سؤال بسيط

السلام عليكم ورحمة الله وبركاته
سؤال بسيط اتمني ان اجد اجابة مقنعة عنه
اذا كنتم تريدون المنتدي منتدي هندسي فقط وتعتبرون الاقسام الغير هندسيه شئ يشين منتداكم وتحاولون التقلص منه علي قدر ماتستطيعون وتهميشه حتي كاد ان يختفي فلماذا سمحتم للاعضاء من غير المهندسين ان يسجلوا فيه ولماذا لم تشترطوا للتسجيل ان يكون العضو ممن ينتمي لهذه المهنه
اتمني انه اذا لم يكن لنا مكان بينكم ان تعلمونا بذلك وتلغوا عضويتنا
وشكراً جزيلاً
والله الموفق والمستعان

السلام عليكم ورحمة الله

أنا طبعاً مش من الإدارة ولكن ليا رأى بسيط
فأنا من الذين يريدون ان يكون المنتدى ذا فائدة تستفيد منه كل من يدخله
وان يكون له طابع خاص يعكس ما أنشأ من أجله وأعتقد ان ليس المطلوب هو
أن يكون هندسى بحت بمعنى أن تكون المواضيع هندسية فقط طبعا هذا لم ولن يكون أبدا
وإلا لم نكن ندرس الفيزياء والكيمياء والرياضيات وعلوم الحاسب فى بداية دخولنا للكلية
وفى مرحلة الإعداد للتشعب خلال الأقسام الهندسية المختلفة ، وإذا ما تشعبنا ودخلنا قسم هندسى
بعينه هل معنى هذا أننا فى الكلية أولاً وفى باقى حياتنا بشكل عام أن نستغنى عن باقى العلوم
الغير هندسية التخصص بالطبع وبدون أى تفكير الإجابة واضحة جداً.
هذه هى وجهة نظرى أن ليس معنى أن يبقى المنتدى هندسى هادف أن يكون مرتاديه مهندسين
فقط وأن تكون موضوعاته هندسية فقط كما نعلم أن كل العلوم ترتبط ببعضها البعض وكل فروع
من فروع العلوم يخدم الفرع الآخر ، ولكن ما اتمناه ان يكون المنتدى هادف ومفيد فى المقام الأول
وأن يعكس وضع كليتنا فى المقام الثانى بمعنى ان نعيطه ميزة ولمسة خاصتنا.

تقبلو تحياتى ،،،، وعذراً للإطالة.

أنا بصراحه مش عارف أقول لحضرتك أيه !!

أنا نفسي مش عارف ليه ده ,,,, ومستغرب !!

أنا فاكر لما اتقفل قسم الحب ,,,, أتعمل الأستفتاء ,,,, ولما كانت النتيجه الأغلبيه ,,, أتقفل القسم

بس علي الأقل أتعملت حاجه تبين أننا كلنا بناخد القرار مع بعض !!

أنما أقسام بالكامل تتقفل وتدمج في قسم واحد ,,,, وبالطريقه دي بدون أي تنويه مسبق ,,!!

أعتقد أن الموضوع محتاج تفسير ,,,, وإلا يبقي أنا شايف اني ماليش لزمه في المنتدي !!

السلام عليكم

بالطبع أرحب فى البداية بآرائكم ونقدكم ولكن أنا لا بصراحة منذ قديم الزمان سوى آراء ونقد

إنما تنفيذ أو إلتزام من الجميع بالقوانين لا يوجد !!

طبعا كلامى موجه للجميع وليس لأحد بعينه فنحن نضع القوانين منذ ثلاث أعوام وتخرق ثم

نصحح ونذكر وتخرق ونصحح ونزيد وتخرق أيضا وساعة الخناق لا يوجد أحد والكل لديه

الحق والكل ملهوش دعوة والناتج الأخير خناق دائم ومواضيع غير قيمة وعزوف أيضا

فى المشاركة !!

المنتدى أخوتى المهندسين يكبر وعدد المشرفين الكفء وأكرر الكفء الذين تنطبق عليهم

قواعد الإشراف ويتابعون جيدا قليل جدا ولإحكام المنتدى لا بد من وجود عشرات المشرفين

بالطريقة التى أنتم تحبونها وهى مثلا عدم الدمج ونحن لا نستطيع ذلك ولا يوجد لدينا

مشرفين أو وقت لعمل كل هذا وتحتاج لعشرة أفراد كى تقنع شخصا ما أنه مخطأ وأخيرا

لا يقتنع ولا ينتهى الأمر إذن فالحياة ستصبح صعبة والمنتدى سيتهاوى للآسف والكل

يبتعد ويمتعض فقط دون إصلاح.

لذلك وضعت مواضيع لأخذ آرائكم من البشمهندس مصطفى ودعاء وتم إستشفاف ما تريدون

بما تريد الإدارة ويحتم الواقع كى يتزن الأداء فى المنتدى وإن كان الأمر فى البداية سيكون

غير مألوف لديكم فهكذا أفضل من غلق جميع الأقسام الترفيهه التى تسبب المشاكل دائما

والخلاف بيننا وأفضل مثال على هذا القسم الجديد منتدى بوابة داماس وهو تقريبا هندسى

وعام ويخصصون قسم واحد للترفيه وكذا من المنتديات التى تتبع هذا الأمر.

فلطفا وليس أمر يجب أن نغلق الباب على هذا الموضوع لأن قرار الدمج تم ويا ريت

الناس تثق إنى لا أريد حجر آراء أحد أو الإضرار بالمنتدى ولكن كما قولت كله للصالح

العام وتأخيرى فى الإعلان بسبب طول وقت الدمج وإنه لأمر متعب ويحتاج وقت.

المهم أخيرا يا ريت وأكرر أرجو أن تتفهمو الأمر ولنبدأ فى إثراء القسم الجديد بمواضيع

هادفة ذات قيمة ونحن لم نحذف أى موضوع كله موجود بالقسم الجديد إن شاء الله.

ملحوظة : أى إعتراض من المشرفين أو المراقبين المفروض ميبقاش على العام يا سادة

ويبقى فى قسم المشرفين الكرام.

والله الموفق

أوكيه اللى تشوفه بس يا بشمهندس هانى المفروض فيه أستفتاء أى حاجه ,طيب بلاش أستفتاء المفروض أننا من الأداره أدينا علم بالموضوع بلاش دا ودا .

بشمهندس هانى شوف منتدى حلوان بلاش دا شوف منتدى عين شمس بلاش دا كمان شوف بتاع قنا بلاااااش دولا كلهم شوف بتاع أسكندريه ,دول كلهم فيهم أقسام ترفيهيه كتيره جدا جدا جدا ومحدش أشتكى ومحدش قال أى حاجه .

ومعلش شوفى ردى ف موضوع جودزيلا وموضوع البشمهندسه دعاء.

وهل حضرتك كدا بالحركه دى حتقلل المشاكل دا صعب جدا لا مستحيل .

ع العموم اللى حضرتك تشوفه صح أعمله .

ومعلش أنا مش حقدر أكمل ف الأشراف طالما مشينا بسياسة الأمر الواقع الله أعلم حيصل أيه تانى .

يا جماعه الموضوع مش مستاهل كل ده

اولا محدش قال ان الأقسام الغير هندسيه تشين لمنتدانا لا سمح الله بالعكس

ده فيه موضوعات غير هندسه لها نفس قيمة واهميه بعض الموضوعات الهندسيه زي موضوعات قسم العلوم و التنميه البشريه و كمان البيت بيتك

بس ايلي حصل ف الفتره الأخير من استهتار بالأقسام دي هو سبب القرار ده

وزي ما قال هاني ..... اننا مش هنقدر نتحكم ف الأقسام دي إلا لو توفر عدد من المشرفين الكفئ ايلي يقدروا يتواجدوا بصفه مستمره ف المنتدي

وده صعب جداااا جدااااااا

انما لما يبقي مجموعه من المشرفين بيراقبوا قسم واضح فأعتقد ان ده اسهل و اضمن ف الرقابه

وياريت يا جماعه نهدي ومنخلش فكرنا يروح لبعيد ونرجع للمشاكل تاني و احنا ما صدقنا خلصنا منهاا

Leave Me Alone كتب:: أوكيه اللى تشوفه بس يا بشمهندس هانى المفروض فيه أستفتاء أى حاجه ,طيب بلاش أستفتاء المفروض أننا من الأداره أدينا علم بالموضوع بلاش دا ودا .

بشمهندس هانى شوف منتدى حلوان بلاش دا شوف منتدى عين شمس بلاش دا كمان شوف بتاع قنا بلاااااش دولا كلهم شوف بتاع أسكندريه ,دول كلهم فيهم أقسام ترفيهيه كتيره جدا جدا جدا ومحدش أشتكى ومحدش قال أى حاجه .

ومعلش شوفى ردى ف موضوع جودزيلا وموضوع البشمهندسه دعاء.

وهل حضرتك كدا بالحركه دى حتقلل المشاكل دا صعب جدا لا مستحيل .

ع العموم اللى حضرتك تشوفه صح أعمله .

ومعلش أنا مش حقدر أكمل ف الأشراف طالما مشينا بسياسة الأمر الواقع الله أعلم حيصل أيه تانى .

يا بشمهندس أحمد إحنا هنا بنختلف عن المنتديات اللى ذكرتها دى لأن إحنا مش محتاجين أمثلة على حد

ولنا طريقنا اللى بنسلكه الخاص وفكرنا الخاص بينا وبرضو مش هنبص للأوحش ونقلده والمنتديات اللى بتذكرها

دى أخر مواضيع فيها كلها ضحك ولعب وجد وحب يعنى ليست ذات قيمة ومش معنى إن إنى محدش إتكلم

منهم يبقى هما صح وغير كده المنتديات دى والحمد لله بتأتى ورانا فى الترتيب يا بشمهندس وممكن تقارن

لذلك يا ريت نبص لفوق مش لتحت.

بخصوص الحركة دى فهيا مش حركة ده قرار يا بشمهندس وإن شاء الله هيكون الأفضل وبخصوص الأمر

الواقع فأنت أهو برضو بتقول يا قسم الصور يا أمشى مفرقتش كتير.

المهم أنا كأنى مشفتش حاجة خالص بخصوص الإشراف وخللى بالك يا بشمهندس فيه فرق بين الإشراف والإدارة

وبلاش نخلط وأنت دلوقتى هتمسك قسم أكبر وأفضل وإستقالتك تعتبر لاغية لأنها غير مستوفية الشروط لأن ممنوع

أساسا تلوح بإستقالتك أو تفتح بيها موضوع ويكون الأمر عالخاص فقطط.

والله الموفق

يا بشمهندس هانى أنتا قولت أن الموضوع لأن مفيش مشرف كفء يتابع الأقسام دى فبما أن حضراتكم شايفين أنى مش كفء ومش متابع المنتدى فأنا على هذا الأساس بطلب الأنسحاب

ومعلش انا برضه مش بحب سياسة الأمر الواقع فكدا حضرتك أتخطيتنى تماما .

Leave Me Alone كتب:: يا بشمهندس هانى أنتا قولت أن الموضوع
لأن مفيش مشرف كفء يتابع الأقسام دى فبما أن حضراتكم شايفين أنى مش كفء ومش
متابع المنتدى فأنا على هذا الأساس بطلب الأنسحاب
ومعلش انا برضه مش بحب سياسة الأمر الواقع فكدا حضرتك أتخطيتنى تماما
.

يا ريت يا بشمهندس تفهم كلامى صح أنا قايل مفيش عدد
مشرفين كفء يتابعوا ومخصتكش بالذكر

وبخصوص التخطى والكلام ده فأعتقد يعنى أننا وصلنا لطريق مسدود والمفروض يا
بشمهندس تتذكر

إن مفيش منتدى ولا حتى المنتديات اللى ذكرتها بتحصل حالة الحوار دى أو
يكسروا كلام المدير إنما

لعل الأمر خير يا بشمهندس وسأنفذ لك رغبتك ويا ريت كل اللى عاوز ينسحب زى
البشمهندس يبعت

على الخاص رسالة بكده ورغباتكم أوامر.

ويغلق الموضوع لغاية هنا كفاية

والله الموفق

» تعليق بسيط
» اختـبــــــار بسيط
» موفع مفيد و بسيط فى الشبكات
» اختبار بسيط للذكاء ادخل وشارك
» بسمة و دمعة.....موضوع بسيط جداا