مسابقة تصميم دائرة الكترونية للفرقة الثالثة والرابعة اتصالات

السلام عليكم

دمتم جميعا بخير .
ايمانا مني بأن الدراسة النظرية في اي مجال ما دون احتكاك عملي او معملي فلا فائدة منه . فقد فكرت في عمل مسابقة صغيرة الغرض منها تعليم تصميم الدوائر الالكترونية . تفاصيل المسابقة لم تكتمل حتي الان في ذهني وان كنت قد استقريت علي موضوع المسابقة .

وحتي اختيار باقي تفاصيل المسابقة ارجو من طلاب الفرقة الثالثة والرابعة اتصالات الذين تتعلق بهم المسابقة التفاعل والا ستصبح المسابقة ليست ذات قيمة تذكر .

دمتم في رعاية الله . والي اللقاء في تفاصيل اكثر في الايام القادمة .

فكرة رائعة يا باشمهندس محمد
وحتشجع طلبة كتيير للإهتمام بالدراسة لمعرفة الفائدة العملية لها
وبالتوفيق
وتم تثبيت الموضوع كإعلان
وان شاء الله الحبار ينشر الموضوع دة
ويجد التفاعل المطلوب

جزاك الله خيرا عن مبادرتك يا بشمهندس محمد وتم عمل إعلان فى البوابة بذلك وننتظر المشاركة

من الأخوة الزملاء بالفرقتين.

والله الموفق

]]size=24]size=18]السلام عليكم ورحمة الله وبركاته

اللهم صلى وسلم وبارك على سيدنا محمد وعلى اله وصحبه وسلم
الفكرة جميله جدا واحب اشكر المهندس محمد سعد وربنا يكرمه باذن الله ويجعله ف ميزان حسناته ويقدره دايما على مساعدة الطلبه الغلابه اللى زينا

طب ويا ترى ممكن طلبة حاسبات لهم ان يدخلوا المسابقة يا باشمهندس محمد ؟

للاسف يايحيي موضوع المسابقة ممكن يكون مايهمش جدا طلبة حاسبات , انا عارف انهم بيدرسوا دوائر الكترونية في الفرقة الثالثة حاسبات بس بعد كده مش بيدرسوها تاني . والغرض من المسابقة تعريف طلبة رابعة بالذات الخطوات العملية لتصميم دائرة الكترونية صغيرة بالاضافة الي تشجيع طلبة الفرقة الثالثة علي كسر حاجز الاقتراب من تصميم الدوائر الالكترونية وفهم الاسلوب المتبع في الخارج لمصممي الدوائر الالكترونية البسيطة منها والمعقدة .

ياريت يا بشمهندس تضمنا معاهم
اولى كهرباء
انا عايز اشترك معاكوا
لو حتى اتفرج فقط

فكرة هايلة جدا
احنا مع حضرتك يابشمهندس ان شاء الله مسابقة تصميم دائرة الكترونية للفرقة الثالثة والرابعة اتصالات 147357

السلام عليكم

المسابقة قد يري البعض انها بسيطة . ولكنها في حقيقة الامر تمس بالفعل الخطوات الصحيحة لعمل تصميم لاي دائرة الكترونية .

وكما قلت من قبل فان المسابقة سيشترك بها طلبة الفرقة الثالثة والرابعة اتصالات .

المسابقة مكونة من مرحلتين :

المرحلة الاولي : خاصة بكيفية استخدام برنامج الاوركاد (OrCad) الذي يستخدم لعمل محاكاة للدوائر الالكترونية . وفي هذه المرحلة سيقوم المتسابق بتنزيل برنامج الاوركاد وتعلم كيفية استخدامه لمحاكاة دائرة بسيطة مثلا . وسيكون زمن هذه المرحلة لا يتعدي 10 ايام .

المرحلة الثانية : وهي المرحلة الخاصة ببناء دائرة مكبر عمليات (OP-AMP) جاهزة علي برنامج الاوركاد ويتم حساب الخصائص المختلفة لهذه الدائرة عن طريق الاوركاد . هذه المرحلة ستتطلب بحث المتسابق عن دائرة مكبر عمليات مكونة من مرحلتين فقط .

المرحلة الثالثة : وهي المرحلة الخاصة بتعلم كيفية عمل التصميم لدائرة مكبر العمليات كي نحصل علي خصائص معينة له . وهذه المرحلة ايضا ستتطلب البحث علي كيفية تصميم مكبر العمليات .

بالطبع هناك تفاصيل كثيرة غامضة بالنسبة لكم . ولكن لنتحدث عن كل مرحلة في وقتها .

وبداية من الغد الاثنين 22 مارس تبدأ المرحلة الاولي الخاصة بكيفية التعامل مع برنامج الاوركاد.

بالطبع هناك نسخ كثيرة برنامج الاوركاد واصدارات متعددة . انصح من سيبدأ في هذه المرحلة باستخدام الاصدار 9.2 نظرا لصغر حجمه . وفيما يلي لينكات لتحميل البرنامج :

[ندعوك للتسجيل في المنتدى أو التعريف بنفسك لمعاينة هذا الرابط]

وباسوورد فك الملفات المضغوطة هو :/http://foro-unlam.blogspot.com

ومن يرغب في برنامج الاوركاد يستطيع ان يأتي الي في اي وقت في الكلية لاعطائه له بدلا من تنزيله .

مدة هذه المرحلة 10 ايام تبدأ من الغد وحتي 2 ابريل . والمطلوب هو تعلم كيفية استخدام برنامج الاوركاد لعمل محاكاة لدائرة الكترونية صغيرة من نوع (CMOS) .

ستقدم الي الدوائر البسيطة , وسيتضمن ذلك مقابلة صغيرة لاختبار مستوي كل متسابق . قبل الانتقال الي المرحلة الثانية .

ولاي استفسارات اخري . يمكن لاي منكم سؤالي هنا في هذا الموضوع او استخدام الايميل الخاص بي :
[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم ورحمة الله وبركاته

اللهم صلى وسلم وبارك على سيدنا محمد وعلى اله وصحبه
كان عندى استفسار صغير هو ليه الموضوع ده ميبقاش فى الاجازة يا بشمهندس يعنى حضرتك عارف ومجرب ضغط المواد والمشروع واحنا بالنسبة لنا مواد الترم التانى ربنا وحده اللى يعلم بيها وربنا يستر وييسر الامور باذن الله

ياريت يابشمهندس يدخل مع ثالثة ورابعة حديثى التخرج للمعرفة بالبرنامج

اقتباس :: ياريت يابشمهندس يدخل مع ثالثة ورابعة حديثى التخرج للمعرفة بالبرنامج

مفيش مشاكل ياباشمهندسة . بس فعلا الواضح انه مفيش حد اساسا هيشترك ولا هيشتغل . ده توقعي من البداية . ولكن صبرا لمدة يومان ثم سيلغي الموضوع تماما .

بارك الله فيكم .

]فكرة هايلة وأعتقد انها مفيد جداً للطلبة وإن شاء الله يستفيدو منها..

ربنا يعينك ويوفقك يا بشمهندس محمد.

الفكرة جميلة جدا يا باشمهندس
و إحنا عندنا استعداد نشارك
بس ممكن حضرتك تستنى شوية لما ننشر الموضوع وسط زميلنا فى الكلية

السلام عليكم ورحمة الله وبركاته
فكرة جامدة جدا يا بشمهندس وبجد انا من اول الناس اللى نفسها تشترك بس زى ما قالت زميلتى والله مفيش وقت خالص لو ممكن حضرتك تاجلها للاجازة
بس وساعتها اضمن لحضرتك عدد اكبر يشترك وبالذات من طلبة رابعة اتصالات الغلابة اللى ربنا يتولاهم برحمته
وربنا يجزيك خيرا على هذه الفكرة وننظر منك الزيد دائما بما انك حاسس بما يعنيه الطلبة

اقتباس :: تم الحذف بواسطة Eng_HOSSAM

ممنوع الخوض ف اي نوع من الدعايه أو الإعلانات بدون ارجوع إلي الإداره

السلام عليكم ورحمة الله
جزاك الله خيرا يا بشمهندس على الفكرة الهايلة دى
وياريت متتلغيش عشان احنا بجد محتاجينها علشان نكسر حاجز المواد النظرى اللى بناخدها فى الكليه
وبجد انا هاقول لكل اصحابى عشان يشتغلوا فيها
بس ياريت يا بشمهندس تصبر شوية علشان نبلغ عدد اكبر
ومش هلاقى كلام اشكر حضرتك بيه غير كلام سيدنا محمد صلى اللله عليه وسلم
( إن الله وملائكته وأهل السماوات والأرض حتى النملة في جحرها وحتى الحوت ليصلون على معلم الناس الخير )

موضوع الشغل في الاجازة ده ماينفعش ياباشمهندسين لسبب واحد . ان الموضوع محتاج متابعة مني ليكم ومتابعة منكم واسئلة ليا . عشان كده ماينفعش لان الناس بتسافر في الاجازة . اكيد طبعا اللي بيطلبوا ان الموضوع يتأجل من اسوان . ولكن انا زي ماقلت الموضوع جاري ومستمر وانا صابر لغاية فترة معينة وبعد كده هلغي الموضوع خالص . لاني للاسف مش عامله لنفسي .

اتمني الناس تبقي مقدرة اني دي حاجة بتعمل ضغط عليا اكتر , يعني انا مش مستفيد حاجة وعايز الناس بس تبقي فاهمة الدوائر الالكترونية عامة تصنيعها بيتم ازاي . وفعلا لو مشي الموضوع زي ماكنت مخطط هنقصنا بعد كده موضوع التصنيع بس . وده يعتبر عائق مادي فقط لا غير.

اتمني من طلبة الفرقة الثالثة اتصالات بالخصوص يهتموا شوية .

اولا فكرة جامدة جدا ورائعه جدا يا بشمهندس محمد
بس انا ليا طلب معلش اصبر مش شوية لا شويتين على الطلبة بتوعنا لانهم شوية مريحين بس فيهم ناس كويس وانا اقترح على ادارة المنتدى انها ممكن تبعت على الايميلات عشان محدش يكون عنده حجة انه معرفش
ومرة تانية اصبر عليهم شويتين او تلات

طب ومفيش حد فى بور ناوى يعمل حاجة زى كده ياجماعة احنا خلاص كبرنا وفاضل لنا سنة ونمشى ياريت حد من البورجية يتحرك ويشد حيله معانا واحنا والله حناخد الموضوع بجدية وياريتك يابشمهندس كنت بورجى يالله الحمدلله ياجماعة حد يتحرك بقى

اقتباس :: طب ومفيش حد فى بور ناوى يعمل حاجة زى كده ياجماعة احنا خلاص كبرنا وفاضل
لنا سنة ونمشى ياريت حد من البورجية يتحرك ويشد حيله معانا واحنا والله
حناخد الموضوع بجدية وياريتك يابشمهندس كنت بورجى يالله الحمدلله ياجماعة
حد يتحرك بقى

سبحان الله , كلامك ضحكني بجد . انتي بتقولي ياريت كنت بور وانا بقلك ياريت كنتي اتصالات. عارفة ليه لان مفيش حد اشتغل ولا هيشتغل . وعامة انا ما انصحش اي بورجي ولا غيره يعمل حاجة من دي .

سلام عليكم .

ليه بس كده يابشمهندس انشاء الله حد بورجى كده ربنا يهديه للموضوع ده ونشتغل بقى انا والله العظيم من ساعة مدخلت الكلية دى وانا حاسة نفسى فكتاب فين المشاريع والمسابقات والبحث العلمى اللى كنت بحلم اعمله فالكلية دى والله شكلى حطلع منيها وانا محققتش الكام هدف اللى دخله عشانهم الكلية دى غير انى حيبقى اسمى مهندسة بلا هندسة . الهندسة اللى فخيالى طبعا يياااااااااه انا نفسى اعمل حاجة بقى لان فيه اهداف مينفعش ااجلها لغاية ماتخرج حد يتحرك بقى يابورجية

السلام عليكم
بشمهندس محمد سعد ياريت لو حضرتك تدي للناس فرصة اخيرة لان اعتقد ان ناس كتير متعرفش الموضوع لو حتى يبقى فيه اعلان
عند معمل اتصلات او اي مكان عشان محدش يبقى عنده حجة انه معرفش
لان الموضوع دا هيفيدنا جدا جدا وخصوصا حضرتك عارف مستوانا المعملي شكله ازايي مسابقة تصميم دائرة الكترونية للفرقة الثالثة والرابعة اتصالات 9868

مسابقة تصميم دائرة الكترونية للفرقة الثالثة والرابعة اتصالات 9868

بسم الله الرحمن الرحيم
السلام عليكم ورحمة الله وبركاته
ممكن اشترك معاكم وتكوني دي بداية رجوعي إلي المنتدي
واتمني لكم من اعماق قلبي وروحي كل خير

» دائرة الكترونية
» طلب بخصوص مواد السنة الثالثة والرابعة
» اكثر من 25000 دائرة الكترونية بين ايديك !!
» لطلاب الفرقة الثالثة والرابعة حاسبات ( مادة الاختبارات الكهربية )
» الأن يمكنك تصميم دائرة الراديو am الخاصه بك شرح عملي مبسط وبالصور ,,,Building An AM Radio RLC Circuits