الحب في سطور

تذكير بمساهمة فاتح الموضوع :

الحب انتخ في القلب ظاظا

ولما تختخ ازداد لظاظة

حبيبي قرب وبلاش فظاظة

لاحسن اديك برقبة قزازة

بسم االله
اسف لحذف الموضوع لان الكلام غير سوي ويجرح الذوق العام انت هنا اخي الحبيب في منتدي هندسي في المقام الاول اسلوب الحوار والكلام لابد ان يدور في شيء راق مختلف عن عامة الناس وخصوصا الجهله الذين هم اقل منك في المرتبة العلمية تذكر ان المنتدي هندسي في المقام الاول

زائر

وفي ناس برضو مش عاجبها مش انا لوحدي

والله اللى عاجبهم الموضوع أغلبية واللى مش عاجبهم قلة

والأغلبية هى اللى بتحكم

زائر

بصراحة انا اول ما قريت الموضوع معرفتش بجد اقول ايه؟؟؟

وبصراحة بعد ردك يا بشمهندس مفتري ياللي مكانك في غرزة او قهوة (زي مانت كاتب اظن)
مفيش غير حاجة واحدة انا هعملهاوهي
(الرد علي السفهاء السكوووووووووووووووووووووووووووووووت)

بيتهيألى إن سكوتك هيكون أحسن من كلامك

miss_esadora كتب:: مفيش غير حاجة واحدة انا هعملهاوهي
(الرد علي السفهاء السكوووووووووووووووووووووووووووووووت)

بصراحة يا miss_esadora المفروض ان الرد يكون باسلوب احسن شوية من كدة
بلاش يكون في ألفاظ ( سب ) في الردود.

أولا: إنتي ليكي حق إنك تنتقدي الموضوع وتقولي إنه مش عاجبك, بس الكلام يكون ليه حدود ومن غير تعصب أو فرض رأي, وغير كدة في مواضيع تانية في المنتدى مش كويسة أو مبتعجبش حد ومتهيألي إن اللي بيقرا الموضوع مبيكتبش رد على أساس إن الموضوع مش عاجبه أو هو مش عايز يرد عليه.

ثانيا: بالنسبة للموضوع ده, الموضوع ده فكاهي, وصاحب الموضوع كتبه بغرض الفكاهة على اللي هيقرا الموضوع ويعجبه, مش أكتر من كدة. وفي ناس عجبها الموضوع وردت بالإيجاب, وبرضه في ناس معجبهاش الموضوع, فالحكاية مش مستاهلة خناق وعناد وخروج عن المسموح بيه في الرد.

وصلوا عالنبي يا إخوانا

ونرجع برضه للريتم اللي كان ماشي فيه الموضوع

قــــول يا مفتري قــــول

عايزين بيتين شعر تاني من شعرك الشعبي

أهلا بيك ياعم المفترى
فين المواهب دى كانت مدفونة من زمان ياعم
خد منى الحتة اللذيذة دى على اخواننا اللى مش عاجبهم الفن الأصيل بتاعك

ياللى على وشك زعابيب امشير

ايه راح يفيدك من التكشير

دا انت لو مرة تبتسم

جرحك هياخد حزنك ويطير

والله يامفتري عسل انت ويتقال فيك اغنية
بس لو النحل سمع عن حلاوتك
لساب الجبل
وعمل في بقك خلية lol!

بناء على طلب أخوانا اللى عايزين قصايد جديدة أنا أنتهيت من كتابة قصيدة (هى بايظة) وهأجل قصيدة (ماشى فى الضلمة) شوية لأن لسا فيها شوية تظبيطات ناقصة وهأنزلها فى قسم الأدب والشعر

ياااجماعة ياريت تفتكرو اننا زملة ف كليه واحدة
والمنتدى هدفه ان يخرج الطلبة شوية من موود الكليه
مش يخلى الناس تعيب بعضها
واللى شايف موضوع مش عاجبه
ومن حقه انه ينتقده
يااريت النقد يكون بناء وفى مصلحة المنتدى من غير اى ألفاظ خارجة
لانه كمان من حق صاحب الموضوع انه يدافع عن موضوعه طالما شايف انه كويس
وعاجب معظم الاعضاء فى المنتدى ..
وكلها وجهات نظر .
ولازم الواحد يحترم وجهة نظر الاخريين .. عشان يحترمو وجه نظره ..
ولا ايه بقى

زائر

اى بنى ادم يعجبه موضوع زيه دة

ممكن نقوله شكرا على ادبك وزوقك

بس نقوله انت حرام تبقى طالب فى هندسة

انت تاخدلك دبلوم صنايع وتقعد تشرب شاى بيدخن

عالقهوة احسنلك

:>>>&g

غضبان

الزعيم الأول كتب:: اى بنى ادم يعجبه موضوع زيه دة

ممكن نقوله شكرا على ادبك وزوقك

بس نقوله انت حرام تبقى طالب فى هندسة

انت تاخدلك دبلوم صنايع وتقعد تشرب شاى عالقهوة احسنلك

:>>>&g

والله وجهه نظر
وانا احترمها ... بخصوص الموضوع
ولكن لا انا ولاانت اللى هانحدد مين اللى ينفع يدخل هندسة من اللى ماينفعش
ولاحتى غيرنا

الزعيم الأول كتب:

اى بنى ادم يعجبه موضوع زيه دة

ممكن نقوله شكرا على ادبك وزوقك

بس نقوله انت حرام تبقى طالب فى هندسة

انت تاخدلك دبلوم صنايع وتقعد تشرب شاى عالقهوة احسنلك

:>>>&g

فى البداية أشكر البشمهندس دوكى على رده وبالنسبة للزعيم الأول أنت زعيم إيه بقى عشان أفهم؟
وبالنسبة لموضوع ما يستهلش يدخل الكلية دا بصفتك إيه مكتب تنسيق!!!!!!!
وأنا وضحت قبل كده إن الغرض من الموضوع هو الترفيه وبس
ويا ريت متزعلش نفسك أصل الضغط ماشى فى البلد اليومين دول

ياما في السجون مظاليم واللي افتروا فعلا برة

» الوان من الحب (انيس منصور )فارس الحب وفيلسوف العشق
» سطور من ذهب.
» فلسطين في سطور
» قصة حياتى فى سطور
» المراه في سطور