eng_ghost مراقب عام المنتديات والحوار العام ومنتدى الهندسة المدنية
عدد المساهمات : 4632 تاريخ التسجيل : 16/04/2008 العمر : 38 الموقع : just in my dreams ,, i can reach any place رقم العضوية : 1036 Upload Photos :
موضوع: شرح كيفية عمل الكيراتين للشعر في المنزل هام جدا الخميس 16 سبتمبر - 3:46
حصريا للمنتدى شرح طريقة عمل الكيراتين في المنزل دون الحاجة للذهاب للكوافير وتدفعي 1000 جنيه فقط صنعة ايده . كل ما ستحتاجيه هو اي حد معاكي بيعرف يمسك البيبي ليس. مبدئيا: قبل الكيراتين لازم نغسل الشعر بشامبو اسمه clearifying shampoo موجود في ماركة paul brown
وموجود في ماركة suave
طبعا paulbrown احسن بكتييييييير من suave الاولى سعرها تقريبا 150 ج والتانية 39 ج واللى نتيجتها كويسة هى بول براون. بنغسل الشعر مرات عديدة متتالية لحد انتهاء الزجاجة ولو كان الشعر متعب جدا ومتقصف جامد ممكن نستخدم زجاجة ونصف الى زجاجتين. ثم ننشف الشعر بالسيشوار ونجيب الشعر الى الامام ونقسمه 4 اجزاء ونقسم كل جزء من اربعه الى خصل.
بنجيب الكيراتين ونحط كمية معقولة في اناء (( صيني )) مش معدن ونمسك خصلة خصلة وبفرشة الصبغة نبلها كيراتين واعمل ربت في اماكن متفرقة من الخصلة لحد مالخصلة كلها تشرب الكيراتين ثم ادعك الخصلة كاملة بالفرشة وبعد كدة الخصلة اللى وراها لحد ما اخلص الاربع اجزاء اللي انا عملتهم . بعد كدة هانشف الشعر نص تنشيفة بالسيشوار . واجهز البيبي ليس على درجة حرارة 400 . طبعا مفيش بيبي ليس درجتها 400 فاباستخدم واحدة درجة حرارتها 200 وباسحب الخصلة مرتين. هانقسم الشعر تانى اربع اجزاء وكل جزء اعمله خصل. وامسك البيبي ليس واقفل بيها علي الخصلة عدة مرات لمدة ثانية او اقل في اماكن متفرقة من الخصلة كنوع من التنبية للشعر انه في حرارة قادمة ثم اسحب الخصلة من اولها لاخرها مرتين لو درجة الحرارة 200 عشان تاخد 400 درجة. واكرر الموضوع مع كل الخصل لحد الشعر كله مايخلص . بعد كدة اسيب الشعر كدة سايب مش مربوط لمدة 3 او 4 ايام وبعد كدة باغسل بشامبو الكيراتين اللي بعد الكيراتين وباشطف ببلسم الكيراتين وباسرح بكريم الشعر بالكيراتين.
ده نوع كيراتين كويس اسمه بول براون
وفي نوع تانى برازيلى اسمه جلوبال لكنه يحتوى عل 4% فورمالين وانا مش بانصح بيه .
موضوع: شرح كيفية عمل الكيراتين للشعر في المنزل هام جدا 
الخميس 16 سبتمبر - 3:46
