انا هرجع تاني ..وهشارك احسن من الاول......وانت..............؟؟؟؟؟؟

المنتدي بقي مش بيعمل مواضيع و حاجات عشان الواحد يرد عليها و باحس في المنتدي بيتكلم و خلاص لكن كليه عمرها ما شافت متطلباتنا ايه او علي الاقل مش تنفدها او تحسسنا او توهمنا انها تتفد

الحبار كتب:

السلام عليكم ورحمة الله وبركاته

فى البداية أحب أشكر البشمهندس إبراهيم على فتحه لهذا الموضوع ومبادرتة الجميلة

وبشكر كل اللى شاركوا برضو وأما بخصوص هذا الموضوع وإن الإدارة مردتش

فأنا مش عارف الرد ده "بتاع الإدارة يعنى" بالفعل ممكن يؤثر فى الناس وتعود بالفعل

للمشاركة والتفاعل والناس بقى تتقاتل على المشاركة وإحنا نقولهم كفايه نرجوكم المنتدى

هيفرقع من كتر المشاركات وهما طبعا إيه يستحيل يتهاونوا أو تفتر عزيمتهم فى إثراءه !!

طبعا بكلامى ده أنا لا أستهين بأحد ولا أستطيع الإستهانة بأحد بس اللى أنا عارفه وفاهمه

إن من يريد المشاركة وإنه يساهم فى الإرتقاء بشىء لن يمنعه أهل الأرض جميعا

والعكس صحيح وأنا من أيام ما بدأنا المنتدى وأنا فى حالة دائمة ومتجددة على مر

السنين من الدعوة للإرتقاء وفتح الأقسام والتشجيع والترغيب والتحبيب والتدليل والتقريب

من كل البشر بإختلاف فئاتهم وبرضو الناس بتفتر عزيمتها أو معرفش بيحصلها أيه

وبالظبط كده بتطلق المنتدى طلاقا لا رجعة فيه وحتى لو تلاحظوا أو ملاحظتوش إن يمكن

مفيش عملية إشرافية أجريت من حوالى مثلا خمس شهور يعنى لا موضوع إتنقل

ولا إتحذف ولا حدش قال تلت التلاته كام للناس بالعكس تحس إن كلمة إشراف مش

موجودة وأنا ذات نفسى يمكن الإجراء الوحيد اللى خدته هوه تقليل الأقسام وكمان

أهو رجعت فيه وعملت الأقسام وزودتهم وعملت فئة الموضوع المميز علشان نصنف

مواضيع الأعضاء وعملنا مسابقة كمان بفلوس علشان حد يشارك برضو الناس يومين

ومتلقهوش وإحنا عاوزين مستوى ثابت وبرضو مفيش مستوى المشاركين زى المنتخب

كده اول مبارتين كويسين وبعدين كل سنة وأنت طيب.

كمان فيه الفيس بوك الذى إخترق الجو وأكله وشربه وبالطبع لو الفيس بوك ده شىء

مفيد كان مستحيل الناس تشترك فيه وخصوصا المصريين ده الطبيعى بيموتوا فى حاجة

إسمها مضيعة الوقت فأنا حاولت أنزل ألعاب ومواضيع يعنى خفيفة علشان الناس

متجيلهاش حموضة وتروح تعمل إختبارات وتحلل دم وبول على الفيس بوك وبرضو

منفعش فبالله يعنى هنعمل إيه تانى سواء أنا ولا غيرى مفضلش غير إننا نقول اللى

مش هيشارك هنجلده تمانين جلدة ونقطعله إيدية ورجليه وبرضو الناس مش هتشارك

لأن كل واحد ليه ظروفه وتفكيرة وحالته النفسية وأيام الدراسة بيبقى فيه دراسة وأيام

التدريب بيبقى فيه تدريب وأيام رمضان بيبقى فيه رمضان وأيام ذى القعدة بيبقى فيه

ذى القعدة لذلك الناس ممكن تخش إذا إحتاجت فقط لحاجة ولو ضربنا مثال مثلا

هنقول النتيجة هتلقى أمة لا إله إلا الله تخش ونحب المنتدى وسكر وعسل وأيس كريم

لذلك علشان الحال يبقى ثابت وميتغيرش مثلا بإذن الله مش هنعلن أى نتايج هنا ولا هنسعى

فيها لأننا مش بنعرف المنتدى غير فى المصلحة وعلاقات المصالح مبحبهاش وملناش

فيها وإذا كان على المشاركة والتشجيع أنا برحب وكل المشرفين بكل من يحاول ولو

من بعيد بالإرتقاء بهذا المنتدى ومحاولة إثراءة أو زى ما قولت زمااان إننا نكسب

حسنات من وراء العلم وصدقات جارية.

شكرا ليك مرة تاينة يا بشمهندس إبراهيم ومعلش عالتأخير إشمعنى أنا يعنى جت عليا

فى عدم المشاركة !

والله الموفق

free_matrex2010 كتب:

انا لما برد على موضوع مش بيهمنى مين كاتب الموضوع انا
بدخل على حسب نوع الموضوع
لكن اداره ردت ولا لا انا مليش دعوه
انتا غريب يااسد

اقتباس :

الطلب هو تعيين باشمهندس احمد خالد وابراهيم الاسد ونور الهدى وشيميز كمشرفين كما كانوا
كبادرة طيبة من المنتدى لان الناس دى اكيد متميزين فى اقسامهم
والدليل انهم مش بيسيبوا المنتدى

شكرا على كلامك يا بشمهندس أحمد وبخصوص الطلب ده فطبعا أن لا أعارض أحد فى حكاية

الإشراف دى وعمرى ما حد طلب يبقى مشرف وقولتله لأ وكل الأسماء دى تشرفنا كمشرفين

بس يشوفوا عاوزين يمسكوا أقسام إيه وعلطول ياخدوا الرتبة والصلاحيات واللون ويرجعوا

مكانهم والطبيعى بالنسبالى مبنصبش عداء مع أى حد لأننا كلنا بنشتغل شغل تطوعى وبنتجهد

كلا فى مجاله وبحترم ظروف أى حد ورأيه سواء فى الإستمرار كعضو أو كمشرف.

وربنا يتقبل منا صالح الأعمال وشكرا يا بشمهندس إبراهيم لمتابعتك وإصرارك الجميل

على عودة الناس وبشكر كل اللى هيرد وهيتابع إن شاء الله.

والله الموفق