prince of night
مهندس بيشارك كويس
عدد المساهمات : 60
تاريخ التسجيل : 23/12/2007
العمر : 37
رقم العضوية : 424
Upload Photos : 
 |  موضوع: بشروه اني راحل...الجزء الخامس (5)  الخميس 10 يناير - 21:38 | |
| سالم: انتي بنت معقده ...اخذي تلفونج وطسي (غوري)غرفتج وان شفت رقعة وجهج مسحته بالارض .....الحمدلله والشكر
مها خذت التلفون منه وايدينها ترتجف ورجولها مو قادره تشيلها ....قعدت على الارض ومسكت التلفون وشافته كل شي مثل ماكان
هي خافت ان خالها يقرى مسجات فيصل اللي كانت مخزنه اسمه بحرف "f" .....بس خالها ماكان ماخذ باله من الاسماء غير اسم واحد هو ساره ...... راحت مها غرفتها وهي للحين خايفه وقلبها يدق بسرعه ...ماكانت متأكده من ان خالها اخذ رقم فيصل او لا ....
سالم من صوب ثاني ماكانت الارض شايلته من الفرحه وعلى طول خزن الرقم بتلفونه بإسم"فرق كبير" وكان يقصد فيه الفرق بينها وبين زوجته ....
::::::::::::::::::::::::::::::
فيصل: عامر انت نمت ؟
عامر: ................
فيصل: عامر؟
عامر: ............
فيصل: فرصه ماتتطوف خلني اتصل على حبيبة قلبي واقولها اني بدربي لها
ويتصل فيصل على مها اللي انصدمت اكثر لما شافت رقمه .....وكلمت
مها بصوت خائف: الووو
فيصل: هلا وغلا براعية هالصوت
مها بارتباك: هلاهلا فيصل
فيصل: عندك احد ؟
مها: لا ماعندي احد
فيصل: اجل وشفيكي خايفه ؟ رصيدك يكفي ندردش مع بعض شويه
مها حست بإرتياح: أي يكفي ....شخبارك فيصل؟
فيصل: وشخبار واحد سمع صوتك .....اكيد انه بخير وشاف العافيه
مها : مو للهدرجه
فيصل: للهدرجه واكثر ...ياحبيبتي انتي ماتدرين انتي بالنسبه لي ايش
مها بدلع : أيـــــــــــــــــــــــش؟
فيصل: ههههههه اعتبر الباب مفتوح لي واعبر على كيفي؟
مها: ..............
فيصل: السكوت علامة الرضا
مها: ليش ماتخليني انا اللي اعبر ؟ كل انت اللي تعبر وانا ساكته
فيصل: يعني فيه مشاعر بقلبك لي؟
مها: وانت توك تدري؟
فيصل: ههههههه ادري من زمان بس ابي اسمعها منك
مها: مدري والله بس احس اني من عرفتك ماودي اخسرك .....صح ان الظرف اللي تعرفنا فيه على بعضنا كان مو مناسب ...بس يمكن كان خير لي ولك ....صدقني يافيصل اناعمري ماكلمت أي واحد غيرك ولا اعرف شلون اعبر عن شعوري تجاهك ...
فيصل: قولي كلمه وحده
مها تستهبل: كلمه وحده
فيصل: هههههههههه ...اقول مها ياحلو الاستهبال,....يالله قولي انا استناكي
مها: أي شقول والله مدري
فيصل: قولي الكلمه اللي عذبتني وعذبت ملايين غيري
مها: مو وقته
فيصل: الا وقته ونص
مها تضيع السالفه: فيصل انت وينك اللحين؟
فيصل: انا جايك بالدرب ياحياتي
مها وهي تحسبه يمزح وياها: هههههه أي صح وانا انتظرك
فيصل: ترى انا ما ا ت غ ش م ر معاكي..... تذكرين هالكلمه "اتمغشر" اللحين صرت اضبطها
مها تضحك
فيصل: يازيـــــــــــــــــــــــــن الضحكه ويازين راعيتها عساها تدوم انشالله
مها: فيصل ابي انام نعسانه ووراي شغل
فيصل: يعني تبيني اسكر
مها : أي
فيصل: مابي
مها: انا بسكر وانت كيفك ....
فيصل: مها ماودي اسكر
مها: ولا انا بس .......
فيصل: لا تقولين ماعندك رصيد
مها: قلتلك عندي والله
فيصل: خليني اجي الكويت والله لعوضك عن كل شي
مها بعصبيه شويه: انــــــت ويــــــنك
فيصل: انا بقلبك .....والا انا غلطان
مها: لا والله منت بغلطان ....
فيصل : مها بتنامين
مها: انت كيفك
فيصل: اسف لازعاجك .........ممكن اغنيلك
مها: والله اذا صوتك حلو فلا تبخل علينا
فيصل: بما انك اول واخر مره تحبي ....فأهديلك هالاغنيه
فيصل كان صوته حلو وغنالها اغنية :
حــــــــــايره والشـــــوق بين عيونـــــــج........خــــــــــــــايفه تحبـــــين ويـــــــــــــلومونج
ضـــــــــــالــــه بنص الدرب محــــتـــــاره.......مـــــاتــــــعرفين هذا العـــــــشق واســــراره
والــــــســـــهر ذبــــــــل ســـــواد عيــــــونج
فيصل: وســـــــــلامـــــتك
مها: كمل .....
فيصل: كافي ياحياتي الحين نامي والجايات اكثر من الرايحات
مها: يالله تصبح على خير ...
فيصل: مها تغطي عدل ترى الجو بارد
مها : انـــــــــشالله على امرك تبي شي بعد ؟
فيصل: ماابغى غير سلامتك
مها: مع السلامه
فيصل: مع السلامه
ويسكر فيصل التلفون وهو يكمل اغنيته
عامر وهو يلتفت على صوب فيصل : " ياعيني على الرومانسيه يااخي "
فيصل منصدم : هييييييييييه انت من متى قاعد
عامر : من اول " هلا وغلا براعية هالصوت"
فيصل منحرج: وليه ماقلتلي انك قاعد ؟
عامر: اقول وقف وانزل ...شبعت نوم ودي اسوق .......ارتاح انت
ومن صوب ثاني " مهـــــــا" كانت حاسه بشي غريب " ياربي شنو نهاية هالحب لايكون هو يتسلى معاي؟ لالا فيصل مايتسلى مشاعره حقيقيه تجاهي ....واضح انه يحبني ...وانا ليش ماانام احسنلي ؟ "
::::::::::::::::::::::::::::::::::::::::::::::::::
وصل فيصل الكويت بالفجر وارتاحوا بفندق يومين ......
عامر: فيصل صارلنا يومين وانت ماسويت شي ؟
فيصل: اليوم انشالله بروح للعنوان اللي عطتني واخطبها رسمي من وليها اللي هو خالها
عامر: طيب وليه مارحتله اليومين اللي فاتوا
فيصل: حبيت اريح شوي
عامر: وصديقتك.....ماكلمتها
عصب فيصل لما سمع كلمة عامر: لو سمحت لاتقول صديقتك !
عامر: وانت ليه معصب؟ شتبغاني اقول ...حبيبتك؟
فيصل: لاتقول شي ويالله جهز عمرك خلنا نمشي
::::::::::::::::::::::::::::
سالم يتصل على ساره :
ساره: الو نعم ؟
سالم : مرحبا
ساره: مراحب ...من بغيت
سالم: بغيتج
ساره: شكلك غلطان بالرقم
سالم: ليش هذا مو تلفون ساره
ساره: منو انت ؟
سالم: اسمعي ياساره انا رجال سيدا وماعندي خرابيط و...
ساره: هييييييي انت شتبي؟
سالم: ............
ساره: لوسمحت ترى انت ماتهمني كائنا من كان حتى لو تعرفني مو مهم عندي ولاعاد تتصل على هالرقم رجاء
وتسكر ساره التلفون بوجهه ........
سالم: ماعليه يالغاليه ...اصيدج اصيدج
::::::::::::::::::::::::::::
عامر: انت تقول ان هي عطتك هالعنوان ؟ انت متأكد منه؟
فيصل: أي والله متأكد حتى شوف هذي الورقه اللي عطتني
عامر: طيب جرب طق الباب مره ثانيه .....
في هذه الاثناء مر بجنبهم ولد ....وساله فيصل عن اهل البيت وقالهم ان اللي كانوا ساكنين فيه ماتوا وهذا البيت أجار مو ملك لهم
عامر: طيب اتصل يافيصل عليها واسألها
فيصل: مافي غير هالحل ....الحين اتصل ...
يتصل فيصل على مها .....وكان بجنبه عامر
مها : الو
فيصل: هلا مها ...كيف الحال
فيصل: بخير
فيصل: اقول مها ...العنوان اللي عطيتيني لما كنا بالمطار
مها: شفيه؟ فيصل انت وينك اللحين ؟
فيصل: مها انا بالكويت ممكن تقوليلي انتي وين ساكنه
مها منصدمه : وشتسوي بالكويت؟
فيصل: ابغى اخطبك....ابيك ابغى اتزوجك انتي
مها: فيصل انت من جد تتكلم
فيصل: أي ....واذا انتي منتي موافقه علي قوليلي من الحين علشان ارجع مكان ماجيت
مها: انت بصراحه فاجأتني ...ليش ماقلتلي من زمان عالاقل عطيتني فرصه افكر
فيصل: تفكرين! تفكرين بإيش؟ مها الحين ابغى اسمع رايك ...يا أي يا لا
مها: اذا علي انا ماكو مشكله وين القى احسن منك؟ بس خالي...ظنك يوافق
فيصل: وليه مايوافق ؟ مها ترى كلنا عيال ادم وحوا مابينا فرق
مها: والله مدري اخاف يردك يافيصل والله اخاف
فيصل: اذا انتي تبيني ماعلي من اكبر راس...وخالك ماعليكي منه خليه علي ...والحين ممكن تعطيني العنوان
وتعطيه مها العنوان ويروح فيصل مع عامر لبيت خال مها ......
::::::::::::::::::::::
فيصل: وشخبارك ياابو علي
سالم باستغراب: هلا والله بخير
عامر: الصراحه ياابوعلي احنا قاصدينك انت بالذات وجايين من السعوديه مخصوص عشانك
سالم: خير فيه شي؟ لان انا الصراحه والله مااعرفكم ....واول مره اشوفك
فيصل: انا بدخل بالموضوع بسرعه لاني مااحب المقدمات....
سالم: وانا مثلك تفضل قول.....
فيصل:الصراحه انا جاي اخطب
سالم: نعم؟! ومنو تخطب؟.....اكيد انت غلطان انا ماعندي بنات للزواج
عامر: احنا جايين نخطب بنت اختك لخويي فيصل
سالم باستغراب: شنووو؟ ومنو انتم؟ وشعرفكم فيها؟
فيصل: انا لي ولد خاله بالكويت وكان ساكن عند بيت اختك الاولاني وهو اللي ذكرها لي
سالم: وليش خلصوا حريم السعوديه جاي تخطب هني ؟
فيصل:.............
عامر: ياابو علي احنا ماجينا نخطب الا عقب ماسمعنا عن اهلها الطيبين
سالم: ممكن اعرف منو انت؟
عامر: انا عامر وهذا صديقي فيصل
سالم: وانت يااخ فيصل ماعندك اهل؟ مالك ام وابو؟
فيصل: وليه اجيب العائله كلها معي؟انا اللي بعرس والا اهلي
سالم: اسف؟ ماعندي بنات للزواج
فيصل: طيب اذا انت خايف ان احنا ناس بدون اصل اسأل عنا
سالم: والله انك فاضي اروح درب للسعوديه علشان اسال عنك ...ليش ماوراي اشغال؟
عامر يحاول انه يتدارك الموقف: ياابو علي ...فيصل رجال طيب وهو يدور القرب منكم واطلب المهر اللي تبغيه واحنا حاضرين
سالم وهو يفكر:ها.....لا خلاص انا قلت لا يعني لا
فيصل: طيب انا بعطيك فرصه فكر على راحتك وبجيك عقب كم يوم
سالم:...........
فيصل: فمان الله
ويطلع فيصل وعامر من عند ابو علي ...اللي قعد يفكر في السالفه ....
:::::::::::::
نوره: وانشالله تبي ترفضه
سالم: لاوالله عندج غير هالحل؟
نوره: انا بعرف انت ليش خبل ؟
سالم: نوره شهالكلام؟
نوره: انت تبي البنت تجيبلك المرض وعوار الراس والقلق ؟
سالم: الرجاجيل واجد وهي توها صغيره
نوره: اولا: البنت مو صغيره ...ثانيا: انا معاك ان الرجاجيل واجد بس تذكر ان بنت اختك المصون محد يعرفها هني على طول بغرفتها...انت ماتبي تفتك منها ...مصاريف ومسئوليه ...ياسالم والبنت تروح الجامعه وتطلع لا ومع رفيجتها ...يعني انت ماتدري وين تروح ووين تجي ....
سالم بعد تفكير: شقصدج يعني؟
نوره: اقول بدل ماتجيبلك فضيحه زوجها وافتك من شرها
سالم: بس مااقدر
نوره باستهزاء: شنو؟ ماتقدر !لايكون ماتقدر على فرقاها؟ انت متى عرفتها ...ياخي البنت هذي من جت بيتنا وانا احس انها هم على قلبي .....ياسالم لاتنسى ان امها لها نصيب في بيت اهلها وباقي الورث والاملاك ..كل شي لها نصيب فيه ...يعني جت من حظك
سالم: والله اني ماني فاهم شي من اللي تقولينه
نوره: ياسالم ياحبيبي انت لازم تصير فهيم ...لما انت تبعد مها خارج الكويت بفعلتك هذي تكسب اشيا كثيره منها انك تبعدها عن الميراث و...
يقاطعها سالم بعصبيه: اهلي بعدهم ماماتوا يانوره والا تبين تورثينهم وهو حيين
نوره: بعد عمر طويل انشالله ..انت شفيك ليش معصب...صدقني بتكسب كثير لما تبعدها
طلع سالم من البيت وهو يفكر بكلامها ....وفي السياره تذكر ساره ...
ساره بعصبيه: نعم
سالم: انعم الله عليج ...ليش معصبه؟ هدي هدي
ساره: لوسمحت انا كم مره قلتلك لاتتصل على هالرقم
سالم: احــــــبج
تنصدم سارة من جرأته وتسكر التلفون بوجهه ...وهي تقول فقلبها شيبي هذا؟
..................................
..................................
مها: االظاهر انك ماعرفت خالي للحين؟
فيصل: والله يامها اني ماخذك ماخذك ...ومثل ماقاتلك بالمطار بالحلال
مها: ممكن سؤال؟
فيصل: تفضلي
مها: ......اهلك...يدرون؟
فيصل: مها انا بكون صريح معاكي ...
مها: وانا مابي غير الصراحه
فيصل: اهلي مايعرفون اني جاي الكويت
مها: ليش؟ فاطمه ماتدري؟
فيصل: لا وامي لودرت ممكن تعارض
مها: انا متفهمه لموقفها والصراحه ماالومها...فيصل ارجوك اذا زواجك لي يفرق بينك وبين اهلك ارجوك لاتكمل هالزواج وارجع لاهلك ...
فيصل: مـــســــتحيل اتركك مهما كان .....واهلي خسروني قبل اخسرهم
مها: فيصل انت شقاعد تقول ؟
فيصل: السالفه طويـــــــله اقولك بعدين انشالله لما نتزوج
مها: عندك امل ؟
فيصل: كل الامل ياامل حياتي
مها: فيصل اخاف انت شفقان علي وشايفني مسكينه قلت اكسب اجر فيها؟ ارجوك يافيصل لاتلعب بمشاعري وتعيشني بحلم حلو وبعدين تصدمني
فيصل: ايش هالكلام يامها والله ان كل اللي تقولينه مش على بالي انا والله حبيتك لذاك مش عشان ظروفك
مها: طيب انا عندي محاضره اللحين ...اخليك
فيصل: اقول مها ...خالك مافاتحك بالموضوع ؟
مها بحزن: لا....
فيصل: لاتخافين ياشمعة حياتي انا لك وانتي لي وانشالله اليوم انا عندكم
مها: حيالك الله بس ارجوك تحمل من خالي ترى لسانه متبري منه
فيصل: انا عشانك اتحمل كل شي
مها: والله تعبتك معاي اول وتالي
فيصل : تعبك راحه ....يالله مع السلامه
مها: مع السلامه ...
ساره: اعوذ بالله كل هذا مكالمه مو جنج نسيتيني
مها: ساره تعتقدين خالي بيوافق ؟
ساره: علمي علمج ...خالج هذا مايندرى شيدور تحت راسه
مها: والله اني امس اصلي طول الليل وادعي الله انه يوافق
ساره: انتي من صجج بتتركين ديرتج وتغربين ؟
مها: مافي احد يستحق اقعد عشانه
ساره: واهون عليج تخليني ؟
مها: ساره ترى للحين ترى ماصار شي ...وانا اتوقع ان خالي يرفض وبتم طول العمر مجابلتج لي ما تزهقين مني
ساره تضحك: يــــــــــارب مايوافــــــــــــــــــق
مها: ساره وثول لاتقولين جذي ويالله قومي لاتطوفنا المحاضره
::::::::::::::::::::::
سالم: خلاص انا بشاور البنت واردلكم خبر
فيصل وهو يحاول يخفي فرحته:الصراحه ان مامعانا وقت
سالم: خلاص انت تعال باجر انشالله
عامر: الله يكتب اللي فيه الخير
سالم يستهزىء بعامر: انشالله خير يالمرافق
سكت عامر مع انه كان يقدر يرد عليه ويوقفه عند حده بس شاف نظرات فيصل تترجاه يسكت
عامر: والله انه غاثني بس والله عشانك ساكت
فيصل: يامعود انا ماصدقت يوافق
عامر: مبدئيا بس
فيصل: شتقصد؟
عامر: اخاف يافيصل يحط شروط تعجيزيه
فيصل: كل مايطلب فيه انا حاضر
عامر: بس انت عليك سلفه كبيره وماتقدر تاخذ ثانيه
فيصل: ماعليك ادبرها اتسلف من اللي معاي بالدوام او من رجل اختي
عامر: افا يافيصل والله انك زعلتني وانا وين رحت؟
فيصل: انت اخ عزيز وغالي ....بس انت وشعندك ياحسره ؟
عامر: اللي تامر فيه وصدقني اجيبلك اللي تحتاجه
فيصل : ماتقصر يالغالي
:::::::::::::::
سالم: وهذي كل السالفه..... انتي شرايج؟
مها: والله ياخالي الشور شورك وانا مالي راي بعد رايك
سالم: الصراحه اني مااعرف الرجال بس والله شكله ولد زين
نوره: اقول مها.....وافقي ترى مو كل يوم البنت يجيلها خطيب....." نوره كانت تبي فرقا مها اليوم قبل بكره مو كرها فيها ...كرها في ساره اللي شافتها خطر كبير عليها وعلى زوجها"
مها بقلبها"انتي مالج شغل": والله ياخالي الامر بيدك ...."ماكانت مها تبي تبين لخالها انها تبيه علشان مايشك بالسالفه"
سالم: وانا برفضه ...الصراحه مايصلحلج
مها وهو مصدومه: لــــــــــــيش؟
سالم: مو توج تقولين كيفك؟
مها: صح بس انا من حقي اني اقرر حياتي وانا حره فيها
سالم بمكر:انتي تعرفينه ؟
مها: وانا شعرفني فيه؟ بس ياخالي انا مابي اثقل عليكم اكثر والرسول صلى الله عليه وسلم قال بمعنى الحديث "من اتاكم من ترضون دينهم فزوجوه"
سالم: ههههههه يعني تبينه؟
مها: ............
سالم: ادري انج تبين فرقى بيتنا اليوم قبل باجر
مها تنزل راسها: ..........
سالم: السكوت علامة الرضا بس انا ماراح اوافق الا بشرط
مها متفاجئه: وشنووو شرطك؟
ستووووووب لقائنا في الجزء السادس ان شاء الله ...ليكم تحياتي | |
|
زائر
زائر
| | موضوع: رد: بشروه اني راحل...الجزء الخامس (5) الخميس 10 يناير - 22:42 | |
| |
|
فيلسوف الغبرة
عضو بدرجة مهندس إستشارى
عدد المساهمات : 907
تاريخ التسجيل : 01/09/2007
العمر : 37
الموقع : أسوان
رقم العضوية : 73
Upload Photos :
| | موضوع: رد: بشروه اني راحل...الجزء الخامس (5) الثلاثاء 15 يناير - 14:01 | |
| ههههههههههههههههههههههههههههههههههههههه | |
|
فيلسوف الغبرة
عضو بدرجة مهندس إستشارى
عدد المساهمات : 907
تاريخ التسجيل : 01/09/2007
العمر : 37
الموقع : أسوان
رقم العضوية : 73
Upload Photos :
| | موضوع: رد: بشروه اني راحل...الجزء الخامس (5) الثلاثاء 15 يناير - 14:04 | |
| هههههههههههههههههههههههههههههه | |
|
فيلسوف الغبرة
عضو بدرجة مهندس إستشارى
عدد المساهمات : 907
تاريخ التسجيل : 01/09/2007
العمر : 37
الموقع : أسوان
رقم العضوية : 73
Upload Photos :
| | موضوع: رد: بشروه اني راحل...الجزء الخامس (5) الثلاثاء 15 يناير - 14:07 | |
| كفاءة كمل  | |
|
