أرجوك !!

أرجوك كفايه ومتقولهاش انا همشي وابعد من نفسي
وسامحني لو قلّيت راحتك او يوم فرضت عليك نفسي
محتاج اقولّك كلمتين .. وبجد بعديهم همشي
واعذرني يعني عشان يمكن تسمعني بس ماتفهمشي
اصل الكلام ده فيه حاجات تتحس بس ماتتقالشي
؟ ؟ ؟ ؟ ؟ ؟ ؟
جرّبت تعمل كل شئ علشان تحبب حد فيك ؟
وتلاقي رد بيوجعك باين في كل كلامه ليك ؟
بس انت عايش ع الأمل يمكن في مره يحس بيك
؟ ؟ ؟ ؟ ؟ ؟ ؟
جرّبت لما تبصله تلقاه اوام يبعد عينيه ؟
وتحس لما تكلمه ان انت حمل تقيل عليه ؟
إحساس محدش يفهمه غير اللي حسه ومر بيــــه
؟ ؟ ؟ ؟ ؟ ؟ ؟
جرّبت لما يكون حزين تبقى انت مش قادر تنام ؟
وان حد قال انه اتجرح تلقى الدموع سابقه الكلام ؟
هو يدوب يقول الـ آآه وانت اللي بتحس الألام
؟ ؟ ؟ ؟ ؟ ؟ ؟
جرّبت تقبل كل يوم يجرح مشاعرك و يدوسها ؟
عمال يحمّل قلبك لوم على كلمه مقدرش يحوشها !
جرب آلامي وابقى قول هتحس ايه لما تعيشهـــــا
؟ ؟ ؟ ؟ ؟ ؟ ؟

أرجوك !! 899620

طبعا كنت عايز اهديها لشخص ,,, لكن !!

جميله جدااااا يابشمهندس اسماعيل
بسيطه ولكن مليئه بالاحاسيس
سلمت يداك

كلمات جميلة جدا مليئة بالاحساس
سلمت الايادى يا بشمهندش

جمييييييييييييييييييله جداااااااا يا اسماعيل

» أرجوك أبقي ,,, فأنا أحبك !!