لو متضايق من حد عمل ايه..؟؟...تعالي اقولك....بس ماليش دعوي بييييييييك

لما تبقى متغاظ من واحد ومش طايقه قلو الكام نكته دول....

مرة واحدة ست عجوزة قاعدة لوحدها في البيت وبعدين التليفون رن لقت واحد
بيقولها انا الرجل ذو الايدي الملوثة بالدماء انا هاجي لك بعد سنة الست قالت
ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو
الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس
وقفلت السكة المهم اتصل بيها تاني بعد شهر وقالها انا الرجل ذو الايدي الملوثة
بالدماء انا هاجي لك بعد 10 شهور الست بردو قالت ده واحدبيعاكس وقفلت السكة
المهم اتصل بيها تاني بعد شهر وقالها انا الرجل ذو الايدي الملوثة بالدماء انا
هاجي لك بعد 9شهور المهم فضلو كده كل شهر يتصل بيها لغاية ما في يوم اتصل
وقالها انا هاجي لك بكرة الست خافت ليكون بيتكلم بجد تاني يوم اتصل بيها
وقالها انا الرجل ذو الايدي الملوثة بالدماء انا هاجي
لك دلوقتي الست خافت اوي
>اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها
انا الرجل ذو الايدي الملوثة بالدماء ممكن اغسل ايدي ؟؟

النكتةالحمرا
في مرة الرجل الاحمر صحي من النوم الاحمر وكان نايم على السرير الاحمر ومتغطي
ببطانية حمرا ولابس بيجامةحمرا المهم صحي من النوم وخرج من الاوضة الحمرا طبعا ودخل الحمام الاحمر وفتح الحنفية لقى المية نازلة حمرا المهم خرج ولبس
البدلةالحمرا (دي غير بدلة الاعدام ) ونزل من بيتهم ركب العربية الحمرا ومشي
في الشارع لقى كل حاجة لونها احمر العربيات والناس والاسفلت والسما وكل حاجة وفجاة جت عربية حمرا سريعة خبطته جت عربية الاسعاف الحمرا شالته وودت المستشفى الاحمر لقى الدكاترة لابسين بالطو احمر وكل حاجة لونها احمر
وفجاة شاف وحد من بعيد لابس اخضر
الراجل خاف اوي واتخض وساله انت ليه لابس اخضر قاله اصل انا من نكتة تانية

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ
المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له
عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع
الدور الرابع وقابل موظف اخر وقال له عايز فراخ مدبوحة ومقطعه ومكيسة فرد
الموظف وقال له مافيش فراخ بس ايه رأيك فى النظام

في مرة بطيء وبطيئة كانو بيتمشو على الكورنيش وفجاة بطيء
كان هيقع في المية قامت بطيئة جريت ببطء طبعا وراحت متصلة بام بطيء وقالتلها الحقي بطيء هيقع في المية فردت عليها وقالت لها اتصلي بابو بطيء على ما اجي قالتلها حاضر واتصلت بابو بطيء قالها طب اتصلي بمامتك وانا جاي على طول اتصلت بطيئة بمامتها فقالتلها طب اتصلي بابوكي وانا هاجي ببطء
اتصلت بطيئة بابوها وقالها طب اتصلي باخو بطيء وانا جاي اتصلت باخو بطيء
فقالها طب انا هاروح اجيب اخت بطيء وهنيجي ببطء قالتله بس اوعو تتاخرو قالها
حاضر المهم العيلة كلها وصلت لقو بطيء لسة بيقع ببطء فلحقوه قبل ما يقع في المية
وخدوه وروحوا

لو متضايق من حد عمل ايه..؟؟...تعالي اقولك....بس ماليش دعوي بييييييييك 305586

لو متضايق من حد عمل ايه..؟؟...تعالي اقولك....بس ماليش دعوي بييييييييك 305586

دا كدة ممكن يقتلنى
دا انا مت وانا بقراهم
رخامة اصلى
بس جامدين سلمت يدك يا بشمهندس

اي خدمه يانور

شكلك يا بشمهندس متضايق من الناس اللي في المنتدي علشان كده كتبت النكت دي بس جامدين اوي مشكوووور

ههههههههه
لا يابشمهندسه هوا انا اقدر اتضايق ياعم من المنتدي ده حبي...
انا بس يعني برزل شويه علي ناس صحابي مش اكتر..

منورة الموضوع

e a
b n
روح
" ربنا يديك وياخد منك "
بس فعلا جامدين
لو متضايق من حد عمل ايه..؟؟...تعالي اقولك....بس ماليش دعوي بييييييييك 632320

» ماليش في السياسة
» خلاص دخل علينا شعبان...طب هنعمل ايه؟انا اقولك تعمل ايه
» عايز تبقى رزل ادخل خلصنى ولا اقولك متدخلش
» أسطوانة حقيبة المسلم سي دي دعوي رائـع يضم الكثير وبحجم 50 ميجـا فقط وعدة سيرفرات
» أسطوانة حقيبة المسلم سي دي دعوي رائـع يضم الكثير وبحجم 50 ميجـا فقط وعدة سيرفرات