هــاتــريــك يــا حـزن

هاتريك ياحزن
**//**//**
خـِلـِص الـكلام..
والضي فـ عيوني انـطـفى
والخطوة تايهة مع الشتـات
أما الأمل..
صابُـه الـ عـَفـَن
عـَشِّـش كمان عـَ الأمنيات
كل اللي باقي فـ دنيتي..
حبة صور على ذكريات
والحزن مـِتـْغـَلـّف ألم../
والآهــة..ملفوفة حكايات
أما الــبُكــا !
مني اشتكى
مابقيت يــــتـــيــــم
وخيوط حـيــاتــي..اتــْنــَســِلــِت
والعمر..أيامه فــُتـات
أمي وأبويا وقلب أخضر كان عـَفي
أهو كله مات
فجأة زماني هـَدني
والقلب..مدبوح من سكات
لكنها ســُنــة حــياة
مكتوبة مــ الزمــن اللى فات
المــوت قَــدر
مين يا مــَلــَكْ غير اللى خـلقك يوقفك؟!
مــشــهـد حــزيــن
لـو شـوفت أمي مــِسـَهـِــمَه
ماحبيبها فــارق حضنها
والفرقة قاسية ومؤلمة
إزاي تعيش
بعد اللى كان عايش لها!
من لـهفته
القلب نامت دَقـِـتــه
مين قدّها...
لحقت حبيبها فــ جنته
أختي انـْكــَفــِت على وشــها
والعـين بكت
والحسرة غلبت قلبها
ويمر يوم
من بعد يوم
نفس الطريق والمفترق
والقاني وسطك ياقفص
عصفور وحيد
مكتومة فِـيه الزقزقة

يا الله ما اجمل هذا الكلام بجد بجد بشكرك جدا جدا لتميزك يا بشمهندس

جزاك الله عنا كل خير