أنا والفقر ,,!!

(أنا والفقر)

الفقر شيّعلى ناس على قعده عرفيّه
مشاكلنا كترت خلاص ماعادتش مرفيّه
سلـّمته جيبى وكاشف ع الدّوام عيبى
وخد نصيبى وبيطمع كلّ يوم فيّه
,,,,,,,
كتب جواب للنكد يحكم بينى وبينه
رفض يخش ّ البلد والخلق شايفينه
بعت له ابنه لقاه على مدخل الحاره
راكب حماره ومعاه اتنين مساندينه
,,,,,,,,
ماصدرش منىّ جواب ولامسئله اكمنىّ
حسّيت بفقرى الدّكر وعياله ظلمنىّ
لمّا لقانى ف خجل ولسانى متكمم
بسلامته صمّم لياخد حقهم منىّ
,,,,,,,,
يافقر عيب اختشى خلينا أهل وناس
وادّينى فرصة عمل لو هاشتغل كنـّاس
كمّل جميلك بحبّة صبر واتحمّل
ماقدرش اكمّل عزيق وانت فى ايد الفاس
,,,,,,,,,
ياعم ارحم بقى ضيّعت عمرى بلاش
سمّعت بيّا اللىّ يسوى واللىّ مايسواش
ولك عليّه اللىّ يسألنى عن الاحوال
هاقول دا واد عال وانا عنّه مابستغناش
,,,,,,,,,
واللا انت يعنىعشان شايف مافيش تبديل
وماعادش غيرك وبتصفصف عليك ياجميل
باظت خلاص البلد مافاضلش غير صوتك
حطـّيت شروطك ومطـّمـّن مالكش بديل
,,,,,,,,
برتع براحتك خلاص أنا أصلى حبّيتك
مانتش غريب وسطناوالبيت صبح بيتك
والبليه لعبت معاك ونجحت فى الشورة
مابقاتش عوره دى عميت لمّا بارغيطك
,,,,,,,,
لكن ورحمة أبوك لو كان حداك غالى
فى الشعب لو يختاروك ماتقولش وانا مالى
خليك معايا دا ابوك معاشرنى من قبلك
وان متّ قبلك ياريت تتوصىّ بعيالى
,,,,,,,,

» الكفر والفقر
» الازمة الاقتصادية الراهنة تولد المزيد من البطالة والفقر