الحب أثناء الدراسة بين الوهم والحقيقة

تذكير بمساهمة فاتح الموضوع :

هل الحب اثناء الدراسة حب حقيقي ناتج من مشاعر ناضجة ام هو تسالي
هل ممكن العلاقة بين الطرفين تنتهي نهاية طبيعية أم تنتهي بمجرد انتهاء الدراسة
ازاي الواحد ولا الواحدة يعرف نوع المشاعر اللي بيحس بيها
ياريت كل زميل او زميلة له تجربة خلصت ولا لسة موجودة يحكيلنا
شاركونا بالردود والمشاركات

علي فكرة يابشمهندس الكلام ده كلام ناس كبيرة وعمر الناس دي قد سني وسنك مرتين
وعايز اقولك كمان انه الراجل مالهوش الهيام والحياة الوردية اللي هوه مفهوم الحب اليومين دول بحكم رجولته ,انا ممكن اقول انه ده جايز للجنس الاخر بحكم عاطفتهم وطبيعتهم
وعلي فكرة انا عشت كل اللي بتقوله لغاية ما وصلت للكلام ده.
وفي النهاية كل الأحترام برضو للعاطفة.
نجمه

بداية انا بشكر البشمهندس الفرعون العاشق على طرحه لموضوع زي دا في المنتدى.
اما بالنسبة لرأيي في الموضوع فانأ شايفة أنه حلم أرتباط اتنين يكونوا في نفس المرحلة ده شئ صعب جدااااااااا لكنه مش مستحيل .... وممكن اوي يتحقق الحلم ده باالارادة القوية والعزيمة الاقوى بس انا عندي تعقيب :
أنهم يكونوا عارفين مدي مسئوليات الحب والتجربة اللي هما بيعيشوها ويكونوا فعلا اد تحمل المسئولية دي بعدين لان مشوار كفاحهم ورحلتهم مش نهايتها مرحلة الجامعة بالعكس دا كده رحلة تعبهم بدأت بتخرجهم من الجامعة لان الجامعة مجرد سبب او مكان حسوا فيه بمشاعر بعض مش اكتر من كده عشان كده مش ينفع اننا نقول ان كل التجارب اللي في الجامعة تسالي وتضييع وقت .......
بس برضو دا ميمنعش ان في ناس بتشوف ان الجامعة هي مكان لتبادل المشاعر والاحاسيس .... بمعنى حبها دلوقتي وربنا يسهل بعدين ودا طبعا مش صح .
يعني اللي بيحب حب حقيقي وهو في الجامعة مطلوب منه انه يذاكر كويس عشان ينجح على الاقل وميظلمش الانسانة اللي معاه لان فعلا السنة بتفرق في حياة الانسان.....الولد قبل البنت ....وظروف الحياة دلوقتي صعبة جداااااا يعني بجد كتر خير الشباب في المجتمع اللي احنا فيه وصعب انك تلاقي بنت بتتنازل عن كل حقوقها لمجرد حبها وانها تعيش مع حبيبها في بيت ضيق ولقمة قليلة ومش عارفة ايه ..........دا بقى كلام الحواديت اللي ميجبش همه....مش الحب اللي ميجبش همه.......
وربنا يكون في عون كل الأولاد المرتبطين ببنات من سنهم واصغر منهم وربنا يكرمهم ويوفقهم ان شاء الله ويبقى في نصيب بينهم باذن الله.
بس أوعوا تنسونا في الفرح .

الحب موجود فى كل الوجود من ايام أدم وحواء حتى اليوم
المهم ازاى تعرف انك بتحب بجد مش مجرد كلمه بتقولها للبنت وانت فاكر انها لما تسمعها حتترمى بين ايديك

لا اصحى وفوق من وهمك زى ماقالت أصالة

الحب جميل وأجمل مافيه ان الواحد يشعر بمعنى الكلمة الاول وبعدين
مش بالضرورة تقول كلمة بحبك بلسانك لكن انت ممكن تقولها بعينيك وتصرفاتك ودى فعلا

اجمل احساس زى ماقالت اليسا

نكمل موضوعنا ونصدم الشباب واقولهم ان 0.01% او 1 كل 100 شخص ممكن يحب فى الجامعه ويكمل المشوار لحد الجواز أما ال 99 الباقيين بيلعبوا بمشاعر البنات ومشاعرهم هما قبل البنات لان كلمه بحبك كلمه كبيرة أوى أوى ولما تقولها لازم تكون صادقة وخارجة من القلب
رأى شخصى :

بصراحة كل حرف من كلمة بحبك حتندم عليه كتيير وكلامى للشباب كل اما تقول واحدة بحبك وانت عارف انها مش ممكن تكون من نصيبك ومع ذلك بتخدعها صدقنى الكلمة حتفقد معناها فى لسانك ومش حتحس بمعناها بعدين لانها حتفقد بريقها من كتر مابتقولها لواحدة غير مراتك - زوجتك - تخيل نفسك احببت فى الجامعه ل 4 او 5 سنوات وفجاة ضاع الحب لانك لم تستطيع الحفاظ على وعودك وبعد كده لما تلاقى الحبيبة اللى حتكون زوجة المستقبل مش ممكن تشعر بنفس احساسك للبنت اللى قلتلها بحبك لاول مرة لكن فعلا حتندم لما تقولها كلمة بحبك
وعلى فكرة انا رايى الشخصى كمان انه فى ايامنا دى مفيش صداقة بين الشاب والشابة أو الطالب والطالبة لان التجربة اثبتت دى وكمان لان العلاقة تطورت الى الاسوء لكنى أؤيد الزمالة ومالها من حقوق واحترام

:farao: أشكر الجميع علي الردود الجميلة
في معظمها
ونرجو التواصل

الحقيقة أنني سأعدل ردي على الموضوع من باب مسح السذاجات غير المنضبطة ، وأرجو المسامحة ..

رأي باختصار أن علاقة الحب لايمكن إنكارها أثناء الدراسة فهي على أرض الواقع مشاهده وحادثة ولا تحتاج إلا آراء من طراز : فصحنمق حبنيمكتنل : وهم ، أو بتثفغخجلطكيبنلاةزءرظرةؤءوةىلانميل : هلاوس إلخ إلخ ..

إن الوهمية في الحب هي في النتائج وفي البناء وليس في أصل العلاقة .. هذا رأي باختصار

الحب يا جماعة ان كان حقيقي بيبقى صعب جدا وبيبقى فى الجامعة محفز للنجاح والتميز بس لما يكون الحب صادق مش كلام والمقروض تكون قى ايجابية من الطرفين .........يعنى لازم يكون الاهل عارفيييييييييييييييييين..

رعد كتب:: الحب يا جماعة ان كان حقيقي بيبقى صعب جدا وبيبقى فى الجامعة محفز للنجاح والتميز بس لما يكون الحب صادق مش كلام والمقروض تكون قى ايجابية من الطرفين .........يعنى لازم يكون الاهل عارفيييييييييييييييييين..

هو دة خلاصة الكلام بجد

أتفق مع الزميلين رعد ويحيي فيما ذهبا إليه

وهذا هو الحب الصادق الذي نتمناه للجميع وهو ما نبحث عنه

الصراحه انا اتفق معك جدا فى جزئيه الاهل يكونوا عارفيين
لكن يكونوا على الاقل مخطوبيين يعنى معلن للناس كلها مش للاهل بس لان الى شايفهم ما يعرفش ان اهلهم عارفيين بموضوعهم وهيبقوا فى نظرهم ولد وبنت ماشيين مع بعض وعلى ايه وجع الدماغ
كلمه بقولها لكل بنت بتحب من ورا اهلها (لو عاوزك يروح يخطبك)
والى اهلها عارفيين انها بتحب اقولها كما قال الرسول(ًص) اتقوا مواضع الشبهات
صدق رسول الله (ص)
الى شايفينك ما لهمش انك قايله لاهلك انك بتحبيه ليهم انك مخطوبه للشخص ده يبقى خلاص هتبقى خارج نطاق اى شبهات
ودعوه لكل بنت شاغلها موضوع الحب اقولها عيشى فى حب الله حتى تجدى نصيبك

:farao: أشكرك أختي العزيزة علي رؤيتك الناضجة للموضوع
وهذا ما قصدته من طرح هذا الموضوع

والناس بالفعل ملهاش غير الظاهر
أما حب الله فهو قمة الحب وأطهر وأنقي أنواع الحب
ربنا ينعم علينا به حتي نعبر من هذه الدنيا بسلام

صح يا برنس على رأى الريس ستمونى *يا تحب يا تذاكر*

الفرعون العاشق كتب:: هل الحب اثناء الدراسة حب حقيقي ناتج من مشاعر ناضجة ام هو تسالي
هل ممكن العلاقة بين الطرفين تنتهي نهاية طبيعية أم تنتهي بمجرد انتهاء الدراسة
ازاي الواحد ولا الواحدة يعرف نوع المشاعر اللي بيحس بيها
ياريت كل زميل او زميلة له تجربة خلصت ولا لسة موجودة يحكيلنا
شاركونا بالردود والمشاركات

أعتقد أن الحب في الدراسة ذو نتائج كارثية حقيقية ، على مختلف الصعدان ..

الحب مش في كل الاحوال كلام فاضي
الحب ده احساس بنحس بيه بس بدون ارادتنا
ومين عالم مش يمكن يكون حب حقيقي وينتهي نهايه سعيده
وبصراحه ده اللي بتمناه

الحب ده شئ بيحصل فجأة
بس برده الإنسان عنده عقل لازم بيحكم بيه تصرفاته
والحمد لله ديننا الحنيف فيه ضوابط بتحكم هذه الأشياء وخطوات يجب أتخاذها مش هرجلة ولعب عيال
لكن ما يحدث هذه الأثناء في كليتنا لا يقال عنه غير مسخرة وعيال بتلعب .

انا من رأيى ان الحب فى الجامعة لا يصلح بتاتا لانه هناك امور كثيرة هتعطل الحب ده زى
1- الجيش (3 سنوات) يعنى على بال ما يتجوز هتكون العروسة فى سن 25 او 26 يعنى عنست
2- الفترة دى هتخليها تحب غيره وغيره
3- طبعا الاهل هيعترضوا وده حقهم لانى الصراحة شايف ان البنت اللى تتجاوب مع طالب يقولها بحبك دون التقدم بالخطوبة لاهلها يبقى مش كويس والبنت طبعا مش كويسة واى واحد هيقوله بحبك غيره هتحبه ماهى رضيت لنفسها من الاول انها تحب اى واحد يقولها بحبك يعنى الجدع اللى يشدها بكلمتين حلوين
من الاخر لو عجبتك واحده اسألها اذا كانت راضيه ولا لا او استنبط منها اذا كانت راضيه بيك ولا لأ وبعدين روح واطلبها من اهلها والا بقى خلى حبك لنفسك بداخلك ولو كانت من نصيبك هتتجوزها مهما حصل

بسم الله الحمن الرحيم
الحقيقة انا بشكر الاخ ميدو على طرحة هذاالموضوع واحب اقول اننى متزوج من نفس دفعتى وانا من خريجى اسوان

2001 وتمت خطوبتى فى اخر سنة وسط فرحة هائلة من جميع اصحابى والمعدين والدكاترة بعد قصة حب شهد لها

الجميع بالاحترام والحمد لله انا الان مستقر فى حيات ورزقنى الله

بندى ومهند

وانصح الجميع ان الحب الصادق يتحدى اى شئ ويكون حافز للتفوق فنحن والحمد لله كنا من المتفوقين فى الكلية

والان ايضا فى الحياة العملية ودعواتكم لى بدوام النجاح

واتمنى للجيع السعادة والصحة

والى كل المحبين اجعلوا من حبكم شعلة تضئ لكم الطريق

اولا/السلام عليكم بسم الله

�� - الحب أثناء الدراسة بين الوهم والحقيقة - صفحة 2 64699

ثانيا/ انا عاوزة ارد على الموضوع ده خصوصا علشان انا عندى رئ فيه انه ممكن يكون فى حب بين طلب وطالبة
بس مش معنى كده انهم بيكونو بيلعبوا او بيقضوا وقت وخلاص
لانه هو بيحبها وعارف ان فى مشاكيل كتير هتقبله بعد التخرج مش "شغل ومسؤلية وتأسيس بيت وكدا يعنى"
بس اكيد مع تفكيره فى الى بتحبه و انه بيحبها وعاوزها ديما معا هيخلى يستحمل ويسعى لى كده واكيد هى هتكون مختراه صح وانه اد المسؤلية ومش عيل يعنى بيبعت قبله

علشان الحب الى بجد بيجى صح وبجى للاثنين مع بعض وبيكون الاثنين مخترين صح وليقين على بعض اكتر من اى حد تانى
و مش ينفع اى حد فيهم يبقى لحد غير بعض
ويا جماعة لو سمحتوا بلاش نفتكر ان اى اثنين بيقفوا مع بعض بيتكلموا يبقى بيحبوا بعض او فى حاجة بينهم ممكن يكونوا بيعملوا بعض على اساس الزمالة
وانا عارفة انى فى حد ممكن يقولى زملاة مش بيقفوا كتير ماشى ممكن بيكونوا بيعملو بعض على اساس النهم اخوات وده فى بقى علشان انا كده وعندى نفس الموضوع انا بعز انسان قوى قوى وحاسة انى معرفش حد فى الكلية الى هو ومافى حد فى غلوته او فى معزته عندى وبحبوا قوى بس مش معنى كدا ان فى حاجة بنا او فى love يعنى
احنا والله وربنا يعلم اننا بنتعامل على اساس احنا اخوات بجد وبيخاف على زى اخويا بالظبط
وهو كمان مرتبط ومش لازم يبقى مرتبط عاشان نبقى اخوات
ما علينا نرجع لموضوعنا
يا جماعى ممكن يكون فى حب صادق بين اثنين بيدرسوا فى الكلية وان شاء الله بيكونوا لبعض ومش لازم حد فيهو يدبلر او حتى لو حصل هيبقى اكيد مش سببه الحى
علشان " الحب بيقوى مش بيضعف" و "الحب بيطلع لقدام مش بيرجع لورا"
والى بيحب بجد بيعمل اى حاجة علشان يسعد الى بيحبه وكمان عاوز ديما يبقى صح وفى وضع كويس وفى صورة كويسة علشان الى بيحبه سواء كان من ناحية الولد او البت
ومرسى قوى علشان خلتونى اتكلم فى الموضوع ده علشان كنت نفسى بجد اتكلم فيه

بس أعتقد ان الولد ده لو بيحب بنت بجد معنى كده إنه مش هيكون عاوز يعرضها للقيل والقال بمعنى إنه مش كل شوية يوقف معها و لا تكون هى مع اصحابها وتروح تسيبهم علشان خاطره أو العكس فمثلا لى صديقة تحدث معها شخص ليعبر لها عن حبه لها وبالرغم من إنها تبادله نفس الشعور لكنها رفضت ذلك ولكنه بالرغم من كونه لسة طالب تحدث مع اهله و اهلها انه يريد الارتباط بها وحتى لا يشعرها بالاحراج لا يتحدث معها وان حدث يكون فى اطار الدراسة و المذاكرة .

انا اعتقد انه ميعرضهاش للقيل والقال وده طبعا هم الاثنين مشتركين فيه بس على فكرة لو اهلمه عرفين بده اظن الموضوع هيكون اسهل واظن انه هو ممكن يقول في الحاله دى دى خطيبتى واظن لو خبر زى ده في اى كليه بينتشر بسرعه البرق

أشكر الجميع علي مرورهم وردودهم التي أثرت الموضوع

ولكن دعون نتفق أن الحب المعلن والظاهر للجميع وبمباركة الأهل
هو الحب الناضج الذي سينتهي نهاية طبيعية بالزواج وياريت نتروي قليلا في مشاعرنا في هذه الفترة الصعبة في حياة كل منا حتي لا نخسر كل شيء

مش كل حالات الحب في الجامعه تفشل ده يعتمد ان كان حب حقيقي او لالالالالالالالا بس يعتمد ان كل واحد منهم بتاكد من صدق مشاعره و يتاكد من مدي حب الطرف الاخر بس انا من رايي مفيش حب لان الجامعه بروحها هم و مايصدق الواحد يخلص منه

MMMMMMMMMMMMMMMMM,
momken
[ندعوك للتسجيل في المنتدى أو التعريف بنفسك لمعاينة هذا الرابط]

مع احترامى الشديد لكل الردود السابقة كل واحد لازم يعرف ان الحب يطرق بابك فى اى وقت وفى اى مكان والشخص اللى طرق الحب بابة لايمكن يسيبة لازم هيفتحلة الباب دة مهما كان فى مرحلة ثانوى او جامعة لكن الفرق هل هو حب حقيقى ولا حب تسليه كما اسمية ويسمية العديدون ولازم نعرف ان الحب دة مش عيب ولا حاجة بس لازم يكون فية خط علشان يفصلنا ما بين الصح والغلط ولا تلعثمت الامور واصبح خطا بعينه وعامة من لم يحترموا هذا الخط يجب ان يعرفوا ان حبهم هذا حب وهمى لا يخضع لعفاف الحب ولكنه حب تسيره الاهواء والشهوات

» هل الحب الثانى يمحو الحب الاول ؟
» هاذا هو الحب في نظري .فما الحب في نظرك
» اعمل بجد ولا تكن ضحية الوهم
» الوان من الحب (انيس منصور )فارس الحب وفيلسوف العشق
» الحب نظرهـ ام عشرهـ .. الحب بالامس واليوم ..؟؟