان الجامعه بتاعتنا امكانيتها محدوده مقارنة بجامعات اخرى مثل جامعه القاهرة او عين شمس
يبقى معنى كده ان احنا اقل من حد فى حاجة احنا ممكن كطلبة نعمل حاجة للجامعة بتاعتنا و مش بس كده و حاجات مشرفة كمان
فى النهاية اللى احب اقوله لحضرتك ان كل واحد يعمل اللى عليه بالامكانيات المتاحه و الله المستعان.

هوه عشان انتو اخدتوا محاضرتين في كورد , خلاص افتكرتوا نفسكم وصلتوا يعني ولا بقيتوا دكاتره ولا تكونو عرفتوا اللي فيها ؟؟
عموما ,,,,, خلاص هانت ,,,, وهنشوف في الأخر المستوي السوبر خارق والمتوقع من طلاب جامعة جااااانوب الوادي في المستوي المتقدم
بس صدقني ,,, ابتداء من السنه الجايه بعون الله ,,, هتبقي فيه مفاجأة كبيره ,,,
هههههههه ,,, اي والله كبيره عليكم اوي ,,,,
والله المستعان

يا بشمهندس ليه أسلوب الكلام اللى كله تهكم دا
واحنا مقلناش أننا دكاتره لا سمح الله ولا قولنا اننا علامه كل القصه أننا عرفنا كلمتين حنوصلهم لزميلنا بس دا كل اللى فيها
أما المستوى الخارق بأذن الله حتشوفه وزى ما قدمناه السنه اللى فاتت حنقدم تانى السنه دى بعون الله
أما بخصوص المفاجأه يارب تكون خير

بسم الله الرحمن الرحيم
مشكور باشمهندس "Ibn El Walid"
على هذا الرد.
و تعقيبا على كلام حضرتك:

"اللى عايز يرفع أسم كليته ويعمل شغل فيها حيحب يشارك معانا"
دى حاجة جميلة جدا بس لازم برضوا يكون فى حافز فى الموضوع ده.و على فكرة موضوع الحافز ده مش غلط مادام هيخدم المصلحة العامة و لان اللى بيشارك فى فريق التنظيم ده
بيشارك بوقت و مجهود فاللى هيشارك بيهم لوجه الله تعالى فجزاه الله خيرا عن ذلك.اما اللى هيشارك بمقابل "ايا كان المقابل او الحافز سواء كان مادى او معنوى و انا بقترح المعنوى مثلا ممكن يكون تكريم بشهادة مثلا فى المسابقة الختاميه
و ان فريبق التنظيم ممكن يعمل لهم دورات مجانا بالاتفاق مع الشركات الراعية والدورات دى تكون فى مختلف المجالات علشان نشجعهم بس"و اريد وجهة نظر حضرتك فى ذلك.

"فيه ناس شغاله معانا ف التنظيم ومشتركه ف المسابقه عادى جدا بش شغالين ف أمور أداريه
"
اظن ان ده حل منطقى للى عايز يشترك فى التنظيم و المسابقة

"طبعا لأ لحد ما يعرف الدنيا ماشيه أزاى واحنا بنساعده يخش وسطنا على طول"
منطقى جدا .ووفقكم الله لما فيه الخير.

و ردا على كلام الباشمهندس "eng_ghost"
جزاك الله كل الخير على هذا الرد الكريم.
و تعقيبا على كلام حضرتك:

"هوه عشان انتو اخدتوا محاضرتين في كورد , خلاص افتكرتوا نفسكم وصلتوا يعني ولا بقيتوا دكاتره ولا تكونو عرفتوا اللي فيها ؟؟"
جزاك الله كل الخير على هذا الرد.و لكنى احب ان اوضح لحضرتك وجهة نظرى المتواضعة:
الناس اللى شغالة فى كورد دى و بتضيع وقت ومجهود لى؟
علشان يعملوا حاجة للكلية .فمن الواجب علينا اننا نشجعهم و نوقف معاهم و اذا لقيناهم غلطوا فى حاجة "من وجهة نظرنا"
الواجب علينا بقى اننا ننصحهم تماااااااااام.
و لكن من السلبية الكبيرة جدا اننا نستنى علشان نمسك عليهم غلطة و نفضل نهاجم فيهم و نقلل من العمل اللى هما بيعملوه.
الناس ماقالوش انهم دكاترة ولا حاجة هما بيحاولوا يساعدوا على قد مايعرفوا و على قد امكانياتهم
و احقاقا للحق لو حضرتك شايف انك ممكن تعمل حاجة احسن من اللى هما بيعملوه :اعرض عليهم فكرتك وانا اوعدك انهم لو شافوا ان كلامك مظبوط وفيه مصلحة اكبر للطلبة هينفزوه مباشرة دون ادنى تردد.

"عموما ,,,,, خلاص هانت ,,,, وهنشوف في الأخر المستوي السوبر خارق والمتوقع من طلاب جامعة جااااانوب الوادي في المستوي المتقدم"
ارى ان هذا الرد فيه نوع من التهكم و السخرية "سخرية من الجامعه و الكلية و الطلبة الموجودين فى الكلية"
و لذلك اود ان اوجه نصيحة لحضرتك:
اذا كنت حضرتك مش من جامعة جنوب الوادى و بتقول الكلام ده فده راي حضرتك فينا و جزاك الله عنا كل الخير
اما لو كنت حضرتك من الجامعة و من الكلية و من طلبة الكلية و بتقول الكلام ده:
فنصيحتى لحضرتك انك تكون واثق فى نفسك اكتر من كده و لو حضرتك مش واثق فى نفسك فياريت انك تتكلم عن نفسك فقط ولا تتكلم بصيغة الجمع
لاننا و الحمد لله طلبة جامعة جنوب الوادى "و لنا الشرف" و طلبة كلية الهندسة باسوان "ولنا الشرف ايضا"
والحمد لله واثقين فى انفسنا و فى قدراتنا تمام الثقة وواثقين اننا هنعمل حاجة للكلية وكورد كانت البداية
وعلى فكرة مش مهم اننا نفشل فى البدايةالمهم اننا نحاول حتى لو اتعمل كورد فى المستوى المتقدم وماكانش "مستوى سوبر" فلن نياس و يكفينا شرف المحاولة "على الاقل احسن نوقف نتفرج كده"

"بس صدقني ,,, ابتداء من السنه الجايه بعون الله ,,, هتبقي فيه مفاجأة كبيره ,,,"
نتمنى من الله ان تكون هذه المسابقة خير للكلية و لطلبة الكلية.

"هههههههه ,,, اي والله كبيره عليكم اوي ,,,, "
ممكن اسال حضرتك سؤال!!!!!!!11
هو حضرتك مدايق فى فريق التنظيم فى حاجة؟؟؟؟؟؟؟
لو حضرتك مدايق منهم فى حاجة ياريت تعرضها و بلاش هذا الاسلوب لانى بصراحة مش عارف افسر كلام حضرتك بالطريقة دى واخر سؤال احب اساله لحضرتك لو تسمح لى:
حضرتك كاتب:
"والله المستعان "
الله المستعان على اى بالظبط؟
اذا كنت تقصد ان الله المستعان على انهم يفشلوا فى المستوى المتقدم
فالله المستعان على الكلية و الجامعة و البلد بحالها!!!!!!!!!!1
جزاكم الله عنا كل الخير........."ربنا لا تؤاخذنا ان نسينا او اخطانا".....والسلام عليكم و رحمة الله و بركاته

جزاكم الله عنا كل الخير............"ربنا لا تؤاخذنا ان نسينا او اخطانا"......و السلام عليكم و رحمة الله و بركاته

chango2026 كتب:: بسم الله الرحمن الرحيم
مشكور باشمهندس "Ibn El Walid"
على هذا الرد.
و تعقيبا على كلام حضرتك:

"اللى عايز يرفع أسم كليته ويعمل شغل فيها حيحب يشارك معانا"
دى حاجة جميلة جدا بس لازم برضوا يكون فى حافز فى الموضوع ده.و على فكرة موضوع الحافز ده مش غلط مادام هيخدم المصلحة العامة و لان اللى بيشارك فى فريق التنظيم ده
بيشارك بوقت و مجهود فاللى هيشارك بيهم لوجه الله تعالى فجزاه الله خيرا عن ذلك.اما اللى هيشارك بمقابل "ايا كان المقابل او الحافز سواء كان مادى او معنوى و انا بقترح المعنوى مثلا ممكن يكون تكريم بشهادة مثلا فى المسابقة الختاميه
و ان فريبق التنظيم ممكن يعمل لهم دورات مجانا بالاتفاق مع الشركات الراعية والدورات دى تكون فى مختلف المجالات علشان نشجعهم بس"و اريد وجهة نظر حضرتك فى ذلك.

"فيه ناس شغاله معانا ف التنظيم ومشتركه ف المسابقه عادى جدا بش شغالين ف أمور أداريه
"
اظن ان ده حل منطقى للى عايز يشترك فى التنظيم و المسابقة

"طبعا لأ لحد ما يعرف الدنيا ماشيه أزاى واحنا بنساعده يخش وسطنا على طول"
منطقى جدا .ووفقكم الله لما فيه الخير.

و ردا على كلام الباشمهندس "eng_ghost"
جزاك الله كل الخير على هذا الرد الكريم.
و تعقيبا على كلام حضرتك:

"هوه عشان انتو اخدتوا محاضرتين في كورد , خلاص افتكرتوا نفسكم وصلتوا يعني ولا بقيتوا دكاتره ولا تكونو عرفتوا اللي فيها ؟؟"
جزاك الله كل الخير على هذا الرد.و لكنى احب ان اوضح لحضرتك وجهة نظرى المتواضعة:
الناس اللى شغالة فى كورد دى و بتضيع وقت ومجهود لى؟
علشان يعملوا حاجة للكلية .فمن الواجب علينا اننا نشجعهم و نوقف معاهم و اذا لقيناهم غلطوا فى حاجة "من وجهة نظرنا"
الواجب علينا بقى اننا ننصحهم تماااااااااام.
و لكن من السلبية الكبيرة جدا اننا نستنى علشان نمسك عليهم غلطة و نفضل نهاجم فيهم و نقلل من العمل اللى هما بيعملوه.
الناس ماقالوش انهم دكاترة ولا حاجة هما بيحاولوا يساعدوا على قد مايعرفوا و على قد امكانياتهم
و احقاقا للحق لو حضرتك شايف انك ممكن تعمل حاجة احسن من اللى هما بيعملوه :اعرض عليهم فكرتك وانا اوعدك انهم لو شافوا ان كلامك مظبوط وفيه مصلحة اكبر للطلبة هينفزوه مباشرة دون ادنى تردد.

"عموما ,,,,, خلاص هانت ,,,, وهنشوف في الأخر المستوي السوبر خارق والمتوقع من طلاب جامعة جااااانوب الوادي في المستوي المتقدم"
ارى ان هذا الرد فيه نوع من التهكم و السخرية "سخرية من الجامعه و الكلية و الطلبة الموجودين فى الكلية"
و لذلك اود ان اوجه نصيحة لحضرتك:
اذا كنت حضرتك مش من جامعة جنوب الوادى و بتقول الكلام ده فده راي حضرتك فينا و جزاك الله عنا كل الخير
اما لو كنت حضرتك من الجامعة و من الكلية و من طلبة الكلية و بتقول الكلام ده:
فنصيحتى لحضرتك انك تكون واثق فى نفسك اكتر من كده و لو حضرتك مش واثق فى نفسك فياريت انك تتكلم عن نفسك فقط ولا تتكلم بصيغة الجمع
لاننا و الحمد لله طلبة جامعة جنوب الوادى "و لنا الشرف" و طلبة كلية الهندسة باسوان "ولنا الشرف ايضا"
والحمد لله واثقين فى انفسنا و فى قدراتنا تمام الثقة وواثقين اننا هنعمل حاجة للكلية وكورد كانت البداية
وعلى فكرة مش مهم اننا نفشل فى البدايةالمهم اننا نحاول حتى لو اتعمل كورد فى المستوى المتقدم وماكانش "مستوى سوبر" فلن نياس و يكفينا شرف المحاولة "على الاقل احسن نوقف نتفرج كده"

"بس صدقني ,,, ابتداء من السنه الجايه بعون الله ,,, هتبقي فيه مفاجأة كبيره ,,,"
نتمنى من الله ان تكون هذه المسابقة خير للكلية و لطلبة الكلية.

"هههههههه ,,, اي والله كبيره عليكم اوي ,,,, "
ممكن اسال حضرتك سؤال!!!!!!!11
هو حضرتك مدايق فى فريق التنظيم فى حاجة؟؟؟؟؟؟؟
لو حضرتك مدايق منهم فى حاجة ياريت تعرضها و بلاش هذا الاسلوب لانى بصراحة مش عارف افسر كلام حضرتك بالطريقة دى واخر سؤال احب اساله لحضرتك لو تسمح لى:
حضرتك كاتب:
"والله المستعان "
الله المستعان على اى بالظبط؟
اذا كنت تقصد ان الله المستعان على انهم يفشلوا فى المستوى المتقدم
فالله المستعان على الكلية و الجامعة و البلد بحالها!!!!!!!!!!1
جزاكم الله عنا كل الخير........."ربنا لا تؤاخذنا ان نسينا او اخطانا".....والسلام عليكم و رحمة الله و بركاته

جزاكم الله عنا كل الخير............"ربنا لا تؤاخذنا ان نسينا او اخطانا"......و السلام عليكم و رحمة الله و بركاته

حابة أشكرك يا بشمهندس على كلامك هذا و الحمدلله وجهة نظرك وصلت لفريق التنظيم و انا شايفة دلوقتى انه المناقشة اتت بثمارها عن طريق عرض المشاكل مع عرض حلول لها و عن طريق هذا الاسلوب الراقى و الهادف فاى الحوار فجزاك الله عنا خير الجزاء و ووفقنا و اياكم لما يحب ويرضى
واى حد عنده اى اقتراح بخصوص تنظيم المسابقة باذن الله سيؤخذ ف الاعتبار مادام يهدف الى المصلحة العامة

chango2026 كتب:: ازم برضوا يكون فى حافز فى الموضوع ده.و على فكرة موضوع الحافز ده مش غلط مادام هيخدم المصلحة العامة و لان اللى بيشارك فى فريق التنظيم ده
بص يا بشمهندس أنا للأسف عايز الناس اللى هدفها خدمة الكليه وبس أما اللى حيكون هدفه غير كدا بتجنبه
لكن برضه أنا حبص للفكره دى من كل الجهات وألف شكر للفكره يا بشمهندس

بيشارك بوقت و مجهود فاللى هيشارك بيهم لوجه الله تعالى فجزاه الله خيرا عن ذلك.اما اللى هيشارك بمقابل "ايا كان المقابل او الحافز سواء كان مادى او معنوى و انا بقترح المعنوى مثلا ممكن يكون تكريم بشهادة مثلا فى المسابقة الختاميه
و ان فريبق التنظيم ممكن يعمل لهم دورات مجانا بالاتفاق مع الشركات الراعية والدورات دى تكون فى مختلف المجالات علشان نشجعهم بس"و اريد وجهة نظر حضرتك فى ذلك.

ححاول أتفق مع الشركه الراعيه على كدا ودى فكره هايله ولو وافقو بأذن الله حتكل على الله وأعلن الفكره دى

جزاكم الله عنا كل الخير........."ربنا لا تؤاخذنا ان نسينا او اخطانا".....والسلام عليكم و رحمة الله و بركاته

جزاكم الله عنا كل الخير............"ربنا لا تؤاخذنا ان نسينا او اخطانا"......و السلام عليكم و رحمة الله و بركاته

اقتباس :: ارى ان هذا الرد فيه نوع من التهكم و السخرية "سخرية من الجامعه و الكلية و الطلبة الموجودين فى الكلية"
و لذلك اود ان اوجه نصيحة لحضرتك:
اذا كنت حضرتك مش من جامعة جنوب الوادى و بتقول الكلام ده فده راي حضرتك فينا و جزاك الله عنا كل الخير
اما لو كنت حضرتك من الجامعة و من الكلية و من طلبة الكلية و بتقول الكلام ده:
فنصيحتى لحضرتك انك تكون واثق فى نفسك اكتر من كده و لو حضرتك مش واثق فى نفسك فياريت انك تتكلم عن نفسك فقط ولا تتكلم بصيغة الجمع
لاننا و الحمد لله طلبة جامعة جنوب الوادى "و لنا الشرف" و طلبة كلية الهندسة باسوان "ولنا الشرف ايضا"
والحمد لله واثقين فى انفسنا و فى قدراتنا تمام الثقة وواثقين اننا هنعمل حاجة للكلية وكورد كانت البداية
وعلى فكرة مش مهم اننا نفشل فى البدايةالمهم اننا نحاول حتى لو اتعمل كورد فى المستوى المتقدم وماكانش "مستوى سوبر" فلن نياس و يكفينا شرف المحاولة "على الاقل احسن نوقف نتفرج كده"

لله الحمد أنا واثق من نفسي واللي مش شايف كده ياجي ويوريني نفسه خليني اوريه ثقتي في نفسي ازاي ,,, واللي أنت شايفه في ردي من سخريه او تهكم اعتبره ذالك لأنه فعلا كده
وانا لما بتكلم بتكلم عن ناس مش مهندسين ,,, انما ناس بترسم نفسها كمهندسين وبتهلل ,, وفيه فرق لأن الناس دي عندها نقص اساسا
وأما عن اني من طلبة جامعة جنوب الوادي ,,, فنعم درست فيها زيي زيك وعندي أنتماء
انما فيه فرق بين اني اعمل حاجه للكليه وبين اني اعمل حاجه واشوف نفسي كبرت خلاص واقعد اهلل واعمل نفسي كبير علي الناس
ويابشمهندس ,,, للمره الأخيره
راعي كلامك ,,,, مش هقول أكتر من كده
واهي خلاص هانت ,,,, وزي ماقولت ,,, هاااااااااااااانت

بسم الله الرحمن الرحيم
جزاكم الله كل الخير على تلك الردود ووفقكم دائما لما يحب و يرضى.
و تعقيبا على كلام حضراتكم:

ردا على الباشمهندسه "الشيمـــاء"

"حابة أشكرك يا بشمهندس على كلامك هذا و الحمدلله وجهة نظرك وصلت لفريق التنظيم و انا شايفة دلوقتى انه المناقشة اتت بثمارها عن طريق عرض المشاكل مع عرض حلول لها و عن طريق هذا الاسلوب الراقى و الهادف فاى الحوار فجزاك الله عنا خير الجزاء و ووفقنا و اياكم لما يحب ويرضى"
جزاكى الله كل الخير يا باشمهندسة ووفقكم الى كل خير و الحمد لله ان وجهة نظرى قد وصلت للجميع فكل ما نتمناه من ذلك هو ان كورد اسوان احسن كورد فى الجمهورية كلها
و اننا نحقق حلمنا و نوصل لروبوكون ان شاء الله و احنا معاكم باذن الله.
و لكن كان لى رجاء خاص "كل من يحاول افساد الامر عليكم "فصبر جميل والله المستعان"
و ارجو ان تفرقوا ايضا بين من ينقد من اجل مصلحة المسابقة و من ينقد لكى لا تكون هناك كورد اسوان فياريت نسمع كل واحد للاخر و نفهم هو عايز يقول اى و من
كلامه هيبان اذا كان خايف على مصلحة المسابقة ولا...........اظن حضرتك فاهمة قصدى و الناس التانيين دول نقول لهم :
"دع القافلة تسير و............"

"واى حد عنده اى اقتراح بخصوص تنظيم المسابقة باذن الله سيؤخذ ف الاعتبار مادام يهدف الى المصلحة العامة"
هذا مانتمناه و جزاكم الله عتا كل الخير.

و ردا على كلام الباشمهندس "Leave Me Alone"
مشكور يا باشمهندس على المرور الكريم.و تعقيبا على كلام حضرتك:

"بص يا بشمهندس أنا للأسف عايز الناس اللى هدفها خدمة الكليه وبس أما اللى حيكون هدفه غير كدا بتجنبه "
الغية تبرر الوسيلة يا باشمهندس و بعدين الموضوع كله هيكون تحت اشراف حضرتك.

"لكن برضه أنا حبص للفكره دى من كل الجهات وألف شكر للفكره يا بشمهندس"
هذا ما اتمناه و جزاك الله كل خير.

"ححاول أتفق مع الشركه الراعيه على كدا ودى فكره هايله ولو وافقو بأذن الله حتكل على الله وأعلن الفكره دى"
ياريت الفكرة دى تتنفذ لانها لو اتنفذت اتوقع باذن الله ان فى ناس كتير هتشارك فى فريق التنظيم و نسد العجز اللى حاصل ده باذن الله.
وردا على كلام الباشمهندس "eng_ghost"
جزاك الله عنا كل الخير عن هذا الرد الكريم و جعل هذا الرد فى ميزان حسناتك ان شاء الله.

الا بالحق كل سنة و انتم طيبين و عيد مبارك علينا جميعا اعاده الله علينا و عليكم بالخير و اليمن و البركات.
جزاكم الله عنا كل الخير........"ربنا لا تؤاخذنا ان نسينا او اخطانا"....و السلام عليكم ورحمة الله و بركاته

eng_ghost كتب:

اقتباس :: ارى ان هذا الرد فيه نوع من التهكم و السخرية "سخرية من الجامعه و الكلية و الطلبة الموجودين فى الكلية"
و لذلك اود ان اوجه نصيحة لحضرتك:
اذا كنت حضرتك مش من جامعة جنوب الوادى و بتقول الكلام ده فده راي حضرتك فينا و جزاك الله عنا كل الخير
اما لو كنت حضرتك من الجامعة و من الكلية و من طلبة الكلية و بتقول الكلام ده:
فنصيحتى لحضرتك انك تكون واثق فى نفسك اكتر من كده و لو حضرتك مش واثق فى نفسك فياريت انك تتكلم عن نفسك فقط ولا تتكلم بصيغة الجمع
لاننا و الحمد لله طلبة جامعة جنوب الوادى "و لنا الشرف" و طلبة كلية الهندسة باسوان "ولنا الشرف ايضا"
والحمد لله واثقين فى انفسنا و فى قدراتنا تمام الثقة وواثقين اننا هنعمل حاجة للكلية وكورد كانت البداية
وعلى فكرة مش مهم اننا نفشل فى البدايةالمهم اننا نحاول حتى لو اتعمل كورد فى المستوى المتقدم وماكانش "مستوى سوبر" فلن نياس و يكفينا شرف المحاولة "على الاقل احسن نوقف نتفرج كده"

لله الحمد أنا واثق من نفسي واللي مش شايف كده ياجي ويوريني نفسه خليني اوريه ثقتي في نفسي ازاي ,,, واللي أنت شايفه في ردي من سخريه او تهكم اعتبره ذالك لأنه فعلا كده
وانا لما بتكلم بتكلم عن ناس مش مهندسين ,,, انما ناس بترسم نفسها كمهندسين وبتهلل ,, وفيه فرق لأن الناس دي عندها نقص اساسا
وأما عن اني من طلبة جامعة جنوب الوادي ,,, فنعم درست فيها زيي زيك وعندي أنتماء
انما فيه فرق بين اني اعمل حاجه للكليه وبين اني اعمل حاجه واشوف نفسي كبرت خلاص واقعد اهلل واعمل نفسي كبير علي الناس
ويابشمهندس ,,, للمره الأخيره
راعي كلامك ,,,, مش هقول أكتر من كده
واهي خلاص هانت ,,,, وزي ماقولت ,,, هاااااااااااااانت

يا بشمهندس زى ما بتطلب من الناس تراعى كلامها فياريت حضرتك كمان تراعى كلامك و اظن انه حاجة زى كدا ما تصدرش من شخصية مسئولة فى هذا المنتدى و بجد انا مستغربة من هذا الاسلوب ف الكلام يا بشمهندس احنا ما عندناش نقص و لا بنرسم نفسنا كمهندسين لاننا مهندسين فعلا لاننا مش طلبة ف تجارة مثلا احنا طلبة هندسة يا بشمهندس و كلام حضرتك ده فى اتهام باطل لينا لانه هدفنا ف الاول و الاخر مصلحة الكلية و الحمدلله احنا مش بنتكبر على حد و لا عاملين نفسنا كبار على الناس مع انى مش عارفة مين الناس الى بتتكلم عنها حضرتك و ياريت حضرتك لو عندك اى نقد او اقتراح تقولوه و لكن باسلوب غير ساخر كهذا الاسلوب و النقد يكون نقد بناااء

بما ان الموضوع دا كله بيظيط فيه
وانا بحب الظيطة بصراحة
فاسمحولي اظيط معاكو
الاخ بس اللي بيقول ان اصحابه ناس مسئولة علي
كورد في جامعة عين شمس مجبهاش
ليه من الاول في الكلية
ولا دي ظيطة برضو
هههههههههههههه

اقتباس :: لله الحمد أنا واثق من نفسي واللي مش شايف كده ياجي ويوريني نفسه خليني اوريه ثقتي في نفسي ازاي

واااااااااااااااااااااااااااااو
ازاي بقي هتلعب قدامه عشرة ضغط

اقتباس :: وانا لما بتكلم بتكلم عن ناس مش مهندسين ,,, انما ناس بترسم نفسها كمهندسين وبتهلل

بترســــــــــــم
والله انت اللي فنااااااااااااااااان

اقتباس :: فيه فرق لأن الناس دي عندها نقص اساسا

ياااااااااااااااااااا راجل
هما برضو ههههههه

اقتباس :: ويابشمهندس ,,, للمره الأخيره
راعي كلامك ,,,, مش هقول أكتر من كده

يااااااااا وضعك يا كبير
والله البشمهندس دا مفروض يروح يستخبي في زير
بعد الكلمة دي ههههههههههههههههههههههههههه
اصـــــــــــــــــــــــــــحي
يا حج

لا ياستي ,,, نقدي مش هيكون بناء ,,,,,,, لأن كمان نقدكم انتوا مش بناء
او خلينا نقول أني مش واثق في نفسي ,,,, علي حد تعبيركم
وأني شايفكم مجموعه من الطلبه بتهللوا فاكرين نفسكم عارفين حاجه انما للأسف مش عارفين
وبتقولو اهوه بنعمل محاوله ,, ومسيرنا ننجح ,,,, وبحاول أقنع نفسي بعكس ده
عشان كده منتظر النتايج ,,, ولما نشوف
وبالنسبه لموضوع شخصيه مسؤله في المنتدي ,,, فده بأيد الحبار
حضرتك تقدري تفاتحيه في حاجه زي كده ,,, واللي هوه يشوفه ,,, بالنسبالي عادي

eng_ghost كتب:: لا ياستي

ياريت يا بشمهندس اسلوب الكلام يكون ارقى من كدا
,,, نقدي مش هيكون بناء ,,,,,,, لأن كمان نقدكم انتوا مش بناء
او خلينا نقول أني مش واثق في نفسي ,,,, علي حد تعبيركم
حضرتك احنا كفريق منظم ما قولناش حاجة زى كدا
وأني شايفكم مجموعه من الطلبه بتهللوا فاكرين نفسكم عارفين حاجه انما للأسف مش عارفين
وبتقولو اهوه بنعمل محاوله ,, ومسيرنا ننجح ,,,, وبحاول أقنع نفسي بعكس ده
عشان كده منتظر النتايج ,,, ولما نشوف
دى و جهة نظر حضرتك فينا و احنا كفيلين اننا نثبتلك عكسها باذن الله بنجاح المسابقة السنة دى ان شاء الله
وبالنسبه لموضوع شخصيه مسؤله في المنتدي ,,, فده بأيد الحبار
حضرتك تقدري تفاتحيه في حاجه زي كده ,,, واللي هوه يشوفه ,,, بالنسبالي عادي
الموضوع ده ما يهمنيش يا بشمهندس ما اراه الان انك فى موقع مسئولية فى هذا المنتدى و على هذا الاساس كان كلامى

بسم الله الرحمن الرحيم
جزاكم الله كل الخير يا باشمهندسين على هذه الردود و جزاكم الله عنا كل الخير.
و احب اعقب على كلام حضارتكوا فاسمحوا لى:

ردا على كلام الباشمهندسة "الشيمـــاء"

"يا بشمهندس زى ما بتطلب من الناس تراعى كلامها فياريت حضرتك كمان تراعى كلامك و اظن انه حاجة زى كدا ما تصدرش من شخصية مسئولة فى هذا المنتدى و بجد انا مستغربة من هذا الاسلوب ف الكلام يا بشمهندس احنا ما عندناش نقص و لا بنرسم نفسنا كمهندسين لاننا مهندسين فعلا لاننا مش طلبة ف تجارة مثلا احنا طلبة هندسة يا بشمهندس و كلام حضرتك ده فى اتهام باطل لينا لانه هدفنا ف الاول و الاخر مصلحة الكلية و الحمدلله احنا مش بنتكبر على حد و لا عاملين نفسنا كبار على الناس مع انى مش عارفة مين الناس الى بتتكلم عنها حضرتك و ياريت حضرتك لو عندك اى نقد او اقتراح تقولوه و لكن باسلوب غير ساخر كهذا الاسلوب و النقد يكون نقد بناااء"
فنصيحتى ليكى يا باشمهندسة ان مش كل الكلام يترد عليه.لان انا شايف ان السكوت احيانا بيكون خير رد.و اننا نركز فى شغلنا احسن والله المستعان.

و ردا على كلام الباشمهندس "الحوارتجي"
فجزاك الله خيرا على هذا الرد ولكن كان لى تعقيب قارجو ان تتقبله مشكورا:
"
بما ان الموضوع دا كله بيظيط فيه"
لا تعليق

"وانا بحب الظيطة بصراحة"
لا تعليق

"فاسمحولي اظيط معاكو"
لا تعليق

"ولا دي ظيطة برضو"
لا تعليق

"عشرة ضغط"
لا تعليق

"والله البشمهندس دا مفروض يروح يستخبي في زير
بعد الكلمة دي ههههههههههههههههههههههههههه"
لا تعليق
وفى النهاية يا باشمهندس اعزك الله احنا بنتكلم فى موضوع يخص مصلحة الكلية فحضرتك لو عندك راى سواء كان بالايجاب او نقد يا ريت حضرتك تعرضه انما احنا مش بنهزر و جزاك الله كل خير.

و ردا على كلام الباشمهندس "eng_ghost"
جزاك الله كل الخير على هذا الرد يا باشمهندس و لكن لى تعقيب بسيط على كلام حضرتك فتقبله من اعزك الله:

"لا ياستي ,,, نقدي مش هيكون بناء"
اظن ان احنا ماينفعش نوصل للمرحلة دى مع بعض والا مش هنسمع بعض.

"لأن كمان نقدكم انتوا مش بناء"
انا شايف انهم ما انتقدوش حد فى حاجة ده كل اللى بيدخل بينتقدهم و هما بيردوا عليه !!!!!!!!!!!11111

"وأني شايفكم مجموعه من الطلبه بتهللوا فاكرين نفسكم عارفين حاجه انما للأسف مش عارفين
وبتقولو اهوه بنعمل محاوله ,, ومسيرنا ننجح ,,,, وبحاول أقنع نفسي بعكس ده
عشان كده منتظر النتايج ,,, ولما نشوف
"
اظن ان الكلام ده ما يرضيش ربنا يا باشمهندس و لو حضرتك شايف كده قول لى.

"وبالنسبه لموضوع شخصيه مسؤله في المنتدي ,,, فده بأيد الحبار
حضرتك تقدري تفاتحيه في حاجه زي كده ,,, واللي هوه يشوفه ,,, بالنسبالي عادي
"
اقولها و بكل صراحة ان عيبنا هنا فى مص ان كل واحد بيستغل سلطته و منصبه والله المستعان

جزاكم الله عنا كل الخير........."ربنا لاتؤاخذنا ان نسينا او اخطانا"..........و السلام عليكم ورحمة الله و بركاته

السلام عليكم ورحمة الله وبركاته

كل سنة وحضراتكم طيبين

طبعا النهاردة ليلة وقفة عرفات يعنى ليلة مفترجة وفضلها كبير آخر حاجة

وبعد شوية هيغيروا كسوة الكعبة فالمفروض الناس وأنا من ضمن الناس تنتشر

على سجاجيد الصلاة وتتعبد كلا فى بيتة وحجرتة وزاويتة ويتقرب

ويتبتل كلا منا إلى الله زلفى حتى ننال المغفرة من الله لذلك

لا داعى لنسخر من بعضنا البعض عسى أن يكون أحدكم أفضل من الآخر

فيرتكب إثما مضاعف بالإضافة إلى أن كلا منكم تكلم بمنتهى الحرية

وأدلى بدلوة وأفصح عن رأية وإستفاض فى القول ولذا

من الأفضل أن نغلق الباب على هذا الموضوع الذى طال

الحديث فيه والنقاش وننتظر النتائج التى نتمناها مبهرة من الأخوة

المنظمين والمتسابقين بكورد وأذكركم ونفسى بالدراسة فى الكلية

فهى الأهم والأولى فى هذا الزخم الكبير ومن ثم البقية

وأخيرا نصيحة من كان منكم على خطأ فلا يستحى من أن يصرح

بذلك فليس الخطأ فى أن تخطأ ولكن الخطأ هو أن تستمر بالخطأ وتصر عليه

نرجو ألا تقعوا فى أخطاء وإن وقعتم أصلوحها فلا حرج فى الإعتراف

بالخطأ ومحاولة إصلاحة أو طلب إصلاحة لتحققوا الصواب

كل الأمانى الممكنة بصوم مقبول وذنب مغفور فى هذه الأيام المباركة

والله الموفق

» لماذا اقرأ القرآن مع انى مش بفهم كتير منه ؟؟؟؟؟؟؟؟
» كيف تجيب على هذا السوال لماذا لم تتزوج الى الان؟؟؟؟؟
» ...::البرنامج الشهير و اقوى قاتل للرابيد شير حتى الان لا داعى للانتظار بالساعات من الان ::.....
» CORD EGYPT
» **^(CORD EGYPT.......ماذا تعرفون عنها؟؟؟؟)^**