eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos : 
 |  موضوع: رد: أرجو الرد بجدية من قبل اي بشمهندس  الأحد 20 يونيو - 22:23 | |
| وعليكم السلام ورحمة الله وبركاته أختي الفاضله
أنا معرفش حضرتك تقصدي اي قسم ,لكن هتكلم بشكل عام عن مدني ,, وطبعا مش هقول لحضرتك اني خبير لكن هحكي لحضرتك ملخص اللي حصل معايا
طبعا ,, ومن انا في الكليه كنت بسمع عن (حاجات غريبه عني, لكنها تمت بصله للهندسه المدنيه)
يعني زي الاكواد الهندسيه بس الاجنبيه ,,,, وحاجات تانيه ,, فكنت محتاج لدفعه بسيطه لمجرد فتح الافق مش اكتر
وبناء علي نصيحه خالي (وهو مهندس أيضا) ,,, قمت بعمل دبلومه في الأكاديميه البحريه
درست فيها مواد هي تدرس في هندسه اسكندريه والقاهره والمنصوره لكن لا تدرس في في هندسات الصعيد اساسا
مواد زي quality control & construction managment & economics
حاجات عموما ليها علاقه بالانشاءات ,,,,, فتحت افقي علي حاجات كتير اوي
كفايه اوي ان اول محاضره في ماده من المواد اتعلمت فيها ازاي اقرأ من الكود الأمريكي وازاي افهمه
وفي ماده تانيه الدكتور خلانا نختار paper in english في نفس الماده ونترجمها ونفهمها ونكتب كمان بحث فيها وكمان نعمل presentation بدون اي تدخل من الدكتور
وبعد ما نناقش بنقعد نفهم ايه اخطاءنا ,,, وكمان بيبقي عندنا القدره انه اي بحث انجليزي نقراه ونفهمه ونفك الطلاسم بتاعته كمان !!
ياااااااااااااااااه ,,, كانت بجد احلي ايام
طبعا فيه طرفين للمعادله ,,,, انك تشتغلي جنب الدراسه او تتفرغيلها ,, ودي حاجه ترجعلك
المهم ,,,,,,,, بجنب الدراسه ربنا كرمني بشغل ,,,,, ومن الشغل عرفت انا مثلا (بالنسبالي معرفش اذا كان بالنسبه لباقي المهندسين هيبقي الوضع ازاي)
عرفت اني في اي موقع بيبقي فيه شغل مساحه ,,,, وفي المواقع المحترمه بيبقي فيه توتال استيشن
وعرفت اني كمهندس مدني (خصوصا لو كان مشروع تخرجي مش مساحه) أني لازم أعرف وأستكشف اسبار الجهاز ده
مش أني أشتغل مساح ,,, أنما علي الأقل لما أكون واقف جنب مساح وبستلم منه ولا بيوقع نقط ,, مايشتغلنيش ويلبسني الأونطه  ,,, مجرد معرفه بالاساسيات بس ,, وفعلا اخدت الدوره دي
ودي كانت أولي خطواتي ,,,,, في أني أخد دورات في عالم التنفيذ
كان فيه مشروع دوره تاني بس في التشطيبات ,,, بس لغيتها وأستبدلتها بالبريمافيرا p6 v7 
لأني عارف ان التطور الطبيعي بعد العمل في المواقع ان هشتغل (يوما ما) مدير مشروع ,, وعشان ده يحصل صح ,, لازم علي الأقل تكون عندي درايه عن ادارة المشروعات و البريمافيرا
فمن الأخر ,,,,, موضوع الدورات ده ,,,, بحر وسوق ,,, أيوه سوق زي ماتنزلي المنشيه مثلا ولا هايبر ماركت
تقدري تاخدي مليون دوره بفلوسك ,,,, أنما أنتي محتاجه أيه وايه اللي بجد هيفيدك,,, ده بقي هوه السؤال
وعشان تقدري تحددي ده ,,, لازم تعرفي حضرتك هتشتغلي ايه وفين
بمعني ,,,, هل مثلا هتشتغلي مهندسه موقع ولا فيه مثلا مهندسات رافضين نزول المواقع فبيشتغلوا اما مكاتب design أو مكاتب فنيه
طبعا لو شغل موقع : يبقي انصحك باتك تاخدي دورات في التوتال استيشن ,,, اما اي حاجه تاني فدي ممكن تتعلميها في الموقع نفسه
انما بالنسبه للتوتال ده صعب لأنه غالبا بيبقي جهاز مؤجر ,,, يعني المقاول بيأجر الجهاز عشان يرفعله قطعه الارض
فمش هيسيب اللي وراه ويقعد يعلمك و كده !!,, فعشان كده بنصح بانك تاخدي دوره فيه
أما لو هتشتغلي مكاتب design : يبقي أنصحك برضو ماتاخديش دورات لأن كل حاجه هتتعلميها في المكتب ب
س برضو لو عايزه ممكن تاخدي دورات في الساب او الاوتوكاد او حتي السيف والايتابس علي حسب المتاح واللي انتي عايزاه
أما لو مكتب فني : فغالبا هتشتغلي planner (علي برنامج بريمافيرا) او quantitative survey (حصر كميات يعني)
وطبعا لأن الشغل في الاماكن دي بيبقي ذو مرتب عالي جدا ومميزات خارقه ,, فبيبقوا عايزن مهندسين عندهم خلفيه او خبره
مش مهندسين لسه هيعلموهم ,,, لذلك انصحك بأنك تاخدي دوره عن البريمافيرا وخصوصا p6 v7 وكمان دوره في حصر الكميات باستخدام الاكسل
طبعا اي دوره انا اتكلمت عنها في شرح ليها علي الانترنت ,, مئات المواضيع ومئات الفيديوهات والشروحات في جميع المجالات
عموما ,,,,,,, بالنسبه للدبلومه اللي اخدتها (in progress ,,, w rbna yustorr) فأنا أخدتها في الاكاديميه البحريه فرع الاسكندريه ,,,
وأسمها دبلومة تشييد وادارة مشروعات (construction and project managment)
وأما بالنسبه للدورات ,, فأنا اللي أعرفه في اسكندريه فقط
سنتر المهندسين : ومقره في لوران علي الترام
وسنتر نيوهورايزون : ومقره في رشدي ش أبو قير
وطبعا في سنترات كتير جدا بتدي كورسات تصميم ودورات بريمافيرا واشراف علي التنفيذ
ده كلو لما بحب اعرف اخر الاخبار والمستجدات ,, بروح النقابه نفسها في الشاطبي أو نادي النقابه علي البحر
وبروح علي لوحة الاعلانات ,, وبشوف اخر الاعلانات عن دورات التصميم مثلا ولا البريمافيرا وبتصل علي الارقام وبشوف الاسعار واقارن
طبعا كون ان الدورات تتنشر عندنا في النادي او النقابه ده بيديها شئ من المصداقيه والجديه وأن اللي بيعلن ده فعلا اعلن قبل كده وفعلا بيدي كورسات
وكمان كنت راجع جريدة الوسيط ,,, ودي برضو بيبقي فيها اعلانات ,, وكويسه كمان !!
أكرر ,, ده كلو خاص بالاسكندريه ,, أنما في اسوان فهناك طريقين فقط للدورات
اما معمل virsual lab في الكليه أو النقابه في اطلس ,,,,
طبعا ,, أنا لو قعدت أحكي وأرط (كعادتي الجمييله جدا) مش هنخلص ,,
عموما أتمني تكون أجابتي وافيه علي قد ما اقدر ,, وانا في الخدمه عند اي استفسار
والله الموفق
| |
|
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: أرجو الرد بجدية من قبل اي بشمهندس الثلاثاء 22 يونيو - 18:41 | |
| - اقتباس :
- كانت هتبقي مشكلة لو كنت بعد كل ده كهرباء
لا عادي ولا يهم حضرتك ,,,
وبالنسبه لأستفسار حضرتك ,,, فطبعا أرجح أنك تركزي في التدريب ,,, وتأجلي موضوع الدورات ده لأجازه 3 مدني قبل المشروع مباشره
لأن الدورات عشان تثبت صح عندك لازملها تطبيق عملي ولمده كبيره ,,, والواحد مننا بيفتكر بالعافيه هوه أكل أيه أمبارح
فعشان كده بنصح حضرتك انك تدربي دلوقتي احسن ,,, وفي أجازة 3 تركزي علي برامج الرسم والتحليل الأنشائي لأنهم أكيد أكيد هيفيدو حضرتك في المشروع وتبقي ساعتها بجد فادتك الدورات !!
والله الموفق | |
|
